10.5 C
Tirana
E premte, 9 Maj, 2025
type here...

3 ditë pozitive me Covid-19, ndërron jetë mjekja 40-vjeçare

Ka ndërruar jetë mbrëmjen e djeshme nga një sulm në zemër mjekja 40 vjeçare në Turqi, Ferdane Bilgi, e cila rezultoi edhe pozitive nga testi i Covid-19 prej datës 27 nëntor.

Bilgin ishte pjesë e stafit administrativ në qendrën e Spitaleve Publike të Drejtorisë Shëndetësore Hatay, e cila ishte e martuar me dy fëmijë.

Drejtori i Shëndetësisë në Hatay Dr. Mustafa Hambolat, në postimin e tij në mediat sociale, shprehu ngushëllimet për të afërmit e mjekes dhe stafit shëndetësor

“Ferdane Bilgin, një nga anetaret e personelit të Drejtorisë Shëndetësore Krahinore të Hatay, Presidenca e Spitaleve Publike, ka ndërruar jetë. Mëshira e Zotit qoftë për të ndjerën dhe uroj ngushëllime për të dashurit, familjen e saj  dhe komunitetin tonë shëndetësor“, tha Hambolat.

Tre dobësi fatale për fatin politik të kryeministrit

Nga Red VARAKU

Edi Rama është një njeri me deformime të njohura në karakter për të gjithë ne, por tre janë ato që lidhen me sjelljen e tij politike, të cilat duket se do jenë fatale për fatin e tij politik në zgjedhjet e ardhshme.

Së pari, është humbja e sensit të realitetit. Ai është sot një njeri që jeton krejtësisht në një realitet krej të ndryshëm nga ai që ne të gjithë jetojmë çdo ditë.

Fjala vjen, në lidhje me zgjedhjet e ardhshme, ashtu si kokëtulët që e rrethojnë, edhe ai ka filluar edhe vetë të besojë që vulgarizimi i ligjërimit publik, degradimi i normave zyrtare, banalizimi i raporteve politike janë pika e tij më e fortë. Kjo është arsyeja që e shohim të vazhdojë me banalitete dhe batuta të lodhura.

Në fakt e vërteta është që pika e tij më e fortë nuk ka asnjë lidhje me karakterin e tij të deformuar, por ka qenë dhe mbetet aftësia e tij për ta parë politikën thjesht si pazar në favor të pushtetit të tij pavarësisht dëmit të interesit publik.

Të dy ‘fitoret’ e tij në fakt kanë qenë fitore të pabesisë së tij. Në 2013 ai shiti kauzat dhe aleatët e tetë vjetëve opozitë për një marrëveshje me LSI, e cila u firmos me gjakun e Ziverit, Hekuranit, Faikut dhe Aleksit.

Ndërsa, në 2017 sipas përgjimeve të publikuara, ai u bë bashkë me vrasës , përdhunues, trafikantë, grabitës dhe hajdutë kundër popullit të tij , në një marrëveshje që rezultoi fatale për vendin, sepse prodhoi një kancer metastazat e të cilit e kanë futur vendin në reanimacion politik.

Ai është sot aq i shkëputur nga realiteti, saqë edhe kur përballet me fakte të vërteta dhe shifra kokëforta, ai jo vetëm refuzon ta pranojë të vërtetën që ato përfaqêsojnë, por është gati të linçojë publikisht këdo, që i zbulon këto të vërteta.

Rasti i refuzimit të pranimit të të vërtetës së ‘fshehjes’ së vdekjeve që Lul Basha plasi si bombë në emisionin Opinion, është një provë e degradimit dhe avancimit të kësaj dobësie.
Së dyti, ai është tërësisht i pandjeshëm ndaj halleve dhe problemeve të qytetarëve dhe kjo reflektohet në sjelljen e tij arrogante me qytetarët.

