34.5 C
Tirana
E hënë, 9 Qershor, 2025
type here...

Lajm i mirë nga OBSH: Brenda pak muajsh do ta kemi pandeminë nën kontroll

Kreu i Organizatës Botërore të Shëndetëtisë tha të hënën në një konferencë shtypi se bota mund të vërë nën kontroll pandeminë COVID-19 gjatë muajve të ardhshëm nëse shpërndahen në mënyrë të drejtë mjetet e domosdoshme për ta luftuar sëmundjen.

Aktivistja për ndryshimet klimatike Greta Thunberg, iu bashkua konferencës virtuale nga Suedia. Ajo theksoi “nacionalizmin e vaksinave” dhe tha se është joetike që vendet e pasura po i japin përparësi vaksinimit të shtetasve të tyre të rinj përpara grupeve që rrezikohen nga koroanvirusi në vendet në zhvillim.

“Ne kemi mjetet për të futur pandeminë nën kontroll brenda disa muajsh, nëse ato zbatohen në mënyrë të qëndrueshme dhe të barabartë”, tha në fjalimin e tij kreu i OBSH-së, Tedros Adhanom Ghebrejesys.

Ai gjithashtu shprehu shqetësim për shkallën e lartë të përhapjes së COVID-19 tek personat e moshës 29 deri 59 vjeçare në mbarë botën, gjë që sipas tij mund të jetë për shkak të varianteve shumë më ngjitëse.

“U deshën 9 muaj për të arritur një milion vdekje; 4 muaj për të arritur 2 milionë dhe 3 muaj për të arrritur 3 milionë”, tha ai.

Aktivistja Thunberg tha që ndërsa një në katër persona në vendet e pasura tani është vaksinuar kundër COVID-19, vetëm një në më shumë se 500 njerëz në vendet e varfëra ka marrë njërën dozë.

“Nacionalizmi i vaksinave po udhëheq shpërndarjen e vaksinave”, tha ajo.

“E vetmja gjë e drejtë morale është t’u ipet përparësi njerëzve që janë më të rrezikuart, pa marrë parasysh se a jetojnë në një vend të pasur a të varfër”, shtoi aktivistja.

Dëmet mjedisore
Greta Thunberg gjithashtu foli për një lidhje të drejtpëdrejtë mes pandemisë dhe shkatërrimit të mjedisit gjë që, siç thotë ajo, e bën shumë më të lehtë përhapjen e viruseve të rrezikshme nga kafshët tek njerëzit.

“Shkenca tregon se ne do të përjetojmë shumë më shpesh pandemi shkatërruese nëse nuk ndryshojmë rrënjësisht mënyrën e trajtimit të natyrës… Ne po krijojmë kushtet ideale për shpërrndarjen e sëmundjeve nga një kafshë në një tjetër dhe pastaj tek ne”, tha ajo.

Aktivistja u bën thirrje të rinjve kudo që të vaksinohen nëse kanë mundësi për shkak të solidaritetit me kategoritë që rrezikohen, edhe pse këto grupmosha janë më pak të rrezikuara nga COVID-19.

Maria can Kerkhove, epidemiologe në OBSH, tha gjatë konferencës se rritja e fundit e infeksioneve me COVID-19 në të gjithë botën preku grrupmoshat që më herët nuk rrezikoheshin nga pandemia.

“Po shohim rritje të infeksioneve në të gjitha grupmoshat” tha ajo, duke shtuar se rreth 5.3 milionë raste u raportuan javën e kaluar, rritja më e lartë javore që nga fillimi i pandemisë.

“Po shohim ndryshim të lehtë të moshës në disa vende, të nxitur nga shoqërimet pa distancim fizik,” tha ajo.

Ambasadori amerikan në Moskë kthehet në Uashington për konsultime

John Sullivan appears before the Senate Foreign Relations Committee for his confirmation hearing to be the new U.S. ambassador to Russia, on Capitol Hill, on Oct. 30, 2019.

Ambasadori amerikan në Moskë tha të martën se do të kthehet në atdhe për konsultime – një lëvizje kjo që vjen pasi Kremlini e shtyu të largohej përkohësisht, ndërsa Uashingtoni dhe Moska po shkëmbejnë akuza.

