30.5 C
Tirana
E shtunë, 7 Qershor, 2025
type here...

Video/ Basha tjetër mesazh shqiptarëve: Çfarë është më keq se zemërimi?

Basha tjetër mesazh shqiptarëve:

Çfarë është më keq se zemërimi?

Shiko videon më poshtë 👇

Zbardhja e videos

E keqja më e madhe se zemërimi dhe dufi, ajo që mund të na vërë poshtë, është plogështia. Plogështia është shfaqja më e keqe e dëshpërimit. Është momenti kur njeriu nuk beson në asgjë, nuk i intereson më asgjë, dhe për pasojë nuk ndjen më asgjë.

Mirëpo të heqësh dorë nga vendi yt, do të thotë të heqësh dorë nga e ardhmja jote. Do të thotë të mos përkujdesesh më për të ardhmen e fëmijëve të tu. Çfarê do t’u thoni fëmijëve tuaj nesër kur Rama t’ju lërë përsëri në baltë, t’ju lërë përsëri në vendnumëro, ndërkohë që vendet e tjera bëjnë përpara dhe nuk na presin më?

Që nuk kishit më shpresë për ndryshim? Që nuk donit të dëgjonit më për ekonominë, për arsimin? Apo që ndenje në shtëpi në vend që të ndaje 10 minuta nga dita jote për të votuar për shpresën dhe ndryshimin? Une ju bëj thirrje sot: mos u dorëzoni. Mos humbni më kohë dhe mos e humbni këtë shans. Ju jeni zotërit e vërtetë të këtij vendi.

Ju vetë do të vendosni të ardhmen tuaj. Ne e dimë kush jemi. Shqiptarë të fortë dhe krenarë, e kemi treguar veten gjithmonë në ditë të vështira dhe kemi fituar. Më 25 prill votoni për shpresën, votoni për ndryshimin!

“Sporti larg politikës”, PD apel anëtarëve të KOKSH, Andi Lila: Mos u përçani nga qeveria në ikje për Fidel Yllin

Zgjedhjet për Presidentin të shtyhen dhe kandidatët aktualë të votohen pa përjashtuar federatat anëtare

DEKLARATË E PARTISË DEMOKRATIKE, ANDI LILA, KOORDINATOR PËR SPORTIN

Të dashur qytetarë!

Shumë prej jush jeni mësuar të më shihni me fanellën kuqezi të kombëtares sonë të futbollit, gjithmonë në kërkim të fitores, gjithmonë në përpjekje për t’ju bërë krenarë!

Edhe sot, nga ky pozicion i ri, misioni është i njëjtë: Shqipëria duhet të bëhet një vend më i mirë, edhe përmes sportistëve të saj. Por kemi një pengesë në këtë mision.

Në ditët e fundit para largimit, partia në pushtet po kërkon të politizojë edhe sportin, duke marrë nën kontroll Komitetin Olimpik Kombëtar Shqiptar.

Duke zhbërë rregullat që pengonin kontrollin nga politika të sportit, qeveria lejoi ndryshimet në statutin e Komitetit Olimpik për të përfshirë në garën për organet drejtuese të Komitetit edhe politikanët aktivë.

Statuti e ndalonte një gjë të tillë, derisa qeveria aktuale vendosi të ndërhyjë për të emëruar deputetin e saj Fidel Ylli, si president të Komitetit Olimpik Shqiptar.

Me këtë qëllim të papranueshëm dhe të dëmshëm për sportin, këto ditë janë përjashtuar nga procesi i zgjedhjes disa nga federatat më të rëndësishme në vend.

Edhe më herët, Partia Demokratike e ka bërë të qartë qendrimin e saj: Komiteti Olimpik Kombëtar Shqiptar duhet të mbetet një organizëm i pavarur. Ai nuk duhet vënë në shërbim të interesave të pushtetit, por në shërbim të interesit të sportistëve të talentuar dhe imazhit të Shqipërisë në botë.

Në programin për sportin, ne kemi parashikuar se rruga për zhvillimin e sportit është ajo e bashkëpunimit ndërmjet të gjithe aktorëve dhe faktorëve të sportit, mes të cilëve edhe e Komitetit Olimpik.

Por përjashtimi i anëtarëve dhe politizimi i Komitetit është pengesë për këtë bashkëpunim pas zgjedhjeve të 25 Prillit.

Përjashtimi nga vendimarrja i disa nga Federatat më me peshë të KOKSH-it nuk është as në frymën e olimpizmit dhe as në frymen e bashkepunimit.

Ndërhyrja e qeverisë në sport është e gabuar dhe dëmshme.

Ne nuk kemi ndërhyrë duke shprehur preferenca për kandidatët për President të KOKSH, porn ë nuk mund të heshtim përpara akteve arbitrare që kanë për qëllim kapjen politike nga qeveria në ikje e Komitetit Olimpik.

Gjendja në këtë organizëm ëhstë shumë kritike, pork jo nuk justifikon marrjen nën kontroll nga politika, dukë përçarë sportin, vetëm për të bërë deputetin socialist Fidel Ylli President të KOKSH-it.

