Prokuroria e Posaçme (SPAK) ka mbyllur hetimet dhe ka dërguar për gjykim dosjen në ngarkim të kreut të Bashkisë së Tropojës, Rexhë Byberit dhe nënkryetarin, Abedin Kërrnaja.

Byberi dhe Kërrnaja akuzohen për  “Shpërdorim detyre” (më shumë se një herë), e kryer në bashkëpunim.

Sipas SPAK, Byberi, në cilësinë e Kryetarit të Bashkisë Tropojë, ka kryer veprime/mosveprime në mospërmbushje të rregullt të detyrës, në kundërshtim me Vendimin e Këshillit të Ministrave “Për Miratimin e Rregullores së Zhvillimit të Territorit”, gjatë procesit për hapjen e rrugëve, sipas projekteve të miratuara nga Këshilli Bashkiak.

Konkretisht, për kryerjen e punimeve për hapjen e një rrugë të re, subjekti i interesuar duhej të aplikonte në sistemin elektronik e-leje pranë Bashkisë Tropojë, si institucioni vendor që ka tagrin të shqyrtojë dhe miratojë lejen e ndërtimit të infrastrukturës, pasi të ketë verifikuar plotësimin e dokumentacionit të nevojshëm tekniko-ligjor nga aplikuesi siç parashikohet legjislacioni për këto lloj punimesh.

Konkretisht neni 15 i VKM-së ka saktësuar dokumentet tekniko-ligjore që duhen depozituar në sistemin e-leje gjatë aplikimit të kërkesës për leje ndërtimi të infrastrukturës.

Gjithashtu, Bashkia Tropojë duhej të bashkëvepronte me institucionet e tjera kompetente për ndërtimin e rrugës si: Agjencia Kombëtare e Mjedisit për hartimin e Raportit të Vlerësimit për ndikimin në mjedis, si edhe me Ministrinë e linjës (parashikuar në sistemin elektronik e-leje), për impaktin e ndërtimit të rrugës së re dhe pasojat e këtyre punimeve të ndërtimit.

Rezulton se hapja e rrugëve sipas projekteve të miratuara nga Këshilli Bashkiak është bërë në kundërshtim me aktet ligjore e nënligjore në fuqi duke sjellë një dëm prej 277. 611.520 (dyqind e shtatëdhjetë e shtatëmilion e gjashtëqind e njëmbëdhjetëmijë e pesëqind e njëzet) Lekë.

Bazuar në legjislacionin përkatës në fuqi, në analizën e rrethanave të faktit të provuara, dokumentacionit të administruar, marrjen në pyetje të dëshmitarëve dhe verifikimin me kujdes të çdo detaji, arrihet  në konkluzionin se: shtetasi Rexhë Byberi, në cilësinë e Kryetarit të Bashkisë Tropojë, në bashkëpunim me shtetasin, Abedin Kërrnaja kanë kryer veprime/mosveprime që përbëjnë mospërmbushje të rregullt të detyrës, të kryera në kundërshtim të VKM Nr. 408, datë 13.5.2015 “Për Miratimin e Rregullores së Zhvillimit të Territorit”, për hapjen e rrugëve duke sjellë dëme, në vlerën e përcaktuar nga akti i ekspertimit.

Njoftimi i SPAK

Prokuroria e Posaçme Kundër Korrupsionit dhe Krimit të Organizuar ka paraqitur kërkesën për dërgimin në gjykim të çështjes penale në ngarkim të kryetarit të Bashkisë së Tropojës, Rexhë Byberi dhe Zv/Kryetarit të Bashkisë z. Abedin Kërrnaja, pas përfundimit të hetimeve në kuadër të procedimit penal nr.1 të vitit 2024.

Të pandehurit janë akuzuar për veprën penale “Shpërdorim detyre” (më shumë se një herë), e kryer në bashkëpunim, parashikuar nga neni 248 dhe 25 i Kodit Penal.

Nga të dhënat ka rezultuar se i pandehuri Rexhë Byberi, në cilësinë e Kryetarit të Bashkisë Tropojë, ka kryer veprime/mosveprime në mospërmbushje të rregullt të detyrës, në kundërshtim me Vendimin e Këshillit të Ministrave Nr. 408, datë 13.5.2015 “Për Miratimin e Rregullores së Zhvillimit të Territorit”, gjatë procesit për hapjen e rrugëve, sipas projekteve të miratuara nga Këshilli Bashkiak.

