Coronavirusi ka shpërthyer edhe në burgje. Ministria e Shëndetësisë deklaroi se 13 raste janë në një burg.

Ka dyshime se ai është burgu 313, pasi aty u regjistrua para pak ditësh rasti i parë,

“Nga rastet e reja të 24 orëve të fundit, 20 janë në Tiranës, nga të cilat 13 i përkasin një vatre në një institucion të vuajtjes së dënimit, ku po vijon hetimi epidemiologjik, pas zbulimit të rastit të parë. 7 raste pozitivë janë në Krujë dhe 2 raste në Shkodër”, tha MSH.

Ka shkruar në 663 numri i të prekurve me koronavirus në vendin tonë. Mësohet se brenda 24 orëve kanë rezultuar pozitivë 29 persona, të cilët kryesisht janë nga Tirana.

Një prej kryeinfermiereve të Pediatrisë së Përgjithshme në QSUT është infektuar me koronavirus.

Dyshohet se kryeinfermierja është infektuar gjatë ceremonisë mortore të gjyshit të saj në qytetin e Burrelit, ku më pas ka rezultuar pozitiv dhe bashkëshorti i saj.

Mësohet se pas konfirmimit, është njoftuar testimi edhe për pjesën tjetër të stafit të pediatrisë, të testet e të cilëve kanë dalë negativ.

Kujtojmë se deri më tani në të gjithë vendin janë shënuar 634 të infektuar, ku mes tyre 27 persona kanë humbur jetën.

Në 24 orët e fundit, Kruja regjistroi edhe 18 raste të reja të prekura nga SARS-CoV-2. 11 prej tyre janë punonjëse të fasonerisë dhe 4 persona kontakti të tyre, familjarë. Në Krujë janë mbyllur 6 fasoneri për shkak të pandemisë Covid-19.

Ndërkohë sonte në emisionin “Open” në Top Channel gazetarja Anila Hoxha ka sjellë dëshminë e një gruaje e cila punon në një nga fasoneritë e mbyllura të Krujës.

Gruaja në fjalë ka preferuar që të mbetet anonim ndërsa thotë se ka simptoma të koronavirusit ajo vetë si dhe familja e saj. Ajo ka shtuar se vjehrra e moshuar është në gjendje të rëndë ku prej 5 ditësh është me kollë dhe me temperaturë, sipas saj simptoma të ngjashme ka vetë ajo dhe vajza e saj e vogël.

Ndërkohë për sa u përket masave të ndërmarra nga fasoneria ku ajo punonte, gruaja tregon se nuk zbatoheshin masat e sigurisë dhe distancimit. Sipas saj kishte rreth 300 punonjës në ambiente të mbyllura.

Më tej gruaja ka shtuar se i është dashur të kthehet në punë për shkak se rrezikonte të pushohej. Ndërkohë ditën e sotme asaj i është bërë tampon së bashku me pjesëtarët e familjes ndërsa thotë se ka shumë frikë se është e infektuar.

Pse shkoni në punë?

“Shkoja në punë se s’kisha ça të bëja”.

Kur ishte rasti i parë me Covid-19 tek puna juaj?

“Me thënë të drejtën se di se kur ishte rasti i parë, por ka pas gra rregullisht me temperaturë. Të hënë dhe të martën e kaluar”.

Pse ndaluat punën?

“Na thanë shoferët se, nuk ka ardhur kamioni. Pastaj morëm vesh se ishte pandemia”.

A kishte rregulla higjenike kundër Covid-19?

“Atje ku punonim aty hanim me bidonin e ngjitësit aty. Doreza na kanë dhënë një ditë dhe një maskë që kur doli pandemia. Kur vinte kontrolli zbatohej distance na shpërndanin. Kohët e fundit ka pasur më pak punëtor, por ne ndaluam nga puna dhe na thanë që po nuk erdhët me 1 prill në punë do hiqen siguracioni. Vetëm tre ditët e para, pastaj u kthyem ishte puna hap”

Pse u rikthyet në punë?

“Në të kundërt humbisnim punën. Ne ndaluam ca ditë tre –katër ditë por më njoftuan se ose do vijsh në punë ose o të largohesh nga puna. Para një jave kanë qenë gratë sëmurë. Ne si fabrikë jemi mbi 300 veta. Një manovi kishte 45 veta“.

