Nga Ilir ALLKJA
mjek 

MJAFT MË, BOLL MË !
(enough is enough)

Serbia dhe Greqia janë vendet e para në ballkan që nisin vaksinimin e popullatës ndaj COVID-19.

Serbia të hënën datë 21 dhjetor, ndërsa Greqia te shtunën date 26 dhjetor, por Shqipëria ende nuk ka një datë, megjithëse kryeministri i saj udhëtoi, kontaktoi e udhëzoi privatisht prodhuesit e vaksinës (kjo sipas deklaratës së tij!!!).

Asnjëri nga kryeministrat e ketyre vendeve nuk udhëtoi me tam-tamet e propagandës për në USA, gjoja për të kontaktuar me prodhuesit e vaksinës, por shtruan rrugën, ngritën e strukturuan zinxhirin e vaksinimit pa bujë dhe pa propagandë dhe realisht po fillojnë të vaksinojnë e mbrojnë stafet mjekësore, së pari.

Ndërkohë ne kemi një kryeministër gojëmadh por pa veshë, pa sy, një komitet të tredhur që i mban iso të leçiturit, dhe ndodhemi të rreshtuar përkrah vendeve afrikane, nën mëshirën e vendeve të zhvilluara e CoVax-it.

Gjithsesi edhe tek ne vaksina do të vijë, por prej mëshirës, siç do të shkojë tek vendet e botës së tretë, me shumë mundësi në momentet kur epidemia të jetë ndalur!

Tani mjaft më, boll më me propagandë, zotërinj!

Ju mjekët e komitetit do të mbaheni në historinë tonë si shpura groteske që i bëtë fresk marrëzisë së një kryeministri.

Ju e dini mirë që Shqipëria nuk ka as spitale, as mjekë e as qeverisje të krahasueshme me vendet e ballkanit z. Kryeministër, zotërinj komitetas, e jo që jo, standartet e Francës e Gjermanisë!

Miopia juaj na bëri fqinjë me Somalinë, e na ndau prej Greqisë, prej ballkanit!

Mjaft më zotërinj, mjaft!

Regjisori Edmond Budina, ka qenë i pranishëm sot në protestën e Aleancës për Mbrojtjen e Teatrit, pas shoqërimit të djeshëm të disa pjesëtarëve të shoqërisë civile.

Budina tha se duhet që të gjithë shqiptarët t’i thonë stop dhunës policore, ndërsa shtoi se dhunimi është pjesë e këtij pushteti, që e quajti fashisto-mafioz.

“T’i themi ndal dhunës së policisë së pushtetit, që dhunon qytetarët e vet, i dhunon. T’i themi ndal dhunës së policisë së pushtetit, që dhunon qytetarët e vet, i dhunon, siç dhunoi disa qytetarë shembull dje. Ne nuk duhet të frikësohemi nga dhuna e këtij pushteti fashisto-mafioz.

Këta janë fashistë dhe mafiozë, janë bashkë për të ruajtur pushtetin. Këta janë grupe paramilitare, derisa rrëmbejnë njerëz, këtu kemi të bëjmë me dhunë shtetërore, që frikëson qytetarët e ndershëm, që t’i ketë nën zap. Ne do të vazhdojmë të protestojmë e nuk do ulim kokën. Ne kemi bërë kallëzime edhe ndërkombëtare. Sjellja e pushtetit është kriminale”, tha Budina.

Pedagogu Donald Martini, një prej protestuesve të Aleancës për Mbrojtjen e Teatrit, është ndaluar dje nga policia.

Martini, në një intervistë për gazetaren Aurora Golemi për “News 24” tha se, në komisariat, u ushtrua dhunë ndaj tij. Ai theksoi se njëri prej policëve i ka gjuajtur në shpullë, kurse shton se kur u ul i gjuajtën edhe me shkelm.

Martini shton se ka dalë sot në protestë për të ardhmen e fëmijëve të tij, ndërsa vlerëson se në Shqipëri ndodh që të vritesh edhe pa ndonjë motiv.

“Na futën në polici. Njërit prej nesh i gjuajtën me shpullë. Kjo është dhunë, por në Shqipëri ndodh. Unë i thashë se kam edhe shtetësi angleze. Më tha ulu dhe kur jam ulur, më gjuajti me shkelm. Nuk isha mirë fizikisht, por më pas personi që më goditi direkt u largua, që ai mos të shihej. Më tej kisha dhimbje pak e më dilte gjak.

