18.5 C
Tirana
E premte, 25 Prill, 2025
type here...

Marinela Ziu: “Pronësia, themeli i Shqipërisë Europiane – zgjidhja vjen me Koalicionin Euroatlantik”

Në një deklaratë publike, Marinela Ziu, kandidate për deputete e Koalicionit Euroatlantik në qarkun e Korçës, ka ngritur zërin për një nga çështjet më të ndjeshme dhe më të pambyllura të tranzicionit shqiptar: pronën. Me një qasje profesionale dhe të drejtpërdrejtë, Ziu kërkon një zgjidhje përfundimtare të problemeve që lidhen me ligjin 7501 dhe mungesën e dokumentacionit për mbi 80% të shqiptarëve.

“Nuk jemi në mesjetë – jemi më keq,” thekson ajo me tone të ashpra, duke kritikuar mungesën e vullnetit politik për ta kthyer pronën tek i zoti. Ajo vë në dukje se ligji famëkeq ka krijuar një dramë të heshtur në çdo familje shqiptare, duke i konsideruar “ish-pronarët” si qytetarë të dorës së dytë dhe duke i privuar nga një e drejtë themelore: prona.

Ziu, e cila ka kryer studimet e saj në të drejtë civile në Universitetin e Tiranës, thekson se çështja e pronës nuk është vetëm një detyrim ligjor, por një gur themeli për një Shqipëri të zhvilluar dhe të drejtë. Ajo paraqet një plan konkret, të detajuar dhe të realizueshëm për zgjidhjen e kësaj plage të vjetër të shoqërisë shqiptare.

Koalicioni Euroatlantik, thotë ajo, zotohet që brenda dy viteve të para të qeverisjes do ta zgjidhë këtë çështje, duke kthyer pronën aty ku është e mundur fizikisht, dhe duke kompensuar me vlerën e tregut përmes obligacioneve shtetërore në rastet e tjera. Zgjidhja, sipas saj, është çështje vullneti dhe prioriteti – jo mungesë fondesh, pasi vetëm dëmi ekonomik i shkaktuar nga korrupsioni kap vlerën mbi 11 miliardë euro.

Në programin e saj përfshihet:

Konsolidimi i kuadrit ligjor për kthimin dhe kompensimin e pronës;

Krijimi i një databaze kombëtare për vendimet përfundimtare;

Hartë e re e vlerës unike dhe e njëtrajtshme;

Krijimi i një fondi tokash për kompensim fizik nga pasuritë e sekuestruara, të pushtetit vendor dhe nga koncesione korruptive.

Ziu e mbyll deklaratën e saj me një thirrje të qartë për qytetarët: “Nuk ka dhe nuk mund të ketë një Shqipëri të zhvilluar pa zgjidhur problemin e pronës.” Vetëm kështu, sipas saj, vendi mund të hyjë realisht në rrugën drejt Europës.

Deklarata e plotë e Marinela Ziu, kandidate për deputete në qarkun e Korçës, Koalicioni Euroatlantik:

Gjatë studimeve të mia në Masterin Shkencor për “Të Drejtë Civile” në Universitetin e Tiranës, fokusi im kryesor ka qenë e drejta e pronës, si një nga të drejtat themelore të njeriut.

Ligji famëkeq 7501 ka shkaktuar drejtpërdrejt ose tërthorazi drama të jashtëzakonshme në thuajse çdo familje shqiptare, pikërisht nga shteti, i cili ka për detyrë të mbrojë pronën dhe qytetarët e vet.

Për këtë arsye, jam thelluar më tej në studimet e mija, duke punuar temën e diplomës me titull: “Pronarët e ligjshëm si ish-pronarë. Analizë mbi legjislacionin e kthimit dhe kompensimit të pronës”.

Është e papranueshme që një shtet i së drejtës të ngrihet mbi themele të rënuara, siç ka ndodhur për vite me radhë nga politika shqiptare. Që në fillim, duke i quajtur “ish-pronarë”, shteti jo vetëm i ka diskriminuar pronarët e ligjshëm, por ka krijuar qëllimisht kushte për të mos kthyer pronën tek i zoti.

Kalimi i kohës ka thelluar edhe më tej dramat sociale të lidhura me këtë çështje, por unë besoj fort se me vullnet politik dhe me politika që nuk prodhojnë drama të reja, prona duhet të kthehet aty ku është e mundur, ose të kompensohet drejtësisht në rastet kur kthimi fizik nuk është më i realizueshëm.