Qasja e tij ndaj fatkeqësisë së tërmetit që goditi Shqipërinë është një provë që ai e ka humbur raportin njerëzor më qytetarët. Të gjithë jemi dëshmitarë që atë ditë ai më shumë “u gëzua”, sesa u hidhërua. Kjo sepse e konsideroi atë që në fillim një mundësi të artë elektorale për të rikuperuar popullaritetin e tij të rrënuar, për të bërë politikë me fatkeqët dhe për të zhvatur paratë që janë destinuar për ta.

Gjithashtu, një provë tjetër që dëshmon papërgjegjshmërinë dhe pandjeshmërinë e tij totale ndaj jetës dhe shëndetit të qytetarëve është dhe qasja e tij ndaj pandemisë. Për shkak të kësaj qasje me mijëra qytetarë janë lënë pa asnjë ndihmë mjekësore dhe në mëshirë të fatit, me mijëra të tjerë janë lënë të braktisur pa asnjë ndihmë qoftë edhe financiare, me mijëra biznese janë drejt falimentit dhe mijëra të tjerë kanë humbur vendet e punës.

Së treti, paaftësia e tij për të bashkëpunuar me njerëz me integritet njerëzor dhe profesional është një tjetër dobësi fatale. Duke qenë se është narciz, ai nuk e duron dot kritikën, ndaj është i rrethuar vetëm nga servilë dhe hipokritë pa shtyllë kurrizore, që pranojnë çdo lloj poshtërimi dhe fyerje, si profesionale ashtu dhe njerëzore. Rastet janë pafund dhe gjithkush i ka parasysh surretërit e këtyre servilëve të rëndomtë, që janë kthyer në zagarë të këtij mjerimi ku ndodhet vendi.

Por rasti i ‘komitetit’ të mjekëve, të cilët ai po i përdor jo vetëm si leckë, por në mënyrë krejtësisht kriminale për nevojat e tij, është rasti më ulëritës i këtij realiteti. Pafytyrësia dhe eksitimi me të cilën ata mbrojnë të pambrojtshmen, dëshmon që me njerëz të tillë në krah degradimi i tij është i sigurtë.

Janë këta servilë që i rrahin krahët edhe kur e shohin të zhytet në fund, është kjo shkëputje nga realiteti, është kjo arrogancë dhe pandjeshmëri ndaj halleve reale të qytetarëve , është preokupimi vetëm për pushtetin, arsyeja që ai vazhdon dhe do të vazhdojë të bëjë të njëjtat gabime dhe arsyeja pse ai shpesh krahason veten me udhëheqës si Macron apo Merkel, ndërsa Shqipërinë me Italinë, Francën deri dhe Gjermaninë.

Janë pikërisht këto dobësi dhe mungesa e trajtimit të qytetarëve me përulësi, respekt dhe dinjitet që do të përcaktojnë dhe fatin e tij politik në zgjedhjet e ardhshme në 25 prill.

Italia tjetër paketë ndihme, 8 miliardë euro për bizneset e prekura nga masat anti-Covid, Rama i ndan me oligarkët

Italia ka përgatitur një tjetër paketë ndihme për të mbështetur bizneset e prekura nga pandemia e koronavirusit. Mediet fqinje raportojnë se qeveria ka miratuar paketën e re mbështetëse për të gjitha bizneset e prekura nga kufizimet e fundit anti-Covid.

Paketa e ndihmës, që është e katërta që nga fillimi i pandemisë në Itali, ka një vlerë prej 8 miliardë eurosh dhe shtyn afatet e taksave për kompanitë në zonat që po iu nënshtrohen masave të ashpra të bllokimit.

Ajo gjithashtu ofron një shumë prej 1.000 € për punëtorët në turizëm, arte, sporte, si dhe caktimin e fondeve për sektorin e konventave dhe një prani të rritur të policisë për të siguruar respektimin e masave anti-koronavirus.

Italia ishte vendi i parë evropian që u godit rëndë nga virusi. Një masë e forte izolimi i 60 milionë banorëve të saj vuri nën kontroll shpërthimin e parë, por, si kudo tjetër, numri i rasteve është rritur ndjeshëm në muajt e fundit, teksa e gjithë bota po përballet me valën e dytë të Covid-19.