Ambasadori John Sullivan tha në një deklaratë se do të kthehet këtë javë në Shtetet e Bashkuara për të diskutuar marrëdhëniet SHBA – Rusi me zyrtarët e administratës së Presidentit Joe Biden. Ai theksoi se do të kthehej në Moskë brenda disa javësh.

“Mendoj se është e rëndësishme për mua të flas drejtpërsëdrejti me kolegët e mi të rinj në administratën Biden në Uashington, për gjendjen aktuale të marrëdhënies dypalëshe mes Shteteve të Bashkuara dhe Rusisë”, shprehet zoti Sullivan në një deklaratë të qarkulluar nga ambasada. “Gjithashtu, nuk e kam parë familjen time prej një viti dhe kjo është një tjetër arsye për t’u kthyer në shtëpi për një vizitë”.

Largimi i Ambasadorit Sullivan vjen pasi Rusia të premten për pak sa nuk i kërkoi atij të largohej nga vendi. Rusia tha se i “sugjeroi” të ndjekë shembullin e ambasadorit rus në Uashington, i cili u thërrit për konsultime muajin e kaluar pas përshkrimit që Presidenti Biden i bëri Presidentit Putin si një “vrasës”. Rusia nuk ka caktuar një datë për rikthimin e ambasadorit Anatoly Antonov në Uashington.

Të enjten, administrata Biden njoftoi sanksione ndaj Rusisë për ndërhyrjen në zgjedhjet presidenciale amerikane të vitit 2020 dhe për ndërhyrjen kibernetike në agjensitë federale nëpërmjet kompanisë SolarWind – aktivitete këto të mohuara nga Moska. Shtetet e Bashkuara urdhëruan dëbimin e 10 diplomatëve rusë, vunë në objektiv dhjetëra kompani dhe individë dhe i ngritën vështirësi të reja mundësive të Moskës për të marrë hua.

Rusia denoncoi masat amerikane si “absolutisht jomiqësore dhe të paprovokuara” dhe u përgjigj duke urdhëruar 10 diplomatë amerikanë të largohen, duke futur në listën e zezë tetë zyrtarë aktualë dhe ish-zyrtarë, si dhe duke shtrënguar rregullat për operacionet e ambasadës amerikane.

Kur urdhëroi sanksionet, Presidenti Biden gjithashtu bëri thirrje për ulje të tensioneve dhe la një derë të hapur për bashkëpunimin me Rusinë në disa fusha të caktuara.

Presidenti Biden theksoi se i tha Putinit se zgjodhi të mos vendosë tani për tani sanksione më të ashpra dhe propozoi të takohen në një vend të tretë gjatë verës. Rusia tha se po e studionte ofertën.

“Do të kthehem në Moskë gjatë javëve në vazhdim, përpara ndonjë takimi mes Presidentëve Biden dhe Putin”, shprehet Ambasadori Sullivan në deklaratën e të martës.

Zëvendës Ministri i Jashtëm rus Sergei Ryabkov tha se “ne jemi në fillimet e analizimit të situatës” në lidhje me propozimin e Presidentit Biden për samitin dhe se asnjë specifikë nuk është diskutuar ende. “Një pikëpyetje e madhe është se çfarë kursi do të ndjekin Shtetet e Bashkuara”, tha zoti Ryabkov, sipas njoftimeve të agjencive ruse të lajmeve.

Ndërsa sanksionet e reja amerikane kufizuan më tej mundësinë e Rusisë për të marrë hua, duke ua ndaluar institucioneve financiare amerikane të blejnë bono të qeverisë ruse direkt nga institucionet shtetërore, ato nuk synuan tregun dytësor. Administrata e Presidentit Biden e la të hapur mundësinë për lëvizje më ndëshkuese nëse do të jetë nevojshme.

Fyodor Lukyanov, një ekspert kryesor i politikës së jashtme me seli në Moskë, tha se ndërsa këshillat e Kremlinit për Ambasadorin Sullivan që të largohej për konsultime nuk arritën deri tek dëbimi, ato pasqyrojnë shqetësimin e Moskës për sanksionet e reja.

“Nëse kontaktet politike janë zvogëluar në zero dhe lidhjet ekonomike kurrë nuk kanë qenë mjaft të ngushta, pse kaq shumë njerëz në ambasada?”, tha zoti Lukyanov. Ai parashikon se lidhjet do të vazhdojnë të përkeqësohen pavarësisht nga oferta e Presidentit Biden për të mbajtur një samit.

