• Basha me gratë sipërmarrëse në Elbasan: Fund trajtimit të disave si të nënës e të tjerëve si të njerkës. Bizneset deri 140 milion lek xhiro, taksat dhe tarifat lokale në total deri 0,5% të xhiros.

• “Gjobat të marrin sa disafish taksat.” Basha u premton se nuk do të kenë më inspektime dhe gjoba. Gratë sipërmarrëse në Elbasan: Kalimi në biznes të madh na gjunjëzoi.

• Basha: Pulla në xham ndalon inspektorët të kthejnë në bizneset e vogla deri 140 milion lek xhiro. Sipërmarrëset elbasanase: Ikja e të rinjve e ka ulur konsumin në mënyrë dramatike.

Kryetari i Partisë Demokratike, Lulzim Basha, ka zhvilluar një takim me gra sipërmarrëse në qytetin e Elbasanit, ku ka bashkëbiseduar për klimën e sipërmarrjes dhe vështirësitë e mbijetesës së biznesit.

E pranishme në këtë takim ishte edhe kandidatja për deputete e Partisë Demokratike për Elbasanin, Flutura Açka, e cila tha se sot gratë në Shqipëri e kanë më të vështirë se burrat në fushën e sipërmarrjes.

“Unë jam vetë biznesmen në nja farë mënyre, bussineswoman, biznes të librit dhe e kuptoj shumë mirë se çfarë do të thotë të përballesh si grua në fushën e sipërmarrjes sepse nuk e kemi aq të lehtë sa burrat. Ti themi gjërat siç janë, ne nuk mund të marrim prej xhaketë kryetarin e bashkisë ose atë që ka në dorë për të ndihmuar ose për të na dhënë letër, një dokument ose një kredi, e kemi shumë më të vështirë, duam, nuk duam ne, kjo është e vërteta jonë shqiptare. As nuk marri në kafen një burrë që ka në dorë domethënë kredinë tonë, as nuk mund të bëhet marrëveshje të kësaj natyre. Në këtë sens biznesi ynë është shumë më i ndershëm, biznesi ynë është shumë më transparent, kjo është e sigurt por sigurisht kemi edhe këtë vështirësinë tjetër, mendoj se secila prej zonjave ka përvojën e saj edhe do të flasin vetë por unë i shikoj gratë sipërmarrëse si një nyje shumë e fortë lidhëse e shoqërisë tonë”, tha Flutura Açka.

Gratë sipërmarrës ngritën problemet që përballet sot biznesi i tyre, për shkak të taksave të larta, rënies së fuqisë blerëse, të cilët zanafillën e kanë tek gënjeshtrat dhe harresa e qeverisë.

“Veprimtaria ekonomike që ne ushtrojmë është tregtimi i mallrave perdeve dhe metrazheve, mirëpo në këto tetë vite ne kemi hasur shumë vështirësi. Biznesi ynë ka paguar taksa shumë tё larta, tarifat vendore. Por jo vetёm kaq. Pёr shkak se ekonomia ka rёnё, ka rёnё dhe fuqia blerëse dhe kjo ka bёrё qё tё bjerё ndjeshëm ecuria e zhvillimit tё biznesit tonё. Taksat qё na u premtuan qё do tё ishin tё ulëta dhe ekonomia e lartё, nuk arritën dot qё biznesin tonё ta ndihmonin nё ecurinë dhe zhvillimin por ndikoi pёr keq, e dëmtuan dhe kjo çoi nё kalimin e biznesit nё biznes tё vogël”, u shpreh Albana.