Që kjo situatë të ndalojë dhe të gjitha palët të vënë interesin e sportit mbi interesin partiak, partia Demokratike ka një apel sot për të gjithë drejtuesit e Komitetit: Të shtyjnë zgjedhjet e datës 17 Prill dhe të njëjtët kandidatë për President të KOKSH të konkurojnë duke u votuar nga të gjitha Federatat anëtare të KOKSH, pa përjashtuar asnjërën.

Ky është kontributi më i mirë që mund të japim për sportin në këto momente dhe është mesazhi më i mirë që u çojnë sportdashësve. Mentaliteti se qeveria vendos për sportin duhet të marrë fund!

Nuk është kurrë vonë për ndryshim!

 

Rama-Veliaj luftojnë për 1% të shqiptarëve

Nga Redin HAFIZI

Shqiperia e ardhmja jone, apo e ardhmja e tyre, placka e tyre???!!! Nga abuzimet e qeverrise dhe Veliajt, lidhjet me mafien dhe tenderat e oligarkeve deri tek rrogat e Arbjan Maznikut e familjareve te politikaneve te Rilindjes e kane shnderruar vendin ne placke.

Ne tete vite ne qeverrisje Rama dhe Veliaj krijuan nje sistem social-politik ku 1% e popullsise e quajne si te drejte “aristokratike” te grabisin, perzene, vrasin dhe tallin pjesen tjeter prej 99% te Shqiptareve. Ky sistem i konsideron qytetaret si injorante dhe shpellare qe nuk dine cfare te bejne me kursimet e tyre dhe duke i rrenuar permes taksave te larta dhe gjobave i kthejne ata edhe ne individe te bindur qe varen vetem nga lemosha e qeverrise dhe 1%-it. Kjo eshte Shqiperia qe ndertoi Rama dhe Veliaj dhe per kete me paturpesine e arrogances kerkojne nje mandat te trete per t’a vulosur kete sistem pergjithmone duke e shnderruar Shqiperine ne prone te tyre dhe qytetaret ne skllever te kesaj pakice kriminale.

“Shqiperia e ardhmja jone” uleret Edi Rama neper takime. Ka shume te drejte, por Shqiptaret duhet te mesojne t’a lexojne e t’a kuptojne Edi Ramen. Ai thote se Shqiperia eshte e ardhmja e tyre ne te vertete, e nje grupi te vogel njerezish ne krye te rilindjes, qe pervec se marrin perqindje nga tenderat qe paguhen me taksat e Shqiptareve, ata marrin disa rroga nga ndermarrje publike dhe private. Rama dhe Veliaj bertasin se Shqiperia eshte e ardhmja e tyre dhe e nje grupi te vogel oligarkesh qe marrin gjithe tenderat qe paguhen nga taksat marramendese qe paguajne qytetaret me te varfer te kontinentit.

Po, ne kete rast Rama nuk genjen, por vetem beson se Shqiptaret jane budallenj dhe me arrogancen qe e karakterizon u kerkon atyre voten per te jetuar ne luks nje pakice qe do e akzegjeroja po te thosha 1% e popullsise qe jeton brenda kufijve te Shqiperise. Jane keta qe po derdhin milionat e grabitura nga qytetaret e kerrusur per t’a bere Shqiperine perfundimisht te ardhmen e tyre. Ata e kane shume problem permbysjen qe po afron, pasi shpesh parate me te cilat jetojne kullojne gjak punetoresh ndertimi apo minatoresh.

Ne tete vite Rama dhe Veliaj ka treguar se Shqiperia nuk eshte pare si e ardhmja e qytetareve, pasi keta te dy ndertuan parajsen per 1% te krimineleve qe i zhvaten, i tallen, i perzune dhe vrane Shqiptaret. Pas tete vjetesh ky 1% bertet “Lavdi Rama” dhe e kuptojne shume mire se nen thirrjen “Shqiperia e ardhmja jone” ata gjejne veten dhe keta nuk e shohin kurre veten prane qytetareve te ndershem te Shqiperise. Ata nuk kane asgje te perbashket me qytetaret e ndershem, pasi as nuk skuqen, e as nuk zverdhen kur publikisht dalin fakte per grabitjet multi miliardeshe nga taksat e qutetareve. Ata, pra Rama, Veliaj dhe 1% e qytetareve te Shqiperise e percmojne 99% qe eshte pjesa tjeter ne mjerim, erresire dhe si enderr kane vetem te largohen nga syte kembet.

Personalisht me ka rene rasti te bisedoj me tre individe te aferm me pasunare te pushtetit oligarkik dhe me ka bere pershtypje urrejtja qe shprehin ndaj njerezve te ndershem qe punojne. Kjo tregon se percmimi ne Shqiperi eshte kthyer ne bazen e nje sistemi social-politik ne qeverrisje dhe si produkt i ketij sistemi megallomaniak ka dale edhe thirrja “Shqiperia e ardhmja jone” qe ne te vertete synon te mbaje Shqiperine si placke dhe te ardhmen e tyre.