Roma është përpjekur të shmangë një bllokim tjetër pas goditjes së parë të ekonomisë, duke u përqendruar te kufizimet rajonale, së bashku me një shtetrrethim brenda vendit gjatë orëve të natës.

Kryeministri Giuseppe Conte do të takohet sot me krerët e 20 rajoneve të vendit për të përpunuar planin e Italisë për pushimet e fundvitit, pasi ekspertët e shëndetësisë paralajmërojnë shumë festime për Krishtlindje, do mund të ndezin një valë të tretë të virusit.

“Ne jemi shumë larg nga thirrja për fitore”, tha zëvendësministri i shëndetësisë Pierpaolo Sileri.
Ai tha se numri i njerëzve që takohen për të darkuar së bashku ka të ngjarë të jetë i kufizuar në gjashtë.

Ministria italiane e Shëndetësisë raportoi rreth 20,000 raste të reja dje dhe 541 vdekje, duke e çuar numrin e përgjithshëm në gati 55,000.

68 të vdekur nga Covid-19 në Elbasan, 3 persona humbën jetën në 24 orët e fundit

Tre persona nga Elbasani kanë humbur jetën gjatë 24 orëve të fundit.

Sipas Abcnews.al, bëhet fjalë për një 57 vjeçar, një 79 vjeçar dhe një 77 vjeçar, të cilët ishin të shtruar tek spitali “Shefqet Ndroqi” prej disa ditësh.

Të tre ata janë nga qyteti i Elbasanit. Me vdekjen e fundit, numri i personave që kanë humbur jetën nga koronavirusi në Elbasan përllogaritet të shkojë n` 68.

Ndërkohë, një 60-vjeçar nga Kurbini u hodh nga spitali “Shefqet Ndroqi” pak pas mesnatës së djeshme duke humbur jetën.

Trajtimi nga Covid-19, qytetari tregon betejën në Infektiv: Shpenzova 500 mijë lekë për ilaçe…

Trajtimi financiar për koronavirusin është kthyer në shqetësim për shumicën e të prekurve me COVID-19, për një pjesë të madhe të së cilëve është i papërballueshëm.

Fax News sjell rastin e një qytetari nga Gjirokastra i cili ndër të tjera shprehet se, nuk ka informacion nga shteti për rimbursimin. Ai tregon se ka qenë disa ditë i shtruar në spitalin Infektiv, ku gjendja u përmirësua, por edhe pse ka shpenzuar rreth 500 mijë lekë të vjetra për kurim, nuk i është rimbursuar asnjë qindarkë nga shteti.

“Temperatura ishte shumë e lartë, më ka arritur deri në 40 gradë, dhe për 3-4 ditë nuk më ulej fare si temperaturë. Kjo situatë më ngriti diabetin më shumë dhe u detyrova që të ikja në spitali infektiv në Tiranë.

Të shumtat ishin gjilpëra dhe neve nuk ua dinim emrin por efektin e dhanë pas 4 ditëve. Temperatura u ul dhe unë u qetësova, duke menduar se çfarë kam blerë me ilaçet bashkë me vitaminat arrin deri në 450 deri 500 mijë lekë, deri tani s’na kanë thënë për rimbursim të tyre”, u shpreh qytetari.

Shqipëria në krizë të thellë dhe e braktisur nga rinia, pas 7 vitesh gjunjëzim të ekonomisë dhe rrënim të nga Rama

Nga Lulzim BASHA

Gjatë një takimi me disa nëna që vuajnë plagën e emigrimit të fëmijëve të tyre, ato më shprehën trishtimin që Shqipëria, vendi ku i lindën, nuk ofron sot mundësi për ta.

Gjatë bisedës, disa prej tyre më treguan se si u detyruan t’i largonin fëmijët e tyre për t’u siguruar mundësi dhe punë, për pamundësinë për t’i takuar si dhe vështirësitë shtesë që u solli situata e pandemisë me fëmijët në emigracion.

