Në Tiranë vlera e pronave të konfiskuara të krimit të organizuar dhe korrupsionit, sipas vendimeve të Gjykatës së Posaçme të Apelit për vitet 2022-2024 llogariten në vlerë rreth 7,3 mln euro.
Agjencia e Administrimit të Pasurive të Sekuestruara dhe Konfiskuara (AAPSK) ka publikuar për herë të parë një katalog me pasuritë e konfiskuara në 16 qytetet e Shqipërisë.
Ky katalog përmban një listë të detajuar të pasurive të konfiskuara me vendim gjykate të formës së prerë, duke përfshirë informacion të plotë mbi llojin, vendndodhjen dhe statusin aktual të tyre.
Pasuritë e konfiskuara bazuar në vendimet e Gjykatës së Posaçme të Apelit Kundër Korrupsionit dhe Krimit të Organizuar, kanë kaluar në favor të shtetit.
Në Tiranë vlera e pronave të paluajtshme përshirë apartamente banimi, ndërtesa, ambiente biznesi apo troje llogaritet të jetë rreth 708,504,838 lekë apo rreth 7,3 mln euro.
Në Tiranë pasuritë e konfiskuara janë bazuar në vendimet e Gjykatës së Posaçme të Apelit për periudhën 2022-2023-2024.
Pasuritë e tjera të paluajtshme të konfiskuara gjenden në qytetet si, Durrës, Shijak, Kavajë, Lushnjë, Fier, Vlorë, Sarandë, Gjirokastër, Berat, Kuçovë, Poliçan, Elbasan, Rrëshen, Lezhë, Shkodër dhe Peshkopi.
AAPSK ka sqaruar se katalogu është publikuar në përputhje me kuadrin ligjor në fuqi, veçanërisht bazuar në Ligjin Nr. 34/2019 “Për Administrimin e Pasurive të Sekuestruara dhe të Konfiskuara”, i cili përcakton rregullat dhe procedurat për sekuestrimin, konfiskimin dhe administrimin e pasurive të përfituara në mënyrë të paligjshme.
Sipas ligjit “Për administrimin e pasurive të konfiskuara” pronat e konfiskuara mund të shiten apo të lëshohen me qira nëpërmjet të cilave shteti siguron të ardhurave.
Fillimisht pasuritë e paluajtshme të sekuestruara kalojnë në pronësi të shtetit.
Ligji përcakton se me marrjen dijeni të vendimit të gjykatës për konfiskimin e pasurive, Agjencia, brenda 30 ditëve, u kërkon institucioneve përkatëse për kalimin e pasurisë në favor të shtetit dhe në administrim të Agjencisë. Me kalimin e pasurisë në favor të shtetit, Agjencia përgatit raportin tekniko-financiar me rekomandimet përkatëse për destinimin, mënyrën dhe kushtet e administrimit të pasurisë së konfiskuar.
Ndërsa Këshilli i Ministrave, me vendim, përcakton kriteret e vlerësimit, të mënyrave dhe të procedurave të dhënies në përdorim e të tjetërsimit të pasurive të konfiskuara.
Nga administrimi i pasurive të sekuestruara e të konfiskuara nga shteti përfitohen të ardhura nga: a) dhënia me qira e pasurive; b) administrimi i drejtpërdrejtë apo nëpërmjet të tretëve i veprimtarive ekonomike; c) interesat e përfituara nga depozitimi i vlerave monetare në llogari bankare apo bono thesari; ç) të ardhurat nga tjetërsimi i pasurive të konfiskuara; d) të ardhurat nga shitja e pasurive; dh) të ardhura të tjera në çdo lloj cilësie a burimi të ligjshëm. /monitor
Gjykata e Lartë ka dhënë vendim në lidhje me pjesëtarët e skuadrës së zjarrit në Lazarat, akt i ndodhur një dekadë më parë.
Dosja e grupit që qëlluan me armë kundër forcave speciale do të përfundonte në këtë shkallë gjykimi pasi të pandehurit të dënuar bënë rekurs për shkak të masave të rënda të dënimit që ishin dhënë në shkallët e tjera. Dy prej anëtarëve të grupit sërish janë lënë në burg përjetë ndërsa ata që kanë mundur të përfitojnë ulje dënimi kanë qenë të pandehurit që aso kohe ishin në moshë të mitur.
Në fakt, ngjarja aso kohe bëri bujë të madhe, për shkak se një oficer i Forcave Speciale të RENEA-s, i cili sapo kishte lënë forcat e Armatosura të Ushtrisë për t‘iu bashkëngjitur RENEA-s humbi jetën. U tha se një grup personash iu zunë pritë makina të policisë teksa tentonin të hynin në Lazarat.
VENDIMI I GJYKATËS SË LARTË
Gjykata e Lartë ka shpallur vendimin e saj për rekursin e 11 të pandehurve të çështjes së përfunduar në Apelin e Krimeve të Rënda më 20 nëntor 2018 dhe të ankimuar në shkallën e tretë. Albion Aliko dhe Bajram Boçi mësohet se do të vuajnë dënim me burgim të përjetshëm për sulmin ndaj Forcave Speciale RENEA më 2015, ku u vra efektivi Ibrahim Basha dhe u plagosën dy të tjerë.