Nese nenkryetari i Erion Veliaj merr 12 rroga nga punesime te deklaruara, atehere cfare mund te mendojme per luksin e kryetarit dhe kryeministrit qe jo vetem mbrohen me ligj por edhe nga bujaria e oligarkeve qe i rrethojne? Pra Shqiptaret duhet patjeter qe, kur Edi Rama dhe Veliaj ulerasin “Shqiperia e ardhmja jone” te kuptojne “Shqiperia e ardhmja e tyre”.

P.S. Sa per kujtese te gjithe votuesve ne Shqiperi qe te kuptojne se vota per Rilindjen eshte vote per “Shqiperia e ardhmja e tyre” dhe per te ilustruar cfare thame me siper, po rendis me poshte punesimet e nenkryetarit te Veliaj. Mos harro se:

“ARBJAN MAZNIKU

1– Drejtor Administrativ i kompanisë koncesionare “Eco Tirana” me pagë mujore 1500 Euro, ku Bashkia ka 51% aksione, ndërsa grupi mafioz “Ndraghet’a” ka 49% aksione.

2– Kryetar i Këshillit Mbikëqyrës të Ujësjellës-Kanalizime Tiranë, me delegim nga kryetari statutor Erjon Veliaj, ku paguhet 1000 Euro në muaj.

3– Mbikëqyrës i administrim-likujdimit të kompanisë “TI-VA Sh.a” me pagë 500 Euro; shoqëri prodhim-shitje materialesh ndërtimi, ku bashkia është pronare me 51%, ndërsa 49% i ka firma italiane veroneze “Ital-Tub”.

4– Administrues i përkohshëm i Ndërmarrjes Studentore Nr. 3 Tiranë, me pagesë mujore 600 Euro; qysh prej datës 15.08.2020, pas ndarjes nga jeta të ish-adminisratorit Ndue Ndoci.

5– Mbikëqyrës për administrim-likujdimin e shoqërisë “SPORT KLUB FARKA me pagë mujore 300 Euro; e cila është 49% në pronësi të Bashkisë Tiranë, 31% në pronësi të Çim Fushës e 20% në pronësi të ish-kryekomunarit të PD, Fatbardh Plaku.

6– Zv/kryetar i Bordit “KLUB-FUTBOLL TIRANA”, ku Bashkia është 34% pronare; si dhe mbikqyrës i deleguar administrativ prej kryetarit të Bashkisë Tiranë, me pagë mujore 700 Euro.

7– Zv/kryetar i Këshillit Mbikëqyrës të Fondacionit Kredi-Biznes-Ndërtime “CRIMSON FINANCE FUND ALBANIA”, me pagë mujore 800 Euro, ku Bashkia-Tiranë është pronare me 25%, në ortakëri me Aleksandër Sarapuli dhe kompaninë “Aleat” të pasaportave.

8– Kryetar i Këshillit Mbikëqyrës të kompanisë “TIRANA AGRIKULTURE shpk” krijuar më 15.07.2020, në pronësi 100% të bashkisë, por ende pa pagë.

9– Kryetar i Këshillit Mbikëqyrës të kompanisë “TIRANA DC Sh.a” krijuar më 28.10.2020; me aktivitet rindërtimi tërmeti, evente kulture, import makineri, transaksione pronash etj.; në pronësi 100% të bashkisë, ende pa pagë.

10– Emëruar nga kryebashkiaku Veliaj, në postin Drejtor i Projekteve të punëve publike që krediton grupi “Abui Dhabi” për Bashkinë-Tiranë; nuk dihet sa e ka pagën mujore.

11– Emëruar në Bordet e 4 Universiteteve Publike të Tiranës, me të drejtë vote, si përfaqësues i pushtetit lokal dhe pagë mujore nga 200 Euro tek secili.

12– Deleguar nga kryetari i Bashkisë Tiranë, Veliaj, si përfaqësues-anëtar bordi në vend të tij në FSHZH, me pagë mujore 600 Euro”.

Banorët e Vaqarrit: “Administratori Gent Muço po na vjedh pronat”! Basha: Hajdutët do të përballen me ligjin. Votoni numrin 9

• Banorët e Vaqarrit ankohen tek Basha: “Administratori Gent Muço po na vjedh pronat”

• “Hajdutët e administratës janë aty për shkak të kapjes së drejtësisë”, Basha banorëve të Vaqarrit: Votoni numrin 9 që të çlironi drejtësinë dhe hajdutët të përballen me ligjin.

• Basha me banorët e Vaqarrit: 25 prilli është dita ku me votën në numrin 9, do të ktheni autonomin vendore dhe administratën që do t’i shërbej qytetarëve.

Kryetari i Partisë Demokratike, Lulzim Basha, ka zhvilluar një takim me banorët e Vaqarrit, të cilët ngritën shqetësimin se administratori i njësisë administrative Vaqar, Gent Myrto, po u vjedh pronat e banorëve.

Qytetari: Këtu në 2014 ka qenë komplet me mure kjo këtu. Kjo zonë ka ngrënë afro 500 milion lekë të vjetra gjoba nga INUK-u. Kemi mbifaturime diku tek 10-15 milion për shtëpi të energjisë elektrike. Këtu nuk ka gjobë që nuk është vënë. Ky është vendi më i persekutuar i gjithë zonave. Se ne kemi njerëz dhe ne Sauk, kemi dhe në Selit, gjithandej, si në Vaqarr, Pezë, Ndroq është katastrofë. Kemi probleme me marrjen e pronave. Çunit të xhajës i prishën dyqanin aty. Kot fare, do zgjerojmë rrugën të prishim dyqanin pa letra fare.

