Para pak ditësh Komiteti Teknik i Ekspertëve njoftoi se nga data 24 dhjetor do të hyjnë në fuqi masat e reja kufizuese për parandalimin e përhapjes së koronavirusit në vend. Por kufzimi i lëvizjeve deri në orën 20:30 duket se do të ndikojë në mënyrë të drejtpërdrejtë te bizneset, baret, lokalet dhe restorantet.

Ndryshe nga sa kanë bërë të gjitha shtetet e tjera, që kanë dhënë ndihmë ekonomike për bizneset e prekura drejpërdrejtë nga ora policore, në Shqipëri qëveria është mjaftuar vetëm me një pagë lufte prej 40 mijë lekësh, që u dhanë që në muajin Prill.

Të gjendur këtë situatë përfaqësuesi i Shoqatës së Restoranteve, Bareve dhe Klubeve të Natës, Enri Jahaj tha ditën e sotme se këto biznese janë tashmë në krizë pasi kanë vetëm 50% të xhiros, xhiro që pritet të reduktohet edhe më tej me uljen edhe më tutje të orarit të kufizimit. Por me këto kufizime bizneset janë në prag të falimentimit.

“Unë ta jap me bindje që kanë qenë rreth 30 për qind e jona që prisnin këto festa të merrnin pak ajrosje ekonomike. Sot gjenden përballë një fakti që do të duhet të ulin qepenat dhe ndoshta nuk do ta ngrenë më atë qepen. Sektori jonë është një ndër më të prekurit në shkallë botërore dhe jo vetëm në Shqipëri.Ky kufizim me një orë e gjysmë është absurd, pasi nuk besoj se kjo kohë bën ndonjë diferencë me Covidin”, theksoi ai.

Më tej shtoi: “Sot po i dërgohet një letër e hapur kryeministrit dhe komitetit të ekspertëve, duke u kërkuar që të ulemi në tavolinë dhe të gjejmë zgjidhje për këtë muhabet, sepse nuk mund të zgjatet më shumë. Nëse nuk marrim zgjidhje, do të fillojmë të kemi disa protesta, si të them, jo të përqendruara sepse janë të ndaluara, por vizuale. Çdo lokal do nxjerrë karriget boshe jashtë lokalit”.

Ka ndërruar jetë si pasojë e Covid-19 në moshën 59-vjeçare kornisti i Teatrit të Operas dhe Baletit Andrea Canaj. Canaj e nisi karrierën e tij artistike në vitin 1988 si kornist pranë Orkestrës së Teatrit të Operas dhe Baletit dhe nga viti 1990 deri në vitin 2000 ka qenë kornist i parë i Orkestrës. Më pas, ka punuar si kornist i parë dhe në Orkestrën Simfonike RTSH dhe njëkohësisht ka qenë pedagog pranë Universitetit të Arteve.

Njoftimi i Teatrit Kombëtar të Operas dhe Baletit

Teatri Kombëtar i Operas, Baletit dhe Ansamblit Popullor, me hidhërim të thellë mësoi ndarjen nga jeta të kornistit Andrea Canaj. Andrea Canaj u nda sot nga jeta në moshën 59-vjeçare pas një lufte me Covid-19, të cilën nuk e fitoi dot.

Kornisti Canaj e nisi karrierën e tij artistike në vitin 1988 si kornist pranë Orkestrës së Teatrit të Operas dhe Baletit dhe nga viti 1990 deri në vitin 2000 ka qenë kornist i parë i Orkestrës. Më pas, ka punuar si kornist i parë dhe në Orkestrën Simfonike RTSH dhe njëkohësisht ka qenë pedagog pranë Universitetit të Arteve.

Shquhet për optimizmin e tij dhe kujtohet me dashuri nga miqtë e tij muzikantë të cilëve u është gjendur gjithmonë pranë. Do të mbetet artisti i palodhur me punën e tij me studentët dhe pjesëmarrjen në aktivitetet artistike.

Teatri Kombëtar i Operës, Baletit dhe Ansamblit Popullor i shpreh ngushëllimet familjarëve, të afërmve, miqve, bashkëpunëtorëve dhe admiruesve që e duartrokitën gjatë gjithë karrierës së tij. I paharruar kujitmi i tij! 

Një 21-vjeçar nga Korça është dënuar me 50 milionë lekë të vjetra gjobë, pasi akuzohet se ka organizuar protestat në këtë qytet, pas vrasjes së të riut Klodian Rasha nga një punonjës i Policisë së Shtetit.

Endri Vrenozi, djali i Ilir Vrenozit, i cili është mjaft i ndjekur në rrjetet sociale me videot e tij ndaj kryeministrit Edi Rama, është konsideruar si organizator i protestës, dhe ka marrë gjobën marramendëse, të cilat të ardhurat e tij padyshim që nuk e shlyejnë dot.

Babai i tij, Ilir Vrenozi shkruan në rrjetet sociale se, i biri është dënuar vetëm se ka mbajtur një pankartë në protestë, dhe nuk ka konsumuar asnjë vepër tjetër. Bashkë me Endri Vrenozin, janë dënuar me 50 milionë lekë të vjetra gjobë edhe 3 persona të tjerë, të moshave të reja.

Reagimi i Vrenozit

Sot Policia e Shtetit le ne fuqi gjoben prej 50 milion lek te vjetra qe i vuri djalit tim diten e Protestes ne Korçe…. Veprimi me i keq qe beri djali im ate dite ishte kjo parrulle qe ka ai ne dore… nuk zuri gur a dicka me dore ta hidhte ne xhamat … dhe denohet me gjobe si organizator….

O Shteti, me mua bëni cte doni por djalin mos ma prekni, kaq … ai ka jeten e tij…  Gjithesesi i them djalit qe te vazhdoje te protestoje gjithe jeten e tij, per nje jete me te mire… te kete shpirtin e protestes, e mos kete frike asnje dhe asnjehere kur ka kauza te drejta…  

Le qe na kini lene pa pune e pa shtepi, po po na vini e gjoba 50 milionshe… Sna mbetet gje tjeter vetem te dhitemi bashke me djalin pa fund si familje te mbushim disa thashe me mut prej kulaku… e tua sjellim aty ne Tirane, te lajme gjobën…

Ish-Kryeministri Sali Berisha ka përcjellë një video-lajm në rrjetet sociale, me një shpjegim konçiz: “Ja pse Edvin Droga dhe Ardi Veliu mbronin me fanatizëm, familjen e deputetit Rrahman Rraja, familje qendrore e drogës dhe krimit në Shqipëri dhe Europë!”.

Të shtëna me armë janë dëgjuar këtë mbrëmje në Shkodër.

Ngjarja është regjistruar pak minuta më parë në zonën e Pompave në afërsi të rrethrotullimit të ‘5 Heronjve’.

Policia ka mbërritur në vendngjarje.

Nga të dhënat e para dyshohet se është qëlluar në drejtim të një lokali.