Paratë janë — mjafton të mos përfundojnë në xhepa pushtetarësh.

Fatkeqësisht, 80% e shqiptarëve nuk kanë dokumentacionin e pronës. Nuk jemi në mesjetë — jemi më keq.

Mendoj se politikat kundër korrupsionit duhet të ecin paralelisht me politikat e kthimit të pronës te i zoti.

Ne, si forcë e djathtë, besojmë te prona dhe shenjtëria e saj. Mbi të gjitha, besojmë se mbi 80% e pronarëve shqiptarë që sot nuk kanë në dorë letrat e pronave të tyre, janë pengesa më e rëndë për zhvillimin ekonomik të Shqipërisë.

Nuk ka reformë më të rëndësishme për Shqipërinë europiane sesa zgjidhja përfundimtare e pasigurisë së pronës dhe kthimi i saj 100% tek i zoti.

Fatura për kthimin e vlerës së plotë pronarëve të shpronësuar nga regjimi komunist dhe nga ligji 7501 pas rënies së tij është mbi 8 miliardë euro. Dhe kjo është e realizueshme, kur dihet që vetëm sipas KLSH-së, dëmi ekonomik i shkaktuar në vitet e fundit kap vlerën mbi 11 miliardë euro.

Sipas parimit “Uti Possidetis” – “Ashtu siç është”, Koalicioni Euroatlantik zotohet që brenda dy viteve të para të qeverisjes të zgjidhë çështjen e pronës. Kush e ka, do ta gëzojë; kush është penguar ta ketë, do të kompensohet me vlerën e tregut përmes obligacioneve shtetërore.

Dita kur kjo reformë do të përmbyllet është dita e parë e Shqipërisë së zhvilluar. Është dita e parë e shqiptarëve të lirë. Është dita e parë e Shqipërisë europiane.

Në qeverinë e re, ne do të realizojmë:

Konsolidimin e kuadrit ligjor për të dhënë zgjidhje përfundimtare çështjes së pronës;

Krijimin e një databaze për vendimet përfundimtare, sipas Ligjit të Pronës;

Rishikimin e hartës së vlerës, duke e bërë atë unike dhe të njëtrajtshme për të gjitha rastet;

Përcaktimin e saktë të faturës financiare për zbatimin e vendimeve.

Përmes kësaj skeme do të mundësohet:

Kthimi fizik i plotë i pronës;

Kompensimi fizik me një tokë tjetër të barasvlefshme në vlerë;

Konsolidimi i fondit të tokave për kompensim fizik, përmes:

Tokave të kaluara në inventarin e pushtetit vendor;

Pronave të konfiskuara sipas ligjit antimafia;

Pronave që rrjedhin nga kontratat PPP ose koncesione korruptive;

Kompensimit me vlerë tregu për pronat e pakthyeshme, përmes obligacioneve të posaçme shtetërore;

Thjeshtimit të procesit të kthimit dhe kompensimit të pronës.

Nuk ka dhe nuk mund të ketë një Shqipëri të zhvilluar pa zgjidhur problemin e pronës. Vetëm atëherë ekonomia shqiptare do të ecë përpara — më atraktive për investitorët vendas dhe të huaj dhe më e sigurt për të gjithë qytetarët.

✅ Voto 4️⃣ Koalicioni Euroatlantik

✅ Voto Marinela Ziu

Gazetari Poli Hoxha: 50% e votuesve nuk duan as Ramën as Berishën, në Shkodër…

Gazetari Poli Hoxha i ftuar në Frontline, komentoi sondazhet e fundit për partitë politike.

Ai tha se shkaku kryesor që socialistët mundën të djathtën në Shkodër me Bashkinë ishte përçarja e PD-së dhe pakënaqësia ndaj Berishës.

Ai e cilësoi absurd faktin se në sondazhe mbi 50% e qytetarëve nuk i duan Ramën e Berishën, por pas zgjedhjeve një prej tyre del fitues sepse përsëri këta qytetarë i votojnë dhe kjo shkon përtej paradoksit.

