Kryeministri në ikje, Edi Rama kërkon mandatin e 3-të qeverisës në zgjedhjet e 25 prillit, por nuk ka një program dhe bilanc lidhur me 8 vitet që ka drejtuar ekzekutivin shqiptar.

Kur mori detyrën e Kryeministrit në vitin 2013, shprehja që Rama përdorte më shumë kundër kundërshtarëve politikë, opozitës së sotme, ishte ajo se kishte lënë rrugët rrugëve.

Por sot pas 8 vitesh, infrastruktura e vendit duket në një gjendje katastrofike dhe kantieret e rilindjes, sikundër i cilëson Rama, janë thjesht projekte në 3 apo 4 D.

Këto foto që janë dërguar te portali JOQ, tregojnë situatën qesharake, por edhe dramatike në qytete të ndryshme.

Qytetarët janë të revoltuar për këtë fyerje që po u bëhet përpara votimeve. Fotot nuk kanë nevojë për koment.

Qeveria lë në harresë edhe të majtët 

Kandidati per qarkun e Fierit Luan Baçi takoi nje kryefamiljar në fshatin Dërmenas, me bindje të majta, por i lënë krejtësisht në harresë nga qeveria dhe pushteti vendor.

“Shikoni librezën, 4 mijë lek të vjetra. Jetohet me 4 mijë lek të vjetra? Po na mbajnë njerëzit dikush me rroba, dikush me ushqime, pse kështu do ecim?”, tha ai.

Ai denoncoi faktin se është detyruar të votojë PS pasi 2 familjarë të tij janë të punësuar.

“Nëse nuk do të votonim PS, do i hiqnin nga puna”, tha ai.

Luan Baci teksa vizitoi familjen e cila jeton me lëmoshë, theksoi se jetesa e veshtire e do te ndryshojë pas 25 prillit me zbatimin programin të Partisë Demokratike per shtresat në nevojë.

“Si ju ka shumë familje që jane në gjendje të mjerueshme. Këta vetëm pasurohen për vete. Në 25 prill do të dalim të gjithë për të votuar, të votojmë Partinë Demokratike që të shpëtojmë nga kjo klikë hajdutësh dhe absolutisht do te ketë ndryshim. Te kesh besim te PD dhe te qeveria e ardhshme me kryeministër Lulzim Bashën”, tha Luan Baçi.

Pavarësisht se policia e ka trajtuar si sukses operacionin “Gjurmë 2021” pas të cilit u zbulua e një magazinë e cila shërbente si laborator droge në Kurbin, mësohet se Shërbimi për Çështjet e Brendshme dhe Ankesat në ministrinë e Punëve të Brendshme, ka iniciuar një hetim për dekonspirim të aksionit në fjalë.

Kjo pasi zyrtari i lartë në këtë rreth, Edmond Stojani, që mbante postin e drejtorit të Kadastrës, edhe pse po gjurmohej prej kohësh, në momentin e ekzekutimit të operacionit ka mundur që të arratiset.

Edmond Stojani tashmë rezulton i shpallur në kërkim policor, por ngelet mister se nga kush u njoftua ai për urdhër arrestet që u ekzekutuan mbrëmë natën.

Policia arriti që të vërë në pranga vetëm shtetasin, Vranicki Hisku 24 vjeç, i cili në bashkëpunim me kreun e Kadastrës zhvillonin aktivitetin kriminal.

Hisku është njëkohësisht edhe  nipi i  drejtorit Stojani, i cili dyshohet se është njoftuar në momentin e fundit për operacionin që po kryente policia.

Stojani dhe Hisku akuzohen se në bashkëpunim me njëri-tjetrin, në fshatin Fushë Gjormë, Kurbin, kishin përshtatur katin e dytë të një magazine të marrë me qira, me aparatura që shërbejnë për kultivimin e bimëve narkotike.

Gjatë kontrollit të ambientit u gjetën dhe u sekuestruan 205 bimë të dyshuara narkotike cannabis sativa të kultivuara në vazo. Gjithashtu, gjatë kontrollit, në ndërtesë u konstatua  një lidhje e paligjshme e energjisë elektrike, e cila shërbente për furnizimin me energji të pajisjeve si llamba, aspirator, filtra ajrimi etj, që ndihmonin në kultivimin dhe rritjen e bimëve narkotike.

Gjithashtu, në cilësinë e provës materiale u sekuestruan të gjitha pajisjet që kanë shërbyer për kultivimin e bimëve narkotike, si: pajisje elektrike, llamba elektrike termale, bidonë me lëndë ushqyese për bimët narkotike. Po gjatë operacionit, në banesën e shtetasit Hisku është gjetur dhe sekuestruar dhe një armë zjarri pushkë me dylbi të montuar.