“Gjatë Luftës së Ftohtë, Bashkimi Sovjetik dhe Shtetet e Bashkuara të paktën ndanin një respekt të caktuar reciprok dhe një njohje të legjitimitetit politik të njëri-tjetrit dhe gjërat nuk janë më kështu”, vuri në dukje zoti Lukyanov.

“Secila palë e sheh tjetrën se po shkon drejt kalbëzimit dhe se i mungon e drejta morale dhe politike për t’u sjellë ashtu siç sillet”, tha ai.

Organizata Gazetarët pa Kufi rendit Shqipërinë në vendet “problematike” për lirinë e shtypit

Organizata Gazetarët pa Kufi (RSF) thotë se gazetaria që ajo e quan vaksinën kryesore kundër disinformimit, është bllokuar plotësisht ose pjesërisht në 73% të 180 vendeve të botës.

Organizata e arrin këtë përfundim në Indeksin Botëror të Lirisë së Shtypit 2021, sipas së cilit ka pasur një përkeqësim dramatik të gjendjes së gazetarisë.

“Pandemia e koronavirusit është përdorur si bazë për të bllokuar qasjen e gazetarëve në burimet e informacionit dhe raportimin në terren”, thotë RSF-ja.

Vendet në radhitjen e Gazetarëve pa Kufi, klasifikohen në ambiente “të mira”, “pak a shumë të mira”, “problematike”, “të këqija” ose “shumë të këqija”, për lirinë e shtypit dhe identifikohen përkatësisht me ngjyrë të bardhë, të verdhë, portokalli, të kuqe ose të zezë në hartën Botërore të Lirisë së Shtypit.

Vetëm në 7 për qind të vendeve të botës, ambjenti për gazetarinë është shumë i mirë.

Ky numër nuk ka qenë kaq i ulët që në vitin 2013.

Të dhënat e Indeksit, që mat kufijtë e qasjes në informacion dhe pengesat për mbulimin e lajmeve, konfirmojnë përpjekjet dhe masa për bllokimin e gazetarisë.

Të dhënat tregojnë se gazetarët e kanë gjithnjë e më të vështirë të investigojnë dhe njoftojnë për tema të ndjeshme, veçanërisht në Azi, Lindjen e Mesme dhe Evropë.

Sekretari i përgjithshëm i RSF-së Christophe Deloire Orgazuara thotë se “Gazetaria është vaksina më e mirë kundër disinformimit” .

“Por për fat të keq, prodhimi dhe shpërndarja e saj shpesh bllokohet nga faktorë politikë, ekonomikë, teknologjikë dhe ndonjëherë edhe kulturorë. Në përgjigje të përhapjes së disinformimit përtej kufijve, në platformat dixhitale dhe në mediat sociale, gazetaria është rruga kryesore për të siguruar që debati publik të bazohet në një rreze të gjerë dhe të larmishme faktesh”, thotë ai.

Evropa, Ballkani, kontinenti amerikan
Evropa regjistroi një përkeqësim të konsiderueshëm në treguesin e saj të “abuzimeve”, me më shumë se dyfishin e akteve të dhunës në Bashkimin Evropian dhe Ballkan, krahasuar me një përkeqësim prej 17% në të gjithë botën. Sulmet ndaj gazetarëve dhe arrestimeve arbitrare u rritën në Gjermani, Francë, Itali, Poloni e cila ka rënë dy vende, Greqia që ka rënë pesë vende, Serbi dhe Bullgari. Shqipëria dhe Kosova radhiten mes vendeve “problematike”. Nga 180 vende, Shqipëria radhitet në vendin e 83-të, duke fituar një vend nga viti i kaluar, kur ishte në vendin e 84. Kosova ka pësuar një rënie prej 8 vendesh nga 70 vitin e kaluar, në 78 këtë vit. Maqedonia e Veriut ka fituar dy vende, nga 92 vitin e kaluar në 90 këtë vit. Evropa dhe kontinenti Amerikan, vazhdojnë të jenë kontinenti më i favorshëm për lirinë e shtypit, i marrë si rajon, edhe pse në atë amerikan, u regjistrua përkeqësimi më i madh përsa i takon shkeljeve rajonale (deri 2.5%).