“Shkodra dihet që historikisht është i djathtë, jo me PD-në, por antikomunist, për shumë faktorë historikë. Është qytet i djathtë dhe çfarëdo që të ndodhë ai mbetet i tillë. Por edhe ky ndryshim i fundit vjen në dukje si hakmarrje ndaj Sali Berishës më shumë. Por edhe premtimet e Ramës kanë ndikuar duke marrë Bashkinë, por shkodranët në zgjedhjet e përgjithshme shikojnë individin. Shkodra ka vuajtur shumë, me një kapje të qytetit, nga banda kriminale, me gjoba dhe shkrirje me shtetin. Qytet ku bëhet lufta e gjobave, ku tregtarët paguajnë për ruajtjen e biznesit nga këto grupe dhe faturën e merr qeveria, pavarësisht se Bashkia për hir të së vërtetës atje po punon. Shkodranët e kanë në ADN votimin për PD.

Absurdi dhe më keq se paradoksi është fakti se Berisha e Rama dalin mbi 50% të pakënaqur dhe pas këtij sondazhi ata dalin fitues. Këtë mund ta shpjegojë vetëm një antropolog me staf, sepse po këta të pakënaqur pasi shkojnë votojnë, ua japin votën po këtyre dyve që s’u besojnë”, tha Hoxha.

Gjykata për “shqiptarët” nuk bëhet, kryeministri i ri serb tërheq ligjet kundër Kosovës?

Qeveria serbe tërheq nga procedura projektligjet kundër Kosovës. Kështu raportojnë disa aktivistë në Beograd, që tregojnë edhe një dokument zyrtar.

Qeveria e kryeministrit Gjuro Macut tërhoqi ligjin për gjykimin e shqiptarëve nga Kosova dhe ligjin për shpalljen e Kosovës si zonë e mbrojtjes së veçantë sociale. Këto ligje, të cilat presidenti serb, Aleksandër Vuçiç, i shpalli me nuanca urgjence më 13 shtator të vitit 2024, tha në atë kohë se do të miratoheshin brenda 45 ditëve.

Aktivistët theksojnë se ato nuk u miratuan as pas 250 ditësh apo tetë muajsh e gjysmë dhe më 17 prill 2025 u tërhoqën nga procedura.

Në konferencën e 13 shtatorit të vitit të kaluar, Vuçiçi madje do ta shpallte Kosovën një tokë të pushtuar, por presidenti konfirmoi në atë kohë se ishte trembur nga ekspertët e tij juridik. Në vend të kësaj, paraqiti planin me 7 pika, siç tha, kundër shtetit të Kosovës. Konkretisht kërkoi kthimin e gjendjes në Kosovë siç ishte përpara se Albin Kurti të vinte në pushtet: 1, mbajtja e zgjedhjeve lokale në veri; 2, zbatimin e nenit 9 të marrëveshjes së parë të Brukselit për kthimin kolektiv të serbëve në Polici; 3,Kthimi i gjyqtarëve dhe prokurorëve serbë në funksione gjyqësore; 4, tërheqjen e forcave speciale të policisë së Kosovës në veri dhe mbylljen e të gjitha institucioneve që ofrojnë shërbime jetike publike për qytetarët; 5, formimi urgjent dhe përfundimtar i Asociacionit; 6, lirimin e menjëhershëm të të gjithë të burgosurve politikë, që u arrestuan në protesta dhe barrikada; 7, mundësimi i menjëhershëm i transaksioneve të pandërprera të pagesave dhe shërbimeve postare në monedhën dinar.

“Ata mund të ëndërrojnë për pavarësinë e tyre. Dhe ata mund të ëndërrojnë anëtarësimin në OKB dhe mund të ëndërrojnë kështu për dhjetëra vite”, shprehej presidenti serb vitin e kaluar.

Ngjarja e papritur e Leçes, ndihmon Gjimshitin, mbrojtësi ka edhe dy ditë kohë më shumë

Berat Gjimshiti ishte në luftë me kohën për të qenë i gatshëm për skuadrën e Atalantës për ndeshjen ndaj Leçes këtë të premte. Por ngjarja e rëndë që ndodhi në klubin e Ramadanit dhe Beirshës, i ka dhënë në njëfarë mënyre një ndihmë mbrojtësit kuqezi.

Gjimshiti do të vlerësohej nga stafi mjekësor i Atalantës gjatë mëngjesit të sotëm para se të vendosej nëse do të ishte i gatshëm apo jo për ndeshjen ndaj Leçes.