Konkretisht, për kryerjen e punimeve të cituara më sipër, në bazë të VKM-së 408, datë 13.05.2015 (e ndryshuar), për hapjen e një rrugë të re, subjekti i interesuar duhej të aplikonte në sistemin elektronik e-leje pranë Bashkisë Tropojë, si institucioni vendor që ka tagrin të shqyrtojë dhe miratojë lejen e ndërtimit të infrastrukturës, pasi të ketë verifikuar plotësimin e dokumentacionit të nevojshëm tekniko-ligjor nga aplikuesi siç parashikohet legjislacioni për këto lloj punimesh.

Konkretisht neni 15 i VKM nr. 408, datë 13.05.2015 ( e ndryshuar) ka saktësuar dokumentet tekniko-ligjore që duhen depozituar në sistemin e-leje gjatë aplikimit të kërkesës për leje ndërtimi të infrastrukturës. Gjithashtu, Bashkia Tropojë duhej të bashkëvepronte me institucionet e tjera kompetente për ndërtimin e rrugës si: Agjencia Kombëtare e Mjedisit për hartimin e Raportit të Vlerësimit për ndikimin në mjedis, si edhe me Ministrinë e linjës (parashikuar në sistemin elektronik e-leje), për impaktin e ndërtimit të rrugës së re dhe pasojat e këtyre punimeve të ndërtimit. Ky bashkëveprim parashikohet në nenin 20, pika 6 e VKM nr. 408, datë 13.05.2015 (e ndryshuar).

Rezulton se hapja e rrugëve sipas projekteve të miratuara nga Këshilli Bashkiak është bërë në kundërshtim me aktet ligjore e nënligjore në fuqi duke sjellë një dëm prej 277. 611.520 (dyqind e shtatëdhjetë e shtatëmilion e gjashtëqind e njëmbëdhjetëmijë e pesëqind e njëzet) Lekë.

Bazuar në legjislacionin përkatës në fuqi, në analizën e rrethanave të faktit të provuara, dokumentacionit të administruar, marrjen në pyetje të dëshmitarëve dhe verifikimin me kujdes të çdo detaji, arrihet  në konkluzionin se: shtetasi Rexhë Byberi, në cilësinë e Kryetarit të Bashkisë Tropojë, në bashkëpunim me shtetasin, Abedin Kërrnaja kanë kryer veprime/mosveprime që përbëjnë mospërmbushje të rregullt të detyrës, të kryera në kundërshtim të VKM Nr. 408, datë 13.5.2015 “Për Miratimin e Rregullores së Zhvillimit të Territorit”, për hapjen e rrugëve duke sjellë dëme, në vlerën e përcaktuar nga akti i ekspertimit.

Evidentohen elementë të figurës së veprës penale të “Shpërdorimit të detyrës”, të parashikuar nga nenit 248 i Kodit Penal, në ngarkim të pandehurit Rexhë Byberi, i cili ushtronte detyrën kryetarit të Bashkisë Tropojë si dhe te pandehurit Abedin Kërrnaja, i cili ka mbajtur pozicionin Zv/Kryetarit të Bashkisë Tropojë.

Në përfundim të hetimeve Prokuroria e Posaçme,  ka vendosur t’i drejtohet me kërkesë Gjykatës së Posaçme të Shkallës së Parë për Korrupsionin dhe Krimin e Organizuar, për dërgimin e çështjes në gjyq, në ngarkim të:

Rexhë Byberi, Kryetari i Bashkisë Tropojë, i akuzuar për veprën penale të “Shpërdorimi i detyrës”, (më shumë se një herë), të kryer në bashkëpunim, parashikuar nga neni 248 dhe 25 i K.Penal.

Abedin Kërrnaja, Zv/Kryetari i Bashkisë Tropojë, i akuzuar për veprën penale të “Shpërdorimi i detyrës”, të kryer në bashkëpunim,  parashikuar nga neni 248 dhe 25 i K.Penal.

Prokuroria e Elbasanit ka nisur një hetim për inceneratorin e Elbasanit.