Gjykata e Lartë la në fuqi vendimet, ndërsa uli dënimet për dy të akuzuar të tjerë, duke marrë parasysh ligjin për të miturit. Vendimi është marrë më 27 shkurt. Ndërkohë 5 të dënuar të tjerë do të rigjykohen nga Gjykata kundër Korrupsionit dhe Krimit të Organizuar, që lidhen me fashikullin e dytë të dosjes. Gjykata e Lartë nuk ka ndryshuar dënimin ndaj Albion Alikos dhe Bajram Boçit, të akuzuar si anëtarë të të ashtuquajturit “Grupi i Zjarrit” në Lazarat, që sulmoi forcat speciale RENEA gjatë një operacioni ku mbeti i vdekur efektivi Ibrahim Basha, në qershor të vitit 2015. Shkalla e tretë e gjyqësorit ka ndryshuar dënimet vetëm për Alban Alikon dhe Elson Kasmën, që po ashtu ishin të përfshirë në ngjarje, sipas akuzës, duke dhënë 12 vite izolim. Pas shqyrtimit të çështjes, Gjykata e Lartë përcaktoi se ata do të vuajnë nga 12 vite burg, dhe jo nga 20 dhe 18 vjet heqje lirie që ishin dënuar me parë. Rreth dy muaj më parë, po kjo gjykatë ka vendosur të rigjykojë atë që njihet si dosja e parë Lazarati, ku nën akuzë janë Arbjon Aliko, Gërgu dhe Enrik Skënderi, Alfred Proko dhe Beqo Brahimi.
Këta persona u dënuan me 52 vite burg në total, por Gjykata e Lartë ka gjetur shkelje procedurale në vendimin e dhënë nga Gjykata e Apelit dhe në zbardhje e tij. SULMI Në mesnatën e datës 24 qershor 2015, forcat e policisë nisën operacion në zonën e Lazaratit, pasi po qëllohej me armë nga qendra e fshatit. Në momentin që furgoni po afrohej drejt zonës së zjarrit, ndaj tij është qëlluar me armë nga një largësi rreth 200 metra, pasi grupi kishte ngritur një pritë të organizuar. Nga goditjet me armë ka mbetur i vdekur efektivi i policisë, Ibrahim Basha, si edhe janë plagosur efektivët Jetmir Isai dhe Perlat Hamitaj. Më pas procedimi u nda në dy grupe, ku tashmë të ashtuquajturit ‘grupi i zjarrit’ i Lazaratit, u njohën me vendimin e Gjykatës së Lartë për çështjen e vrasjes së efektivit të policisë, plagosjen e dy të tjerëve dhe armëmbajtjen pa leje.
Hollywood ka zbuluar nominimet për çmimet Oscar të këtij viti, të cilat do të nderojnë yjet dhe filmat më të mirë të industrisë së filmit nga 12 muajt e fundit.
Eventi shty dy herë për shkak të zjarreve në zonën e Los Anxhelosit, por nata e madhe mbahet nesër më 3 mars.
Nominimet
Fotoja më e mirë
Anora
The Brutalist
A Complete Unknown
Conclave
Dune: Part Two
Emilia Pérez
I’m Still Here
Nickel Boys
The Substance
Wicked
Aktori më i mirë
Adrien Brody – The Brutalist
Timothée Chalamet – A Complete Unknown
Colman Domingo – Sing Sing
Ralph Fiennes – Conclave
Sebastian Stan – The Apprentice
Aktorja më e mirë
Cynthia Erivo – Wicked
Karla Sofía Gascón – Emilia Pérez
Mikey Madison – Anora
Demi Moore – The Substance
Fernanda Torres – I’m Still Here
Aktorja më e mirë në rol dytësor
Monica Barbaro – A Complete Unknown
Ariana Grande – Wicked
Felicity Jones – The Brutalist
Isabella Rossellini – Conclave
Zoe Saldaña – Emilia Pérez
Aktori më i mirë dytësor
Yura Borisov – Anora
Kieran Culkin – A Real Pain
Edward Norton – A Complete Unknown
Guy Pearce – The Brutalist
Jeremy Strong – The Apprentice
Regjisori më i mirë
Jacques Audiard – Emilia Pérez
Sean Baker – Anora
Brady Corbet – The Brutalist
Coralie Fargeat – The Substance
James Mangold – A Complete Unknown
Skenari më i mirë i përshtatur
A Complete Unknown – Jay Cocks and James Mangold
Conclave – Peter Straughan
Emilia Pérez – Jacques Audiard
Nickel Boys – RaMell Ross and Joslyn Barnes
Sing Sing – Clint Bentley and Greg Kwedar
Skenari më i mirë origjinal
Anora – Sean Baker
The Brutalist – Brady Corbet and Mona Fastvold
A Real Pain – Jesse Eisenberg
September 5 – Moritz Binder, Tim Fehlbaum, Alex David
Një grua 47-vjeçare është gjetur pa shenja jete në banesën e saj në fshatin Shëmrizë, Elbasan.
Sipas policisë, nga hetimet paraprake, dyshohet se 47-vjeçarja i kishte dhënë fund jetës dhe se vuante nga depresioni
“Ditën e djeshme, në banesën e saj, në fshatin Shëmrizë, është gjetur nga familjarët, dyshohet e vetëvarur, shtetasja Sh. N., 57 vjeçe, e cila vuante nga depresioni. Materialet procedurale i kaluan Prokurorisë, me qëllim vlerësimin e rastit”, njofton policia.
Nënkryetarja e Partisë Demokratike – Demokratët Euroatlantikë, Orjola Pampuri, në një postim në facebook, thekson se pas 34 vitesh tranzicion, politika vijon të mbajë peng drejtësinë, ndërsa qytetarët vuajnë pasojat e korrupsionit dhe keqqeverisjes.
Pampuri thotë se shkaktare është klasa politike, pasi pavarësisht premtimeve është përgjegjëse për gjendjen aktuale dhe emigrimin masiv të shqiptarëve.