Analisti i njohur, Fatos Lubonja ka bërë një deklaratë të fortë mbrëmjen e së enjtes duke u shprehur se, sondazhet në Shqipëri janë të manipuluara kur vjen puna te menaxhimi i pandemisë, pasi realisht shqiptarët janë ndjerë të zhgënjyer dhe të braktisur.

Në një lidhje direkte me Skype me emisionin Real Story, Lubonja u shpreh me ironi se, këto sondazhe dalin pozitive vetëm për faktin se është pyetur Pëllumb Pipero, i vetmi që është pasuruar gjatë pandemisë, sipas Lubonjës.

Mjeku është angazhuar së fundi dhe në fushatën e Partisë Socialiste, edhe pse për një vit me radhë doli në çdo studio duke thënë se nuk kishte lidhje me politikën.

“Në Itali ka më shumë se një herë në vit greva në aeroporte dhe s‘i shkon njeriu në mend që këta njerëz do i çojnë në polici dhe i bëjnë presion për vendin e punës. Kjo është regjim, jo demokraci. Si rrëzohet një regjim? Më votë të lirë apo forma të tjera.

Skepticizmi që kam unë është ky, jo aq se këtu kemi një opozitë që nuk përfaqëson një parti të paprovuar si Vetëvendosja në Kosovë, por gjithsesi ky sistem ka degraduar dhe ajo që perceptoj unë është që mosbesimi për të ardhur ky ndryshim, se s’do të ketë zgjedhje të mira.

Këtë e ka thënë edhe Basha. Një njeri që thotë që hiqni shqiptarët dhe merr disa njerëz pa gojë, kjo është mentalitet regjimi. Ai me ekonominë mban pushtetin dhe pushtetin me ekonominë. Sondazhet janë të manipuluara, pa dyshim, është absurde të dëgjosh që në sondazhe janë të pakënaqur dhe 50% votohet për PS.

Ata nuk dinë kë kanë pyetur, Piperon më duket, vetëm ai është pasuruar nga pandemia. Këtu është fjala për tetë vite që është bërë një qeveri e dhunshme. Duhet një ndryshim dhe rotacion, por dyshoj të ketë rotacion. Sepse ç’kanë bërë këta si parti për votën dhe duhet një bashkim i forcave opozitare për të mbrojtur votën. Ata nuk janë bashkuar”, tha Lubonja.

Mjeku infeksionist është shfaqur në një spot elektoral të Partisë Socialiste, duke u rrjeshtuar në krah të Kryeministrit Edi Rama, i cili kërkon mandatin e 3-të qeverisës në zgjedhjet e 25 prillit. Pipero shprehet kundër skepticizmit mbi vaksinat, grumbullimeve apo mitingjeve elektorale, si dhe vlerëson procesin e vaksinimit, edhe pse vaksina kineze që po përdoret për vaksinimin masiv, nuk ka marrë certifikim nga OBSH, EMA apo FDA, 3 institucionet kryesore në Botë lidhur me sigurinë e medikamenteve.

Servilizmi dhe lëpirja që i bëjnë Edi Ramës njerëzit, të cilët ka zgjedhur të mbajë rrotull vetes, tashmë nuk përbën më surprizë, por Taulant Balla ka tejkaluar çdo fantazi.

Ai ka arritur deri aty sa ka deklaruar, se me të vetmen gjë që nuk është dakrord me shefin e tij është kur ai deklaron, se nëse humbet zgjedhjet e 25 prillit, ai nuk do të jetë në krye të PS-së.

Taulant Balla, i ftuar në ‘Zgjedhje 2021’ nga Alban Dudushi dhe Pranvera Borakaj,  u pyet fillimisht nëse synon në të ardhmen postin e kryetarit të Partisë Socialiste. Por ai i sigurt se po monitorohej, u përgjigj se betejat e Shqipërisë mund të mos ishin kaluar dhe as në të ardhmen nuk mund të kalohen pa Edi Ramën.

Ndaj sipas tij, ai është aty si dyshi vetëm për t’i zgjatur jetën njëshit.

“Unë jam Dysh që dua t’i zgjas jetën Njëshit. Dhe Edi Rama ka ende shumë punë dhe beteja për të fituar për Shqipërinë. Unë nuk jam gjithmonë dakord me ato çfarë thotë Edi Rama, në kuptimin se si i sheh ai gjërat për karrierën e tij. Unë bëj pjesë në ato njerëz që mendojnë që Shqipëria, në këto beteja që ka, pa Edi Ramën, këto beteja nuk do t’i kishte fituar kurrë. Garancia për të fituar është të marrë një mandat tjetër, i cili në numra të nevojshëm dhe të mjaftueshëm t’i mundësojë që të shohë përpara”, deklaroi plot krenari Balla.