“Kam njё biznes tё vogël familjar siç e thashë, fruta-perime. Problemet janë shumë tё mëdha se siç e thashë këto kohët e fundit qe dhe kjo puna e pandemisë qё e ka vështirësuar shumë dhe pjesa mё e madhe e rinisё kanё ikur jashtë shtetit dhe kanё ngelur vetёm tё moshuarit nёpёr shtëpi tё gjithё dhe xhirot nё dyqane janë shumë tё ulëta, dhe taksat ndërkohë janë shumë tё larta. Dhe ndërkohë qё unë kam të bëj me fruta perime që është një gjë që është e parezistueshme, nuk reziston sot për nesër dhe shumë, shumë është e pamundur që t’ia dalësh me gjithë këtë sakrificë. Kur shikon që hyn njeri në dyqan, pati marrë 1 kilogram para një viti, tani merr dy kokrra, dy domate, një kastravec, një spec sa të bëjë një vakt bukë”, tha një nga pjesëmarrëset.

Basha tha se me planin e Partisë Demokratike për biznesin, i cili parashikon që çdo biznes me xhiron nën 140 milion lekë të vjetra në muaj, nuk do të paguajë asnjë shumë mbi 0.5% të xhiros vjetore në vit, uljen e ccmimit të energjisë elektrike dhe të naftës. Ai gjithashtu tha se një vendim tjetër i qeverisë së ardhshme do të jetë anulimi i procesit të fiskalizimit, ku sipas kreut të opozitës është një proces korruptiv.

“Janë dy gjëra të cilat janë të lidhura me njëra tjetrën, plani ynë për ekonominë dhe plani ynë për gruan në shoqëri. Pse kemi një plan të veçantë për gruan? Sepse me të vërtetë është gjysma e shoqërisë por ka dyfishin e ngarkesës dhe merr më pak përkrahje sesa merr gjysma tjetër e shoqërisë. Edhe sikur ta zhveshim këtë nga përditshmëria, ajo që preku Flutura, domethënë sa e vështirë është për një grua të çajë përpara në raport me një burrë në jetën e përditshme si sipërmarrëse, por jo vetëm, në çdo fushë tjetër çdokush e kupton që në qoftë se ke gjysmën e shoqërisë me dyfishin e ngarkesës dhe gjysmën e përkrahjes krahasuar me gjysmën tjetër atëherë ke një defekt të madh në ingranazhin që e çon shoqërinë përpara.

Dy propozime që ne i bëmë dhe për të cilat bëmë betejë: Propozimi i parë që të hiqej taksa për biznesin e vogël gjoja u adoptua pas disa vitesh. Por ju e dini të gjithë që kjo është fiktive sepse me të vërtetë nga njëra anë u hoq taksa për biznesin e vogël siç propozuam ne por nga ana tjetër u shtuan tarifat vendore për shërbime të cilat biznesi i vogël nuk i merr, u shtua çmimi i karburantit, u shtua çmimi i energjisë dhe mbi të gjitha u shtuan gjobat. Gjobat që paguan biznesi i vogël. Me një gjobë të merr dyfish, trefish saç të merrte më përpara me taksimin që gjoja hoqi. Zgjidhja për këtë është fare e thjeshtë.
Nëse ne nuk shëndoshim shtyllën kurrizore të ekonomisë që është biznesi i vogël dhe i mesëm që përbën 98.5% të ekonomisë ndërkombëtare, atëherë ekonomia kurrë nuk ngrihet në këmbë, kurrë nuk mund të ecë përpara. Ndaj dhe platforma për biznesin e vogël është më favorizuesja në rajon.

Tavani prej 0.5% të xhiros totale vjetore për taksat dhe tarifat vendore. Nëse i ke më të ulëta dhe natyrisht ne do ta nxisim pushtetin vendor t’i ulë dhe më shumë, akoma më mirë, por 0.5. Asnjë biznes me xhiron nën 140 milion lekë të vjetra në muaj nuk do të paguajë asnjë shumë mbi 0.5 % të xhiros vjetore në vit. Dhe kjo bëhet me qëllim që shtylla kurrizore, biznesi i vogël ta rimarrë veten dhe në këtë mënyrë të ndihmojë gjithë strukturën ekonomike shqiptare. E dyta është çmimi i naftës apo karburantit, naftë, benzinë dhe çmimi i energjisë elektrike. Edhe këtu ne thyejmë rekorde. Ulja e tyre do të garantojë që ju, jo vetëm të mbijetoni po të rinisni ciklin e prodhimit, të tregtimit, të shërbimeve dhe të krijimit të fitimit në vend të zhytjes në borxhe dhe falimentimit.