Por pas vdekjes së papritur të fizioterapistit të kësaj skuadre dhe shtyrjes së ndeshjes për të dielën, mbrojtësi kuqezi do të ketë më shumë mundësi riaftësimi.

Ai shihet si një nga elementët më të rëndësishëm të prapavijës së skuadrës, pasi di mirë çfarë kërkon trajneri Gasperini. Ndaj rikuperimi i tij në ndeshjet e fundit të Serisë A, kur vendoset lufta për Ligën e Kampioneve, ishte kthyer në një objektiv të rëndësishëm për stafin mjekësor të klubit.

Përmirësojnë shëndetin e syve, ja 10 ushqimet që duhet patjetër t’i shtoni në vaktet tuaja të përditshme

Sytë janë dritarja jonë drejt botës, e megjithatë, ne shpesh i marrim si të mirëqenë, veçanërisht nëse jemi ndër ata me fat me “sy të fortë”. Megjithatë, si çdo organ tjetër, sytë janë të prekshëm ndaj dëmtimit, veçanërisht në epokën e sotme të ekraneve.

Nga telefonat celularë te laptopët, jeta e përditshme nuk është tamam “miqësore” për sytë tanë. Për fat të mirë, një dietë e strukturuar siç duhet mund të mbrojë shikimin dhe të vonojë përkeqësimin e lidhur me moshën.

Dhe jo, nuk është vetëm karota ajo që është protagoniste. Ka shumë ushqime të pasura me lëndë ushqyese që i duan sytë, si beta-karoten, acide yndyrore omega-3, vitamina C, A dhe E, si dhe minerale si zinku.

E gjithë kjo ndihmon në parandalimin e kushteve të tilla si katarakti, degjenerimi makular, glaukoma dhe sindroma e syrit të thatë.

Shikoni më poshtë 10 ushqimet më të mira për t’u futur në listën e blerjeve në supermarket këtë javë:

1. Patate të ëmbla

Karotat mund të kenë “markën” e shikimit, por patatet e ëmbla mund të jenë edhe më të forta. Të pasura me beta-karoten, e cila shndërrohet në vitaminë A, ato ndihmojnë në ruajtjen e shëndetit të kornesë.

Një patate e ëmbël mesatare mbulon mbi 150% të dozës së rekomanduar ditore të vitaminës A. Skuqini me vaj ulliri dhe rozmarinë ose bëni një supë prej kadifeje me karota, xhenxhefil dhe shafran të Indisë.

2. Perime me gjethe jeshile

Spinaqi, lakra jeshile, marule, chard zvicerian dhe zarzavate janë plot me luteinë dhe zeaxanthin – antioksidantë që filtrojnë dritën blu, mbrojnë qelizat e syve dhe ngadalësojnë sëmundjet si katarakti dhe degjenerimi makular.

Hajini të papërpunuara në sallata, skuqini lehtë ose ziejini me avull për të ruajtur lëndët ushqyese.

3. Vezë

E verdha e vezës është një burim i shkëlqyer i luteinës dhe zeaksantinës, si dhe yndyrave omega-3. Vezët ndihmojnë në parandalimin e degjenerimit makular, një sëmundje degjenerative e retinës.

Hulumtimet në Australi treguan se ata që hanë 2-4 vezë në javë kanë 49% më pak gjasa për ta zhvilluar atë. Provoni scrambles për mëngjes ose shakshuka për darkë.

4. Salmoni

I pasur me omega-3, salmoni është një aleat kryesor për shëndetin e syve. Nëse nuk dëshironi ta hani çdo ditë, provoni të paktën dy herë në javë.

Gjithashtu burime të mira janë sardelet, skumbri, trofta dhe toni. Hani të pjekur në skarë, të skuqur në tigan ose të papërpunuar në sashimi me gjethe wasabi dhe shiso.

5. Bajame

Një grusht bajame ju jep shumë vitaminë E, e cila neutralizon radikalet e lira dhe kufizon dëmtimin oksidativ të syve – diçka shumë e rëndësishme nëse jetoni në qytet ose pini duhan. Hani ato të thjeshta ose shtoni në kos, sallata, rizoto ose supave.