Ajo thekson se ndërtimi i një Shqipërie më të drejtë dhe të zhvilluar kërkon, forcimin e drejtësisë dhe garantimin e pavarësisë së saj, ndëshkimin real të politikanëve të korruptuar dhe konfiskimin e pasurive të tyre; Rritjen e transparencës dhe zbatimin e vettingut për politikanët dhe një ndryshim rrënjësor në mënyrën se si qeveriset vendi, duke vendosur interesin e qytetarëve mbi përfitimet personale.
Pampuri shton se një shtet ligjor dhe i drejtë do të sillte më shumë besim tek institucionet, do të nxiste investimet dhe do të përshpejtonte rrugën e Shqipërisë drejt BE-së. Sipas saj, fundi i pandëshkueshmërisë nuk është i pamundur, por kërkon vullnet politik dhe një shoqëri aktive për të ndërtuar një të ardhme më të mirë.
Postimi i plotë i Orjola Pampurit:
* E ardhmja e Shqipërisë është vendimtare tashmë pas 34 vitesh tranzicion, ku politika mbante peng drejtësinë, ku politikanë të së njëjtës sërë e me të njëjtat halle, mbajnë njëri tjetrin, ku kusuret e tyre u rëndojnë mbi supe shqiptarëve, ku disa vuajnë ende sot këtu pagat e ulëta, mungesën e meritokracisë, taksat e larta, pensionet skandaloze, ndërsa shumë të tjerë janë larguar.
* Sot pikërisht ata politikanë që ua bënë të pamundur jetesën në Shqipëri, turren t’i mbledhin e t’i tregojnë përralla e premtime boshe pikërisht autorët e tranzicionit 34 vjeçar, pikërisht ata që ua bënë të pamundur gjithçka në vendin e tyre.
• Këta lloj politikanësh duhet të kuptojnë një herë e mirë që siç i njohin e ua dinë tashmë të vërtetat shqiptarët në Shqipëri, ashtu edhe ata në diasporë nuk kanë harruar pse janë larguar nga Shqipëria.
Fundi i pandëshkueshmërisë dhe barazia e politikanëve përballë ligjit janë thelbësore për ndërtimin e një Shqipërie më të drejtë dhe të zhvilluar.
1. Forcimi i drejtësisë dhe pavarësia e saj – Reforma në drejtësi duhet të zbatohet plotësisht, duke siguruar që SPAK, BKH dhe institucionet e tjera të jenë të pavarura dhe të fuqizuara për të hetuar dhe ndjekur penalisht këdo.
2. Ndëshkimi real i politikanëve të korruptuar – Nuk mjafton vetëm hetimi i disa rasteve, por duhet të ketë dënime të qarta dhe konfiskim të pasurive të përfituara në mënyrë të paligjshme.
3. Më shumë transparencë dhe llogaridhënie, prioritet vettingu i politikanëve.
4. Për të pasur një Shqipëri më të mirë, duhet të ketë një ndryshim në mënyrën se si politikanët e shohin pushtetin – si një përgjegjësi ndaj qytetarëve dhe jo si një mjet për përfitime personale.
• Një shtet ligjor dhe i drejtë do të krijonte më shumë besim tek institucionet.
• Investitorët do të ndiheshin më të sigurt për të investuar në Shqipëri.
• Do të zvogëlohej pabarazia sociale dhe qytetarët do të kishin një qeverisje më të përgjegjshme.
• Shqipëria do të përshpejtonte rrugën e saj drejt Bashkimit Evropian.
Fundi i pandëshkueshmërisë nuk është i pamundur, por kërkon vullnet politik, drejtësi të fortë dhe një shoqëri aktive. Vetëm kështu Shqipëria mund të bëhet një vend më i drejtë dhe më i zhvilluar për të gjithë!
Kandidatja e Koalicionit Euroatlantik për qarkun Elbasan, Mirela Karabina, shprehet se Zyra Vendore Elbasan është shndërruar në patronazhiste të pushtetit. Ajo sjell një rast konkret nga Elbasani dhe shprehet se mësuesit ndihen të frikësuar dhe të shantazhuar nga pushteti.
Më poshtë postimi i plotë i Mirela Karabinës:
Tashmë nuk përbën lajm që administrata përdoret politikisht në shërbim të pushtetit dhe në kurriz të qytetarëve.
Por, kur administrata vihet në shërbim të zgjedhjeve, kjo pastaj është kriminale pasi imponon votën dhe orienton atë duke penguar ndryshimin e pushtetit.
Ditën e djeshme në Elbasan, u bëra dëshmitare e një ndodhie të rëndë.
Isha ulur në një tavolinë me dy mikesha mësuese, B.C, dhe L.S.
I dërguam linkun për regjistrim për zgjedhje motrës së L.S. e cila jeton jashtë vendit. Motra e saj e filloi aplikimin por mbeti në gjysmë dhe nuk po e vazhdonte dot. Ndëkohë që filluam të pyesim se si mund të vazhdonte aplikimi, mësueses L.S. i bie telefoni nga ZVA Elbasan (Zyra Vendore Arsimore), kështu u prezantua, duke iu drejtuar me emrin e motrës së saj që sapo ishte loguar në KQZ dhe e pyeti nëse është bërë aplikimi.
Mësuesja e tronditur dhe e trembur më zgjati celularin me shpejtësi dhe mendova që merrnin nga KQZ dhe po sqaroja se ku kishte mbetur aplikimi. Por kur nuk po më jepte përgjigje si duhej dhe ndërkohë që mësuesja më bëri shenjë që ta pyesja se nga e kishte gjetur numrin, e pyeta me kë po flisja dhe si guxonte të merrte një mësuese e ta pyeste për aplikim të motrës.
