Nga Azgan Haklaj

Askush sot ne glob, qoftë dhe shtetet me të fuqishëm nuk e mohon faktin se rikthimi i Trump ne Shtepinë e Bardhë nuk i ka trazuar ujërat gjeopolitike botërore.
Qëndrimi ndaj Ukrainës, projekti “Gaza” në Lindjen e Mesme apo dhe votimi i fundit ne Keshillin e Sigurimit janë deshmi e pakontest se një rend i ri botëror po projektohet
Në këtë kontekst të ri, politika e ç’do vendi normal reagon në interesin e vet kombëtar duke vënë në levizje gjithë mjetet dhe lidhjet e saj për tu adaptuar me sukses.
E vetmja që jo vetëm nuk ka reagim adekuat është politika e vjetër shqiptare që tashmë “Berisha-Rama-Meta”!
Ata as verbalisht jo vetëm nuk janë më gardianë të çeshtjes kombëtare shqiptare por per pushtetin e tyre përditë e minojnë atë.
Rasti skandaloz i “Open Balkan” i Edi Rames apo përbetimi i fundit i Sali Berishes në Athine se do ti kthente Greqisë detin qe i takonte flasin qartë per qasjen e tyre antikombëtare!
Dezorientimi i qellimtë politik në Tiranë i ka shtrirë metastazat edhe ne trojet shqiptare në Kosovë e Maqedoninë e Veriut ku liderë të tipit Albin Kurti apo Taravari po rrezikojnë gjakun e mundin kombëtar të derdhur për të fituar ate status të kufizuar të shtetformimit, lirisë e demokracisë për shqiptarët.
Arsyeja e vertetë e dezorientimit politik në Tiranë e më gjerë nuk ka rrënjë moskuptimi por rrënjë të thella korrupsioni tashmë të deshmuar botërisht.
Pra ky lidership është peng kombëtar e ndërkombetar i dosjeve të rënda të krimit ekonomik, ç’farë i bën ata lehtësisht të shantazhueshëm e të deskretituar
.Njëri fal det e kockat e shqiptarëve në Permet i shet për eshtra të rrëmë ushtarësh grek, tjetri jep tokë shqiptare në Lezhë ,Durrës apo Sazan vetëm e vetëm si servilizëm pervers a thua se janë arat e tyre dhe jo tokë e interes kombëtar shqiptar.
E gjithën kjo jo rastesisht por poshtërsisht dhe hapur për të mbrojtur plaçkën e tyre të vjedhur në 34 vite.
Paratë e pista të mykura në qilarë që po hedhin në tregun e zi politik ndërkombëtar e milionat që derdhen prej tyre për blerje votash apo media janë pa limit dhe pa maskë.
Ndaj dhe i janë turrur SPAK-ut në unison për ta shqyer si hijena se falë Zotit është e vetmja pengesë në këtë udhë të mbrapshtë e me pasoja që po ndjek oligarkia politike Berisha-Rama-Meta.
Ne këtë situatë të rëndë që po i serviret Kombit tonë nga Mitrovica në Prevezë, nga Shkupi në Ulqin pikërisht nga politika e kompromentuar shqiptare lipset reflektim i thellë dhe emergjent.
Natyrisht nuk është e thjeshtë dhe as e lehtë por ka dy faktorë të rëndësishëm që e favorizojnë ndryshimin.
-E para është vota si mënyra unike në demokraci për të sjellë ndryshimin dhe koha e ndryshimit është me 11 maj.
-E dyta është qëndrimi i palëkundur i Presidentit Trump dhe Shtepisë së Bardhë për të izoluar e ndëshkuar korrupsionin e autokracinë globale.
Nëse Kombi ynë nuk përfshihet në këtë rrugë rrezikojmë shumë në mënyrë të parashikueshme.
Biles aq shumë sa të arshivojmë përgjithnjë ndihmën e aleatit tonë të përhershëm SHBA-ve , të paktën prej kohës së Presidentit Willson.

Gazetarja Klodiana Lala, e ftuar në emisionin “Të Paekspozuarit” në MCN TV, ka zbuluar se përse është paraqitur në SPAK, aktori i humorit Gaz Paja.

Lala tha se ai është pyetur lidhur me çështjen Veliaj-Xoxa, ndërkohë që i kanë sekuestruar edhe telefonin.