6. Boronica

Boronicat janë një superushqim jo vetëm për sytë por për të gjithë trupin. Ato përmbajnë antocianinë, antioksidantë që rrisin qarkullimin në sy dhe ndihmojnë në rigjenerimin e qelizave të retinës, të cilat janë përgjegjëse për shikimin e natës. I hani me kos, i vendosni në smoothie ose në puding chia.

7. Specat

Specat e kuq, të verdhë ose portokalli janë plot me vitaminë C, e cila mbështet shëndetin e syve dhe nervit optik. Ato përmbajnë gjithashtu zeaxanthin, vitamina A dhe E. Hajini të papërpunuara për vlerën maksimale ushqyese, me humus, guacamole ose baba ganoush.

8. Çokollatë e zezë

Po, edhe çokollata ka vend këtu. Çokollata e zezë me të paktën 70% kakao përmban flavonoidë që përmirësojnë qarkullimin e gjakut në sy dhe përmirësojnë shëndetin e kornesë dhe lenteve. Shijoni një copë të vogël pas një vakti ose fërkoni pak në kos.

9. Midhje

Zinku është thelbësor për shëndetin e retinës dhe duket se vonon degjenerimin makular, veçanërisht kur kombinohet me antioksidantë. Midhjet janë një nga burimet më të pasura të zinkut. Nëse nuk ju pëlqejnë, mund t’i gjeni në shpendë, mish pa dhjamë, bishtajore, arra dhe fara.

10. Majdanoz

Zakonisht e shtojmë për dekorim, por majdanozi është plot me lëndë ushqyese që mbrojnë sytë: beta-karoten, luteinë dhe zeaksantinë. E gjithë kjo rrit densitetin e makulës dhe zvogëlon rrezikun e sëmundjeve të syrit të lidhura me moshën.

Shtojeni në smoothie, mbi sallata ose gatime peshku, ose përzieni në ceviche për një prekje freskuese.

Kandidati i Euroatlantikëve, Shpëtim Agolli: Fermerët e Korçë-Maliq-Devoll janë lënë jetim!

Kandidati i Euroatlantikëve në Korçë, Shpëtim Agolli përmes një statusi në Facebook, ka shprehur një shqetësim lidhur me situatën që po përballen fermerët e Maliqit.

Dëmet natyrore kanë sjellë mjaft probleme dhe me kërkesë të anëtarëve të opozitës në Këshillin e Bashkisë kjo ishte dhe tema e rendit të ditës.

Por për qeverinë shkruan Agolli prioritet nuk janë fermerët dhe madje i është ndërprerë fjala në Këshillin Bashkiak.

Ndër të tjera ai shkruan se me programin e Demokratëve Euroatlantikë fermerët do të kenë një mbështetje të madhe me subvencione dhe grante.

