Mbasi i kanë kërkuar ndërhyrje Këshillit të Lartë Gjyqësor, Urdhri i Punonjësve Socialë u kërkon të gjitha gjykatave që të unifikojnë praktikën dhe t’i thërrasin si ekspertë për rastet e divorceve mes çifteve që kanë fëmijë dhe ku sociologu është i caktuar me ligj të përshkruajë rrethanat socio-ekonomike të prindërve.

Punonjësit socialë pretendojnë se nuk ka vetëm shkelje të ligjit, por edhe dëmtohet interesi më i lartë që është ai i fëmijës.

Megjithëse mbeten të preferuarit e gjyqtarëve, edhe psikologët nuk i kanë fort në qetësi situatat, mbasi vazhdojnë vetëjetën për kryetarin.

Nga të dhënat që Këshilli i Lartë Gjyqësor i vendosi në dispozicion Top Channel, rezulton se gjatë 2024 u shqyrtuan 11,909 padi divorcesh, nga të cilat u gjykuan dhe u dha vendim për 7,432 zgjidhje martesash./TCH

Pasi arriti rekord në vitin 2024, sipërfaqja e dhënë për leje ndërtimi ka shënuar rënie në tremujorin e parë të vitit. Të dhënat e INSTAT bënë të ditur se në kryeqytet në periudhën janar-mars u dhanë 72 leje ndërtimi, me një sipërfaqe prej rreth 201 mijë metra katror.

Në krahasim me të njëjtën periudhë të një viti më parë, sipërfaqja ka rënë me 13.3%. Së bashku me tremujorin e parë 2023, këto janë nivelet më të ulëta që janë dhënë që nga viti 2018.

Në 2024-n, sipërfaqja e lejeve të ndërtimi arriti një nivel rekord prej mbi 1.9 milionë metra katror. Kjo është sipërfaqja më e lartë e dhënë ndonjëherë për ndërtim për kryeqytetin, të paktën që nga viti 2005, kur INSTAT raporton të dhënat për Tiranën.

Në krahasim me vitin e mëparshëm, sipërfaqja e dhënë për ndërtimn në 2024-n u rrit me rreth 36%, ndërkohë që është dhe rreth 7% më e lartë se në 2022, kur shënohej rekordi i deritanishëm me 1.8 milionë metra katror.

Më pak leje në rang vendi

Sipas njoftimit të INSTAT, Në tremujorin e parë të vitit 2025, janë miratuar 258 leje ndërtimi për ndërtesa të reja, duke shënuar një ulje prej 17,0 %, krahasuar me të njëjtën periudhë të vitit 2024, kur u miratuan 311 leje.

Sipërfaqja totale e parashikuar për ndërtimet në këtë tremujor, është 335.137 m², duke shënuar një ulje prej 6,3 %, në krahasim me tremujorin e parë të vitit 2024 (357.585 m²).

Vlera e përafërt e projekteve të miratuara (që përfshin si ndërtesat ashtu edhe punimet inxhinierike) arriti në
20,1 miliardë lekë, duke shënuar një rritje prej 47,6 %, krahasuar me një vit më parë (13,6 miliardë lekë).

Ndërtimet për banim përbëjnë pjesën më të madhe të lejeve të reja, me 188 leje dhe sipërfaqe ndërtimi 215.418 m².
• Ndërtesat jo-rezidente (si hotele, ndërtesa tregtare dhe industriale) zënë pjesën tjetër me 70 leje dhe 119.719 m² sipërfaqe.
• Qarku i Tiranës mban peshën kryesore me 72 leje ndërtimi të reja dhe 201.237 m², ndonëse me rënie nga një vit më parë.
• Rritje domethënëse e vlerës së projekteve ndërtimore u regjistrua në qarqet Durrës, Vlorë dhe Fier./ Monitor

Shitja e produkteve ushqimore në rrugë vazhdon të jetë problem për sigurinë shëndetsore në qytetin e Durrësit, ndërsa Policia Bashkiake ka ulur në 5 vitet e fundit masat administative. Lehtësisht në qytet kryet shitja e qumështit me bidona plastikë, si edhe e produkteve të tjera ushqimore, por masat administrative kanë rënë ndjeshëm nga viti në vit.