Më tha që fliste nga ZVA dhe të dhënat ia kishte dhënë drejtoresha e shkollës.Tronditja e mësueses ishte edhe më e madhe pasi me drejtoreshën nuk kishte folur për këtë gjë asnjëherë.
Por kjo tefonatë, siç mësova, nuk ishte rastësore pasi me komunikimin që pata me drejtorë shkollash në Tiranë, sigurisht në konfidencë, më thanë që po, kështu funksion.
Në KQZ janë persona të caktuar që sapo fillon të aplikojë 1,2,3 persona, sinjalizojnë zonën administrative, e zona telefonon individit që ka dhënë emrin për ta konfirmuar.
Tirana më e “sofistikuar”, telefononin nga njësia administrative ndërsa Zyra Arsimore Elbasan “kurajoze”, merr direkt mësuesit.
Megjithatë, dje isha vetë dëshmitare e këtij skandali, telefonata nga ZVA Elbasan erdhi menjeherë pasi u logua në KQZ, dhe “çudia” ishte se e dielë, ditë pushimi dhe ZVA ishte në punë?!
Sigurisht, mësuesit ndjehen të frikësuar dhe të shantazhuar kur institucionet eprore të tyre bëhen pjesë e procesit zgjedhor.
Pra, hapur fare strukturat shtetërore janë kthyer në patronazhistë të pushtetit duke u bërë pjesë e një krimi zgjedhor.
Shënim: Për etikë numrin e celularit nuk po e nxjerr në këtë postim.
Albania. Tirana north city view in the morning 14 february 2024
Autobusët nuk kanë orare fikse, janë të tejmbushur, kundërmojnë erë të keqe. Të marrësh makinë private ka kosto shumë të larta, por të çosh fëmijët në kopsht e çerdhe është e pamundur me transport publik, sidomos kur i ke në distanca të largëta.
Edhe tema e targave teke e çift është qesharake për ne, që makinën private e përdorim për shkak se transporti publik nuk ofron zgjidhje. Nëse transporti publik do të jepte zgjidhje për rastin tim, unë s’do të merrja makinë personale çdo ditë”, thotë Bona nga Tirana, që shpenzon mbi dy orë në trafik çdo ditë dhe përdor makinën e saj.
Bona komentoi në sondazhin e zhvilluar në faqen e Monitor.al gjatë muajit janar, përmes platformës ECR (Engaged Citizens Reporting), e cila përveç pyetjeve me zgjedhje, mundëson dhe që qytetarët të japin opinionet e tyre për çështjet e ndryshme.
Gjithsej u përgjigjën 514 të anketuar, 76% e të cilëve meshkuj. Sipas rretheve, dominoi Tirana, me 92% të të anketuarve, duke e bërë si rrjedhojë këtë sondazh përfaqësues vetëm për kryeqytetin.
84% e të anketuarve nga kryeqyteti u përgjigjën se mendojnë se infrastruktura e transportit publik në qytetin e tyre është e dobët apo shumë e dobët. 13% e vlerësuan mesatare dhe më pak se 3% thanë se ishte e mirë, apo shumë e mirë.
“Frekuenca e autobusëve është shumë e ulët dhe e pastudiuar për numrin e pasagjerëve, oraret e mbërritjes në stacione nuk respektohen (i ndjek shpesh me Google maps kur pres përmes sistemit që u financua nga GIZ).
Nuk kemi nevojë për korsi biçikletash, por për korsi të posaçme autobusësh dhe ambulancash, autobusët të pajisen me pajisje gjurmuese që nëse dikush bllokon rrugën në stacionin e autobusit, menjëherë targa të raportohet në policinë rrugore dhe të gjobitet automatikisht maksimalisht”, thotë Ana.K, femër nga Tirana, e cila shpenzon mbi dy orë në trafik dhe e përdor makinën disa herë në javë.
“Infrastruktura, sidomos transporti publik, është shumë i dobët, pasi ai krijon një pjesë të mirë të trafikut në Tiranë. Nëse transporti publik do ishte siç duhej, atëherë më shumë persona do të zgjidhnin atë në vend të përdorimit të automjetit privat.
Kjo do të sillte uljen e numrit të automjeteve në qarkullim e për pasojë, përmirësimin e trafikut”, thotë Ilir.B nga Tirana, që shpenzon 1-2 orë në trafik në ditë.
“Transporti publik është pa orare të afishuara, pa sinjalistikë në stacione autobusi, dhe pa korsi të posaçme për to. Më shpejt ecet më këmbë se me transport publik. Pret në stacion për autobusin e linjës dhe pritja shkon nga 20-30 minuta.
Për më tepër nuk e di nëse do të vijë autobusi apo jo, që të zgjedhësh dhe ta bësh në këmbë rrugën. Kjo është eksperienca ime me linjën TEG, Kopshti Zoologjik, Stacioni i Trenit. Dhe detyrohesh të marrësh makinën në shumicën e rasteve, sepse je me fëmijë dhe është ftohtë jashtë.
Dhe kur vjen autobusi ka kaq shumë njerëz sa të merret fryma, sepse janë mbledhur shumë nga pritja në stacion”, thotë Elisa nga Tirana, që përdor makinën çdo ditë, shpenzon 1-2 orë në trafik.
10% e përdoruesve të makinave do të përdornin transporti publik nëse…
Nëse transporti publik do të ishte më i mirë në kryeqytet, të paktën 10% e të anketuarve thanë se do të preferonin këtë alternativë ndaj përdorimit të mjeteve private.
“Mungon transporti publik komod, si tren apo tram. Udhëtimi me autobusë nuk të nxit për të lënë makinën ndërkohë që është më i ngadaltë dhe totalisht jo komod në orët e pikut dhe duke pasur parasysh që ka shumë stacione”, thotë një mashkull nga Tirana, që përdor disa herë në javë makinën.
