Në pamundësi për t’ju falënderuar fizikisht secilin nga ju qytetarë të Kurbinit, si Kryetar i Degës së PD Kurbin unë Behar Haxhiu dua t’ju shpreh mirënjohjen me zemër për mbështetjen e pakursyer, që dhatë në garën e 25 Prillit. Atë mbështetje, që e kemi ndjerë në vazhdimësi ndër vite kudo, që nga njerëz të njohur e panjohur në fshatra dhe qytete, tek të rinjtë e të reja e deri tek miqtë e shumtë në rrjeteve sociale, ka qenë përgjegjësi dhe angazhim i madh për ti qëndruar besnik verdiktit tuaj ku rezultoi se ju vendosët me votimin masiv #RamaIk, duke besuar dhe kërkuar ardhjen e z. Lulzim Basha në udhëheqjen e vendit si e vetmja alternativë për Shqipërinë Europiane.

Mirënjohje për ekipin energjik e të motivuar, që punoi për Partinë Demokratike në degën e Kurbinit, ditë pas dite e pa orar, për të përcjellë projektin tonë të ndryshimit për Shqipërinë. Kemi marrë mbështetje, por edhe kemi mësuar shumë prej të rinjve të talentuar të Kurbinit tonë, njohje të hershme apo të reja, të kthyera tashmë në miqësi që do vijojë të forcohen dhe do i inkurajojmë që të qëndrojmë fort në vendin tonë e ta bëjmë atë si gjithë Europa.

Të gjithë sëbashku edhe me kandidatët e listës tonë zhvilluam një betejë, të cilën e kishim fort për zemër, e të cilës i dhamë gjithë energjinë, përvojën, përkushtimin, por sidomos pasionin për të bërë më të mirën për Kurbinin tonë.

Falenderime për familjen tonë politike, që na ka mbështetur pa kushte dhe me pasionin, përkushtimin dhe besimin e palëkundur në vlerat dhe aspiratat e Partisë Demokratike, të trashëguar nga një traditë e gjatë, e qëndrueshme dhe e pandryshueshme, Kurbini Blu.

Falënderojm Shtabin elektoral, kryesine, komisionerët, vëzhguesit, numëruesit dhe përfaqësuesit e PD, për impenjimin e tyre të jashtëzakonshëm gjatë këtyre ditëve e netëve të lodhshme. U jemi pafundësisht mirënjohës!

E keqja fitoi një betejë me vjedhje me manipulime me shantazhe me forcën e parasë së taksapaguesve, por lufta vazhdon!

Ne sëbashku me Lulzim Bashën në krye, do vazhdojmë luftën tonë duke kërkuar mos njohjen e këtij rezultati totalisht të manipuluar dhe diformimin e vullnetit të popullit nga Edvin Rama.
#protestojmVotëShqiptarie

Partia Demokratike, dega Sarandë, në një deklaratë për shtyp, duke shprehur mbështetjen për kryetarin Lulzim Basha, ka evidentuar ndërkohë edhe problematikat që janë hasur në këtë qark përsa i përket shitblerjes së votave.

Reagimi i degës së PD Sarandë

Nga analiza paraprake e zgjedhjeve dhe rezultatit zgjedhor dega e PD Sarandë evidenton se:

Gjatë fushatës elektorale administrata qendrore dhe lokale u vu në funksion të kryerjes së shërbimeve që blenin votën e qytetarëve.

U shtuan legalizimet në funksion të votës. Derisa arritën që edhe ditën e shtunën të heshtjes zgjedhore të punonin për të dhënë legalizime në këmbim të votës. Ne e evidentuam edhe publikisht dhe ndaluam zyrën e Hipotekës atë ditë që të vazhdonte abuzimin me pushtetin dhe shkeljen e rregullave.

Drejtorët e admistratës pasi bënë intimidime dhe kërcënime, erdhën edhe ditën e votimit pranë qendrave të votimit që të siguroheshin për votën dhe të kontrollonin qytetarët. Biles ne, dega Sarandë bllokuam procesin e votimit paradite derisa ata u larguan nga qendrat.

Gjatë fushatës u përdorën masivisht mjetet shtetërore në shërbim të partisë ne pushtet.

Ministria Denaj perdori mjetet e shtetit ne fushatë.

Administrata qendrore dhe lokale bëri punësime masive në kundërshtim me ligjin në prag të zgjedhjeve.

Edhe në procesin e numërimit ishin përfshirë drejtorat e administratës si numërues dhe vëzhgues deri në momentin e fundit, duke braktisur pozicionin shtetëror për të cilin paguhen me taksat e qytetarëve.