Lulzim Basha: Kush është këtu, një Gent Myrto apo jo?

Qytetari: Po ai është.

Basha tha se arsyeja se pse drejtuesit e administratës janë hajdut pronash, është për shkak se drejtësia është nën presionin politik. Kryedemokrati tha se 25 prilli është dita ku me votën në numrin 9, do të çlirohet drejtësia nga presioni politik dhe të gjithë ata që kanë shkelur padrejtësisht të drejtat e qytetarëve, do të përballen me ligjin. Kreu i opozitës u zotua se duke e rikthyer autonominë vendore njerëzve dhe administrata e re do të jetë tërësisht në shërbim të qytetarëve.

“Tani, Gent Myrto ju e dini fare mirë është një grabitës i çertifikuar tokash. E vetmja arsye se pse ai është këtu dhe jo aty ku e ka vendin, është sepse drejtësia është nën presioni politik të kësaj. 25 prilli ёshtё dita ku me votën numër 9 ju do tё çlironi edhe drejtësinë nga presioni politik dhe njё drejtësi e çliruar nga presioni politik, Gent Myrton me shokë, i cili ёshtё njё nga grabitësit mё tё mëdhenj i tokave nё Shqipëri, tokave tё Vaqarrit nё kёtё rast, por si tё tillё ka shumë shembuj, nuk do tё ketë mё pastaj shpëtim nga drejtësia. Sigurisht drejtësia do ta bёj drejtësinë, s’do ta bёj qeveria. Ne do t’i mbajmё duart larg sistemit tё drejtësisë. Por arsyeja e vetme pse kanё ndodhur këto gjëra këtu ёshtё sepse qeveria me presion politik ndaj prokurorëve, ndaj gjyqtarëve i kanё mbrojtur zyrtarët e korruptuar tё cilët iu grabisin pronat, tё cilët ju grabisin taksat dhe pastaj i ndajnë me njё grusht pushtetarësh nё Tiranë.

Kur flasim për ndryshimin, një pjesë shumë e rëndësishme e ndryshimit do të jetë kjo. Më 25 Prill me votën për Partinë Demokratike, për Aleancën për Ndryshim, me votën për numrin 9, ju do të na jepni mundësinë ti çlirojmë duart drejtësisë. Ajo qe do të bëjmë të mundur më 25 Prill është ndryshimi. Dhe kjo do të thotë në radhë të parë t’ia kthejmë institucionet njerëzve. A mund të quhet institucioni juaj administrata e kësaj njësie administrative. A është demokraci që Vaqarri, Ndroqi, Peza të jenë një shtojcë e një qyteti që po shkon një milionë banorë, a kujtohet njeri për hallet dhe problemet tuaja? Sigurisht që jo. Kështu që ne do të nisim menjëherë konsultim me banorët procesin e decentralizimit të vërtetë dhe do ja kthejmë autonominë vendore, do j’ua kthejmë përgjegjësinë ta zgjidhini ju kryetarin e njësisë vendore, se s’mund të rri kryetari i njësisë vendore te sheshi “Skënderbej”.

Grabitës tokash si ky që keni këtu dhe siç janë anembanë Shqipërisë dhe të jeni të sigurt që me 25 Prill kjo dramë do të marrë fund. E vetmja gjë që duhet është masivisht me 25 Prill masivisht në kutitë e votimit asnjë banor të mos mbetet në shtëpi sepse përgjegjësinë e keni ju. Përgjegjësinë për votë e keni ju. Është në dorën tuaj, ju e keni atë fuqi. Përdoreni atë fuqi, këtë po e kërkoj unë, këtë po e kërkojnë edhe partnerët tanë. Përdoreni ju atë fuqi, merreni atë përgjegjësi. Unë ju ftoj të votoni për ndryshimin, të votoni për numrin 9 dhe unë ju garantoj se një nga efektet e saj do të jetë edhe do të kemi një drejtësi funksionale, pa presion politik e cila nga zyrtari i parë i shtetit, nga Kryeministri i ardhshëm, nga Unë e deri tek zyrtari i fundit, në qoftë se shkelim ligjin do të përgjigjemi para drejtësisë”, tha Basha.

 

Pensionistja: “Lekët nuk na dalin as për bukë, nuk blejmë dot ilaçet”. Bushati: “Qeveria e ardhshme do të rris pensionet

Drejtuesi politik i Partise Demokratike, Helidon Bushati ka zhvilluar një takim me pensionistët në lagjen “Perash” në qytetin e Shkodrës, ku ka bashkëbiseduar me to rreth shqetësimeve që kanë. Pjesë e takimit ishin edhe prindërit e tij, ku si të gjithë pensionistët përballen me të njëjtat probleme.