Për fat të keq, Shqipëria është shpopulluar frikshëm nga të rinjtë gjatë 7 viteve të Ramës në pushtet. Vendi ynë renditet i dyti pas Sirisë për numrin e aplikimeve për azil për 100 mijë banorë.

Që ky realitet i trishtë të marrë fund, Shqipërisë i duhet një qeveri funksionale që punon për rininë dhe kujdeset për ta.

Ne do të kujdesemi për familjet shqiptare dhe sidomos për të rinjtë, duke ofruar lehtësi në shkollim si dhe hapësira konkurruese për punësim si në vendet e rajonit.

Asnjë bir apo bijë shqiptari nuk do të privohet nga e drejta e studimit për shkak të pamundësisë ekonomike. Ne do të subvencionojmë tarifat universitare dhe do të vendosim bursa për të rinjtë, që vijnë nga familje me të ardhura të ulëta e stazhe me pagesë për studentët.

Mbështetja e sipërmarrjeve të të rinjve si dhe e sipërmarrësve që hapin vende pune për të rinjtë dhe financimi i trajnimeve të duhura që të rinjtë shqiptarë të sigurojnë punë me të ardhura të larta, janë përparësi e planit tonë ekonomik.

Ne do të bëjmë gjithçka që jo vetëm të rinjtë shqiptarë të mund të ndërtojnë të ardhmen në vendin e tyre, por edhe ata që janë larguar të kthehen dhe të nisin një jetë të re pranë familjeve të tyre.

Njerëzit u lanë pa shtëpi, për t’u përdorur në fushatë! PD: Banesat individuale, premtim i pambajtur i Ramës dhe Veliajt

DEKLARATË E PARTISË DEMOKRATIKE, GENT STRAZIMIRI

Të dashur qytetarë, spektakli propagandistik i hajdutëve të fatkeqësisë, Edi Rama dhe Erion Veliaj, ka vetëm një titull, dhe ai është mashtrim i madh. Një vit pas tërmetit ata që kanë humbur shtëpitë vijojnë të jetojnë në çadra, mes rrënojave apo në qera që nuk arrijnë t’i paguajnë dot.

E gjithë kjo mizanskenë kriminale është menduar për tu vendosur në shërbim të axhendës politike të hajduteve të fatkeqësisë.

Dokumentet zyrtare provojnë se qytetarët e prekur nga tërmeti nuk do të hyjnë dot në shtëpitë e tyre, të paktën deri në korrik të vitit 2022. Pra edhe dy vjet të tjera pa shtëpi. Për të kuptuar se sa kanë zvarritur situatën, mjafton të përmendim se 6 muaj pas tërmetit Bashkia e Tiranës nuk kishte akoma vlerësimin e saktë të banesave individuale të banesave që do të duhej të ndërtoheshin. Në këto shtëpi Erion Veliaj ka qenë, xhiroi momentin e tij të minutazhit dhe nuk u duk më.

Të nderuar, qytetarë paratë janë aty, plot 17 milionë euro të tenderuara për 889 banesa individuale. Por arsyeja përse nuk po vazhdojnë punimet janë zgjedhjet e vitit tjetër, e gjithë kjo për propagandën e tyre, për foto gjatë fushatës, për t’i hedhur hi syve shqiptarëve.

Këto shtëpi do të duhej të kishin përfunduar tashmë, sepse nuk janë vila luksoze nëpër kodrat e Tiranës, por shtëpi njëkatëshe të cilat do të duhej të ishin ndërtuar në pak muaj.

Shtëpia e shqiptarit është e Zotit dhe e mikut, mjafton dashuria që ka brenda për ta kthyer atë në një çerdhe lumturie. Por ju o qeveritarë nuk keni nga t’i dini këto, sepse ju ka zënë sytë paraja dhe luksi i shfrenuar ku jetoni.

