Në një kohë kur gjendja në spitalet Covid paraqitet e rënduar, dhe gjatë mbrëmjes së djeshme u hap spitali Covid 4, shqetësimet e familjarëve të pacientëve vijojnë që të jenë prezente. Gazetarja e Fax News Fjona Çela është pozicionuar paraditen e sotme pranë spitalit Infektiv dhe atij Covid 3, ku familjarë presin me ankth që të dinë për gjendjen e të afërmve të tyre.

Disa prej familjarëve shprehen se informacioni që marrin nga familjarët është i pakët, ndërkohë që ka dhe akuza për mungesë të gjurmimit të rasteve.

Një qytetar nga Berati, i cili ka të shtruar nënën e tij, në gjendje të rënduar, shprehet se asnjë prej familjarëve të tij nuk i është marrë tamponi, edhe pse kanë qenë kontakte të afërta me të moshuarën, e cila edhe vetë është diagnostikuar me covid, vetëm në sajë të skanerit që i është bërë.

“Unë jam nga Berati, jam këtu që të premten. Mamaja shkoi në spital, dhe e dërguan në shtëpi, nuk i dhanë asnjë kurë asnjë gjë. Kur shkoi në shtëpi i hipi temperatura, dhe i mungonte oksigjeni, e nisën me urgjencë nga Berati për këtu. Mua më bën përshtypje kjo, që në momentin që shtëpia ime është vatër zjarri, si nuk vjen një mjek që ti bëjë tamponin familjarëve të mij?

Ku e di unë, që nuk jam infektuar, nuk erdhi një njeri që të pyeste. Unë skam bërë tampon fare, kam ardhur direkt nga Greqia, as mamasë nuk i kanë bërë tampon, se gjendja ka qenë kritike, e panë gjendjen me skaner. Qysh nuk bëjnë tampone të njerëzve, e kemi izoluar vëllanë, babanë, nuk i takojmë as ne të tjerët.

Nuk mund të flas për shërbimin, pasi nuk jam brenda, edhe mamaja nuk flet dot se është e ngarkuar, edhe psikologjikisht. Tamponi në Greqi është falas, këtu ta kërkosh me zor dhe nuk të vjen njeri në shtëpi. Unë kam frikë që të takoj vëllanë, mamaja po më ikën, por të paktën të mos kem edhe merakun e plakut. Këtu nuk ka më shpresa, kanë për të mbetur 500 mijë banorë“, shprehet i revoltuar qytetari.

Bashkia e Tiranës ka hapur një tender në Agjencinë e Prokurimit Publik me vlerë plot 41.265.000 pa TVSH (me TVSH rreth gjysëm milioni USD) për të blerë pajisje audiovizive”, denonconte Boldnews më 25 nëntor 2020, lidhur me tenderin e rradhës së bashkisë së Tiranës.

Lidhur me këtë tender ka reaguar sot kreu i FRPD, Belind Këlliçi, i cili duke iu drejtuar Erion Veliajt, shkruan se është mishërimi i shprehjes “fshiti digjet, ajo krihet”.

Këlliçi shkruan se në situatën e vështirë që po kalon vendi, ku mijëra shqiptarë përballen çdo ditë me Covid-19, Erion Veliaj ka gjetur “kurën” për të shëruar të sëmurët: Video dhe foto profesionale si ato të dasmave!

Postimi i Belind Kelliçit

Solidarizohu për ngritjen e Parcelës Kombëtare të Kujtesës në përjetësimin e 4500 shqiptar të pushkatuar që u zhdukën dhe kufomat nga diktatura enveriste…

Kam nderin të ju njoftoi se Unioni Mbarëkombëtar i të Burgosurve dhe të Përndjekurëve Politikë të Shqipërisë ka marrë vendimin për të ndërtuar Parcelën Kombëtare të Kujtesës në Tiranë. Në nderim të 4500 shqiptarëve të vrarë nga diktatura enveriste, e cila iu ka zhdukur dhe kufomat e tyre. Ka 30 vite që kërkojmë eshtërat e të zhdukurve por, fatkeqësisht, një pjese të madhe të tyre i kanë marrë lumejtë, si fëmijtë e vegjël në kampin famëkeq të Tepelenës, apo zalli i Kirit në Shkodër.