Renditje të tjera
Norvegjia renditet e para në Indeksin për vitin e pestë me radhë, edhe mediat e vendit janë ankuae për mungesën e qasjes në informacionin shtetëror për pandeminë. Finlanda e ka mbajtur vendin e dytë ndërsa Suedia është në vend të tretë, të cilin vitin që kaloi e kishte Danimarka, vend që këtë vit është në vend të katërt. Kjo radhitje konfirmon qartë suksesin e “modelit nordik” në përkrahjen e lirisë së shtypit.

Vendi që ka zbritur nga klasifikimi “i mirë” në “pak a shumë të mirë” është Gjermania, në vendin e 13, pasi ka rënë dy vende. Dhjetëra gazetarë të këtij vendi u sulmuan nga mbështetës të grupeve ekstremiste dhe atyre të teorive të konspiracionit gjatë protestave kundër kufizimeve të vendosura për të luftuar panandeminë.

Në të njëjtin grup janë Shtetet e Bashkuara, në vendin e 44-rt, megjithëse viti i fundit i presidencës së Donald Trumpit u shoqërua nga një numër rekord sulmesh kundër gazetarëve (rreth 400) dhe arrestime të gazetarëve (130).

Rusia është në vendin e 150, një më poshtë se vitin e kaluar dhe në kategorinë e vendeve me gjendje “të keqe”. Ajo e përdori aparatin e saj shtypës për të kufizuar mbulimin mediatik të protestave në mbështetje të kundërshtarit të Kremlinit Alexei Navalny.

Kina, e cila vazhdon t’i përdorë censurën, mbikëqyrjen dhe nivelet e propagandës së në internet, në nivele të pashembullta, është përsëri mes vendeve me gjendje “shumë të keqe”. Ajo është në vend të 177 mes 180 vendeve.

Menjëherë pas Kinës është e njëjta treshe e vendeve totalitare që janë gjithmonë në tre vendet e fundit: Turkmenistani, Koreja e Veriut dhe Eritrea.

“Vij nga PS për të mbështetur Bashën”, socialistët braktisje masive Ramës në prag të 25 prillit

Kreu i Partisë Demokratike, Lulzim Basha, ka zhvilluar sot një takim me gratë në Tiranë, me të cilat ka diskutuar mbi problematikat e jetës së tyre të përditshme.

Mes të tjerash, gratë dhe nënat e Tiranës i kanë thënë Bashës se do ta mbështesin më 25 prill, pasi duan një të ardhme më të mirë për fëmijët e tyre, por edhe për Shqipërinë Evropiane.

Pjesë nga diskutimet:

Ina Buzi: Përshëndetje! Përshëndetje zonja, nëna, përshëndes dhe mamin tim që po më shikon nga televizori. Unë jam Ina Buzi, jam diplomuar si studente ekselente për drejtësi. Duke parë që në vendin tim nuk gjeja mundësi punësimi, nuk më ofrohej asnjë gjë, kam dashur të largohem, por pse të largohem nga vendi im kur unë jam një kontribut i vlefshëm për vendin tim. Largimi nga vendi nuk është zgjidhje, është shmangie e problemit dhe ne duhet t’i dalim përball problemin, ta zgjidhim problemin. Unë dua të kontribuoj për vendin tim, dua të bëhem një juriste e shkëlqyer si ju zoti Basha. Dhe dua që si unë edhe gjithë moshatarët e mi, të kontribuojnë në vendin tim dhe ne këtë kërkojmë nga Partia Demokratike, që e di që do na realizoj dhe ftoj të gjithë të votojnë numrin 9 për ndryshimin.

Qytetarja: Përshëndetje! Përshëndes të gjitha nënat që ndodhen aktualisht prezentë. Unë jam vet një nën me dy fëmijë. Jam nëna e Orik 4 vjeç dhe Oliver vetëm 10 muaj. Si çdo nënë, besoj edhe unë çdo ditë kam dyshimet e mia. A kam bërë vërtet unë zgjedhjen më të mirë për të ardhmen e fëmijëve të mi? A është vërtet vendi im ai që m’i ofron të gjitha këto mundësi, apo mos ndoshta vallë. Unë kam bërë gabim. Një gabim i cili çdo nënë e gjykon vet. A po bëjmë më të mirën për arsimimin e fëmijëve të mi? Për shëndetin e tyre, për të ardhmen e tyre. Fëmijët e mi, si fëmijët tuaj, janë e ardhmja e këtij vendi. Unë shpresoj shumë tek zoti Basha. Vendi ynë ka nevojë për një rizgjim. Shqipëria nuk mund të jetë vetëm pjesë e Europës fizikisht. Ne duam të jemi në Europë. Ne duam që fëmijët tanë të kenë të ardhmen që çdo bashkëmoshatarë i tyre ka në Europë. Prandaj, nëna të dashur, motra të dashura kudo që ndodheni, bëni zgjedhjen për fëmijët tuaj. Për të ardhmen e fëmijëve tuaj. Kush më mirë se zoti Basha mund të na e ofrojë një të tillë. Shqipëria ka nevojë për fitore, për një ndryshim rrënjësor, të zgjohemi nga gjumi letargjik ku kemi rënë. Fitore! Fitore! Votoni numrin 9! Faleminderit!

