Naftëtarët e rafinerisë së Ballshit kanë dalë edhe ditën e sotme në protestë ndërsa institucionet shtetërore kanë mbyllur sytë dhe veshët përballë krizës së tyre financiare pasi prej 6 muajsh nuk kanë marrë pagat.

Ata janë vendosur përballë derës së uzinës, ndërsa njëri prej tyre ka folur për Fax News.

Ai tha se problemi me pagat dhe kushtet e punonjësve kanë nisur që kur uzina i privatizua, ndërsa ka kërkuar vëmendjen e ministrisë së Energjitikës, kryetarit të Kuvendit dhe kryeministrit Edi Rama, në të kundërt nëse nuk ka reagim, që prej ditës së sotme tha ai, do të futen në grevë urie.

“Ndodhemi përpara portës së uzinës duke marrë shkas edhe nga dinamika e ngjarjeve që kanë ndodhur, ka 6 muaj që nuk marrim rrogat. Nuk ka asnjë reagim, ne duam pagat e prapambetura dhe rifillimin sa më shpejt të punës.

Jemi shkëputur nga puna prej pak ditësh, kemi kaluar me një pagë minimale për shkak të problemve të firmës, na kanë thënë se e gjithë pengesa është nga autoriteti i konkurencës dhe disa firma që po pengojnë procedurat. Ne jemi punëtorë, nuk na interesojnë takimet e drejtuesve, ne jemi në krizë financiare. Nuk kemi marrë asnjë lloj reagimi apo zhvillimi nga pala e qeverisë apo firmës kontraktuese, siç po ndodh me punonjësit e nënstacionit elektrik në Poçem.

Në radhë të parë duhet të reagojë Ministria e Energjitikës, Ruçi dhe Edi Rama. Kaluan deri në 2 vjet që kjo firmë pret mërrëdhëniet me punëtorët. Ai punëtor që punon në Ballsh është kryefamiljar, e vetmja e ardhur financiare për familjet. Të gjithë jemi me arsim profesional që kemi mbaruar shkollën për të punuar këtu. Ne do të lëvizim të gjithë gurët.

Sot nëse nuk do të marrim përgjigje do të futemi në grevë urie. Përderisa nuk kemi marrë asnjë përgjigje, vendimi ekstrem i yni është greva e urisë. Shpresoj të marrim një zgjidhje të shpejtë për këtë komunitet që është më i rregullti në Shqipëri në lidhje me taksimet që i bëjnë shtetit, ndaj edhe shteti duhet të jetë i vëmendshëm ndaj tyre. Jemi një komunitet prej 35 mijë banorësh siç është Mallakastra që varemi nga kjo uzinë.

Banorët e Unazës së Re dolën që në orët e para të mëngjesit në rrugë për t’u përballur me fadromat që ishin paralajmëruar se do të mbërrinin për të prishur disa biznese dhe banesa në kuadër të projektit për vijimin e segmentit rrugor. Ndërsa ata ishin lajmëruar që të enjten e kaluar për lirimin e pronave deri mëngjesin e sotëm, inspektorët dhe mjetet e rënda nuk kanë mbërritur, ndërsa banorët janë shprehur se siç kanë qëndruar gjithë natën e kaluar në monitorim, kanë për të vijuar ende ta bëjnë, duke argumentuar se ‘ata vijnë kur s’e presin’.

Në protestën e tyre ka marrë pjesë edhe ish-deputeti demokrat, Klevis Balliu i cili ripërmendi zotimet se Partia Demokratike do t’i qëndrojë kontratës që ka lidhur me banorët duke theksuar se me të ardhur në pushtet, do të bëjë kompensimin 100% të pronave.

Ai paralajmëroi mazhorancën dhe institucionet që kanë nën kompetencë këtë projekt, se do të përballen me përgjegjësitë ligjore për dhunën dhe terrorin që kanë ushtruar mbi banorët, përveç akuzave të tjera për afera korruptive.

“Banorët dua t’i siguroj se PD nuk tërhiqet në asnjë pikë në atë kontratë të nënshkruar me banorët e Unazës së Re, të cilët janë përballur çdo ditë deri me dhunën e policisë dhe të shtetit, që kanë marrë zvarrë zonjat dhe burrat e tyre në mënyrën me të shëmtuar. Nuk do të ndalojmë së kërkuari drejtësi për banorët e Unazës. Ata që do të vijnë tek këta që kanë paguar taksa për 30 vite, dua t’ju them se do të mbahet përgjegjësi. Qytetarët të jenë të qetë, këto fjalë do t’i themi edhe kur të jemi në pushtet dhe do të japim ndaj tyre atë që meritojnë”, tha Balliu.