Pensionet e vogla dhe harresa që ka bërë qeveria e 8 viteve për qytetin e Shkodrës dhe shkodranët, ishin shqetesimet kryesore ndërsa shumë prej tyre thanë se jetojnë me të ardhurat e femijëve pasi pensioni nuk ju del as për bukë jo për të mbyllur faturat e mujit apo për të blerë ilace.

Bushati shpalosi programin e partisë demokratike dhe përfitimet që do të ketë kjo grupmoshë pas zgjedhjeve të 25 prillit.

Ai u angazhua se qeveria e ardhshme do të rrisë pensionet sa dyfishi i normës së inflacionit dhe ne cdo rast jo me pak se 5% në vit.

Po kështu pensionistët do të jenë përfitues të skemës së rimbursimit të ilaçeve, uljes së çmimit të energjisë elektrike.

Bushati, tha se në qendër të vëmendjes do të ketë familjen shqipatre, mbeshtetjen ndaj e biznesit, mbeshtetje ndaj te rinjeve si dhe lufta kundrr krimin dhe korrupsionin

Helidon Bushati: Ju falenderoj për pjesëmarrjen edhe emocionet janë të madhe meqë jam me pensionistët e lagjes time , me miq të mi, kushërinj të mi dhe sidomos kam një emocion të vecantë sepse ndodhen edhe prind e mi. Jo shpesh herë më ndodh që të kem edhe prind në takimet elektorale , ndaj sot kam një emocion të vecantë.
Jeni ju që kontribuat gjatë viteve jo të lehta të diktaturës, që punuat, që na sollët në jetë ndaj përgjegjësia për ne ëshët shumë e madhe. Në 8 vitet e fundit, ju jeni përballur me premtime boshe , jeni përballur me gënjeshtra të kësaj qeverie, nuk jeni të vetmit. Cdo familje shkodrane, cdo familje shqiptare është përballur me gënjeshtra, Shkodra vet është përballur me gënjeshtra dhe me përbuzje. Shkodra sot gjendet në një situatë jashtëzakonisht të keqe. Secili prej jush e ndjen cdo ditë nëpërkëmjen e rilindjes për kryeqendrën e veriut, për qutetin që aq shumë i ka dhënë Shqipërisë. Varfëria ka zënë vend në tryezat e secilit prej nesh , e secilit prej jush edhe të familjes time. Ju përballeni me të njëjtat probleme që përballet cdo familje shkodrane, cdo familje shqiptare.
Sot përballemi me një qeveri që mendon vec për vete, një parti që mendon vetëm për njerëzit e vet, një parti shtet e cila kujdesesh vetëm për oligarkët e vet.

Përballeni me cmime dritash shumë të larta. Pse kjo? Pikërisht, sepse qeveria don që të abuzojnë. Shërbimi shëndetësor erdhi në 2013 me një prej gënjeshtrave “shëndetësia falas” , secili prej jush e prek të vërtetën. Jo vetëm që s’ka shëndetësi falas, por ka një shkatërrimtë sistemit shëndetësor dhe ju më tepër tjerët e shihni këtë. Cmimet e ilaceve prekun xhepin e secilit prej jush, ndikojnë për secilin prej jush edhe tek familjarët e mi.
Unë jam Helidon Bushati dhe ju më njihni gjithë dhe jam këtu për të marr angazhime, për të marr angazhime si përfaqësues i partisë demokratike, si drejtuesi politik i qarkut Shkodër, si një ndër ju, padyshim edhe si deputeti i zonës dhe djali juaj. Me përultësi do të doja që të parashtroja disa nga pika e programit të partisë demokratike për pensionistët.

Ne do të rrishim pensionet cdo vit, minimalisht sa dyfishi i inflacionit dhe jo më pak se 5% në vit. Me objektivin për të dyfishuar brenda 4 viteve të para dhe objektivin për të dyfishuar pensionet, të gjitha pensionet.

Do të rimbursojmë, do rrisim listën produkteve, e ilaceve të rimborsueshme, do rimbursohen sipas diagnozës edhe ilacet, do ketë rritje të gamës së ilaceve të furtura në rimbursim, që nuk do paguhet asnjë lekë nga ana juaj.

Pensionisti 1: E majta ka urrejtje gjenetike për veiun, aq ma tepër kjo kuptohet me fondet, me përkushtimin që ban kundrejt bashkisë Shkodër dhe qytetarëve shkodran.

Pensionisti2: Kena punu 40 vjet edhe një pension 200 mijë lekë, mos me pa fëmijët që kanë marr rrugat ne s’do të kishim një jetesë për me dal me hangër bukë, jo ma për ilace.

Helidon Bushati: Gjatë fjalës time unë u fokusova shumë tek familja në përgjithësi sepse sot familjet kanë të njëjtat probleme. Të rinjtë kanë problem me shku në universitet sepse janë në pamundësi ekonomike. Familjarët me rrogat e tyre kanë pamundësi për të shtyer muajin, ju keni problemet tuaja sic e thash edhe më përpara keni problem, qoftë dhe vetëm për ilacet . Këto janë problemet që kanë të gjithë familjet shqiptare dhe fokusi I programit të partisë demokratike janë rritja e mirëqenies të familjes shqiptare. Ndaj 25 prilli do të jetë ajo që do të ndaj dy epoka, 8 vjecari shaktërrim dhe tani fillon rindërtimi, tani fillon zhvillimi jo vetëm i Shkodrës por i gjithë Shqipërisë.