Elmira Qokaj: Unё quhem Elmira Qokaj, njësia 11. vij nga radhët e Partisё Socialiste, rrjedh dhe nga familje e prejardhjes socialiste. Faleminderit! Faleminderit! Jam këtu sot pёr tё mbështetur zoti Basha dhe Partinё Demokratike. Pse do tё thoni ju? Sepse unё mbi tё gjitha jam nёnё dhe dua mё tё mirën pёr fëmijët e mi, pёr shёndetёsinё, pёr arsimin e tyre qё tё nesërmen e tyre mos tё ikin jashtë vendit por tё qëndrojnë tё jetojnë këtu nё Shqipëri. Pёr njё tё ardhme mё tё mirё qё besoj se ёshtё mё mirё me Partinё Demokratike me zotin Lulzim Basha, me programin e tij mbështetës pёr gruan shqiptare, pёr familjen shqiptare. Ju ftoj tё gjithëve qё mё datë 25 prill tё votoni Partinё Demokratike pёr tё ardhmen e fëmijëve tanё. Suksese dhe ju uroj fitore. Faleminderit.

Elida Xherai: Përshëndetje zoti Basha! Përshëndetje tё gjithëve! Unё jam Elida Xherai, nёnё e dy vajzave, njëra prej tё cilave ka emigruar nё Amerikë para 4 vjetësh. Ajo sot ka njё vajzë tё vogël 2 vjeçe tё cilën unё e kam parё veç njёherё. Gjithashtu kam vajzën tjetër, e cila nё kёtё periudhë tё vёshtirё pandemie ёshtё munduar tё largohet tre herё nga Shqipёria pёr nё Gjermani, por nuk ka mundur pasi kufijtë janë tё mundur. Ajo mё thotë mama pse mё le këtu. Mami unё këtu s’kam asnjё tё ardhme. Mami ky vend nuk mund tё bёhet. Ne nga ju z. Basha kërkojmë qё tё jepni mё tё mirën pёr rininë tonё qё ajo tё qëndroj këtu dhe jo tё largohet nёpёr vendet e botës. Ndaj i ftoj tё gjitha nënat, motrat, vajzat, gratë, me datë 25, tё votojnë numrin 9. Votoni Partinё Demokratike. Votoni Lulzim Bashёn!

Sebastiana Bytyçi: Përshëndetje tё gjithëve. Përshëndetje z. Kryetar. Quhem Sebastiana Bytyçi jam njё sipërmarrëse e re, drejtoj njё kompani fason prej 120 punonjësish tё cilët them tё drejtën po kalojmë njё periudhë shumë tё vështir. Sektori jonë mbulon dhe punëson njё sektor shumë tё madh grash tё cilët kanё kaluar probleme, vështirësi nga tё gjitha llojet. Të jesh sipërmarrëse grua në Shqipëri nuk është e lehtë, ose të paktën deri tani nuk ka qenë e lehtë dhe ne presim të kemi një ndryshim më datë 25 prill, presim një qeveri e cila do mbështesim gruan sipërmarrëse , kështu që ftoj të gjitha zonjat sipërmarrëse, të gjithë punonjësit tanë të votojnë për ndryshimin e madh, të votojnë për Shqipërinë ndryshe. Faleminderit!

