NJOFTIMI PËR TAKIMET E KRYETARIT TË PD, LULZIM BASHA, ME QYTETARË NË NJËSINË 8, NË TIRANË

Kryetari i Partisë Demokratike, Lulzim Basha, ka zhvilluar ditën e sotme takime me qytetarë dhe biznese në njësinë 8, në Tiranë. Ai dëgjoi nga afër problematikat e qytetarëve të cilat janë shtuar për shkak të pandemisë dhe harresës së qeverisë. Rënia e konsumit, largimi i njerëzve, pamundësia ekonomike dhe problemet e ish-pronarëve ishin shqetësimet që u drejtuan nga qytetarët.

“Lulzim Basha: Si je? Me shëndet?
Qytetari: Po ju?
Lulzim Basha: Familja si ёshtё?
Qytetari: Mirё! Mirё.
Lulzim Basha: Mbahu fort, këto valixhet pёr fat tё keq kanё filluar tё simbolizojnë largimin apo jo?
Qytetari: Po, çfarë do tё bёjmё.
Lulzim Basha: Njerëzit vijnë i blejnë dhe largohen, apo jo?
Qytetari: Keq na vjen! Ashtu ёshtё! Shumë, shumë tё vështira!”

“Qytetari: Një fjalë i thonë kryetar që, po qau fëmija nuk i jep nëna me pi. Më shumë se po qajnë kalamajtë po qajmë ne. Diçka që e kemi vetë në dorë, shpresojmë të bëhet më e mira.”

“Qytetari: Na shpronësoi dy-tri herë! Përveç kësaj, megjithëse përcaktoi vizën e blertë, në asnjë moment nuk iu referua vijës së blertë, edhe vlerësimi i pronës që bëri është brenda vijës së blertë por si tokë fshati.”

Duke i falënderuar për pritjen e ngrohtë, Basha tha se po përballet me të njëjtat ankesa në çdo takim ku u shpreh se vetëm ndryshimi që do vij më 25 prill është zgjidhja e çdo problemi. Sipas tij e vetmja nevojë që kanë qytetarët shqiptarë sot është një qeveri që mendon për ta, pasi në 8 vitet e fundit ka qenë inekzistente.

Lulzim Basha: Kjo është një betejë që do ta përcaktojë rinia shqiptare, siç ka përcaktuar të gjitha ndryshimet e mëdha. Dhe kjo është betejë për ndryshim, nuk është thjesht betejë për zëvendësim, është betejë për ndryshim. Nga ky ndryshim do të varet rruga Europiane e Shqipërisë. Pra nga ky ndryshim do të varet që të rinjtë shqiptarë të kenë mundësi europiane për arsimim, që do të thotë universitete në Shqipëri me cilësi europiane, do të thotë edhe programe shkëmbimi ku më të mirët të kenë mundësi të shkojnë në universitete europiane të mësojnë aty, të krijojnë lidhje aty, të krijojnë mundësi për praktika pune. E vetmja gjë që keni nevojë për të hedhur këtë hap përfundimtar për të qenë si një europian është një qeveri që mendon për ju dhe j’ua bën më të lehtë, më të mundur arsimimin cilësor dhe punësimin. Dhe ky është misioni kryesor i qeverisë që do të dalë pas zgjedhjeve të 25 Prillit. Mesazhi kryesor që kam për ju dhe që dua ta shpërndajmë kudo është që asnjë i ri nuk do të mbetet mënjanë, asnjë i ri nuk do të shohë më largimin si shpresa e vetme se Shqipëria i ka mundësitë e jashtëzakonshme t’ju akomodojë, t’ju bëjë krenarë siç e bëni ju Shqipërinë krenare.
E kam nis lëvizjen tek medreseja, ecëm gjatë rrugës së Dibrës, takuam kryesisht sipërmarrës, tregjet, bizneset e vogla, dyqanet që janë aty. Pritja ka qenë shumë e ngrohtë. Në sytë e tyre duket qartë shpresa dhe gëzimi për ndryshimin që po vjen, por gjendja është shumë e vështirë. E vështirë për ta dhe kuptohet që është e vështirë për ta sepse është e vështirë për njerëzit. Konsumi ka rënë, bojlerët janë në minimum, aftësia e familjeve për të siguruar bukën e gojës dhe ushqimet bazë kurrë nuk ka qenë më e dobët dhe kjo është një nga arsyet kryesore pse ndryshimi është urgjent, sepse një vend me pasuri të jashtëzakonshme, një qytet me një pasuri dhe një bujari legjendare nuk mund të pranojë që për shkak të keqqeverisjes të shkojnë me lista dhe me varfëri, si kurrë më parë në 2021. Ka 8 vite që taksat vetëm rriten, ka 8 vite që faturat vetëm rriten, ka 8 vite që qytetari nuk dëgjohet, në veçanti qytetari i Tiranës nuk dëgjohet për asgjë.
Për pronarët dhe me pronarët, ne kemi hartuar një plan që fillon me shfuqizimin e ligjit të shpronësimit të dytë. Ai është ligji i shpronësimit të dytë.