Postimi i plotë 

Sot mora pjesë në mbledhjen jashtë radhe të Këshillit Bashkiak të Bashkisë Maliq.
Rendi i ditës i kërkuar nga anëtarët e opozitës kishte në fokus kryesor kompesimin e dëmit natyror i shkaktuar tek një pjese së pemëtarisë në bujqësi prej dëborës dhe ngricës të para dy javëve që përfshiu fermat e kësaj bashkie.
Fusha e Korçës, Devollit dhe e Maliqit kap një sipërfaqe të madhe të kultivuar me pemtari.
Kjo qeveri e papërgjegjshme qoftë qendrore apo lokale fermerët i ka lënë në mëshirë të fatit.
Fermerët jo vetëm që nuk subvencionohen për prodhimet e tyre, por edhe kur ndodh një fatkeqësi natyrore, përsëri qeveria hesht duke u fshehur pas procedurave ligjore, derisa çështja të harrohet.
Në fjalën time unë vendosa të sillja shqetësimin e fermerëve të cilët i kam takuar rast pas rasti gjatë fushatës time elektorale.
Kryetari I bashkisë z. Gëzim Topçiu më ndërpreu fjalën me pretendimin se unë isha kandidat për deputet dhe aty unë po bëja propagandë sipas tij.
Në fakt ishte krejt e kundërta.
Ngrita zërin për një të drejtë legjitime e cila ju takon fermerve për rastin konkret.
Prandaj ne ju bëjmë thirrje fermerëve që të mbështetin me votë programin tonë ekonomik ku një rëndësi të veçantë ze bujqësia dhe blegtoria.
Ne parashtrojmë për fermerët një plan serioz ku ndër angazhimet tona më të rëndësishmet janë:
100 milion euro subvencione dhe 50 milion euro grante për çdo vit për të gjitha fermat e vendit.
Procedura të thjeshtuara dhe pa barriera për përfitim
Mbi 150 mijë fermerë do të përfitojnë çdo vit mbështetje për imputet bujqësore si dhe mbarështrimin e kafshëve të racës, e cila do të ulë me 30–40% kostot e prodhimit.
Fokus tek sektorët kyç:
Mbështetje për agroturizmin dhe promovimin e produkteve lokale;
Lehtësime kredidhënie pqër fermerët dhe përpunuesit bujqësorë dhe blegtoralë për investime në teknologji moderne
Pagesa deri në 50% e sigurimeve për mbrojtje nga fatkeqësitë natyrore.
Objektiva të qarta për 4 vitet e para:
Rritje trefish e eksporteve bujqësore, duke tejkaluar importet;
Ndërtimin e tregjeve moderne në çdo bashki, sipas standardeve europiane
Rehabilitimin e infrastrukturës rurale, të rrugëve, procesit të vaditjes, kullumit si dhe masa kundër përmbytjeve.
Me një buxhet të dyfishtë më të madh se sa aktuali, do të ndërtojmë një bujqësi të fortë dhe konkurruese në tregun vendas dhe rajonal por edhe më gjerë.
Qëllimi ynë është për të ndërtuar një ekonomi kompetitive e të qëndrueshme me rritje 5–8% në vit, falë një sektori bujqësor e blegtoral të modernizuar dhe të mbështetur në konkurueshmëri.
Financimi do të shkojë drejtpërdrejt atje ku punohet e prodhohet, sipas avantazheve të zonave dhe nevojave konkrete.
Në të njëjtën kohë, do të përputhim politikat tona me standardet e BE-së, përmes një programi të veçantë për Bujqësinë dhe Zhvillimin Rural.
#FermerëtMeritojnëMëShumë
Voto Koalicioni Euroatlantik
Voto Shpëtim Agolli

“Jo vetëm një votë, por një besim”/ Pëllumb Seferi takon qytetarët në Njësinë 8 në Tiranë

Pëllumb Seferi, kandidati i djathtë në Njësinë 8, po zhvillon një fushatë të afërt me qytetarët, duke trokitur derë më derë në çdo rrugicë të lagjes, në dyqane dhe në shtëpi, për të kërkuar mbështetjen e tyre.

“Nuk po kërkoj thjesht një votë, por një besim për të qenë zëri juaj, kudo ku duhet të dëgjohet. E dua këtë përgjegjësi dhe e marr me përulësi,” – tha Seferi gjatë takimeve me banorët.

Duke e konsideruar këtë garë si një rrugëtim të përbashkët, ai premton të jetë zë i qytetarëve jo vetëm gjatë fushatës, por në çdo forum ku merren vendime që prekin jetën e përditshme.

Dorjan Ziflai ngre alarmin për korrupsionin: “Mjaft u mashtruat – ju meritoni më shumë!”

Në prag të zgjedhjeve parlamentare, Dorjan Ziflai, kandidat për deputet i Koalicionit Euroatlantik në qarkun e Gjirokastrës, ka zgjedhur të flasë me tone të drejtpërdrejta për qytetarët, duke denoncuar hapur korrupsionin e përhapur në të gjitha nivelet e qeverisjes vendore. Në një deklaratë publike, ai i bën thirrje votuesve të mos bien më pre e mashtrimeve dhe të mos japin votën për ata që, sipas tij, janë bërë simbol i keqqeverisjes.

Ziflai ngre shqetësimin se e njëjta skemë abuzimesh që është zbuluar në Bashkinë e Tiranës, po aplikohet tashmë në gjithë territorin, përfshirë edhe qytetet më të varfra dhe më të shpopulluara. Ai nënvizon se qindra milionë euro po përvetësohen përmes tenderave fiktivë dhe mashtrimeve të tjera financiare.

“Edhe fondet IPARD që BE i dedikon fermerëve, në vend që të shkojnë për zhvillimin e fermave tuaja, përfundojnë në xhepat e familjarëve të tyre,” shkruan Ziflai. Ai e cilëson të papranueshme që qytetarët të detyrohen të emigrojnë, ndërkohë që “ata që i kanë zhytur në varfëri, pa turp kërkojnë sot votat tuaja.”