“Aktualisht jam banor i Durrësit që vij dhe punoj në Tiranë. Si në Durrës dhe në Tiranë, nuk ka respektim të orareve nga autobusët, ku me rregull është që çdo 5-8 minuta, autobusi duhet të kalojë në stacion.
Në shumicën e rasteve vonohen mbi 20-30 minuta. Autobusët janë të vjetër dhe jo në gjendjen e duhur dhe ka abuzime mbi oraret edhe nga firmat e transportit për të kursyer para”, thotë një mashkull, që përdor makinën disa herë në javë.
“Pritshmëritë që të përdorësh transportin publik dhe të arrish në punë në orar janë thuajse ZERO! Ndaj përdoret makina dhe bllokohen rrugët!
Nëse arrihet kjo, do të udhëtoja vetëm me transport publik!!”, thotë një mashkull nga Tirana, që shpenzon mbi dy orë në trafik./MONITOR
Prokuroria e Posaçme ka mbyllur hetimet për procedurën e dhënies me koncesion të inceneratorit të Tiranës, ndërsa vazhdojnë hetimet për zbatimin e kontratës. SPAK akuzon 13 persona për veprat penale të korrupsionit dhe shpërdorimit të detyrës për inceneratorin, mes tyre dhe zyrtarë të lartë si ish-ministri i Mjedisit Lefter Koka, ish-deputeti i PS Alqi Bllako dhe 2 ish-drejtorë të Bashkisë Tiranë. Në korrik të vitit të shkuar u lëshuan dhe 8 urdhër arreste të tjera për disa biznesmenë dhe punonjës të kompanisë Integrated Energy, të cilët akuzohen se bashkë me Mirel Mërtirin dhe Klodian Zoton kanë pastruar 20 milion euro.
Agjencia e Pronave të Sekuestruara dhe Konfiskuara ka gjetur në arkën e inceneratorit të Tiranës vetëm 40 mijë euro, ndërsa vlera e investimeve të realizuara në landfillin e Sharrës sipas regjistrave të shoqërisë rezultonte 23.3 milion euro, nga 140.9 milion euro me TVSH që do të duhet të ishte investimi i plotë. Gjatë viteve të operimit, deri në korrik 2023 koncesionari kishte arkëtuar 105 milion euro nga bashkitë e qarkut Tiranë, ku shumicën e kishte bashkia e kryeqytetit me 66 milion euro dhe pjesën tjetër privatët që depozitonin inertet.
“Nga konfirmimi i dhënë nga Agjencia e Administrimit të Pasurive të Sekuestruara dhe Konfiskuara, rezulton se vlera e investimeve të kryera dhe të raportuara pranë Autoritetit Kontraktor deri më datë 31 korrik 2023 nga shoqëria koncesionare ‘Integrated Energy’ është 23.3 milion euro nga 140.9 milion euro që është vlera totale e investimeve për t’u kryer referuar lejes së ndërtimit. Shoqëria ka kryer vetëm 18% të investimeve”, thuhet në dosjen e SPAK.
Të dhënat financiare të bilancit të vitit 2023 i depozituar nga administratori shtetëror, kompania e sekuestruar “Integrated Energy” rezulton se ka 24 milion euro detyrime në formën e kredive dhe taksa të pashlyera, ndërsa janë tërhequr si parapagime 23 milion euro të tjera. Vitin 2023 Integrated Energy realizoi të ardhura në vlerën 15 milion euro, nga ku 40% e tyre ose 6.1 milion euro ishte fitim neto. Nëse do të përdorej ky marzh fitimi me arkëtimet 140 milion euro që ka marrë inceneratori i Tiranës deri më sot, duke llogaritur investimet por dhe parapagimet, do të rezultonin 50 milion euro të zhdukura!
Ku përfunduan paratë?!
SPAK nuk ka rezultuar efiçent në gjetjen e parave dhe pse ka gjurmuar disa transaksione që janë bërë drejt firmës mëmë në Holandë “Geogenix”, si dhe një vlere prej 28 milion euro e cila është faturuar nga kompania “Integrated Technology Services” e Klodian Zotos për punime në incinerator, por që kontrata që kjo firmë kishte me Integrated Energy ishte 2 herë më pak, 15 milion euro. Mospërputhje ka patur dhe me disa pagesa të bëra nga inceneratori i Tiranës në drejtim të firmës ‘ITS’ të Klodian Zotos. Gjurmë pagesash janë konstatuar dhe drejt Bullgarisë, Lituanisë, Portugalisë dhe Turqisë, ndërsa një bankë në Angli ka refuzuar të bëjë transaksionet.
“Nga aktet e administruara rezulton se nga ana e shoqërisë koncesionare ‘Integrated Energy’ janë transferuar shuma të konsiderueshme në drejtim të shoqërisë holandeze ‘Geogenix BV’ në llogaritë bankare që kjo shoqëri ka hapur në shtetin e Turqisë dhe Lituanisë. Për të justifikuar transferimin e shumave monetare nga shoqëria koncesionare në drejtim të llogarive bankare të shoqërisë holandeze ‘Geogenix BV’ janë përdorur fatura fiktive, në bazë të një kontrate të lidhur në datën 28 qershor 2022 mes ‘Integrated Energy’ dhe ‘Gegogenix BV’, ku kjo e fundit merr përsipër furnizimin me një pajisje trajtimi tymrash ne vlerën totale prej 3.2 milion euro, 6 muaj nga data e nënshkrimit. Pajisja nuk ka mbërritur dhe trajtimi i tymrave bëhet si proces pasi nis puna e inceneratorit,” thuhet në dosjen e SPAK.