Presidenti i vendit, Ilir Meta ka njoftuar te mbaje një konferencë të jashtëzakonshme. Sipas nje njoftimi te dhene nga Presidenca, kreu i shtetit do te dale para mediave ne oren 11:30.

Deri tani nuk ka ende te dhena rreth qellimit te mbajtjes se kesaj konference, qe eshte cilesuar e jashtezakonshme.

Në fjalën e mbajtur pas tryezës së organizuar nga Presidenti i Këshillit Evropian, Charles Michel në Bruksel, kryeministri Edi Rama i ka mëshuar sërish projektit të “Mini-Shengenit ballkanik”, por për herë të parë ai ka pranuar se për këtë nismë që ka nisur së bashku me presidentin e Serbisë, Aleksandër Vuçiç, ende nuk kanë dakordësinë e Bashkimit Europian.

Ai ka folur edhe për ngatërrestarë në rajon dhe në Europë, të cilët sipas tij po pengojnë projektin e ngjizur në Beograd, ku edhe ishte parashikuar që të firmosej në ditë e fundit të vitit të shkuar, por për arsye që ende nuk janë mësuar nuk ndodhi

“Unë jam i bindur që, më herët se vonë, BE, KE do ta mbështesin patjetër këtë vizion se s’ka si të ndodhë ndryshe derisa është një vizion që merr spunto nga 4 liritë e vetë Bashkimit Europian, por, sigurisht, që do të na duhet që të kemi pak durim, sepse ngatërrestarët nuk janë vetëm në Ballkan, janë edhe në Europë, kudo,

kështu që, ndërkohë që BE, KiE, KE kanë shumë probleme të tjera dhe kanë shumë e shumë halle të tjera, kështu që derisa të kenë plotësisht fokus mbi këtë që ne duam të bëjmë, jam i bindur që gjithçka do të kthjellohet dhe pastaj jo vetëm që BE do ta mbështesë fuqimisht, por kam bindjen që vendet do vlerësohen edhe në bazë të qasjes dhe kapaciteteve për të jetësuar hapësirën europiane brenda perimetrit të Shengenit rajonal”, ka zbuluar ai për herë të parë skepticizmin e BE, KiE dhe KE për këtë projekt të shumëpërfolur.

Në deklaratat e mëparshme Rama ka thënë, se kjo nismë ka edhe miratimin e BE-së dhe SHBA-së, por deri më tani asnjë deklaratë serioze në mbështetje të të ashtuquajturit “Shengen ballkanik” nuk ka dalë nga kancelaritë përkatëse.

Zyra e Kryeministrit i ka mohuar raportimet se kryeministri i vendit, Albin Kurti është refuzuar nga ambasadori Richard Grenell, pasi ka kërkuar të takohet me të.

Arianit Beqiri nga Zyra e Kryeministrit ka thënë se Kurti nuk ka kërkuar takim me ambasadorin Grenell me të cilin është takuar dy herë më herët.

“Kryeministri Kurti sot ka takuar Philip Reeker nga Departamenti i Shtetit dhe senatorin Ron Johnson. Ai nuk ka kërkuar takim me ambasadorin Grenell me të cilin është takuar dy herë më herët”, ka shkruar Beqiri në Facebook.

Sot gjatë ditës në media u raportua se kryeministri i vendit, Albin Kurti ka kërkuar që të takohet me sekretarin amerikan të shtetit, Mike Pompeo dhe ambasadorin Richard Grenell, por është refuzuar për shkak të deklaratave të tij lidhur me dy marrëveshjet e arritura me Serbinë dhe insistimit për tarifa ose reciprocitet.

Cili ishte lajmi që u përgënjështrua?
Burime të Gazetës Express nga konferenca e mbajtur në Munich tregojnë për mënyrën se si dyert e Kurtit u mbyllën nga aleati kryesor i Kosovës. Pompeo dhe Grenell refuzuan ta takojnë. Për më tepër, burimet thanë se asnjë zyrtar i lartë amerikan nuk do të takohet me Kurtin pa e hequr tarifën për mallrat serbe.

Albin Kurti realizoi dje një performacë të bukur në Aeroportin e Prishtinës, kur udhëtoi për Munich me “economy class” apo kur e la në Sllatinë eskortën policore që e shoqëronte.

Por, në Munich, duket se nuk i kanë ecur gjërat ashtu siç ka dëshiruar. Sidmos jo me dy amerikanët e fuqishëm që gjenden atje, Mike Pompeo, sekretar amerikan i shtetit, dhe Richard Grenell, ambasador i Shteteve të Bashkuara në Gjermani.