A dyshoni se jeni prekur?

“Dyshoj sot i bëra analizat e kam vjehrrën me 40, gocën po ashtu me temperaturë. Vetë jam me kollë. Para një jave kam dashur ta bëj tamponin”.

A do ktheheni më në punë?

“E kena me dyshime nëse duhet të shkoj më aty. Pa nja dy muaj. Kam kollë e dhimbje koke, dhimbje fyti. Vjehrrën e kam shumë keq me kollë me temperaturë”

“Mos të kesh një sapun tek banjo. Kohët e fundit kanë sjellë. Oraret kemi punuar me orare por morën një licencë dhe filluam prapë. Jam në ankth as gjumi s’do të më zërë. Nuk ka mundësi të mos jem prekur”

“Vjehrrën e kam shumë keq u bë 5 ditë që nuk është ngrit fare. E ka bërë sot edhe ajo tamponin. Apeli ynë është gabimi jonë që s’bëjmë denoncimin se jemi hallexhinj. Ne jemi të vegjël të vegjlit i shtypin kollaj. Më pas do të shohim. Përgjigjen se di kur do ta marrim do të njoftojnë mjeku i familjes”, tha zonja.

Sipas ish-kryeministrit Sali Berisha, ekzistojnë mbi 10 qendra që mund të bëjnë testime për koronavirusin në gjithë Shqipërinë, por është vendosur nga Rama, pohon ai që të bëhen vetëm në Tiranë për shkak se nuk do të tregojë shifrat e viktimave dhe infeksioneve.

Berisha bëri deklarata të forta në emisionin ‘Aktualitet’ të gazetarit Bejdo Malo në Fax News ku tha se Rama mund të ndiqet penalisht për gjuhën kriminale dhe xhihadiste që përdor dhe shtoi se me anë të saj nxori ligësinë e tij.

0“Ka disa arsye për të cilat Edi Rama meriton ndëshkimin më të rëndë. Së pari për indiferencën kriminale që tregoi ndaj të gjitha paralajmërimeve që kemi bërë. Më 26 shkurt tha se janë marrë të gjitha masat, ndërkohë që asnjë masë nuk kishte marrë. Identike për tërmetin me zonjën Xhaçka. Edi Rama mund të ndiqet penalisht për praktikën shëndetësore që është bërë. Si në asnjë vend tjetër, ai u shndërrua në fjalorin e tij terrorist dhe ndjellës paniku të papërmbajtur.

Gjuha e tij ngjiste me gjuhen e xhihadit, kjo përbën një akt të pashembullt dhe shumë të rëndë, terrorizoi dhe tmerroi shqiptarët, së pari për të nxjerrë ligësinë e shpirtit. Së dyti nuk kishte një mjet për të vepruar ndaj ju tregonte tmerr dhe ferr. Ky njeri tha para mediave se po të mos kishte marrë këto masa do të kishim 285 të vdekur, harroi dhe pas një jave tha se do të kishim 18 mijë të vdekur sipas ekspertit të tij dhe në variantin tjetër 2800 të vdekur, ndërkohë që vendet me vdekshmërinë më të lartë kanë 400 të vdekur për 1 million banorë.

Nuk ka pothuajse asnjë vend me vdekshmëri më të lartë se Shqipëria. Janë më shumë se 135 vende të botës me vdekshmëri më të ulët se Shqipëria. Kjo ka prekur eksluzivisht vendet më të zhvilluara të globit. Nëse Belgjika sot nuk është në krye me rreth 3000 të vdekur, India nuk ka as 1/5 e kësaj vdekshmërie. Këto krahasime të mbushura me mashtrime janë të një njeriu që ka humbur kontrollin e psiqikës së tij dhe e lejon të bëjë çdo llojë deklarate”, tha Berisha.

Klevis BALLIU

Fatkeqësitë natyrore janë të dhimbshme për kombin dhe shtetin.
Fatkeqësitë natyrore shkatërrojnë ekonominë dhe lëndojnë zemrat e qytetarëve deri në dhimbjen e humbjes e të afërmve të tyre.

Kombi shqiptar gjatë këtyre 7 viteve ka përjetuar 3 fatkeqësi të mëdha e që po u kushtojnë shumë jetës së qytetarëve dhe ekonomisë së tyre.