Burime zyrtare nga prokuroria bëjnë me dije se organi i akuzës ka regjistruar dosje penale, ku fillimisht hetimi u hap për veprën penale të “Shkatërrimit të pronës me zjarr” dhe “Ndotjes së ajrit”.
Bëhet fjalë për zjarrin që përfshiu inceneratorin e Elbasanit në korrik të vitit 2023.

Prokuroria po heton për shkaqet e këtij zjarri dhe impaktin e jashtëzakonshëm që ky zjarr pati në mjedis.

Por ndërkohë prokurori Xhelian Seferi ka zgjeruar hetimet më tej ku përveç nenit 151 ka përfshirë edhe nenin 248 të Kodit të Procedurës Penale i cili përfshin veprën penale të “Shpërdorimit të detyrës”.

Prokuroria tashmë është duke hetuar shoqërinë Eco Alb për veprën penale të shpërdorimit të detyrës.

Nga Rigels Seliman

Në një skenë të madhe botërore, Shqipëria po përpiqet të paraqitet si një qendër turistike dhe kulturore, një perlë e fshehur që më në fund po zbulohet. Nëpër panaire dhe evente ndërkombëtare, politikanët shqiptarë reklamojnë një vend që duket si një version idealist i realitetit. Kostume tradicionale, valle popullore të përshtatura për shijet e elitave të huaja dhe slogane që premtojnë një Shqipëri të ndriçuar nga zhvillimi.

Por pas këtij spektakli, një panoramë tjetër po shfaqet: ajo e një vendi që po zbrazet me ritme alarmante. Nga një vend që dikur njohu një rritje të madhe të popullsisë, sot Shqipëria po përballet me një hemorragji demografike. Të rinjtë nuk po ikin për mungesë festash dhe promovimesh, por sepse nuk shohin asnjë të ardhme. Ata e dinë se pas eventeve dhe fjalimeve të mëdha, e përditshmja e tyre mbetet e njëjtë: mungesë punësimi, paga të ulëta dhe një sistem që duket se favorizon të afërmit e pushtetit më shumë sesa njerëzit e thjeshtë.

Ndërkohë, politika shqiptare vazhdon të rrotullohet rreth të njëjtëve aktorë. Sali Berisha, një figurë e etiketuar si e shkuara e errët e vendit, mbetet një pjesë e pandashme e lojës politike. Edi Rama, nga njëra anë, e përqesh si “bufin plak”, duke e trajtuar si një fantazmë politike, por nga ana tjetër nuk mund të ndahet prej tij. Ai e sulmon, e akuzon dhe e përdor si gogolin e së shkuarës për të mbajtur të gjallë frikën dhe për të justifikuar çdo dështim të vetin. Një kryeministër që nuk di të sundojë pa një armik të vjetër është si një aktor që nuk mund të performojë pa skenarin e tij të zakonshëm. Dhe për çudi, Berisha është ende në skenë, edhe pse dikush do të thoshte se ai duhej të ishte tërhequr prej kohësh.

Në fund, ajo që mbetet nuk është Shqipëria e ndriçuar që shitet nëpër panaire, por Shqipëria e heshtur që po shpopullohet. Ndërsa propaganda bëhet gjithnjë e më e zhurmshme, njerëzit zgjedhin heshtjen – ose më saktë, largimin. Historia nuk do të gjykojë nga fjalimet apo spektaklet, por nga gjurmët që do të lihen pas. Dhe për momentin, ato gjurmë janë të një vendi që zbrazet, ndërsa të njëjtët aktorë vazhdojnë të luajnë të njëjtën shfaqje të lodhur politike.