Një oficer më tha se plaga jote ka 5 orë, e i thashë “po pse gjaku më rrjedh?”. Pastaj erdhi shefi i komisariatit dhe u qetësua situata, por ishte vonë. Është e pakonceptueshme që të shoqërohesh në komisariat, pse proteston. Unë protestoj në radhë të parë për fëmijët e mi, pastaj për të gjithë. Këtu vritesh edhe pa motiv. Do ta hedh në gjyq rajonin e policisë. Kërkoj reagim edhe nga ministri i ri i Brendshëm”, deklaroi pedagogu Martini.

Reagim i FRPD Vlorë

Me pafytyrësine më të madhe, “Problematiku” i deleguar nga partia qendër për Qarkun e Vlorës, shprehet krah Kryetarit Ndrikull të Bashkisë Vlorë për një fitore më të thellë të Partisë-Sekt në Qarkun e Vlorës.

Me arrogancën më të madhe, shprehet për një ndryshim të faqes së Vlorës gjatë këtyre 7 viteve mjerim.

Me paturpësinë më të madhe, thot me bindjen që e karakterizon Sektin e tij Mavi, se këto 7 vite e tjetërsuan Vlorën, duke e renditur në majat më të larta të zhvillimit.

E si mund ti thot këto fjali në sy të vlonjatëve, ish-ministri që nuk inaguroi dot 1 kilometër rrugë për Vlorën dhe mbarë Shqipërinë.

E si mund ta besojnë vlonjatët, njeriun që mbahet mend për “Tërmetet” dhe “Çunat Problematik”.

E si mund t’i binden vlonjatët njeriut që njihet botërisht per Vjedhje Zgjedhjesh, zeri i te cilit eshte percjelle anembanë gazetave më prestigjoze gazetareske-investigative Europiane.

Fasadat kanë qenë i vetmi “program zhvillimi” për ta.

Vjedhja pa hesap ka qenë objektivi i vetëm i tyre.

Me nje mburrje pathologjike flet për fitore imagjinare të Sektit, fitore që pathologjikisht pretendon ta fitojnë në Vlorë dhe ta fitojnë nga vlonjatët.

“Tërmetin” dhe “Shokët e tij Problematikë” mos t’i gënjejë mendja se Vlora dhe kryesisht të rinjtë dhe të rejat e saj do të gënjehen me “tërmete” fitoresh imagjinare.

Mos të mendojnë se mbi Vlorën dhe vlonjatët do vazhdojnë sundimin e tyre, që udhëhiqet nga dëshira e skajshme e vjedhjes pa hesap.

Aleanca për Mbrojtjen e Teatrit po proteston para Ministrisë së Brendshme. Protesta vjen vetëm një ditë pas shoqërimit të disa prej anëtarëve të saj në polici dhe dhunimit në komisariat.

Përfaqësuesit shprehen se, ky është një tjetër veprim arrogant i policisë së Shtetit që vjen pas vrasjes së Klodianit dhe dhunimit të protestuesve që dolën në rrugë.

Një prej pjesëmarrësve në protestë është aktori Neritan Liçaj i cili është shprehur për abcnews.al se nuk do të tërhiqen nga e drejta që i takon qytetarëve. Nëse kryeministri na përgjigjet me arrogancë të njëjtën gjë dhe do të marrë ka theksuar ai.

Sipas tij, ato nuk do të tërhiqen dhe duan të drejtat e tyre që ua garanton Kushtetuta.

“Nuk jemi forcë politike dhe nuk kemi asnjë strukturë dhe skenar por bëjmë një thirrje dhe i ftojmë në kauz të gjithë këtij regjimi që është instaluar që ne do të jemi në shesh. Arrestimet e djeshme ishin absurde. Unë po flas për Aleancën pën për Teatrin që u sulmuam politikisht nga mazhoranca dhe nga e majta. Ne nuk duam të tërhiqemi, duam të drejtat që na i garanton Kushtetuta dhe e drejta jonë njerëzore.

Arrestimi është një tjetër sinjal tjetër, ato janë njerëz paqësor dhe që janë dhunuar dhe në komisariat, është një veprim prej kalamajsh nga ana e qeverisë dhe ne kërkojmë dorëheqjen e Drejtorit të Policisë. Dhe pse Turi i Surrelit nuk do të dijë nga të hidhet me datë 25 prill, vijon me arrogancën e tij, që atë po bjerr tashmë”, ka thënë Liçaj.

Komisionerja për të Drejtat e Njeriut Dunja Mijatoviç ka reaguar, në lidhje me dhunën e ushtruar ndaj aktivistëve për mbrojtjen e Teatrit.