Ne do të vazhdojmë të bëjmë çdo ditë transparencë sepse refuzojmë faktin se pushteti i korruptuar i Edi Rames dhe Erion Veliaj të trajtojë njerëzit si kavie elektorale. Shumë shpejt perdja do të bjerë dhe hajdutët e fatkeqësisë do të përgjigjen përpara ligjit.

Nënat e emigrantëve-Bashës: Shqipëria bëhet shumë kollaj nëse ka një drejtim të mirë! Ja çfarë kërkojmë prej jush…

Kryetari i Partisë Demokratike, Lulzim Basha zhvilloi një takim me nëna të cilat i kanë fëmijët emigrantë. Gjatë bashkëbisedimit u ndanë eksperienca nga më të dhimbshmet të historisë dramatike të nënave shqiptare me emigracionin.

“Emigracioni në vitet e fundit është shumë i dhimbshëm. Rreth dy vite që djali është larguar pas shumë peripecive, në fakt që për shumë vite, që i vogël, që 16 vjeç ka ndarë kohës mes shkollës, sportit të atletikës ku ishte edhe kampion në fakt, edhe punës. Erdhi momenti këto vitet e fundit që nuk përballohej më edhe tha: do të marr rrugën. Falë Zotit iku edhe do rregullohet atje”, tha Qefsere Deliu.

Unë jam nënë e dy vajzave. Njëra prej vajzave ka mbaruar gazetari me rezultate të shkëlqyera. Pasi nuk gjeti asnjë mundësi apo alternativë punësimi këtu, u detyrua të emigronte në Amerikë. Më falni! Ajo ka sot dhe një vajzë të vogël, të cilën unë e kam parë vetëm njëherë kur lindi. Pamundësia ekonomike e jona na detyron që t’i qëndrojmë larg. Por e keqja nuk është kjo. Kam vajzën tjetër që ka mbaruar për informatikë ekonomike, dega financë bankë, e cila nuk po gjen alternativë punësimi dhe ajo do të ndjekë hapat e të motrës, do të iki jashtë sepse thotë këtu nuk shih asnjë dritë jeshile. Tani, zoti Basha dua të di kur do të mbarojë ky makth për ne prindërit, sidomos në këtë kohën e pandemisë, se po të mendojmë, se po të na gjejë gjë do të vdesim pa parë fëmijët tanë. Kjo është e keqja më e madhe e popullit tonë, po rrimë larg fëmijëve”, rrëfen me lot në sy Elida Xherahi.

“Edhe unë një familje si të gjithë shqiptarëve, familje e thjeshtë dy fëmijëve të mi kanë mbaruar juridikun, vajza është më e madhe dy vjet se djali, por vajza mbaroi juridikun këtu dhe punonte këtu, në televizion ka qenë në Klan, madje balerinë, ajo të aplikojë mami se mbase më del e drejta e studimit të shkojë të vazhdojë shkollën në Amerikë. Aplikoi dhe fitoi se dhe këtu notat tek Juridiku i pati të shkëlqyera edhe ajo sot ndodhet në Amerikë dhe vazhdon studimet në Manhatan. Kam dhe unë 6 vite që se kam parë.” tha gjatë bisedës me kryetarin e opozitës, zonja Xhuma Kurti.

“Tim shoq vdiq para 7 viteve nga mungesa, nga problemet ekonomike u detyrova që djalin e madh ta çoja jashtë shtetit edhe iku ne Gjermani. Si iku në Gjermani, ashtu punë të zezë më. Ashtu në mënyrë të paligjshme nga Gjermania, bëri dy vjet atje, nga Gjermania iku ne Angli, pa ardhur këtu me e taku. Edhe ashtu, punon, na ndihmon se s’kemi mundësi me I përballu këto kushtet e zoti Rama. Edhe me thënë atë të drejtën, kur vjen darka, kontrolloj telefonin, është future djali në internet, nuk është fut në internet. Po s’qe fut në internet nuk më zë gjumi gjithë natën lëviz a se po të ketë ndonjë problem ndonjë diçka, komplet bosh brenda si nënë. Djali tjetër ka mbaruar shkollën e lartë për emergjenca civile dhe kur u bë tërmeti aplikoi aty te bashkia, donte të shkonte dhe të kontribuonte vullnetar se i vinte keq për ata, e realizuan atë kërkesën nuk ja pranuan. T’i vësh dorë që mos ikin më jashtë, të kthehen e të punojnë për Shqipërinë.