Një pullë e vendosur në vitrinë, në dritare, në hyrje të biznesit të vogël, do t’ia bëjë të pamundur çdo lloj inspektori të shtetit, të futet brenda dhe të terrorizojë dhe të marrë nëpër këmbë sipërmarrësit, t’i trajtojë si të jenë skllevër të shtetit kur në fakt janë ata që mbajnë shtetin, mbajnë dhe shoqërinë, mbajnë dhe ekonominë. Këto pra, do të jenë hapa që menjëherë do t’i vijnë në ndihmë sipërmarrjes në tërësi. Bëjmë me pjesën tjetër të rëndësishme të rolit të gruas që është familja, janë fëmijët dhe nëse shteti është indiferent ndaj sfidave me të cilat përballet gruaja shqiptare për të rritur fëmijët, atëherë s’e ka bërë shteti detyrën e vet. N

daj, platforma jonë për t’ju ardhur në ndihmë çifteve të reja me subvencione për interesat e kredive për banesat, me bonusin prej 30 mijë leke të vjetra për çdo fëmijë të porsa lindur deri në 5 vjeç, me tekstet falas dhe zgjatjen e orarit mësimor për t’ju ardhur në ndihmë si grave të punësuara ashtu dhe sipërmarrëse. Dhe me garantimin që çdo i ri dhe e re shqiptare që dëshiron të shkojë në Universitet të mos pengohet nga pamundësia e familjes për të paguar tarifat universitare ne besojmë fuqimisht që ndihmojmë familjen në tërësi dhe gruan në veçanti që ka barrën më të rëndë brenda familjes për të menaxhuar apo mirëmenaxhuar edhe në një situatë normale e jo më në këtë situatë të vështirë ku ndodhet Shqipëria sot.

Evazioni fiskal ka arritur kulmin, s’ka raport që nuk e përmend. Pse? Se i rrisin taksat, i trajtojnë 5 biznese si të nënës e 95 si të njerkës dhe pastaj ndërrojnë çdo dy vjet procedurat e fiskalizimit, kasat, e të tjerë, e të tjerë. Prandaj ju garantoj që ky proces të cilin ne e konsiderojmë korruptiv, do të ndalet dhe ju nuk do të paguani. Ata që kanë paguar do të rimbursohen sepse njësoj si gjobat e tjera që ka marr shteti shqiptar për shkak të papërgjegjshmërisë dhe klientelizmit të këtij kryeministri. Fiskalizim i themi ne tani, po është një proces thellësisht korruptiv do të ndalen dhe përgjegjësit do të vihen para ligjit”, tha Basha.

• Basha takon të rinjtë në Përrenjas: 10 mijë stazhe të paguara punë në vit, financim 100% të tarifave të studimit për studentë nga familje me të ardhura nën 640 mijë lek në muaj.

Kreu i opozitës, Lulzim Basha, gjatë vizitës së tij në Prrenjas, ka zhvilluar një bashkëbisedim me të rinj të këtij qyteti. Të rinjtë i drejtuan Bashës pyetje për problemet që kanë sa i përket vështirësive ekonomike që ka sot një student për të vazhduar shkollën e lartë dhe për vështirësitë e mësimit online. Basha tha se është turp që në akoma në ditët e sotme, studentët mësojnë në dërrasë të zezë. Ai u zotua se me digjitalizimin e universiteteve dhe stazhet e paguara nga shteti për 10 mijë student, janë disa nga pikat e planit të partisë Demokratike, për t’u dhënë mundësi për vende pune të mirëpaguara për studentët.