Hetimet tregojnë se Mërtiri dhe Zoto përdornin një pjesë të parave që merrnin nga inceneratori i Tiranës për të financuar punimet e inceneratorit të Fierit. Madje në disa raste ata kanë probleme me pagesat, ku pas marrjes së kontratës për inceneratorin e Tiranës, vendosin që festën që do të zhvillonin në Sardenja të Italisë ta shtyjnë.
“Hastoçin nuk e heqim dot se janë lekët e veta që ja kemi përdorur ka 3 javë dhe nuk ia vonojmë dot më. Hiq Kinën dhe Sardenjën dhe je në rregull. Kur të futen lekët e tjera ikim në Kinë, Sardenja ka kohë. Faleminderit”, – thuhet në një email që Mërtiri komunikon me punonjësit.
Në një tjetër moment Mirel Mërtiri refuzon të bëjë rritjen e pagave për stafin.
“Çuna me gjithë dëshirën e madhe që kam që t’iu jap lekë pafund këtyre njerëzve, po ju sjell në kujtesë që unë nuk i pres me gërshërë.”
Ndërsa në episode të tjera rrogat e punonjësve shkurtohen për mosrespektim të orarit të punës.
“Përshëndetje, për moszbatimin e emailit të mëposhtëm, të gjithë punonjësve të kompanisë ‘S&E’ do t’i hiqet paga për muajin korrik me 10 000 lekë. Gjithë të mirat,” – thuhet në një tjetër email.
Marrëveshje më Bashkinë e Tiranës
Credits: shteg.org – Bashkia Tiranes plehra
Pasi nisin pagesat nga Bashkia Tiranë situata ndryshon dhe të ardhurat për koncesionin rriten edhe nga një marrëveshje që 3 drejtorë të Bashkisë Tiranë, Ermal Kapllanaj i Policisë Bashkiake, Taulant Tusha i drejtorisë së Punëve Publike dhe Kryeinspektori i Mjedisit Evisjon Salku, nënshkruan me Giusepe Ciaffalgione, administratorin i inceneratorit Tiranë, për të rregulluar aktivitetin tregtar të përpunimit të dherave.
“Qëllimi i kësaj marrëveshje është bashkëpunimi dhe koordinimi midis Policisë Bashkiake në funksion të rolit që ajo ka për monitorimin dhe kontrollin e territorit, Inspektoriati Shtetëror i Mjedisit, Pyjeve Ujrave dhe Turizmit në Tiranë si institucioni me kompetenca për evidentimin, kontrollin dhe marrjen e masave administrative për shkelësit dhe shoqërisë koncesionare ‘Integrated Energy’ si përgjegjëse në bazë të kontratës koncesionare për menaxhimin e të gjitha kategorive të mbetjeve të cilat depozitohen në Sharrë,” thuhet në marrëveshje.
Marrëveshja bie ndesh me kontratën pasi Bashkia Tiranë nuk është autoritet kontraktor dhe nuk është në tagrin e saj që të shpenzojë burime njerëzore për të rritur të ardhurat e koncesionit. Nga ana tjetër e gjithë fusha e veprimit për vendosjen e tarifave të mbetjeve inerte dhe dherave ishte lënë në dëshirën e dyshes Mirel Mërtiri dhe Klodian Zoto.
Fillimisht tarifa u vendos me çmimin 4 euro për metër kub për dherat dhe 10 euro për metër kub për inertet, më pas këto çmime u rishikuan duke bërë ulje për kompanitë që depozitonin sasi të mëdha. Të gjitha firmat e ndërtimit ishin të detyruara që të depozitonin dherat pranë landfillit të Sharrës dhe të paguanin tarifën te kompania Integrated Energy, në të kundërt penalizoheshin nga Policia Bashkiake ose Inspektoriati i Mbrojtjes së Territorit.
Mirel Mërtiri krijoi fillimisht një njësi më vete brenda koncesionit me punonjës që do të merreshin posaçërisht me gjurmimin e të gjithë gropave që do të hapeshin për pallate në Tiranë, kontrollin në sistemin e lejeve që jepeshin dhe më pas do të verifikohej nëse kishin kontratë me shoqërinë ‘Integrated Energy’. Ja se çfarë rezulton nga një email që sekretarja e Mirel Mërtirit u ka nisur punonjësve të landfillit të Sharrës.
“Punonjësit duhet të pajisen me bllok dhe stilolapsa që të mbajnë shënimet gjatë orarit të vëzhgimit, targat dhe duhet të bëjnë foto. Të lexojnë kontratat me subjektet dhe t’i vihet në dispozicion çdo informacion. Të piketohet e gjithë lista e objekteve të hapura për ndërtim në Tiranë dhe të dokumentohet në dosje të veçantë. Të bëhet përpunimi i informacionit të dërguar nga djemtë e ngarkuar për të bërë vëzhgimet. Gjatë mbarëvajtjes së punës, nëse është e nevojshme, të bëhen sugjerime dhe propozime për të përmirësuar procesin e vëzhgimeve. Për çdo objekt që ka marrëveshje do vendoset një person në ngarkim”.