Shqipëria bëhet shumë kollaj edhe shumë mirë, në rast se ka një staf që drejton mirë. Me të vërtetë është e shkatërruar, nuk presim buton që të shohim, por ama prej teje kërkojmë thjesht ta fusësh në rrugën e duhur. Edhe po të futet në rrugën e duhur, ata të rinj do e çojnë përpara. Edhe kjo të takon ty. Te ty shohim shpresë, te ty shohim jetën e fëmijëve tanë”, iu drejtua kreut të opozitës, zonja Marjeta Luka.

1 mijë raste aktive me Covid-19 në Vlorë, ja ku janë zbuluar të prekurit në 24 orët e fundit

Vlora, e cila gjatë gjithë muajve të verës mbajti një numër të ulët infektimesh nga Covid, duket se po përballet me një rritje të ndjeshme të rasteve. Vetëm gjatë ditës së djeshme në qytetin bregdetar janë zbuluar 59 raste të reja, duke e çuar në 952 numrin e të prekurve aktiv në gjithë rrethin.

Gjatë fundjavës, e cila përkoi dhe me festën e Çlirmit dhe të Pavarësisë, Vlorën e frekuentuan dhjetra pushues, që mund të çojë në një rritje të mëtejshme të infektimeve në ditët e ardhshme, pavarësisht se strukturat hotelerike u shprehën se pritja është bërë duke respektuar të gjitha rregullat e pandemisë.

Nga të prekurit e një dite më parë janë:

5 mësues (4 në qytet,1 në fshat).

2 edukatore në shtëpinë e fëmijës Vlorë.

1 nxënës në gjimnaz.

1 student.

1 rast në ndërmarrjen e ujësjellës kanalizime.

1 në shërbimet publike bashki.

2 në kadastër.

2 në polici.

4 infermiere në qendra shëndetësore.

1 në bazën e pashalimanit.

Rastet e tjera pensionist dhe raste kontaktesh.

Mësuesit dhe prindërit kundërshtojnë urdhërin e Evis Kushit për mësimin online

Për shkak të situatës së pandemisë në vend, javën e kaluar u njoftua se mësimi do të zhvillohet online në disa nga klasat e shkollave 9 vjeçare dhe të mesme.

E ndërsa për çdo gjë thuhet se ka skenarë dhe strukturat janë të përgatitura, duket se ajo që raportohet në publik është thjesht shoë dhe asgjë më shumë. Komiteti Teknik i Ekspertëve kundër Covid flet për skenarë, Ministria e Arsimit flet po kështu për skenarë, e ndërkohë skenarët duket se janë plane që hartohen në momentet e fundit dhe që nuk konsultohen me askënd.

Ato janë thjesht urdhëra që duhen zbatuar, duke mos lënë hapësira për diskutime apo përmirësime.

Boldnews.al ka marrë denoncime nga mësues dhe prindër lidhur me mënyrën se si do të zhvillohet mësimi online.

Gjithçka bazohet në urdhërin e ministres Evis Kushi, i cili duket se është një variant i hartuar në momentet e fundit, edhe pse ka pasur shumë kohë në dispozicion që ekspertët e Ministrisë së Arsimit të hartonin jo një apo dy, por disa skenarë që mund të ishin diskutuar.

Kështu mësohet se mësimi online për klasat 6-9 në shkollat 9-vjeçare do të zhvillohet përmes platformës akademi.al.