“A ka mundësi të eci përpara vendi, kur akoma studentët mësojnë me dërrasë të zezë dhe shkumës si të jemi një vend afrikan i varfër. Çfarë do të bëjmë ne? Digjitalizimin e universiteteve, e shkollave të mesme, të shkollave 9-vjeçare, të praktikave të punës, do të jenë pjesë e pandarë e studimit. Gjysma e kohës, prandaj i thonë trajnimi DUAL, gjysma e kohës terrori, gjysma e kohës do të merreni duke u ushtruar me atë që mësoni në auditore dhe në fund të studimeve për të ardhur tek pyetja juaj për 10 mijë studentët më të mirë do të ketë stazh 12 mujor të paguar nga qeveria, pra, të paguar nga taksat e nënave dhe baballarëve tuaj, me qëllim që ju të keni sigurinë pra të keni njëfarë ure nga auditorët, nga universitetet drejt tregut të punës. Dhe në këtë mënyrë do të plotësojmë edhe atë kriter tjetër që do investitori që do të ketë të rinj të përgatitur për profesionin që do ushtrojnë. Ky është plani ynë, sigurisht i përmbledhur se përndryshe do rinim me orë të tëra këtu. I përmbledhur dhe nuk është gjë tjetër veçse plani që po zbatojnë vendet e tjera të rajonit të cilat ia dalin ta frenojnë emigracionin ë të rinjve sepse krijojnë vende pune për të rinjtë me paga të mira. Në qoftë se ti ke një vend pune këtu dhe sigurinë për atë vend pune që do ta kesh dhe ke një pagë, në qoftë se je fillestar 800 euro apo 1000 euro që shkon deri në 2000 euro në fushën e Teknologjisë së Informacionit apo në fusha të tjera si inxhinieria apo arkitektura.

Pse shqiptarët shkëlqejnë kur emigrojnë, ,ë çdo fushë, si student, si profesionistë, si sportistë, si artist, si shkencëtar, si sipërmarrës? Pse nuk shkëlqejnë dot në vendin e tyre? Sepse nuk ju jepet mundësia. Dhe është pikërisht ky plan që e çliron Shqipërinë nga pamundësitë e këtyre 8 viteve. Është ky plan që e bënë të mundur atë ndryshim që kemi sot me vendet e rajonit dhe ju garantoj që në këtë përpjekje nuk jemi vetëm. Në këtë përpjekje ne kemi mbështetjen e Bashkimit Europian, mbështetjen e universiteteve Europiane, investitorëve serioz Europian, korporatat të mëdha, të cilat e dinë potencialin e vërtetë të rinis shqiptare. Këtë kërkojmë dhe ne, investimet Europiane, investimet Amerikane këtu, për vende pune dhe për paga të mira për rinin shqiptare sepse ne duhet dhe do ta mbajmë rininë shqiptare në vendin tonë duke i krijuar mundësinë për një të ardhme të mirë.

Pritën deri ditën e fundit për t’i thënë studentëve mos ejani se do t’i mbyllim universitetet. Ndërkohë, nuk kishin përgatitur asgjë, as platforma të unifikuara. 80% e studentëve, sipas një studimi mësojnë përmes celularit. A mësohet përmes celularit?! Ndërkohë që, ata që janë në zona me akses te keq në internet nuk mësojnë dot as përmes celularit. Prandaj, hapi i parë do të jetë zbatimi i asaj që i kërkova kësaj qeverie. Është kostuar, është plotësisht e mundur. Kushton shumë më pak sesa paratë që i japin miqve të tyre, oligarkëve, PPP-ve, koncesioneve, inceneratoreve. Por, na jep shumë më shumë leverdi sepse çdo euro e investuar që ju të mos humbisni as një ditë kohë më për shkak të kufizimeve të pandemisë, do na kthehet 10-fish, 100-fish kur të përgatiteni dhe kur të futeni në ekonomi si njerëz të zotë dhe të mundësoni atë skemë të investimeve dhe të punësimit. Kjo do të thotë që, do të kemi një rini të kualifikuar, të punësuar, një shtresë të mesme shqiptaresh dhe shqiptarësh të ditur, të mirëpaguar dhe të pavarur financiarisht, mendërisht dhe në çdo kuptim. Kjo në fakt është Europa, ky është standardi Europian dhe do ta bëjmë të mundur një bashkëpunim me Bashkimin Europian”, tha Basha.