Një tjetër punonjës i landfillit të Sharrës ka dhënë këtë dëshmi në Prokurorinë e Posaçme:
“Pas janarit 2020, jam marrë me monitorimin e shoqërive që operonin në sektorin e ndërtimit të cilat kishin lidhur marrëveshje me ‘Integrated Energy’ për depoztimin e mbetjeve, kryesisht dhera dhe inerte në landfillin e Sharrës. Procesi i monitorimit përbëhej nga disa faza. Si fillim në email-in zyrtar të shoqërisë koncesionare vinte email nga shoqëri që shfaqnin interes për depozitimin e mbetjeve. Pas lidhjes së kontratës me shoqërinë që kishte bërë kërkesën, procesi i monitorimit vazhdonte me vëzhgimin në terren të rregullsisë dhe monitorohej nëse mbetjet i depozitonte në landfillin e Sharrës apo i hidhte dikur tjetër. Po të depozitoheshin në vende të tjera ia komunikoja kontakteve në Policinë Bashkiake të Tiranës dhe kontakteve në Inspektoriatin e Mbrojtjes së Territorit. Me shoqëritë që nuk zbatonin marrëveshjen bëhej shkëputja e marrëveshjes, ndërsa nga ana e Policisë Bashkiake dhe Inspektoriatit të Mbrojtjes së Territorit merreshin masa administrative si gjoba të ndryshme.”
Në disa emaile të punonjësve të kompanisë Integrated Energy rezulton se çmimet e dherave i vendoste Mirel Mërtiri bashkë me Klodian Zoton.
“Përshendetje, të lutem shoqëria “Ferro Beton & Construction. Co” për të cilën me dhe konfirmimin të procedojmë kërkojnë të sjellin edhe mbetje inerte përveç dheut dhe shtufës. Çmimin për inertet t’ia japim 20 Euro/ton pa Tvsh apo çmimin 1000 lekë/ton pa Tvsh që le dhe për shoqërinë “Gjikuria”? – i shkuran Arjola Kodra në një email Mirel Mërtirit, i cili e saktëson se ky ishte çmimi për të gjithë kompanitë në atë moment.
Në disa raste për klientë të caktuar bëhet ulje për çmimin, siç është në rastin e Bashkisë Tiranë.
“Mirëdita Mirel, sapo na erdhi një kërkesë nga Bashkia Tiranë për mbështetje referuar depozitimit të inerteve që do të dalin nga shembja e godinës ekzistuese të Policisë Bashkiake dhe magazinave të tjetra që ndodhen atje dhe dheut që do të dalë nga gërmimi i gropës për ndërtimin e godinës së re. Punimet do të realizohen nga shoqëria ‘Arlis Ndërtim’ në formë dhurate për Bashkinë Tiranë. Bashkia ka kërkuar dhe ne t’i mbështesim duke mundësuar depozitimin e inerteve dhe dherave pa pagesë, si një dhuratë për realizimin e godinës së re të Policisë Bashkiake.” e njofton sërisht shefin e saj Arjola Kodra.
Të njëjtën kërkesë bën dhe punonjësaj tjetër Denisa Tollkuçi.
“Përshëndetje, sapo më njoftuan që subjekti ‘Igor Elektrik’ i cili do të depozitojë mbetje inerte për llogari të Bashkisë Tiranë do të nisë depozitimet ditën e nesërme. Faleminderit” – shkruan Tollkuçi.
Në të dyja rastet rezulton se Mërtiri ka miratuar depozitimin.
“Vazhdoni si është rënë dakord edhe me bashkinë…”.
Përjashtime ka dhe në raste të tjera
Credits: shteg.org – Landfilldi i Sharrës
Dokumentet tregojnë se Arjola Kodra i ka shkruar Mërtirit edhe për raste të tjera të kompanive të përfshira.
“Përshëndetje, subjekti “Edil AL-IT”, ka kërkuar të bëjë depozitim mbetjesh nga përfundimi i objekteve në rrugën Ndre Mjeda, Rezidencën Alba dhe Xhamia e Namazgjasë. Grafik depozitimi nuk ka paraqitur duke qënë se ka sasi të vogël mbetjesh inerte dhe urbane ashtu sikurse ju kanë informuar nga vizita ne terren. Do procedojmë me lidhje akt-marrëveshje apo të vijojmë me depozitim kundrejt pagesës me kupon tatimor?”
Klodian Zoto përgjigjet se depozitimi i dherave do të ishte falas për kompaninë.
“Vazhdoni me depozitimin dhe për sasitë lajmerojini që për efekt që kemi të bëjmë me një ndërtim të kultit fetar do të bëhet falas, pra dhuratë nga shoqëria. Vetëm për mbetjet e xhamisë.”
Për disa tregoheshin muskujt, sidomos kur kishte dyshime se nuk depozitonin të gjithë sasinë e dherave.
“Përshendetje ! Më poshtë email-i i ardhur nga subjekti “Salillari” për projektin e parkimit te 7 Xhuxhat, i nënkontraktuar nga Bashkia Tiranë. Ky subjekt nuk ka dërguar dokumentacionin e plotë (lejen e ndërtimit, grafikun e depozitimeve) dhe konfirmimin për prezencën e një perfaqësuesi të ‘Integrated Energy’ në kantier për vizitë. Më njoftuan për nisjen e depozitimeve sonte në orën 21:00. Si do të veprojmë?”- pyet Enigert Mita.
Këtij emaili Mërtiri i përgjigjet duke kërkuar që Zoto të saktësojë marrëveshjen.
“S’po më pëlqen që ky vazhdon nga p… akoma..Fshatari skraparit bën edhe p…. Ndaje Zoto çfarë ke folur…” – shkruan Mërtiri.
Nëse kishte rezistencë prishej kontrata dhe kompanitë ndëshkoheshin nga Policia Bashkiake ose Inspektoriati i Mbrojtjes së Territorit.
“Bëmë takimin me Merkaj. Unë e deklaroj sasinë tha 15.000 ton por që të rrijë njeri në kantierin tim harrojeni. Vazhdoni rrini skutave siç keni qëndruar dhe mos i zgjoni këta të mjedisit në mes të natës. Mos e trashni dhe shumë se shqiptarë jemi dhe përplasen dhe brirët. Toni ishte me të qetë por që mesazhi u dha.” – e njofton Ilirjan Prifti shefin e tij.