Malaj reagon ashpër ndaj Ramës për patronazhistët: Mentalitet neo-diktatorial, kurrë PS s’ka pasur skema të tilla shantazhuese

Nga Arben Malaj

I dashur patronazhisti im, i nderuar Florian, ju falinderoj nga zemra për vetëshërbimin tuaj jo vullnetar për të krijuar profilin elektoral të një prej 3.6 milionë votuesve në zgjedhjet e 25 Prillit 2021.
Nuk e di ku punoni, nuk e di kush ju ka paguar me lekë, vende pune apo premtime abuzive, një gjë ju garantoj qe ju këtë vetëshërbim nuk po e bëni për atdheun por me verbëri po e bëni si shërbim ndaj udhëheqësit të madhërishëm dhe në shërbim të disa rilindasve hajdutë, arrogantë dhe të babëzitur.
E di që përballë kërcënimeve për pushim nga puna, përballë varfërisë ndoshta ke patur arsye të bëhesh pjesë e kësaj skeme kriminale.

Profile të tilla përndjekëse se për kë do të votoj, i krijojnë dhe i keq-përdorin vetëm mentalitete diktatoriale.
Kam milituar në PS që në themelimin e saj deri në vitin 2013, si shumë kolegë të përndjekur nga Krye-rilindasi – kam kontribuar për modernizimin e PS. Ju garantoj se kurrë në PS nuk ka patur skema dhe databazë shantazhi.

E trishtueshme keqpërdorimi jo vetëm i juaji.

Jeni disa mijëra individë, janë disa mijëra orë pune, janë disa miliona lekë shpenzime direkte dhe indirekte të keq-përdorura për mbijetesë personale të disa arrogantëve dhe të babëziturve në shërbim të oligarkisë dhe për pushtet ekonomik e politik të përjetshëm!

Kjo skemë shantazhi do të mbetet një njollë e zezë në historinë e “Rilindjes” së mentaliteteve dhe praktikave neo-diktatoriale – fatkeqësisht në një prej forcave politike që ishte më e hapura dhe demokratike në tranzicionin politik të Shqipërisë.

Floriana Garo: Më 25 prill ne gratë e Shqipërisë do të votojmë numrin 9!

Zëdhënësja e fushatës së Partisë Demokratike, Floriana Garo, iu ka bërë thirrje të gjitha grave shqiptare të votojnë numrin 9 më 25 prill.

Në një deklaratë për media, Garo tha se gratë duhet të votojnë PD për të ndryshuar të ardhmen e vendit tonë.

DEKLARATE E PARTISE DEMOKRATIKE, ZEDHENESJA E FUSHATES FLORIANA GARO

Te dashura gra shqiptare,

Ne me pak se 5 dite do te mbahen zgjedhjet parlametare ne Shqiperi dhe ne duhet te marrim pjese ne kete proces te rendesishem demokratik dhe te ndryshojme te ardhmen e vendit tone.

Per femjet qe kane lindur 8 vitet e fundit, femijet e gjenerates se humbur me Ramen, keta femije qe njohin vetem varferi dhe veshtiresi, ata nuk njohin kushte mireqenieje, ata nuk njohin shprese, ata shohin vellezerit e te afermit te largohen nga Shqiperia te deshperuar…

Eshte misioni yne qe tu mesojme femijeve qe veshtiresia nuk eshte fati I tyre dhe qe ne kete vend mund te kete shprese.

Ne do tu japim mesimin e pare per demokracine- qe nje qeveri qe nuk funksionon duhet zevendesuar menjehere.

Me 25 Prill, ne grate e Shqiperise do te dalim te votojme numrin 9, do te votojme Partine Demokratike me Lulzim Bashen dhe Aleancen per Ndryshim.

Ne do te kthejme driten ne syte e femijeve tane. Do te votojme numrin 9 dhe Shqiperia fiton.

Kandidatja për deputete, Nebiaj akuzon Xhafajn: Po shantazhoni dhe dizinformoni për fshehtësinë e votës

Votimi elektronik në njësinë 10, Oriela Nebiaj akuzon Fatmir Xhafën: Po shantazhon dhe dezinformon për fshehtësinë e votës. Askush nuk ju lexon votën! Dilni masivisht në votime pa frikën e qeverisë!

Kandidatja e PD, Oriela Nebijaj ka denoncuar kandidatin e Partisë Socialiste, Fatmir Xhafaj se po shantazhon dhe dezinformon votuesit e njësisë 10 në kryeqytet se vota e tyre nuk do të jetë fshehte.
Në këtë njësi do të pilotohet votimi dhe numërimi elektronik, por kandidati i PS ka shpërndarë informacione të pavërteta për të frikësuar votuesit se vota e tyre mund të identifikohet. Oriela Nebiaj garantoi votuesit se asgjë e tillë nuk është e vërtetë dhe ftoi qytetarët të dalin masivisht në votime për të votuar ndryshimin.