Ndërsa sa i përket studentëve që e kanë të pamundur nisjen e universitetit për çështje ekonomike, Basha tha se do të mbështeten me bursa të gjithë ata student që vijnë nga familje me të ardhura nën 640 mijë lekë të vjetra në muaj.

“Për tarifat universitare ne e kemi marrë vendimin prej kohësh dhe tani e kemi pjesë të planit. Afro 90% e studentëve shqiptarë do të përfitojnë nga ky vendim dhe vendimi është që të gjithë ata që vijnë nga familje me të ardhura nën 640 mijë lekë të vjetra në muaj tarifat e tyre do të subvencionohen 100% nga shteti, si për bachelor ashtu dhe për master. Do të subvencionohen nga shteti, do të subvencionohet do të thotë nga buxheti, nga taksat që paguajnë prindërit tuaj. Nuk do paguajnë dyfish, edhe taksa, edhe tarifa, ndërkohë që familjet janë në vështirësi ekonomike. Do të thuash pse 640 mijë lekë. Kemi marrë minimumin jetik shumëzuar për 4 duke supozuar një familje mesatare prej 4 vetash dhe duke marrë minimumin jetik prej 160 mijë lekë të vjetra në muaj. Pra 9 në çdo 10 gjimnazistë dhe studentë aktualë do të përfitojnë nga kjo masë, 100% subvencionim të tarifave. Do të thotë që ju nuk do të paguani më tarifa për bachelor dhe për master. Por sigurisht kjo nuk e zgjidh problemin për ata që janë në nevojë ekstreme ekonomike, për familjet në nevojë ekonomike që s’kanë asnjë të punësuar, që në fakt edhe ndihmën ekonomike që marrin sot nuk iu mjafton për bukën e gojës jo më për shpenzime të tjera.

Ne do të parashikojmë program bursash, bursash të cilat do të jepen për të gjithë fëmijët e atyre që vijnë nga familje të tilla për të përballuar kostot minimale që janë qiraja e konviktit apo dhoma, është ushqimi, kostoja e ushqimit dhe kostoja e librave, e transportit dhe kostot minimale që ka një student. Ne përllogaritim që afro 5 mijë studentë shqiptarë përfitojnë nga bursa sociale sikundër nuk do të heqim dorë nga bursat e ekselencës, për të nxitur që studentja apo studenti përpiqem të arrijnë dhe shpalosin më të mirën gjatë periudhës së studimeve. 25 prilli bëhet për Shqipërinë dhe për familjet shqiptare. 25 prilli bëhet në veçanti për rininë shqiptare dhe për fëmijët shqiptarë. Nëse do të qëndrojë edhe katër vite të tjera në këto kushte, apo do të ecë përpara me ndryshimin qe do ta sjellim të gjithë së bashku dhe nga i cili do të përfitojë më shumë se askush tjetër rinia shqiptare”, tha Basha.

• Basha në Prrenjas takon gratë: Ndryshimi i 25 prillit do të ndryshojë kulturën politike. Kush më shumë se gruaja shqiptare e ndjen më shumë vuajtjen 8-vjeçare.

• Basha: Fuqizojmë familjen duke fuqizuar gruan shqiptare. Refuzoj t’u përgjigjem sulmeve të kundërshtarit.

• 8 vite teatër, e kemi paguar shtrenjtë. Basha nga Prrenjasi: Gratë dhe nënat tona meritojnë të jenë të sigurta.