Mesazhi i tij është i qartë: votuesit të mos mbështesin më individë që janë nën hetim apo objekt i SPAK-ut për abuzime me fondet publike. Në vend të kësaj, ai u bën thirrje të zgjedhin ndryshimin, dinjitetin dhe përfaqësimin e ndershëm.

“Koha e mashtrimeve ka mbaruar. Qytetarët e Gjirokastrës dhe gjithë Shqipërisë meritojnë më shumë se skema korrupsioni dhe fjalë boshe,” përfundon Ziflai.

Deklarata e plotë e Dorjan Ziflait në rrjetet sociale:

Boll u mashtruan, ju meritoni më shumë.

Çdo ditë shikojmë që e njëjta skemë korrupsioni, si ajo e ndërtuar në Bashkinë Tiranë, funksionon në të gjitha bashkitë, duke mos kursyer as qytet më të varfëra dhe më të shpopulluara të vendit.

Çdo ditë po zbulohen afera qindra milionë euro të dhuruara familjarëve të tyre me tendera fiktiv dhe makinacione të ndryshme, duke mos kursyer as fondet e IPARD për fermerët, që në vend që të vinin tek ju për të rritur fermën tuaj, i kanë çuar në xhepat e familjarëve të tyre.

Ndërkohë që familjarët tuaj largohen për një jetë më të mirë, ata pa pikë turpi sot kërkojnë votat tuaja, jo për t’ju shërbyer juve, por për të vazhduar skemën që kanë ngritur për të vjedhur jo vetëm fondet e shtetit shqiptar por edhe ato të BE-së, që supozohet t’i vijnë në ndihmë fermerit, bujkut, biznesit dhe qytetarëve shqiptarë.

Mos ua jepni votën atyre që janë objekt i SPAK-ut, sepse kanë vjedhur lekët tuaja, djersën tuaj, mundin e fëmijëve tuaj që enden rrugëve të botës, për shkak se ky vend po vidhet çdo ditë duke përdorur skema nga më të ndryshmet.

Mjaft u mashtruat, ju meritoni më shumë.

#Voto4
#Votonipërfamiljentuaj
#Votopërdinjitet

“Lavdrimi, shembulli si një i ri kufizoi ëndrrën për universitet për të ndihmuar familjen”, Basha: Misioni i shenjtë i Koalicionit Euroatlantik është që rinia të marrë në dorë fatin e saj dhe të Shqipërisë

Drejtuesi Politik i Koalicionit Euroatlantik, Lulzim Basha, gjatë një takimi me të rinjtë në Tiranë, theksoi angazhimin e koalicionit për mbështetje të fortë për të rinjtë dhe arsimin, duke e konsideruar këtë si një nga prioritetet kryesore të programit. Ai e ilustroi këtë angazhim me historinë e një prej të rinjve prezent në takim, një djalë 23-vjeçar që ka dëshirë për shkuar në universitet, por gjendja ekonomike e familjes dhe mungesa totale e politikave mbështetëse nga qeveria ia ka pamundësuar ëndrrën e tij.

Basha theksoi se me programin e Koalicionit Euroatlantik do të mbështetet çdo i ri dhe çdo të re, duke u ofruar mundësi studimi dhe zhvillimi, pavarësisht mundësisë ekonomike të familjeve të tyre. Ai nënvizoi se është e shenjtë për këtë koalicion që t’i realizojë ëndrrat e rinisë shqiptare dhe t’u mundësojë atyre një të ardhme më të mirë.

“Le të qëndrojmë të bashkuar, dorë për dorë, më 11 maj dhe pas 11 majit, sepse misioni më i shenjtë për mua është që të rinjtë, si Lavdrimi dhe shokët e tij, të marrin në dorë fatin e Shqipërisë,” u shpreh Basha.