Të dëmtuar nga tërmeti, familjes me bindje të djathta, i hiqet ndihma ekonomike. Këlliçi: Durim deri më 25 prill

Një familje me shtatë anëtarë në Kus, Kashar qëndron brenda një banese gati të rrënuar.

Pas tërmetit të Nëntorit 2019, familja u vendos përkohësisht në çadër pasi shtëpia u vlerësua “e pabanueshme” nga inspektorët. Kanë kaluar 16 muaj që familja pret rindërtimin dhe ndihmë konkrete në përballimin e fatkeqësisë. Pas një qëndrimi të gjatë në çadër, kjo familje u rikthye në banesën e saj ende të dëmtuar.

Kryefamiljari e ka fizikisht të pamundur të punojë. dhe si të mos mjaftonin sëmundja dhe fatkeqësia natyrore, atij i kanë hequr ndihmën ekonomike, çka i ka zhytur në borxhe dhe mjerim.

Për të biseduar me zonjën e shtëpisë, shkoi Belind Këlliçi, kandidat për deputet i PD në këtë zonë të Tiranës. Këlliçi u njoh nga afër me situatën tejet të rënduar dhe u ndal të pyeste për arsyet e heqjes së ndihmës ekonomike, përgjigja e së cilës ishte shkurt “ngjyrimi”, si referencë për bindjet politike. “Nuk hyn ngjyrimi këtu, hyn mjerimi”, u shpreh Këlliçi.

Pa ndihmë në të holla, ushqime dhe veshmbathje, e përjashtuar nga ndihma ekonomike, kjo familje rrezikon edhe gjobë për lidhje të paligjshme të energjisë elektrike.

“Këta nuk janë njerëz, nuk janë qeveri”, shprehu revoltën e tij Këlliçi, i cili kërkoi durim edhe pak ditë derisa shqiptarët, sipas tij, të zgjedhin më 25 prill një qeveri normale me një kryeministër normal.

Procesi i rindërtimit le shumë dritëhije në trajtimin e qytetarëve të prekur nga tërmeti. Sukses ose dështim, këtë e vendos sovrani më 25 prill.

Vlora ushton nga ovacionet dhe entuziazmi i mbi 700 të rinjve dhe të rejave

Nën tingujt e muzikës, mbi 700 të rinj e të reja anëtarë të FRPD dhe të rinj të paangazhuar u mblodhën si përgjigje e thirrjes së kryesisë së forumit rinor. Vlora ushtoi nga thirrjet, entuziazmi, besimi i tyre në fitore. Një entuziazëm që i mbush me shpresë të gjithë për ndryshimin që do të vijë nga rinia në këto zgjedhje. Sepse rinia është në ballë të ndryshimit dhe ndryshimi në radhë të parë bëhet për të.

Aktiviteti u çel nga kryetarja e FRPD, Sara Bodo, e cila falënderoi të rinjtë që do të bëjnë ndryshimin. Kryetari i PD Vlorë, Genc Deromemaj u shpreh me entuziazëm për këtë organizim dhe i ka falënderuar të rinjtë për punën dhe angazhimin e tyre në këtë fushatë. Kandidatët për deputetë të listës së PD, Fatjon Veizaj, Atird Hoxha, Arbi Agalliu, Nada Daullja, Nada Meçorapaj, Gëzim Ademaj, Alta Haluci kanë përshëndetur të rinjtë e Forumit dhe të rinjtë vlonjatë dhe kanë theksuar angazhimin e tyre që të jenë zëri i tyre në parlament dhe në qeveri.

I impresionuar nga pjesëmarrja e tyre në fjalën time përshëndetëse theksova: “E sotmja kërkon energjinë tuaj! E ardhmja ka fytyrën tuaj! Jemi të gjithë bashkë. Shqipëria kërkon ndryshim! Ne, së bashku, jemi shpresa dhe forca që do e bëjmë këtë ndryshim të mundur.

FRPD Vlorë ka qenë shembull i një fushate qytetare, plot ide e shpresë, shembull i një fushate me vizion. Gjatë gjithë këtyre ditëve të fushatës sonë ju keni treguar se jeni me të vërtetë një vlerë e shtuar për Partinë Demokratike e cila lindi prej të rinjve, ëndrrave e dëshirave të tyre.

Përgjatë fushatës keni qenë në ballë të entusiazmit qytetar, duke bindur jo vetëm prindërit tuaj, shokët tuaj, por edhe ne për përgjegjësinë që kemi përpara jush, në mënyrë që ta bëjmë së bashku Shqipërinë më të jetueshme e normale, ta bëjmë europiane, në radhë të parë për ju! Për të ardhmen tuaj!

Unë besoj fuqimisht se NDRYSHIMI do të vijë përmes angazhimit të rinisë, angazhimit tuaj.

Kryetari Basha në programin e tij rinisë i ka dhënë një prioritet të veçantë, duke theksuar rëndësinë e rinisë jo vetëm në themelimin e PD dhe në ndryshimet e jashtëzakonshme historike të Shqipërisë, por edhe për shpresën që ka PD për rotacionin politik të 25 prillit, si dhe frymën e re në qeverisje nesër.”