Kryetari i Partisë Demokratike, Lulzim Basha, ka bashkëbiseduar me gra të papuna në qytetin e Prrenjasit. Gjendja e rënduar ekonomike dhe burokracitë e shtetit janë shkaku i problemeve që i ngritën gratë Bashës dhe ndryshimin më 25 prill e shohin si dhënie fund të teatrit qeveritar të 8 viteve të fundit.

“Unë jam një zonjë nga Qukësi, lindur dhe rritur në Qukës. Ka shkuar në Tiranë në punë. U riktheva përsëri në Qukës dhe kam investuar dhe kam 5 vjet që kam hedhur gjithë djersën e jetës time. Kam ngritur një objekt për të bërë një fabrikë qumështi. Ideja ka qenë që investimi me djersën tonë dhe linjën me grantet nga BE. Për pesë vjet vetëm unë e di dhe familja ime së çfarë kemi hequr nga burokracitë nëpër zyrat e këtij shteti, që për tetë vjet na piu gjakun. Kemi ngelur stop”, tha një nga zonjat e pranishme në takim.

“Kam shumë respekt për të gjitha edhe zonjat që janë këtu. E kam thënë shumë herë janë zonja me halle të mëdha, janë zonja që kanë mbi veten, mbi supet e tyre gjithë problemet familjare që ashtu sikurse unë bëj pjesë në këtë grupin këtu. Mbase jam vetë e punësuar por jam e vetmja në familje e punësuar. Një familje prej 5,6 anëtarësh edhe hallet ekonomike janë shumë të mëdha. Kemi vuajtur atë pjesën e burgjeve kur kemi dashur të protestojmë, ne kemi vuajtur shumë domethënë dhe sot me të drejtë tha një zonjë, jam shumë e lumtur sot tha zonja aty, ndiej tha një shpresë aq të madhe një gëzim të madh që nuk e kam ndjerë përgjatë gjithë këto vite. Domethënë kjo është një kënaqësi shumë e madhe. Unë do thosha në qoftë se do votonim krahun tjetër po marr pjesën, do blejmë një biletë për teatër. Kjo është, vetëm teatër është bërë. Dalim atje dhe dëgjojmë teatër e bëjmë humor sepse halle nuk kemi zgjidhur”, tha një nga pjesëmarrëset në takim.

Basha tha se për 8 vite është bërë teatër me fatet e njerëzve, duke rritur taksat, duke rritur çmimet, duke rritur papunësinë dhe varfërinë. Sipas kreut të opozitës, kjo gjë do marrë fund më 25 prill, duke i dhënë fund këtij teatri të shëmtuar dhe të hapet rruga europiane për Shqipërinë dhe që gratë dhe nënat shqiptare të jenë të sigurta.

“Nuk e kemi thënë kotë: grua e fortë do të thotë Shqipëria e fortë, sepse grua e fortë do të thotë familje e fortë. Dhe gjithë programi ynë këtë ka për qëllim të fuqizoj familjen shqiptare. Si mund të fuqizojmë familjen shqiptare. Si mund të fuqizohet familja shqiptare nëse nuk fuqizojmë gruan shqiptare? Kush i ndien më shumë vuajtjet e ekonomisë, të papunësisë, të kostos së jetesës, të çmimeve të dritave e të ujit, e të ilaçeve? Kujt i bie barra e madhe e përgatitjes së ushqimit për fëmijët? Kush e ndien se ka për ti dhënë fëmijës për të ngrënë siç tha zonja se i kishte mbetur vetëm misri për ta bluar, për ta bërë bukë misri?