Nga Azgan Haklaj

Sali Berisha që është qënia grabiqtare e përpunuar nga regjimi komunist për vjedhjen e kauzave të pastra studentore të vitit 1990, këtë vetëm një miop politik e konteston dhe nuk e pranon.
Ky fenomen nuk është okazion i sotëm por një rrugë e mbrapshtë sistematike e tij në krye të Partisë Demokratike.
Ai e përjetësoi hap pas hapi strategjinë e vet me veprime konkrete e skandale që nga marsi i vitit 1992 kur bashkoi në qeverinë e tij ish-komuniste- vullnetarë të Hysni Milloshit të tipit Ridvan Bode.
Studentët liberatorë, jo vetëm u tradhëtuan por nën pushtetin e Sali zullumqarit të gjithë u anashkaluan biles dhe u larguan e emigruan rrugëve të botës.
Të përndjekurit politikë si palca e konservatorizmit dhe qëndresës antikomuniste jo vetëm u injoruan por u arrit deri aty sa në korrik të vitit 1994 i rrethoi ata në selitë e tyre me hordhitë e policisë dhe shik-ut duke i gjakosur si në rastin e Kurt Kolës e Elez Allçit.
Pronat e ish pronarëve ua kaloi biznesmenëve të rinj, ish komunistëve dhe oficerëve të sigurimit të shtetit duke lenë me gisht në gojë ata që u sekuestruan e u përsekutuan për më shumë se 4 dekada.
Edhe sot buçasin lëngimet e tyre të pas vitit ’90-të të udhëhequra nga Rrapo Hajredin Danushi.
Kursimet e remitancat e emigracionit i mblodhi në fondacionet fajdexhije të sudeve për të arritur në kalljen e vendit në vitin 1997-të.
Biografia e zezë e Sali zullumqarit nuk ka të sosur për t’u kthyer në kohët e sotme ku ai me hordhi e banda rrethoi e shkatërroi selinë e simbolet e demokratëve duke i rrëmbyer ato haptazi me dhunë, me mbeshtetjen e Edi Ramës me të cilin realizoë ujdinë e burgosjes së demokracisë me asgjesimin e votës së lirë.
Euro-Atlantizmi si baza e aspiratave tona demokratike u shpërfytyrua duke e futur këtë forcë politike perëndimore në armiqësi deri “non grata” me SHBA-në, aleatin e pazëvendësueshëm për mbijetesën e progresin e Kombit tonë.
Ditari i zi i Sali Berishës ka shumë faqe që tejkalojnë edhe triologjitë Balzakjane për të arritur me dt 1 mars ku e vulosi me primaret e famshme në të cilat demokratët e vertetë e qëndrestarë që ende i besojnë u ndjenë sërish të zhgënjyer e tradhëtuar dhe me të drejtë po i nominojnë si pri-marre(turp)!
Po a ka zgjidhje kjo panoramë e zymtë të cilën e pikturoi dora e mendja djallëzore e Sali Berishës duke vijuar përjetësimin e çimentosjen e autokraturës e kripto-diktaturës së Edi Ramës dhe pinjollëve të komunizmit?
Natyrisht që po.
Zgjidhje në demokraci nuk janë pseudo-revolucionet e klithmat gënjeshtare të Berishës por vota e 11-të majit.
Sot demokratët edhe ligjërisht e juridikisht kanë shtëpinë e tyre politike demokratike e EuroAtlantike.
Eshtë koha të mbidhemi të gjithë sa jemi demokratë e demokrate qëndrestarë shqiptarë të zhgënjyer e të papërfaqësuar opozitarë rreth koalicionit EuroAtlantik për t’i kthyer frymën e shpresën vendit e Kombit tonë në rrezik po aq sa edhe në vitin 1913-të kur u copëtua barbarisht.
Sot është koha dhe apeli i fundëm për të dalë mbi veten e egoizmin e sëmurë për hir të lirisë, demokracisë dhe shqiptarisë.
Vonesa e mosorientimi i drejtë do na bëjë të përlotemi si Zelenski por atëherë do të jetë vonë.

Një aksion anti-drogë është duke zhvilluar në jug të vendit dhe deri më tani mësohet se janë shoqëruar disa persona.

Burime bëjnë me dije se policia po ekzekuton 10 masa sigurie, të lëshuara ndaj anëtarëve të një grupi kriminal, të cilin SPAK e ka hetuar prej vitit 2020.

Në Sarandë janë ndaluar;

Bledar Haderi, i njohur për precedentë penalë, me masë sigurimi “Arrest në burg”;

Gelbert Koshi, me masë sigurimi “Arrest në shtëpi”;

Dhurim Logli, me masë sigurimi “Detyrim për t’u paraqitur në polici gjyqësore”

Ndërsa, dy prej të ndaluarve në Delvinë janë Markelian Alinani, trajner i ekipit “Bistrica”, me precedentë të shumtë penalë, dhe Orges Kalo.