Çdo ditë nga mëngjesi deri në mesditë tregtarë ambulantë të palicensuar shesin bidona me qumësht në lagjen numër 18 të qytetit të Durrësit. Bidona plastikë qëndrojnë në rrugë në pritje të blerësve me orë të tëra, ndonëse konsumimi i produktit të bulmetit në të tilla kushte vlerësohet i rrezikshëm për shëndetin e konsumatorëve.

Edhe në lagje të tjera të qytetit konstatohet shitja e qumështit me bidona në rrugë, e po kështu edhe e produkteve ushqimore, si frutat apo perimet.

Policia Bashkiake në Durrës tha se monitoron dhe kontrollon territorin nga shitësit ambulant të ndryshëm që tregtojnë produkte ushqimore në hapësira publike apo tregjet dhe vendos masa administative, por nuk i kategorizon sipas produkteve.

“Policia Bashkiake nuk i ka të kategorizuara masat administrative sipas artikujve në tregtim qumështi në bidona plastik, por i kategorizon si shitës ambulant”, tha institucioni në një përgjigje zyrtare për Median Amfora.

Policia Bashkiake në total në pesë vitet e fundit ka vendosur 1967 masa administative, duke i ulur ato ndjeshëm nga 265 masa të vendosura në vitin 2020, në vetëm 54 masa administative në vitin 2024.

Paradoksi qëndron se në vitin 2020, që kulmoi me pandeminë COVID-19, ndërsa vendi ishte i mbyllur nga muaji mars deri në fillim të muajit qershor dhe shitja e produkteve ushqimore kryhej vetëm në tregun agro-ushqimor të qytetit, me orar të reduktuar policia bashkiake ka vendosur 265 masa administrative.

2021 ishte ende viti i pandemisë dhe me rënie të ndjeshme të aktivitetit tregtar dhe qytetarët ishin mjaft të kujdesshëm për konsumimin e produkteve ushqimore, Policia Bashkiake e Durrësit ka vendosur numrin më të madh të masave administative, 1116 të tilla.

Ndërsa më pas masat administative kanë rënë ndjeshëm: 374 masa në vitin 2022, 158 masa në vitin 2023 dhe vetëm 54 në vitin 2024.

Amfora ka konstatuar se shitja e produkteve ushqimore kryesisht e qumështit, vezëve, prodhimeve të stinës, si fruta-perime, erëza, çajra, kryhet në shumë rrugë të qytetit. Policia bashkiake tha se kryen kontrolle të përditshëm në afërsi të tregjeve apo hapësirave publike.

“Policia bashkiake funksionon me shërbim patrullë dhe inspektor për çdo turn, që është përgjegjës për shërbimet në terren. Ndarja e shërbimeve bëhet sipas problematikave dhe sipas ngarkesave në zona të caktuara, në tregje”, shtoi institucioni.

Siguria ushqimore është vënë së fundmi në qendër të vëmendjes së opinionit publik, veçanërisht pas rastit të bllokimit të sasisë prej 18.3 tonë fileto pule me salmonelë me origjinë nga Brazili, në Portin e Durrësit në mars të këtij viti, apo rastet e gripit të shpendëve në pularitë e qytetit.

Policia Bashkiake tha se se gjatë pesë muajve të fundit ka qenë pjesë e task-forcave për sigurinë e produkteve ushqimore.“Policia bashkiake ka marrë pjesë në çdo taksk-forcë të ngritur nga institucionet qëndrore apo vendore në bashkëpunim me institucione të tjera për ndalimin e shitjes së produkteve ushqimore të palicensuara në rrugë apo hapësira të tjera publike dhe private”, përfundoi institucioni./Amfora.al