Pjesë nga fjala e Bashës:

Kjo është dora e Lavdrim Jupës dhe e qindra të rinjve si ai. Dora e një njeriu që ka që 10 vjite që punon, 23 vjeç sot. Dhe dëshira e tij është të studiojë ekonomi, gjë që nuk ia mundëson as gjendja ekonomike e familjes dhe mungesa totale e politikave mbështetëse nga kjo qeveri e korruptuar. Siç ia mbaj dorën sot kështu, kështu do t’ia mbajmë dorën çdo të riu dhe çdo të reje me programin tonë për arsimin, universitet pavarësisht prej pamundësive, të familjeve të tyre që t’i bëjmë realitet ëndrrat e tyre. Nuk ka gjë më të shenjtë për ne se kjo, nuk ka gjë më të shenjtë për Koalicionin Euroatlantik se kjo. Le të qëndrojmë kështu të bashkuar dorë më dorë më 11 maj dhepas 11 majit. Sepse për ne dhe për mu personalisht nuk ka mision mëtë shenjtë në jetën time sesa që këto duar të Lavdrimit e të shokëve të tyre së shpejti të marrin në dorë fatin e Shqipërisë.

“Kur Rama me 7×7=313 të vjedh për 12 vite dhe ti i jep votën, je çyryk”, Basha: Koalicioni Euroatlantik është çelësi për të hapur portën e të ardhmes dhe shkëputja nga makthi i korrupsionit

Gjatë takimit me të rinjtë në Tiranë, drejtuesi politik i Koalicoonit Euroatlantik, Lulzim Basha, tha se 11 maji është çelësi për të hapur portën për të ardhmen e gjithësecilit prej të rinjve dhe është ilaçi për t’u shëruar e për t’u shkëputur një herë e mirë nga ky makthi i korrupsionit.

Ai tha se një prind nuk mund të pranojë që pasi ka 12 vite që e vjedhin, e gënjejnë, e mashtrojnë, i mohojnë mundësinë për të investuar për fëmijët e vet, pastaj i thonë hajde prap hidhe votën këtu. Basha u shpreh se kush ia jep votën Edi Ramës, është çyryk.

Sipas tij, për t’u shëruar prej saj më 1 maj vota duihet të shkojë tek Koalicionin Euroatlantik numrin 4, si e vetmja alternativë e cila u jep zgjidhje reale problemeve të shqiptarëve.

Pjesë nga fjala e Bashës:

Si mendoni ju, e ka gabim apo e ka të drejtë që u thotë çyryk njerëzve? Për herë të parë edhe unë duhet ta pranoj që Edi Rama ka pjesërisht të drejtë: të gjithë ata që votojnë Ramën, janë çyryk. Çyryk të mendjes, çyryk të shpirtit. Se si mund t’i thuash ndryshe një prindi që pasi ka 12 vite që e vjedhin, e gënjejnë, e mashtrojnë, i mohojnë mundësinë për të investuar për fëmijët e vet, dhe pastaj i thonë hajde prap hidhe votën këtu. Si i shikon ky prindër fëmijët në sy? Me çfarë guxcimi, me çfarë morali?! Padiskutim ky është çyrykllëk politik, por nuk është sëmundje e pashërueshme. Nuk është sëmundje e pashërueshme, shërohet në momentin që e kupton që ke një vartësi, një sindromë e Stokhomi – i thonë kësaj, të kanë marrë peng trurin. Çliroje trurin, hidhe votën për numrin 4, dhe më datë 12 maj i çliruar do t’i shohësh fëmijët e tu. Objektivi jonë është të shërojmë sa më shumë shqiptarë dhe shqiptare. Kështu që kjo është një punë e madhe edhe për ju të rinjtë, sepse për ju është shumë më e lehtë ta shikoni dritën e të vërtetës, ta shikoni të bardhën për të bardhë dhe të zezën për të zezë, e jo t’i ngatërroni. Ta bëni këtë edhe me shoqërinë tuaj dhe bashkëmoshatarët tuaj, por ta bëni po kështu edhe me prindërit e t’i thoni më 11 maj vota është çelësi për të hapur portën për të ardhmen time, për të ardhmen e gjithësecilit prej të rinjve, e shokëve, miqve që keni, në shkollë në universitet e kudo ku jeni, më 11 maj është ilaçi për t’u shëruar e për t’u shkëputur një herë e mirë nga ky makth 12 vjeçar, për të refuzuar edhe 4 vite të tjera katastrofë për ekonominë shqiptare, për rininë shqiptare, për emigracionin dhe për të përqafuar të vetmen alternativë e vcila ju jep zgjidhje reale të problemeve tuaja, Koalicionin Euroatlantik numrin 4.

1234...8 251Faqja 3 nga 8 251

Kryesore

Continue to the category
Më shumë
© 2024 Rilindja Demokratike Euroatlantike