Qindëra të tjerë i ka baltos këneta e Vloçishtit dhe Bedenit, qindëra të tjerë janë zhdukur nën humnerat e galerive të Spaçit e të Qafës Barit e Bulqizës, ndërsa dhjetra të tjerë janë zhdukur në vijën kufitare të Shqipërisë. Nisur nga zhdukja e tyre — për të i nderuar dhe mos me i harruar kurrë –vendosëm që në Kryeqytetin tonë Tiranë, të ndërtojmë Parcelën Kombëtare të Kujtesës me emrat e tyre, që martirët të nderohen e të përkujtohen një lloj si hebrejtë në Berlin që u zhduken nga nazizmi.

Ju jemi drejtuar personaliteteve të larta shqiptare kudo që janë të solidarizohen me vendimin tonë për të detyruar organet shtetërore që të caktojnë një vend në Tiranë, për Parcelën Kombëtare të Kujtesës, në nderim dhe kujtim të përjetëshëm të 4500 shqiptarëve të vrarë nga diktatura enveriste.

Me inisiativën dhe vendimin tonë kanë shprehur solidaritetin e tyre Shkrimtari i madh Ismail Kadareja me bashkëshorten Elenën, ikona e antikomunizmit ish i burgosuri politik në Shqipëri dhe ish-Jugosllavi, Aktivist i të drejtave e lirive të njeriut, dhe mbrojtsi i çeshtjes shqiptare në Ballkan, Prof. Sami Repishti,ish Drejtori i Zërit të Amerikës dhe ish-Drejtor i Këshillit Kombëtar Shqiptaro-Amerikan, Fran Shkreli, Poetet e shquar Elida & Skender Buçpapa,Prof. Bujar Kapexhiu, Nderi i Kombit, Rektori i UET, Prof. Selami Xhepa, Drejtori i Institutit të Historisë Prof. Beqir Meta, Historiani Prof. Romeo Gurakuqi. Prof. Sadik Bejko, Artisti i Popullit Nderi i Kombit Robert Ndrenika. Gazetat Dielli dhe Iliria, Nyjork, Tv. Shijak, Instituti i Studimeve Politike, Organizata e grave të Persekutuarve në Njyujork me Kryetare Mimoza Dajçi.Prof. Jakup Azemi Oksford Britani e Madhe, Prof. Juli Cami Havard SHBA, Diplomatët Tomor Alizoti,Mal Berisha, Magjun Peka, Aktivistja e të Drejtave të shoqërisë civile Entela Binjaku, Gazetari Adi Krasta,Piktori i internuar për 45 vite nga regjimi komunist Lek Previzi, ish Presidentët e Republikës së Shqipërisë, Zotërinjtë Alfred Mosiu, Bamir Topi, Bujar Nishani e Sali Berisha, ish Kryeministri i Shqipërisë, Krytari i Partisë Demokratike të Shqipërisë Zoti Lulzim Basha, Institucioni i Avokatit të Popullit,të Republikës së Shqipërisë, si dhe shumë të tjerë që po i kontaktojmë.

Ju lutemi dhe presim edhe solidarizimin tuaj me këtë nismë sa fisnike dhe humane, aq edhe atdhetare. Bëhu dhe ti kontribues me solidarizimin tënd në nderim dhe kujtim të shqiptarëve martirë, të cilëve ua zhduku madje edhe kufomat e tyre diktatura komuniste enveriste. Jemi në pritje të solidarizimit tuaj me nismën tonë, për të përkujtuar përjetësisht me një parcellë në kryeqytetin e shqiptarëve, në Tiranë, 4500 shqiptarët e vrarë nga diktatura enveriste. Solidarizimi i juaj një nderim dhe homazh ndaj jetëve të humbura në diktaturë, një qetsim shpirtëror ndaj familjeve të tyre, një shërbim kombëtar ndaj brezave për mos të harruar dhe denuar krimet e komunizmit.

Ju mund ta dërgoni solidarizimin tuaj në adresën elektronike besimndregjoni@yahoo.com

Me shumë respekt e dashamirsi,
Besim Ndregjoni
Aktivist i të Drejtave dhe Lirive të Njeriut
President i Unionit Mbarëkombëtar i të Burgosurve dhe i të Përndjekurëve Politikë të Shqipërisë

Robert Martini, një qytetar në pension që priti sot për vizitë kryetarin e opozitës, Lulzim Basha, gjatë bisedës tregoi se kostoja e jetës ishte e papërballueshme, faturat dhe çmimet ishin rritur. Roberti tregoi rastin e bashkëmoshatarëve të tij që detyrohen te marrin bukë të ndenjura vetëm se kushtojnë më lirë.