“Unë dua të garantoj të gjithë zgjedhësit e kësaj njësie që po shantazhohem se vota është e fshehtë. Nuk ka asnjë mundësi që askush dhe asgjë të lidh votuesin me preferencën që ai zgjedh në pajisjen e votimit elektronik pasi janë dy sisteme krejtësisht të ndara nga njëra-tjetra. Fletën e votimit pasi të keni bërë përzgjedhjen tuaj mund ta verifikoni në fletën që do të printohet dhe numërohet më pas, për t’ju dhënë sigurinë maksimale dhe për të pasur një sistem të rregullt. Sidomos në këto zgjedhje ku ndryshimi është i nevojshëm dhe absolutisht Shqipëria do të ndryshojë”, deklaroi Nebijaj.

Oriela Nebiaj vuri në dukje se modeli që ofrron PD në këto zgjedhje në njësinë 10 është ai i tre grave dinjitoze dhe profesioniste, duke përmendur edhe Jorida Tabakun e Mirela Sallakun. Ndërsa Fatmir Xhafa- theksoi ajo- në rastin më të mirë njihet si sekretar i diktaturës dhe vëllai i një trafikanti ndërkombëtar droge.

Gazetari publikon audiopërgjimin e Lames: Porosia e Ramës të mashtrojmë për legalizimet

Një mega skandal i ka plasur Edi Ramës dhe këtë radhë protagonist është kreu vetë ai dhe kreu i Kadastrës, Artan Lame.

Në një audio përgjim të publikuar nga gazetari Artan Hoxha, kreu i kadastrës është regjistruar duke deklaruar se Edi Rama i kishte dhënë porosi që të mashtronte mbi 100 mijë qytetarë për legalizimet.

Lame gjatë bisedës me stafin e tij, jep edhe direktivat se si të mashtrohen njerëzit, duke u thënë që do rishikojmë legjislacionin etj.

Kreu i Kadastrës jep udhëzime specifike që këta 100 mijë qytetarë të mbahen varur, sepse nëse u pritet shkurt, atëherë ata do të votojnë PD-në.

Pikërisht këta 100 mijë qytetarë kanë dalë nga listat e patronazhistëve të PS-së, të cilët kontrollojnë edhe nëse një qytetar e ka shtëpinë të legalizuar apo jo.

“Turp të kesh…” Rama ikën nga studio kur gazetari e pyet nëse do largohet nga PS nëse humbet zgjedhjet

Kryeministri, Edi Rama ka vendosur të braktisë studipn ku po intervistohej nga gazetari Ilir Babaramo në Report TV.

Rama nuk është përgjigjur në shumë prej pyetjeve ndërsa herë pas herë i drejtohej gazetarit Babaramo me togfjalëshin “turp të kesh”.

Ajo që e irritoi së tepërmi Ramën ishte pyetja për ndërrimin e logos së Teatrit të Operas dhe Baletit, ku iu kujtua se logoja e re kishte kushtuar së paku 20 mijë euro. Rama i kërkoi ndjesë qytetarëve që ishte ftuar të fliste si piktor dhe jo si kryeministër.

E ndërsa Babaramo tentoi që ta pyeste nëse do të dorëhiqej nga detyra e kryetarit të partisë nëse humbet zgjedhjet e 25 prillit, Rama vendos të heq mikrofonin dhe të largohet. m.k

Dialogu:
Babaramo:Për hashash?
Turp të kesh.
Babaramo:Jo, turp të kenë ata që e bëjnë dhe ata që i mbrojnë ata që e bëjnë.
Turp të kesh.
Babaramo: Turp të ketë Departamenti i Shtetit që thotë në raportin e tij që Shqipëria është eksportuesi më i madh i hashashit në Evropë.
Më dëgjo mua.
Babaramo: Turp të kenë ata që e bëjnë dhe turp të ketë ai që i mbron.
Tani më dëgjo mua këtu, të të them se për çfarë ti duhet të dish dhe të jesh edhe krenar, madje. E di ti që Shqipëria është eksportuesja më e madhe e një sërë produktesh bujqësore në rajon, përfshirë edhe Serbinë, përfshirë edhe Kroacinë? E di ti që Shqipëria eksporton sasinë më të madhe të domateve në rajon? E di ti që Shqipëria eksporton sasinë më të madhe të shalqirit në rajon? E di ti që Shqipëria eksporton sasinë më të madhe të perimeve në rajon? E di ti këtë? E di ti që për sasinë e eksportit të frutave Shqipëria renditet e dyta, vetëm pas Serbisë?