Sipas komisioneres, vrasja e Klodian Rashës dhe një sërë ngjarjesh të tjera të ndodhura në vend demonstrojnë se policia nuk ka reflektuar, por vazhdon të përdorë forcën.

Në reagim, është publikuar edhe fotoja e Donald Martiniit, pedagog pranë Liceut Artistik, që sipas Aleancës, është rrahur nga forcat policore.

Postimi i plotë i Aleancës për Mbrojtjen e Teatrit

Reagimi Komsioneres për të Drejtat e Njeriut Dunja Mijatoviç pas protestave që u zhvilluan pas vrasjes së të riut Klodian Rasha, për të kuptuar se si Policia ende nuk ka reflektuar per dhunën e përdorur ndaj protestuesve, pasi përdori të njejtën dhunë edhe më të egër ndaj aktivistëve të ndaluar dhe dhunuar dje në Komisariatin 1.

Një prej tyre ishte Donald Martini në foto, një prej koreografëve më të mirë shqiptarë, pedagog në liceun artistik. Pikërisht dje ai kori një çmim prestigjoz në një festival filmi me një etyd kërcimi ku kish realizuar koreografinë, në Los Angeles në USA. Në këmbim mori dhunën e Policisë Shqiptare, sepse kërkoi të ushtronte të drejtën e tij për liri.

Komisionerja për të Drejtat e Njeriut në Strasburg Dunja Mijatoviç:

“Autoritetet shqiptare duhet të parandalojnë dhunën e mëtejshme policore dhe të mbështesin të drejtën për lirinë e tubimit paqësor.

Autoritetet shqiptare duhet të tregojnë përmbajtje në demonstrata dhe të sigurojnë hetime të hollësishme, të pavarura dhe efektive për të gjitha pretendimet e përdorimit të tepruar të forcës.

Përdorimi joproporcional i forcës është raportuar gjithashtu në lidhje me të tjera protesta të organizuara në Shqipëri në fillim të këtij viti.

Reagimi ndaj pandemisë Covid-19 nuk u jep autoriteteve ‘kartë të bardhë’ për të përdorur forcë në pandemi.

E drejta për mbledhje paqësore mund të kufizohet për të mbrojtur shëndetin publik, autoritetet duhet të mbështesin parimet e domosdoshmërisë dhe proporcionalitetit në të gjitha rrethanat. Prandaj, ndalimet në parim të grumbullimeve publike dhe shpërndarja e demonstratave për të vetmen arsye se ato shkelin rregullat e masave kufizuese, pa marrë në konsideratë përdorimin e mjeteve te tjera, duhet të shmangen. Policia duhet gjithashtu të bëjë dallimin midis individëve të përfshirë në dhunë dhe atyre që demonstrojnë në mënyrë paqësore dhe të përmbahen nga përdorimi i rëndë ose pa kriter i forcës. Për më tepër, çdo ndalim i fëmijëve duhet të kryhet vetëm si një masë e fundit dhe duhet të respektojë plotësisht të drejtat e tyre procedurale, duke përfshirë të drejtën për t’u pyetur vetëm në prani të një avokati ose njërit prej prindërve ose kujdestarëve të tyre.

Është thelbësore të sigurohet që oficerët e policisë që veprojnë në kontekstin e demonstratave të marrin trajnim të specializuar në menaxhimin e grumbullimeve dhe përdorimin proporcional të forcës.

Autoritetet duhet që në çdo kohë të demonstrojnë tolerancë zero ndaj zyrtarëve të zbatimit të ligjit të përfshirë në përdorimin e tepruar të forcës, të cilët duhet të identifikohen, të sillen para drejtësisë dhe të sanksionohen në përputhje me praktikën gjyqësore përkatëse të Gjykatës Evropiane të të Drejtave të Njeriut dhe Udhëzimet për Çrrënjosjen e Mosndëshkimi për shkeljet serioze të të drejtave të njeriut miratuar nga Komiteti i Ministrave i Këshillit të Evropës në 2011. Veshja e etiketave të dukshme të identifikimit ndihmon në sigurimin e përgjegjësisë. Për më tepër, personat që pretendojnë të jenë viktima të sjelljes së keqe të policisë duhet të jenë në gjendje të paraqesin një ankesë për të marrë dëmshpërblim.

Sulmet ndaj gazetarëve përbëjnë një shkelje serioze të lirisë së shtypit dhe të drejtës për tu informuar. Autoritetet duhet të sigurojnë që gazetarët mund të vazhdojnë të informojnë qytetarët pa frikë nga kërcënimet ose aktet e dhunës”.