U përcolla të rinjve mesazhin: “Shiheni të ardhmen tuaj në Shqipëri! Shqipëria do të ndryshojë! Partia Demokratike në pushtet do t’i realizojë angazhimet, por edhe ju të kërkoni për gjithë ekipin e PD nesër në pushtet të bëjë realitet Ndryshimin!

Arma jonë në përballjen me të Keqen sot është Vota! Me Votë ndëshkoni të gjithë ata që në këto 8 vite ju kanë tallur e nëpërkëmbur, që ju kanë larguar, ju kanë vrarë shpresën!

Ndëshkoni me votë të gjithë ata që kërcënojnë prindërit e të afërmit tuaj me bukën e gojës! Ndëshkoni me votë ata që në këto tetë vite nuk bënë asgjë për ju e familjet tuaja, përveçse t’i varfëronin për t’u nëpërkëmbur dinjitetin, për t’u blerë votën e për t’i poshtëruar!

Me ndihmën tuaj, Shqipëria do të fitojë! Do të fitojë me ju e për ju!”

#VloraFit❤n✌✌✌✌✌
#ShqipëriaFit❤n🇪🇺🇺🇸🇦🇱🇦🇱🇦🇱
#RiniaFi❤n💪💪💪💪💪

Shqipëria është një perlë e Europës, Rama nuk ka bërë asgjë për infrastrukturën për turizmin

DEKLARATË E PARTISË DEMOKRATIKE, ZËDHËNËSJA E FUSHATËS SË PD, FLORIANA GARO

Shqiperia eshte nje perle e mrekullueshme e Europes.

Panoramat dhe plazhet tona duhet te prisnin miliona turiste cdo vit, por Rama nuk ka hedhur asnje hap ne kete fushe ne 8 vite…
Ai nuk ka bere asgje per te kuptuar potencialin e turizmit.

Fqinjet tane, Kroacia, Sllovenia, Montenegro, Bullgaria dhe Greqia po e bejne te lulezoje industrine e turizmit. Nderkohe, Shqiperia jone e bukur ka mbetur prapa.

Rama nuk ka bere asgje per te krijuar nje infrastrukture te mire per turizmin- nuk ka as aeroporte, as rruge dhe as hotele ose mundesi akomodimi.

Nderkohe qe ne, me partine demokratike kemi ndertuar plane te detajuara ne favor te infrastruktures qe do ta ktheje Shqiperine ne nje qender terheqese per turistet ane e mbane botes.

Me 25 Prill, votoni 9 per Partine Demokratike dhe Aleancen per Ndryshim dhe kthejeni turizmin ne nje krenari kombetare!

 

“Kemi qenë socialistë, por do votoj për ju”, Basha: Jemi një familje, votoni 9 për fëmijët tuaj, për ndryshimin

Kreu i Partisë Demokratike, Lulzim Basha, ka vizituar familjen Bardhi në fshatin Mënik të Tiranës, ku ka dëgjuar nga afër problemet që i shqetësojnë.

Kryefamiljari Islam Bardhi, është fermer dhe njëkohësisht socialist i zhgënjyer -pasi siç thotë ai- nuk ka parë asnjë ndihmë nga qeveria as për bujqësinë, as për tërmetin dhe as gjatë pandemisë. Ai gjithashtu u shpreh se më 25 prill do t’i bashkohet ndryshimit për t’i dhënë fund torturës 8 vjeçare.

“As ndihmë për bujqësi, as kovid, as naftë, asgjë. Po edhe këto familjet e shkretë që ua shembi tërmeti, ju dhanë një letër i bënë vet dhe në fund fare i kanë proceduar për gjyq. Edhe kjo është bërë. Shpresojmë tani që me ju përpara e me këto djemtë e ri ishalla do të ndryshohet. Ndryshimi do të vijë me votë, kështu që vota ka shumë rëndësi. Ju e dini. Atje ku kam të gjithë unë u kam thënë, dashamir u kam thënë edhe pse kemi qenë komunistë, kemi qenë socialistë, harrojeni këtë punë se boll na torturoi. Ne do ta provojmё pas datёs 25”, u shpreh Islam Bardhi.

Duke e falënderuar për mbështetjen që po i jep ndryshimit, Basha tha se janë shumë socialist që publikisht po e deklarojnë votën e tyre për ndryshim. Kreu i opozitës tha se ky bashkim i të gjithë shqiptarëve pa dallim partiak, do i hap rrugë programeve të Partisë Demokratike që kanë në fokus ekonominë, punësimin, mirëqenin dhe Integrimin Europian, që do të ndihmojë edhe fermerin shqiptarë.