Babaramo: Sepse këto shifrat e propagandës, kam dëgjuar edhe një shifër unë, mblodhe edhe ambasadorë aty te Pallati i Kongreseve dhe doli d.m.th., me ato shifrat 99,8, si të shokut Enver, d.m.th. që është korrur, është shkatërruar kanabisi, 99,8 e kanabisit në Shqipëri. Por vetëm në oborrin e Kryeministrisë, aty te kërpudha nuk qe mbjellë. U rrëzua edhe avioni. U rrëzuan dy avionë.
Turp të kesh.
Babaramo: Të kem unë turp?
Po.

Për të parën herë në 20 vite pensionet ulen me 4.8%

Pensioni mesatar në qytet në vitin 2020 shënoi ulje për herë të parë që nga viti 2000 kur ekzistojnë të dhënat zyrtare.

Masa e pensionit mesatar urban arriti në 15,732 lekë gjatë vitit të kaluar nga 16,2543 lekë që ishte në vitin 2019 sipas të dhënave zyrtare nga Instituti i Sigurimeve Shoqërore.

Ulja në vlerë ishte 3.2 për qind, por duke përllogaritur edhe efektet e inflacionit ulja reale ishte edhe më e madhe me rreth 4.8 për qind.

Pensioni mesatar në fshat arriti në 9295 lekë me një rritje 1.4 për qind në raport me vitin 2019, por duke përllogaritur efektet e inflacionit mesatar (1,6 % më 2020) pensionet reale në fshat kanë pësuar rënie me 0.2 për qind në vitin 2020.

Ekspertët sqarojnë se ulja e pensioneve po nxitet nga dalja në pension e gjeneratave që kanë kaluar një pjesë të madhe të viteve të punës gjatë periudhës së tranzicionit. Duke qenë se një pjesë e madhe e tyre kanë punuar në të zezë, nuk kanë punuar fare ose kanë paguar më pak sigurime ato nuk i përmbushin kushtet për përfitime maksimale të pensioneve të pleqësisë.

Brezi i tranzicionit rrezikon të kalojë një pleqëri në skamje për shkak se masa e pensionit mesatar, në vend që të rritet, po i kthehet uljes. Kjo tendencë e ecurisë së pensioneve pritet të zhysë në varfëri një pjesë të madhe të popullsisë e cila përbëhet nga pensionistët. Numri i tyre po rritet nga viti në vit, për shkak se tani po del në pension bumi i lindjeve në vitet 1950-60.

Nga viti 2010-2020 përfituesit në skemën e pensioneve u rriten me 22%, por ndërkohë pagesat për një pensionist kanë nisur rënien.

Gjatë vitit të kaluar numërohen 665,863 përfitues pensioni në të gjithë vendin nga 651,539 mijë që ishin në më 2019 me një rritje prej 2,2%. Nga këto ishin pensione pleqërie rreth 440 mijë. Plakja e popullsisë po rrit me shpejtësi numrin e pensionistëve në vend e për pasojë, nevojën për fonde shtesë ndaj arkës së pensioneve.

Teksa përfitimet e pensionistëve shqiptare janë ulur skema shtetërore e sigurimeve shoqërore është përkeqësuar nga pandemia Covid -19.

Të ardhurat nga kontributet shënuan rënie me 1.6% më 2020 dhe shpenzimet u rriten me 1.5 për qind, për rrjedhojë deficiti i skemës u thellua dhe subvencioni nga buxheti i shtetit u rrit.

Financimi i buxheti i shtetit në skemën e sigurimeve arriti në 29 miliardë lekë me një rritje mbi 14% në raport me 2019.

1...2 3722 3732 374...8 379Faqja 2 373 nga 8 379

Kryesore

Continue to the category
Më shumë
© 2024 Rilindja Demokratike Euroatlantike