Por ajo që është shqetësuese qoftë për mësuesit ashtu edhe prindërit është orari se kur do të zhvillohet mësimi. Kështu refruar variantit që pritet të aplikohet në shumë prej shkollave 9 vjeçare, të paktën në Tiranë, është orari 17:00-19:45.

Duke u bazuar në javët tek dhe çift, nëxënësit do të jenë të detyruar që në këtë orar të ndjekin mësimin 2 ose 3 ditë në javë, ndërkohë që mësimi në shkollë do të zhvillohet në oraret 12.30-15.30, ku klasat do të ndahen në dy grupe, ndërsa mësimi zhvillohet në mjediset fizike të shkollës.

Shqetësimi që kanë ngritur mësuesit dhe prindërit është pikërisht orari i papërshtatshëm i mësimit online, pasi kjo do të privojë fëmijët nga kurset e mundshme që mund të ndjekin apo aktivitetet janë shkollore.

Boldnews.al ka mësuar se pavarësisht kundërshtive të stafeve pedagogjike dhe prindërve, duket se urdhëri i Ministrisë së Arsimit do të zbatohet, kjo për faktin se nuk ka një tjetër variant, për të cilin mund të diskutohet.

Ajo që kërkohet nga diskutimet mes mësuesve dhe prindërve është që mësimi online të zhvillohet në oraret e shkollës, sikundër të krijohet një hapësirë prej të paktën 1 jave që nxënësit të jenë fizikisht në mjediset e shkollës, kohë e mjaftueshme për të shmangur përhapjen e Covid-19, nëse do të ketë raste.

Por duket se gjithçka është në dorën e Ministrisë së Arsimit, e cila ka përcjellë variantet për javët tek dhe çift, duke ia lënë sërisht përgjegjësinë mësuesve dhe prindërve, pra me pak fjalë qytetarëve.

Ashtu sikundër Ministria e Shëndetësisë çdo ditë kur raporton rastet e reja me Covid-19 ia lë përgjegjësinë qytetarëve lidhur me respektimin e masave, duke hequr nga “shpatullat” çdo lloj përgjegjësie për daljen jashtë kontrollit të situatës së pandemisë, edhe në rastin e mësimit online, përgjegjësia i lihet sërisht qytetarëve, duke mos i dhënë asnjë mundësi zgjedhjeje, diskutimi apo koordinimi.

Variantet e propozuara nga Ministria e Arsimit

Klasat 6 -9 do të zhvillojnë mësimin sipas varianteve si më poshtë:

Varianti A – Java tek

Grupi i parë i çdo klase:
• gjatë dy ditëve të para të javës do të zhvillojë mësim në mjediset fizike të shkollës në orarin 12.30- 15.30 dhe
• gjatë tri ditëve të tjera të javës, do të zhvillojë mësim online në orarin 17.00-19.45

Grupi i dytë i çdo klase
• gjatë dy ditëve të para të javës do të zhvillojë mësim online nga ora 17.00-19.45 dhe
• gjatë tri ditëve të tjera të javës, do të zhvillojë mësim në mjediset fizike të shkollës nga ora 12.30-15.30.

Varianti A – Java çift

Grupi i dytë i çdo klase
• gjatë dy ditëve të para të javës do të zhvillojë mësim në mjediset fizike të shkollës në orarin 12.30- 15.30 dhe
• gjatë tri ditëve të tjera të javës, do të zhvillojë mësim online në orarin 17.00-19.45

Grupi i parë i çdo klase
• gjatë dy ditëve të para të javës do të zhvillojë mësim online në orarin 17.00-19.45dhe
• gjatë tri ditëve të tjera të javës, do të zhvillojë mësim në mjediset fizike të shkollës në orarin 12.30-15.30.

LËNDËT QË JANË ZHVILLUAR ONLINE DERI TANI, DO TË VAZHDOJNË ONLINE NË ORARIN 08.00-10.45

1...2 6762 6772 678...8 293Faqja 2 677 nga 8 293

Kryesore

Continue to the category
Më shumë
© 2024 Rilindja Demokratike Euroatlantike