Tërmeti i 26 Nëntorit 2019.
Tërmeti mori jetën e disa qytetarëve dhe dëmtoj rëndë ekonominë e vendit duke shkatërruar shtëpi e biznese në fshatra dhe qytete.

Edhe pandemia e Covid 19 po sjell pasoja të rënda. Disa qytetarë kanë humbur jetën, qindra të tjerë janë prekur nga virusi e mijëra biznese kanë ulur qepenat duke sjellë kosto të rëndë në ekonominë e shqiptarëve.

Fatkeqësia e tretë ka më shumë kohë që po shkatërron vendin. Është virusi CoRama, i cili me PPP, vjedhje, korrupsion e krim ka shkatërruar ekonominë e shqiptarëve. Ka rritur taksat dhe çmimet e energjisë elektrike dhe atë të ujit, duke e bërë jetesën e shqiptarëve shumë të vështirë.

Për shkak të vendimeve të qeverisë së CoRama virus disa qytetarë kanë marrë edhe vendime ekstreme.

Këto janë 3 fatkeqësi që i kanë kushtuar shumë qytetarëve dhe ekonomisë së tyre.

Ndaj sot më shumë se kurrë duhet të reagojë mbarë kombi kundër këtyre 3 fatkeqësive me çdo çmim dhe çdo mjet.

⛔️Fatkeqësia e parë do SOLIDARITET.

⛔️Fatkeqësia e dytë do DISTANCIM.

⛔️Fatkeqësia e tretë do BASHKIM KOMBËTAR për ta larguar një herë e mirë nga pushteti.

Mjeku Agim Zeqiri, tërheq vëmendjen se situata e koronavirusit po menaxhohet në mënyrën më të keqe të mundshme. Dr. Zeqiri, vlerëson se “nuk ka, as nuk do të ketë asnjëherë vaksinë, sepse struktura antigjenike e këtij virusi është shumë jostabile dhe ai (virusi) nga një koronë kalon në koronë tjetër, pra nuk lë imunitet, njësoj si virusi i flusë (ftohjes). Gjatë një viti mund të ftohesh disa herë, sepse virusi nuk lë imunitet pas vetes”.

Mjeku Zeqiri, prej shumë vitesh në profesion, në Gostivar, Maqedoni, del në përfundimin se në këto kushte, “sistemin imunitar duhet ta sistemojmë sa më mirë e këtë mund ta arrijmë me relaksim maksimal, përdorim të frutave dhe perimeve të freskëta, farërave, drithërave, etj., ecja në ajër të pastërt, ushtrime fizike dhe mandej pushim kohëgjatë”.

Lidhur me izolimin ku jemi futur prej afro një muaj e gjysmë, mjeku thotë se ky është një gabim trashanik dhe deri fatal: “Izolimi dhe karantina janë gabime fatale për popullatën për shumë arsye:

Së pari: Eliminohet mundësia e imunizimit pasiv. Nëse na hiqet mundësia e kontaktit me virusin ne do të mbetemi të papërgatitur për kontaktin e mundshëm të radhës dhe atëherë tabloja klinike do të jetë shumë, shumë më e rëndë.

Së dyti: Humbasim në gjendjen fizike, e në atë mënyrë përgjigjja jonë imunologjike do të zbehet mjaft. Pas intervenimeve më të rënda në zemër apo diku tjetër, hapi i parë që bëhet është tendenca që pacienti të ngritet sa më para nga shtrati.

Së treti: Hiqet mundësia e aktivizimit të vitaminës D, që ka rol jashtëzakonisht të madh në sistemin imunitar dhe mirëqenien qelizore, të kockave etj.

Së katërti: Kur rrijmë të mbyllur, depresionin e kemi aty! Shëndeti mendor rëndohet dhe kompromentohet. Paraqitet frika, stresohet i gjithë organizmi e në ata situata lirohet hormoni i stresit – kortizoli, i cili ka efekte shkatëruese në tru, zemër, veshka… por më me rëndësi është bllokimi i sistemit imunitar. Kur jemi të mërzitur dhe depresiv nuk tajohet hormoni i lumturisë – serotonina, i cili gjithashtu ka rol në sistemin imunitar, e stimulon atë”.