Deklarata e plotë e Ambasadës së SHBA

Sezoni i fushatës zgjedhore në Shqipëri nisi zyrtarisht dje për të ecur drejt zgjedhjeve kombëtare në 25 prill. Shtetet e Bashkuara mirëpresin fillimin zyrtar të fushatës dhe, së bashku me autoritetet vendore ndërkombëtarët, do të bëjnë të gjitha përpjekjet për të mbështetur zgjedhjet deri në përfundimin e tyre me sukses.

Ne u bëjmë thirrje të gjithë partive, udhëheqësve dhe votuesve që të përfshihen plotësisht dhe me përgjegjësi në ushtrimin e të drejtave dhe përgjegjësive të tyre. Nxisim partitë të paraqesin ide dhe kandidatë që pasqyrojnë respekt për votuesit. Presim nga udhëheqësit që të shfaqin udhëheqësi, përfshirë edhe duke u siguruar që partitë dhe kandidatët e tyre sillen në përputhje me ligjet elektorale dhe standardet ndërkombëtare, duke refuzuar qartë dhunën dhe duke treguar se ata me të vërtetë do të ishin të denjë për të udhëhequr dhe përfaqësuar Shqipërinë.

Nxisim votuesit t’i mbajnë partitë dhe kandidatët përgjegjës, të marrin në shqyrtim zgjedhjet që kanë dhe të votojnë për ato parti dhe kandidatë të cilët ofrojnë të ardhmen më të mirë për Shqipërinë – një e ardhme në partneritet me Shtetet e Bashkuara, që e shtyn Shqipërinë drejt anëtarësimit të plotë në familjen evropiane si një demokraci e fortë dhe e begatë. Edhe media duhet të luajë rolin e saj me përgjegjësi dhe etikë, duke bërë pyetje të vështira në emër të publikut dhe duke kërkuar përgjigje të vërteta nga kandidatët. Presim gjithashtu që shoqëria civile të luajë rolin e saj të rëndësishëm gjatë gjithë procesit zgjedhor. Përgjatë gjithë kohës, ne shpresojmë që të gjitha partitë, udhëheqësit dhe votuesit të sillen me dinjitet dhe, më e rëndësishmja, me respekt për këtë ushtrim më themelor dhe të rëndësishëm të demokracisë. Populli i Shqipërisë nuk meriton asgjë më pak.

Si mikja dhe aleatja juaj, Shtetet e Bashkuara i kanë bërë të qarta pritshmëritë dhe shpresat tona. Ne përsërisim se do t’i mbajmë udhëheqësit përgjegjës. Në këtë drejtim, është tërësisht e kuptueshme se ata që aktualisht janë në poste drejtuese kanë përgjegjësinë e parë dhe më të rëndë për të vepruar në interesat e vendit. Ne do të marrim masat e duhura në përgjigje të atyre që pranojnë ose nxisin dhunën, pranojnë ose nxisin shkeljen e ligjeve zgjedhore dhe standardeve ndërkombëtare, apo ndryshe përpiqen të minojnë

Tom Doshi vijon të jetë një problem i madh në zgjedhjet e 25 prillit. Ambasadorja Yuri Kim ka shprehur disa herë shqetësimin e saj për listën me kandidatë të papastër, por duket se partitë në vend nuk kanë ndërmend të tërhiqen.

Kështu gjatë mbledhjes së sotme kreu i KQZ-së Ilirjan Celibashi foli mbi rastin e Tom Doshit, duke u shprehur se institucioni që ai drejton kishte indicie që e nxitën të kërkonte hetim të thelluar mbi kandidatin e PSD-së në zgjedhjet e 25 prillit.

Celibashi thotë se mbi Tom Doshin ka informacione të marra nga të dhëna publike, por edhe formulari i dekriminalizimit.