“Zoti Paja është anëtar i Këshillit Bashkiak, është pyetur në kuadër të çështjes Veliaj-Xoxa. Prokurorët i kanë marrë edhe celularin. Hetimet po vijojnë me intensitet. Janë edhe shumë persona të tjerë që do të pyeten. Ai e deklaroi vetë që i kanë marrë celularin. Janë pyetur sërish edhe vartës të Ajola Xoxës, u pyet edhe ish deputeti i PS, Vladimir Kosta, nëse qendra Harabel ka paguar qira dhe apartamentin 11/4 te Sky Tower”, tha Lala.

Prej 10 shkurtit Kryetari i Bashkisë Tiranë, Erion Veliaj, ndodhet prapa hekurave, nën hetim për korrupsion dhe pastrim parash.

Struktura e Posaçme Anti-Korrupsion (SPAK), dyshon se ai dhe bashkëshortja Ajola Xoxa, gjithashtu nën hetim, përfituan 1.1 milionë euro përmes skemave korruptive.

Hetimet paraprake tregojnë se paratë qarkulluan nga kompani dhe organizata jofitimprurëse të kontrolluara apo lidhura me Xoxën.

Ato u gjeneruan nga pagesa fiktive prej punonjësve të saj, fonde publike dhe dhurimet e të paktën 6 sipërmarrësve në marrëdhënie biznesi me bashkinë e Tiranës.

Si një përgjigje ndaj orvatjeve dezinformuese për ta shtrembëruar dhe relativizuar hetimin, Citizens.al sjell në këtë artikull të gjitha detajet e çështjes Veliaj, të përmbledhura në mënyrë skrupuloze, me synimin për t’i dhënë qartësi qytetarëve.

Verifikimet e SPAK mbi deklaratat e pasurisë të çiftit Veliaj-Xoxa, kanë ngritur dyshime për pasuri të pajustifikuara dhe transaksione të dyshimta për pastrim parash.

Veliaj figuron me një apartament dhe rreth 60,000 euro kredi të marrë në vitin 2015, ndërsa Xoxa me rreth 620,000 euro të deklaruara në llogari bankare dhe dy apartamente në zona të lakmuara të Tiranës.

Një vilë në Qerret dyshohet se u la qëllimisht në pronësi të kompanisë ndërtuese për t’iu shmangur deklarimeve, ngjashëm si me shitjen e një prone te “Shkolla e Kuqe” një kushëriri, i cili e dha më pas për pallat.

Në hetimet e saj SPAK shqyrtoi të dhënat bankare dhe deklaratat e bëra nga dhjetëra sipërmarrje që kanë pasur të bëjnë me Xoxën si dhe organizatat jofitimprurëse që kanë bashkëpunuar me të duke përfituar edhe fonde publike.

Hetimet kanë pikasur qindra mijëra euro faturime nga sipërmarrjet e afërta me Xoxën teksa janë ngritur dyshime në lidhje me mënyrat e sponsorizimit të aktiviteteve, të cilat SPAK dyshon se kanë përfshirë edhe pagesa korruptive të sipërmarrësve që fitonin tenderë dhe leje ndërtimi nga Veliaj si kryetar i Bashkisë Tiranë.

Nga 6 sipërmarrësit e përfshirë në çështje, SPAK ka vendosur ta arrestojë njërin prej tyre. Pesë të tjerët janë vënë nën masë detyrim paraqitje. Ata dyshohen se përfituan tenderë dhe leje ndërtimi përmes korrupsionit.

Prokuroria e Posaçme pretendon se ata xhiruan para në favor të Veliajt përmes: konsulencave fiktive me studion ligjore të Xoxës ose sponsorizimet e fshehta të aktiviteteve artistike të lidhura me të.

Në hetimet paraprake përmenden edhe sipërmarrës të tjerë, si Samir Mane (Mane Foundation), Mirton Lika e Vladimir Kosta (Lani shpk), Vladimir Avrami (Salus Konstruksion, Ventus) dhe Skerdilajd Faria (Sombrero), ky i fundit rezulton të ketë paguar rreth 375,000 euro shërbime drejt kompanive të Xoxës.

Prandaj nuk përjashtohet që në të ardhmen numri i të dyshuarve të shtohet.

Çështja ndaj kryebashkiakut Veliaj tërhoqi vëmendjen publike edhe për shpenzimet e majme, të cilat SPAK dyshon se kreu bashkëshortja e tij në dhjetë vite.

Xoxa ka mohuar shifrat e deklaruara, por hetimet kanë nxjerrë në pah manovrat e saj për të fshehur porositë.

Çështja Veliaj-Xoxa vijon të jetë në fazën e hetimeve nga SPAK. Sipërmarrës dhe persona në dijeni janë thirrur dhe priten të thirren për të dëshmuar versionet e tyre të fakteve.