E pra, është detyra jonë të bëjmë të paktën atë që bëjnë prindërit për fëmijët. Është detyra e qeverisjes. Pse ekziston qeveria nëse jo për të ndihmuar popullin?! Ndaj dhe ndryshimi i 25 prillit nuk do të jetë si gjithë ndryshimet e tjera. Do të jetë një ndryshim që do të hapë një rrugë të re për Shqipërinë, një kulturë të re të të bërit politikë. Ndaj dhe unë nuk përgjigjëm sulmeve të kundërshtarit sepse e gjithë fushata e tij është të na tërheqë në sulme. Mirëpo, në qoftë se ai me sulme e unë me përgjigje ndaj sulmeve ku është populli, ku janë njerëzit? Ai do ta kthejë, siç e tha zonja, në një teatër, por këtë teatër e paguani shtrenjtë ju. 8 vite e keni paguash shtrenjtë biletën e teatrit.

Taksat janë rritur, çmimet janë rritur, papunësia është rritur, varfëria është rritur. Nuk është teatër, por është lojë me fatet e njerëzve, ndaj ju ftoj që të gjithë së bashku t’i japim fund këtij teatri të shëmtuar dhe të hapim me 25 prill rrugën europiane të Shqipërisë. Të hapim me 25 prill mundësinë për të gjithë gratë dhe nënat tona dhe të jeni të sigurta që këtë ditë që më falët kaq shumë emocione dhe që e keni pritur me kaq shumë gëzim. Këtë ditë nuk do ta harroj, nuk do ta harroj siç nuk do ta harroj takimet që kam bërë me nënat, bashkëshortet, gratë dhe vajzat anembanë Shqipërisë. Nuk do ta harroj jo vetëm si emocion pozitiv, por dhe si përgjegjësi e madhe kur të vij e të ballafaqohem me zotimet që kam marrë para jush dhe para familjeve tuaja”, tha Basha.

• “Energjia jonë është e pandalshme.” Basha në Prrenjas: Zgjedhjet nuk bëhen për partitë, por për familjet tuaja. Dilni dhe votoni masivisht për ndryshimin! Zotohet të miratojë statusin e minatorit.

• Cila është përgjigja juaj? Turma shpërthen në thirrje: Rama ik! Basha akuzon Ramën se e la vendin në vendnumëro 8 vite. “Hapi shampanjë për vete, për shqiptarët mbylli derën e Europës”.

• “As 4 ditë, as 4 orë më shumë”. Basha me qytetarët në Prrenjas: 25 prilli është dita kur ju i keni në dorë të gjithë politikanët. Vendi më i varfër, jo më karburantin më të shtrenjtë në Europë.

Kreu i Partisë Demokratike, Lulzim Basha, e ka përmbyllur turin e takimeve në qarkun e Elbasanit, në qytetin e Prrenjasit, ku pritja entuziaste nuk ka munguar as në këtë qytet. Në fjalën e tij para qytetarëve, Basha tha se vota për numrin 9 nuk shkon për Partinë Demokratike, por për ndryshimin që po vjen për çdo shqiptar të varfër, për minatorët, për të rinjtë e Prrenjasit dhe të gjithë Shqipërisë.

Lulzim Basha: Mirë se ju gjej! Mirë se ju gjej vëllezër dhe motra! Mirë se ju gjej ju zonja dhe zotërinj, ju të reja dhe të rinj të Prrenjasit! Energjia e ndryshimit e ka pushtuar Prrenjasin për ta çliruar Prrenjasin dhe siç e thotë dhe kënga e fushatës tonë, energjia për ndryshim që ndjej sot në Prrenjas, pak më herët në Librazhd, në Elbasan e mbarë Shqipërinë është e pandalshme, unstoppable. Sepse ndryshimi ju e dini që po vjen për ju, siç beteja e 25 prillit po bëhet për njerëzit e thjeshtë të këtij vendi. Nuk po bëhet për atë që pati tetë vite kohë dhe jo vetëm nuk mbajti asnjë premtim, por zhyti Prrenjasin, Elbasanin, Librazhdin, Cërrikun, Peqinin, Gramshin dhe gjithë Shqipërinë në një mjerim të thellë.