Pyetje: Mbi ç’kriter e keni dërguar verifikimin e këtij kandidati, pasi të tjerët kemi parë që kishin disa ekspulse apo dënime të mëparshme nga shtetet e BE, po për z.Doshi mbi ç’kritere e keni dërguar?

Celibashi: Hetimi i thelluar kryhet në ato raste kur KQZ merr indicie nga përmbajtja e formularit të deklarimit. Ligji parashikon që KQZ mund ti marrë këto indicie edhe nga të dhënat e tjera publike. Rasti i z.Doshi është i tillë, pra ku nëpërmjet të dhënave publike ka informacione që e nxisin KQZ-në që ti kërkoj organit të Prokurorisë informacione të tjera veç atyre që ai ka prezantuar në formularin e dekriminalizimit, me qëllim që të bëhet një vlerësim i plotë dhe i gjithanshëm mbi përputhshmërinë e kandidimit të tij si subjekt zgjedhor në këto zgjedhje. Por tej kësaj, edhe në formularin e tij të dekriminalizimit aty ka të dhëna që shërbejnë si indicie për KQZ-në, edhe nëse nuk do të kishte një informacion apo të dhënë publike për ta filluar procesin për një hetim të thelluar për këtë kandidat. Kemi mjaftueshëm indicie për të hetuar, dhe nëse nga hetimi do rezultojë që dokumentacioni e klasifikon si të papërshtatshëm KQZ do ta marrë vendimin.
Ndërsa Shtetet e Bashkuara e akuzojnë Doshin për korrupsion domethënës, Rama thotë se ai është engjëll përpara Sali Berishës dhe Ilir Metës.

Drejtuesi politik i Partisë Demokratike në qytetin e Vlorës, Bujar Leskaj, ka hapur fushatën elektorale për zgjedhjet e 25 Prillit. Sipas Leskajt PD në këtë qark do të marrë 5 deri në 6 mandate ndërkohë sipas tij, edhe LSI do të dalë me 1 ose 2 mandate në qarkun e Vlorës.

Bujar Leskaj: Partia Demokratike a në Vlorë, I garanton vlonjatët se Edi Rama nuk do fitojë në Vlorë. Partia Demokratike Aleanca për ndryshim do marri 5-6 mandate. LSI 1 deri në 2. E deklarojë më përgjegjshmëri do jemi 6-7 mandate ne në Vlorë. Këtë e vendos qytetari vlonjat. E ndjejmë pulsin, ndershmërinë, varfërinë. Do votohet pro ndryshimit. Për fitoren e ndryshimit”

Ndërkohë Leskaj i është përgjigjur edhe kryeministrit Edi Rama duke thënë se ai është stërnip i Esta Pashë Toptanit. Më tej Leskaj ka shtuar se nuk është serioze të flasësh për Ramën.

Bujar Leskaj: Rama është kryetar i një sekti dhe nuk meriton përgjigje zyrtare. Përgjigjen do ja japë populli shqiptar, me 25 Prill. Jemi tek varri i Ismail Qemalit, që simbolizon luftën dhe përpjekjen shqiptare. Dhe të flasësh këtu për Edi Ramanë, stërnipin e Esat Pashë Toptanit nuk është serioze është turp për ne. Ne do vijmë përsëri tek varri i Ismail Qemalit. Do përulemi dhe do jemi të përgjegjshëm. Nëse do flasim për stërnipin e Esat Pashës, jam i bindur që të madhit Ismail Qemali, atit të Kombit do t’i lëvizin eshtrat. Lëreni nipin e Esat Pashës, Janë dy rrugë në Beograd që kanë emrin e dy tradhtarëve të kombit shqiptarë. Esat Pashë Toptanit dhe Koçi Xoxes. Që simbolizojnë koha ndryshe por të lidhura. Rruga e tretë do ta ketë emrin Edi Rama”

Kryetari i PD-së Lulzim Basha, me anë të një postimi në “Facebook” ka publikuar një video nga hapja e mbrëmshme e fushatës së Partisë Demokratike.
Basha shprehet se ishte një mbrëmje e mrekullueshme, duke shtuar se të gjithë bashkë të sjellim ndryshim, që të fitojë Shqipëria.

Postimi i kreut të PD-së Lulzim Basha:

Ishte një mbrëmje e mrekullueshme!
Me ndihmën tuaj ne do të sjellim ndryshimin për të gjithë shqiptarët dhe do të fitojmë.
Së bashku për ndryshim.
Shqipëria fiton!

https://www.facebook.com/lulzimbasha.al/videos/3869746233084613