Por ajo që mund të thuhet është se hetimet për kryebashkiakun kanë ngritur një debat të madh publik dhe politik, mbi mënyrën se si menaxhohen fondet publike apo shpenzimet e luksit të politikanëve.

Mbi të gjitha, ka nxjerrë zbuluar qëndrimin e shumicës socialiste në pushtet, e cila tanimë nuk i kursen trysnitë dhe presionet përballë hetimeve për një politikan të afërt me Kryeministrin./citizens.al

Nga Sokol Pepushaj

Pas Enver Hoxhës, Edi Rama është i pari antiamerikan që gënjen shqiptarët se Amerika është larguar.

Tërheqja e 8 këshilltarëve sorosianë, që financoheshin nga taksat e popullit amerikan si fije merimange të organizatave ‘Shoqëri e Hapur’ dhe USAID, të joshura nga ofertat e këtij që denoncohet botërisht për përdorim të agjentëve të FBI dhe diplomacisë në interes të tij, nuk është braktisje e SPAK-ut, pasi ditët e fundit struktura antikorrupsion është forcuar me agjentë dhe hetues nga FBI dhe DEA që shumë shpejt pritet t’i trokasin në derë edhe familjes kryeministrore, por distancim nga qeverisja mafioze.

Nëse u larguan ca këshilltarë sorosianë në një ditë, në pistë, erdhën ca+ca+ca nuk e dimë sa të tjerë këto ditë, ekspertë trumpistë, që po, ka të drejtë kryemafiozi, që ndjen shkëputjen e tij me Amerikën.

Edi Rama po e deformon urdhërin e Presidentit të SHBA, Donald Trump, për bllokimin dhe verifikimin e financimeve, që Amerika akordon për organizata e institucione edhe në Shqipëri.

Ekipet shtesë që vijnë në Shqipëri pranë FBI-së, SPAK-ut, BKH-së dhe DEA-s, janë pikërisht kontingjent në zbatim të marrëveshjes së lidhur mes palëve në dhjetor 2024, ose e thënë më thjeshtë, asistenca që Altin Dumani ka kërkuar për hetimin e krimit në politikë e jashtë saj, të bashkëngjitura me aktivitet dhe interesa që dëmtojnë edhe programet e SHBA-ve në Shqipëri dhe rajon.

Kjo “dhëmballë” i dhëmb Bablokut, përkrahja e SPAK-ut nga Amerika.

Gjithsesi, nuk mund të ndodhte ndryshe, pasi Rama nuk u bë sot hajdut dhe antiamerikan, por ka qënë ashtu, që kur ishte fukara, pa shtëpi e pa para.

Pra, çdokush është dikush, këtej apo andej Pacifikut, nuk çuditet se si nga ky cep strategjik i botës së errët të mafies, ku dielli lind vetëm me lejen e Edi Ramës dhe deri para ca ditësh perëndonte vetëm me miratimin e Engjëll Agaçit, nuk çuditet me këtë kapërcim e kërcënim të ri mbi honet e vjetra të antiamerikanizmit, apo frymën që ndërron si moti në maj.

Ëngjëlli u bë Djall e avulloi si sëmundje sorosiane, para se afshi i nxehtë i SPAK-u ta bënte petale poshtë mollëve e dardhave të Olta Xhaçkës e Frida Kricës, por Babloku nuk u ligshtua, thjeshtë u zdrukthua ca.

E zëvendësoi me një dhi të egër nga stepat e mafies, dhe medias ja mbylli sqepin të mos këndonte këngën, “këta po i merr dreqi njërin pas tjetrit”!

Por Babloku i di të vërtetat.

Nëpër hirin e ëndrrave të djegura, para patronazhistëve të lodhur, trëmbur e bindur, vdekjen e vet e veshë me vegime kineze, sikur mbrëmë ka marrë pjesë në funeralin e demokracisë amerikane, dhe atë flamurin që ai e shtynte me neveri, tashmë e ka hedhur nervoz mbi arkivolin që s’kemi pse ne të mbajmë zi për të.

Por e vërteta, ka edhe ca më të vërteta që di Babloku.

Nëse dje armiku ishte Evropa e sot Amerika, pas ca ditësh, armik mund të jetë populli, që e di mirë, se duhet; ose të zhduket vetë, ose… .

Që t’i biem shkurt, e vërteta e madhe është se Amerika nuk e ka braktisur SPAK-un, por Edi Ramën.