Në Bashkinë Finiq ndodhi fenomeni që u gjet kutia e hapur, e vulosur prap ku mungon 500 fletë votimi të papërdorura qe nuk dihet ku janë përdorur në qarkun e Vlorës!

Rreth 12500 vota të opozitës në qarkun tone nuk arrijne dot të prodhojne mandat nga ndryshimet e njëanshme të kushtetutës dhe kodit zgjedhor nga Edi Rama.

Pavaresisht kësaj ekipi i fushatës, kryesia e degës, drejtuesit e degës dhe deputetja e caktuar për degën Ina Zhupa kanë arritur që në degën Sarandë regjistrohet një rekord historik votash për PD. Me një rezultat të papërsëritur më parë gjatë një gare parlamentare.

Ku PD ka marrë:

Bashkia Sarandë 5060 vota me një rritje mbi 51% nga 2017

Bashkia Finiq 1422 vota me një rritje mbi 28% nga 2017

Bashkia Konispol 1354 vota me një rritje mbi 17% nga 2017

Nisur nga sa më lart dhe nga rezultati i arritur kryesia e degës Sarande pas mbledhjes së analizës vendosi:

– Të mbështesim kryetarin Lulzim Basha në të gjitha hapat që do gjykohen për vazhdimin e aksionit për evidentimin e të gjitha shkeljeve dhe deformimeve të rezultatit zgjedhor nga skemat mafioze të Edi Ramës.

– Të siguroj bashkimin e demokratëve të rrethit Sarandë në një mision me kryetarin Basha dhe kryesinë e PD për të mbrojtur demokracinë dhe forcuar Partinë Demokratike përballë të vetmit kundërshtar Edi Ramës.

– Të garantoj mos përçarjen e partisë për asnjë arsye kur rezultati na tregon besimin e qytetarëve dhe kur kundërshtari jonë perballe përfiton nga lufta artificiale e dëshirave të disa aktorëve të caktuar për pushtet personal.

Kastriot Piroli është një nga kandiatët e PD që ka siguruar 9374 vota. Në një postim në Facebook, deputeti i Qarkut të Lezhës, Kastriot Piroli falenderon të gjithë votuesit, për mbështetjen që i dhanë.

Ai ka zhvilluar një fushatë elektorale të ndershme, dhe i bindur për fitoren e tij, duke ju referuar dhe angazhimit qytetar, në prezantimin e programit të tij gjatë mandatit katërvjeçar.

Të gjithë e njohin njeriun e mirë dhe punëtor, intelektualin me intelegjencë dhe profesionalizëm. I kanë besuar votën qytetarët e Kurbinit, duke e njohur për vullnetin e madh për ndryshimin e zonës.

Kastriot Piroli njihet si njeri fjalë pak dhe mjaft intelegjent për realizimin e objektivave, premtues për fjalën e dhënë qytetarëve kurbinas, deputeti që do investojë në të mirën e komunitetit. /Ahmet ZANI

Postimi i plotë i Kastriot Pirolit në statutin e tij Facebook

Të dashur motra dhe vëllezër, bashkëqytetarë të Kurbinit, Lezhës dhe Mirditës, sapo përfundoi procesi i numërimit të votave.

Duke ju uruar që ky status t’ju gjejë me shëndet të plotë familjarisht, dua që të falenderoj përzemërsisht të gjithë banorët e Kurbinit dhe gjithë qarkut Lezhë. Shumë pak të shprehësh vetëm falenderime për qytetarët e qarkut Lezhë, të cilët më votëbesuan ndershmërisht, me ideal e vërtetësi, pa u ndikuar as nga paratë e pushtetit dhe as nga dhuna e tij.

Nuk mjafton vetëm mirënjohja për strukturat e Partisë Demokratike të qarkut e drejtuesit e tyre, komisionerët, vëshguesit, grupet mbështetëse, përfaqësuesit e KZAZ-së, numëruesit, të gjithë anëtarët e PD, të cilët më përkrahën pa bujë e pa zhurmë, po me shpirt e zemër!

Përulje respekti për ekipin tim të mrekullueshëm e të jashtëzakonshëm, të palodhur, plot jetë, vlera e vizion, me vajza e djem të mençur, entuziastë e me shumë dëshirë për të ardhmen.

Vlerësime të sinqerta e të vërteta për Kryetarin e PD, zotin Basha që me besoi kandidimin!
Zoti ju bekoftë!