“Tani dy gjëra dua t’u them zoti Islam. E para e punës që ti ke vendosur të votosh për ndryshimin, që ju keni vendosur të votoni për ndryshimin, sigurisht që më kënaq pa masë. Dua të të them, besoj nuk e di e ke ndjekur apo jo, janë shumë socialist që publikisht po e deklarojnë votën e tyre për ndryshim. Kjo është në radhë të parë përgjegjësia e madhe qytetare. Se njeriu përgjegjësinë më të madhe e ka ndaj familjes së vet, pastaj ndaj atdheut. Në fund të fundit, Shqipëria është e juaja, është e njerëzve, nuk i takon partive. Partive u takon që të vijnë me plane dhe të mbajnë fjalën. Ti e di që 8 vite me radhë premtimet kanë qenë me bollëk, punët kanë qenë zero dhe ne kemi mbetur në vend numëro si në fushën e bujqësisë ashtu dhe në gjithë sektorët e tjerë të ekonomisë, si në arsim dhe në shëndetësi.

E dyta dua të them, ne s’kemi për t’i ndarë shqiptarët në të majtë dhe të djathtë. Për ne plani ynë i zhvillimit që ka në fokus ekonominë, ka punësimin, ka mirëqenin, natyrisht ka dhe Integrimin në Europian se do na ndihmojë ajo që të ndihmojmë edhe fermerin shqiptarë. Kjo i vjen në ndihmë gjithë shqiptarëve pa dallime politike. Prandaj kush do ndryshimin, kush e di që pas 8 vjet premtime të pa mbajtura mandati i tret është rreziku më i madh, për familjet e shqiptarëve, për fermerin shqiptarë, për të rinjtë shqiptarë e kanë ndarë mendjen dhe unë këtë e prek, e ndiej kudo dhe ndryshimi është mes nesh që shpresa është rikthyer. Sigurisht e mirëpres besimin tuaj por e konsideroj dhe përgjegjësi shumë të madhe dhe po të garantoj sot ty dhe çdo socialistë të na bashkohet dhe e di që unë nuk kam mundësi ti takoj të gjithë. Shumë po takoj por shumë socialistë që do të na bashkohen me votë për ndryshimin me datë 25 duke votuar numrin 9-të dua të ju them që ne do ta marrim këtë si një angazhim serioz për të ju përgjigjur të gjithë vëllezërve dhe motrave tona.

Prandaj faleminderit për mbështetjen tuaj dhe siç e thatë vetë, brezi i ri sjell një kulturë te re politike dhe kjo është kultura e re politike që kemi më njëri-tjetrin. Dhe së dyti, më e rëndësishmja meqë vini nga Partia Socialiste për të mbështetur ndryshimin, po ju them edhe njëherë mirë se vini! Ne jemi një familje, një popull, një komb dhe mirë se vijnë të gjithë ata socialistë të zhgënjyer, sepse ndryshimi do të jetë për të gjithë ne. Ne nuk do t’i ndajmë njerëzit në të majtë e të djathtë. Programi do t’i japi frytet për të gjithë. E vetmja gjë që kërkohet, më 25 Prill të merrni përgjegjësitë për familjet tuaja, për fëmijët tuaj. Nuk është dita e partive, është dita juaj dhe të shkoni të votoni numrin 9 për ndryshimin. Sepse zgjidhja kjo është”, tha Basha.

Pentagoni konfirmon pamjet e shumta të UFO-ve mbi luftanijen amerikane, gati raporti i parë zyrtar

Pentagoni ka konfirmuar vërtetësinë e pamjeve të sapo rrjedhura që tregojnë pamje të shumta të UFO-ve nga personeli i Marinës Amerikane, ndërsa qeveria përgatitet të lëshojë një raport të parë të këtij lloji për UFO-të shumë të pritura këtë verë.

Sipas FoxNews, përcjell Telegrafi, një video prej 18 sekondash tregon atë që përshkruhet si tre UFO në formë piramide që fluturojnë mbi anijen luftarake USS Russell natën në korrik të vitit 2019 në brigjet e San Diego.

Në një moment, objekti në formë piramide thuhet se qëndronte rreth 200 metra mbi “bishtin” e Russell.

Kjo thuhet të jetë videoja e parë që publiku ka parë nga incidenti i korrikut të vitit 2019 në të cilin UFO misterioze të përshkruara si mjete ajrore pa pilot thuhet se “kanë ngacmuar” të paktën tri anije luftarake amerikane gjatë stërvitjeve ushtarake për shumë ditë.

Watch the latest video at foxnews.com

Muaj më parë, një pilot i FA-18 thuhet se përdori celularin e tij për të shkrepur fotot e tre avionëve të ndryshëm të paidentifikuar në brigjet e Oceana në mars, duke përfshirë dy UFO të quajtur “Metalic Blimp” dhe “The Sphere”.

Avioni i paidentifikuar i kapur nga piloti në Mars 2019 ishte në gjendje të qëndronte i palëvizshëm në erëra të forta, pa asnjë lëvizje, përtej aftësisë të pajisjeve të ngjashme të njohura, sipas Mysterywire.com.

“Unë mund të konfirmoj që fotot dhe videot e referuara janë marrë nga personeli i Marinës”, ka thënë zëdhënësja e Departamentit të Mbrojtjes, Susan Gough, për Fox News.

1...2 3792 3802 381...8 372Faqja 2 380 nga 8 372

Kryesore

Continue to the category
Më shumë
© 2024 Rilindja Demokratike Euroatlantike