Na la në vend numëro, na la aty ku ishim tetë vite më parë. Premtoi hapjen e negociatave, që do të sillnin investime, që do të përmirësonin jetën e fermerëve, punëtorëve, do të përmirësonte shkollat dhe universitetet. Tetë vite hapi shampanjën për vete dhe dyert e emigracionit për shqiptarët, për të rinjtë dhe të rejat, të cilët janë larguar nga Shqipëria si asnjëherë më parë. 8 vite, tetë vite dështime, dështime dhe vetëm dështime dhe vjen të trokasë në derë dhe kërkon dhe katër vite të tjera. Cila është përgjigjja juaj? Cila është përgjigjja e nënave të Prrenjasit, për dështimet. Ju ka zbrazur vatrat, duke shkulur nga zemra fëmijët e tyre duke jua çuar në emigracion.

Cila është përgjigjja e baballarëve të papunë e të ç’punësuar e të fermerëve pa subvencione? Cila është përgjigjja e rinisë së Prrenjasit? Padiskutim që jo. As katër ditë, as katër orë më shumë. Me 25 prill vjen ora, vjen dita për ndryshim. Sepse 25 prilli ndryshe nga çdo të besonte ai nuk është dita e partive por është dita e popullit, është dita e njerëzve, është dita kur ju keni në dorë të gjithë politikanët. Ju i keni në dorë partitë me votën tuaj, ju vendosni. Do të vazhdojmë dhe katër vite si këto tetë vite apo do të votojmë për ndryshim në çdo fushë e mbi të gjitha në fushën e ekonomisë. Kjo është drama më e madhe e familjeve shqiptare.

Dje nga Bulqiza, dje nga Klosi dhe sot nga Përrenjasi dua të përsëris se minatorët shqiptar do të kenë brenda gjashtë muajve të parë të qeverisjes së Partisë Demokratike dhe të koalicionit tonë për ndryshim statusin e minatorit sipas parimeve të të drejtave të Bashkimi Evropian. Si kundër bashkërisht me Evropën dhe me Amerikën do të hapim dyert e mbyllura të oportuniteteve, të investimeve të huaja, dyert e subvencioneve për fermerët, dyert e për studentët dhe për pedagogët. Ne do të bëjmë të mundur që vendi ynë Prrenjasi, Elbasani, Shqipëria e bekuar nga zoti por e harruar dhe e lënë pas në këto tetë vite të bëjë përpara, te jetë edhe njëherë jo në bisht të çdo vendi tjetër të rajonit e të jetë në krye, e di për çfarë jemi në krye, për çmime karburantit jemi të parët botë, jemi të tretët faktikisht, me Suedinë dhe me Singaporin.

Ky paradoks do të marrë fund, ky paradoks mund të marrë fund, ky paradoks duhet të marrë fund me votë ne bashkuar të shqiptarëve për ndryshim. Por që kjo të ndodhë, dëshira dhe etja për ndryshim të çdo familjareje dhe familjari, të rinj dhe të reja, dëshira për ndryshimin e miqve tuaj, e rinisë tuaj, është e aftë të buçasë nga kraharori juaj, siç buçet sot Prrenjasi, siç buxhet e gjithë Shqipëria. Më 25 prill të dalim masivisht në kutitë e votimit, të djathtë e të majtë, të gjithë bashkë për ndryshim! Që t’i prini këtë ndryshim për Partinë Demokratike, për numrin 9. Ju do të votoni jo për partitë, por për veten tuaj. Zgjedhjet nuk bëhen për partitë, por për familjet tuaja. Votoni për Shqipërinë drejt europës, votoni për ndryshimin, votoni për mirëqenien, votoni për rininë, votoni numrin 9 për ndryshim! Bashkë për ndryshim, Prrenjasi fiton, çdo banorë i Prrenjasit fiton, bashkë për ndryshim! Shqipëria fiton!