Robert Martini: Mund të flasë qeveria, jep mballoma, jep pankarta, jep ashtu po kur vjen puna tek moj ta marrça, lek vjen e lek nuk e dimë se ku shkon! Mua shyqyr Zotit nuk më ka ndodh por me çfarë dëgjoj, me shku nëpër farmaci me marrë ilaçe…. Nuk e përballojmë! Paracetamol, jo, jo vitamina e çfarë janë ato – jo e jo nuk i përballojmë dot. 80 mijë lekë shkon energjia, telefoni kjo e ajo. Edhe shokët e mi që kanë dalë në moshën time me 23 vite pune, po deshe ju jap emra, me 110 mijë lekë. Ja të them sinqerisht te furra ke bukë të ftohtë. Buka e ftohtë është 300 lekë, ja kështu…

Lulzim Basha: Një 20 mijë lekësh i kërkuam ne, 2 muaj, lekë të vjetra për pensionistë.

Budulina Martini: Po të paktën të maskës edhe dezenfektantët!

Kryetari i Partise Demokratike theksoi se është jetike që paratë të shkojnë tek qytetaret dhe jo te tenderat dhe koncensionet korruptive. “Njerëzit e kuptojnë shumë mirë. Ditë për ditë shohim pagesa qindra milion lekë që shkojnë për 3-4 veta. Ndërkohë që qindra mijë shqiptarë nuk marrin as 5 lekë. Kjo është e papranueshme.

Dhe kjo tregon që lekët janë, siç janë edhe në Kosovë edhe në Maqedoni. Atje shkojnë për familjet në nevojë, shkojnë për bizneset. Këtë po i kërkojmë neve sot. Dhe nuk e bëjnë. Pse? Sepse se kanë prioritet jetën dhe shëndetin e njerëzve edhe në kohë pandemie. Në veçanti tani që qeveria nuk kujdeset për njerëzit duhet të kemi kujdes të dyfishtë. Edhe biznesit mund t’i japim të paktën atë ndihmë që i jep Kosova, të paktën që i jep Maqedonia se kjo është krizë e 3-4 fish. E para është vetë koronavirusi.”

Zoti Basha shprehu shqetësimin se jashtë vemendjes po mbeten sëmundjet e tjera. “Nuk është krizë e thjeshtë dhe këtu secili duhet të bëjë detyrën e vet. Kollaj t’i thuash mjekut bëj detyrën tënde apo infermierit edhe qytetarit mbaj maskë se përndryshe do të gjobis. Po ti si qeveri, çfarë po bën?!

Është i vetmi që s’po bën detyrën e vet. Jo vetëm për faktin që ka 120 ditë që s’shkon në punë, por edhe ata që i ka ngarkuar të firmosin në emër të tij, firmat i hedhin të gjitha për t’i çuar lekët e shqiptarëve te inceneratorë”.

Partia Demokratike që para fillimit të valës së dytë propozoi një plan me 5 pika për të mbështetur shqiptarët në përballjen me krizën e thellë ekonomike dhe shëndetësore për shkak të COVID-19.

Një nga pikat e planit ishte dhe ajo për mbështetje me 20 mijë lekë të vjetra për pensionistët që të blejnë maska dhe dezinfektantë për prandalimin nga infektimi.

Plani i propozuar nga PD nuk u pranua nga qeveria, e cila ka braktisur qytetarët e veçanërisht pensionistët.

Edhe pse ka pak ditë që u hap, është rimbyllur përsëri gjykata e Apelit në Vlorë, pasi kanë rezultuar 7 persona të infektuar me Covid-19 ditën e sotme. Sipas informacionit Gjykata e Apelit do vijojë të qëndrojë e mbyllur  për 14 ditë.

Qyteti i Vlorës, i cili përgjatë muajve të verës mbajti një numër të ulët infektimesh nga Covid, duket se po përballet me një rritje të ndjeshme të rasteve. Përgjatë 24-orëve të fundit në qytetin bregdetar janë regjistruar 31 raste të reja pozitive.

Burime për “Faxweb” bëjnë me dije se përgjatë 24 orëve të fundit kanë rezultuar pozitiv dy mësues në dy shkolla 9 vjeçare dhe një nxënës. Një tjetër rast është shënuar në administratën e Universitetit të Vlorës. Të infektuar kanë rezultuar dhe punonjës të Drejtorisë së Kufirit, Sigurimeve Shoqërore dhe Bashkisë Selenicë.

Gjatë fundjavës, e cila përkoi dhe me festën e Çlirimit dhe të Pavarësisë, Vlorën e frekuentuan dhjetra pushues, që mund të çojë në një rritje të mëtejshme të infektimeve në ditët e ardhshme, pavarësisht se strukturat hotelerike u shprehën se pritja është bërë duke respektuar të gjitha rregullat e pandemisë.