Mirel Mërtiri miraton veprimet dhe urdhëron prishjen e kontratës.
Favorizime kishte dhe në listat e kompanive që rezultonin debitore, majde për këtë kishte dhe një urdhër të brendshëm.
“Për sa i përket depozituesve të dherave për shoqëritë MPI dhe Alesio, maksimumi i cash-it pa klering i lejuar do të jetë 5 milion lekë. Për Ferro Beton do të sjellë Nardi format dhe mënyrën e pagesës. Të gjithë operatorët e tjerë përveç Inerti shpk do të bllokohen nëse vlera e detyrimit kalon 500 mijë lekë. Shoqëritë Rei Ak, Nobi dhe Agicons nuk përfshihen në situatën më sipër (vazhdojnë si mëparë).”-thuhet në dokumente.
Në kulmin e hetimeve të Prokurorisë së Posaçme për aferën e inceneratorit të Tiranës, gjatë vitit 2023, kur Mirel Mërtiri dhe Klodian Zoto ishin në kërkim, rezulton se menaxhimin e landfillit vazhdonin ta bënin ata dhe njerëz të tyre, madje të merrnin sërish para nga tarifa e dherave, të cilat nuk faturoheshin, por merreshin ‘cash’ me ndihmën e një punonjësi të kompanisë Integrated Energy, i cili ia dorëzonte një personi kontakti të Mirel Mërtirit dhe ai më pasi a dërgonte vetë Mërtirit.
Nga data 21 mars 2023 deri në datën 21 qershor 2023 janë dërguar 500 mijë euro. Nga depozitimi i dherave vlerësohet që të jenë mbledhur afërsisht 50 milion euro, ndërsa kapacitetet e landfillit të Sharrës janë drejt ezaurimit dhe mund të nevojiten fonde të tjera buxhetore. Deri më sot për këtë koncesion ku inceneratori nuk ekziston janë paguar 90 milion euro nga buxheti i shtetit dhe afërsisht 50 milion euro nga subjektet private./shteg.org
Sekretari i Përgjithshëm i OKB-së, Antonio Guterres, ka bërë thirrje për rivendosjen e menjëhershme të dhënies së ndihmës humanitare për Rripin e Gazës, të cilën Izraeli e pezulloi dje.
“Vendimi i Izraelit për të ndërprerë ndihmën për Gazën është shqetësues. E drejta ndërkombëtare humanitare është e qartë: duhet të na lejohet qasja për të ofruar ndihmën e nevojshme dhe jetike”, shkruajti në “X”, Tom Fletcher, kreu i Zyrës së Kombeve të Bashkuara për Koordinimin e Çështjeve Humanitare (OCHA).
“Guterres bën thirrje për rivendosjen e menjëhershme të ndihmës humanitare në Gaza dhe lirimin e të gjithë pengjeve”, tha zëdhënësi i tij në një deklaratë.
Izraeli njoftoi sot se po pezullon hyrjen e ndihmave humanitare në Rripin e Gazës, duke akuzuar Hamasin se refuzon të pranojë propozimin e SHBA-së për të zgjatur fazën e parë të marrëveshjes së armëpushimit.
Organizata palestineze e denoncoi menjëherë këtë veprim, duke e përshkruar atë si shantazh, krim lufte dhe një shkelje flagrante të marrëveshjes së armëpushimit, ndërsa u bëri thirrje ndërmjetësve dhe komunitetit ndërkombëtar që të ushtrojnë presion ndaj Izraelit për të ndaluar vendosjen e masave ndëshkuese ndaj Gazës.
Pas përfundimit të fazës së parë të armëpushimit që hyri në fuqi më 19 janar, pas ndërmjetësimit të Katarit dhe Egjiptit me ndihmën e SHBA-së, Izraeli dhe Hamasi nuk bien dakord për vazhdimin e procesit.
Që nga 19 janari, qindra kamionë që transportonin ushqime, furnizime mjekësore, karburant dhe sende esenciale kanë ndihmuar në lehtësimin e popullatës civile prej më shumë se 2 milionë njerëzve që përballen me urinë dhe sëmundjet.
“Duhet të sjellim ndihmë dhe të lirojmë pengjet. Armëpushimi duhet të mbahet”, tha Tom Fletcher.
“Guterres i bën thirrje të gjitha palëve të bëjnë përpjekjet e nevojshme për të shmangur rikthimin e armiqësive në Gaza”, përfundoi ai.
Edhe pse mungoi për disa javë prej një dëmtimi, Malik Çau është ndër lojtarët më të përdorur në prapavijën e Milanit si në kohën e Fonsekës ashtu edhe së fundmi me Konseisaon në stol.
Të dielën Milani pret Lacion dhe lidhur me sfidën e radhës, mbrojtësi gjerman ka deklaruar:
“Nuk jemi në një moment të mirë, por duhet të shohim përpara, të punojmë fort dhe ta fitojmë ndeshjen e radhës që është shumë e rëndësishme për ne. Për mua Lacio është si një finale, duhet të fitojmë me qasjen e duhur. Shpesh bëjmë një punë të mirë në mbrojtje, por ndaj Bolonjës humbëm për shkak të gabimeve individuale dhe jo prej taktikave. Duhet të jemi më të kujdesshëm: është çështje vëmendjeje, jo cilësie”.
Nga Namir Lapardhaja
Rezultati i zgjedhjeve të 11 Majit nuk ishte ai i pritshëm për Koalicionin Euroatlantik dhe për drejtuesin politik të këtij grupimi, Lulzim...