Përderisa Kryeministri Kurti dhe Shefi i Diplomacisë Konjufca endeshin nëpër aeroporte, Presidenti Hashim Thaçi dhe homologu i tij serb, Aleksandër Vuqiç, u shfaqën në ceremoninë e nënshkrimit të dy marrëveshjeve të radhës, nën ndërmjetësimin e Ambasadorit Grenell.

Formalisht, nga Qeveria aty ishin dy shërbyes civilë të Ministrisë së Infrastrukturës.
Dhe Albin Kurti duket se nuk dinte asgjë për këtë marrëveshje.

Ai heshti deri në mbrëmje, por në Konferencën e Sigurisë në Munich, ai i kundërshtoi ato, kurse publikisht këtë e bëri në mbrëmje përmes një postimi në Facebook dhe me gjuhë të kujdesshme, deri diku.

“Sot në Munich janë nënshkruar dy marrëveshje nga zyrtarë të autorizuar nga ish-ministri Pal Lekaj dhe i gjithë procesi i negocimit është bërë para fillimit të Qeverisë sonë.

Së këndejmi, këta zyrtarë nuk kanë marrë autorizim nga Qeveria e re as për të negociuar e as për të nënshkruar marrëveshje. Për më tepër, as teksti i marrëveshjes nuk është bërë i njohur për publikun e për Qeverinë. Kanë qarkulluar drafte të ndryshme jozyrtare”, u shpreh Kurti.

E kjo nuk u ka pëlqyer aspak amerikanëve.
Burime të larta të Gazetës Express nga Konferenca e Sigurisë në Munich thanë se qëndrimi prolongues i Kurtit për tarifën e tash edhe kundërshtimi i dy marrëveshjeve të arritura me Serbinë janë të papranueshme për Uashingtonin.

Si rrjedhojë, këtë pakënaqësi ata ia kanë bërë të qartë Kryeministrit Kosovar dje – menjëherë.
Sipas të njëjtave burime, Kurti ka kërkuar dje që të takohet me sekretarin amerikan të shtetit, Mike Pompou, dhe ambasadorin Richard Grenell, por përgjigjja e tyre ka qenë e prerë.
“Jo. Kaq”, ka treguar burimi i Gazetës Express.

Sipas këtyre burimeve, me deklaratat e tij të fundit për dy marrëveshjet e arritura me Serbinë, me insistimin e tij për tarifa ose reciprocitet, Kryeministri Kurti është futur në një kurs të konfrontimit direkt me Shtetet e Bashkuara të Amerikës.

“Askush nuk mund ta minojë procesin e dialogut”, thanë burimet e Gazetës Express.
Madje, sipas tyre, ambasadori Grenell dhe asnjë zyrtar i lartë amerikan nuk do ta takojë Kurtin pa e hequr tarifën 100 për qind ndaj mallrave të Serbisë.

“Askush nga zyrtarët e lartë amerikanë nuk do ta takojnë Kurtin derisa ai ta heqë taksën. Kurti do të takohet me zyrtarë të rangut me të ultë”, ka thënë ky burim i gazetës.

Ndërkohë që Albin Kurti e kundërshtoi marrëveshjen e arritur me Serbinë, partnerja e tij në Qeveri, LDK-ja, e përshëndeti atë.

Madje, sot në Munich, zëvendësi i Kurtit, Avdullah Hoti, e takoi Ambasadorin Grenell, ndërkohë që i njëjti ka refuzuar dje që të takohet me Shefin e Hotit, Albin Kurtin.

“Sot takova Ambasadorin Grenell dhe zyrtarë te tjerë të ShBA-ve. Diskutuam për proceset e rëndësishme me të cilat duhet të merremi menjëherë si Qeveri e re”, tha Hoti përmes një postimi në Facebook.

“E sigurova se ne do te jemi partner i besueshëm në këtë proces të normalizimit të marrëdhënieve me fqinjin tonë Serbine, me qëllimin final njohjen reciproke. E sigurova se Qeveria e re nuk do të ikë nga përgjegjësitë e saj ne këtë proces, dhe se jemi plotësisht të përkushtuar për të bërë progres”.

Dialogu mes Kosovës dhe Serbisë ka marrë një dinamikë të jashtëzakonshme pasi që Presidenti Trump emëroi të dërguar të tij në këtë proces, ambasadorin Grenell. Deri më tash, janë arritur tri marrëveshje e duket se edhe të tjera janë në proces e sipër.

Albin Kurti nuk duket të jetë i përgatitur për një dinamikë të tillë në dialog. Kryeministri kishte thënë se fillimisht duhet të shqyrtohen marrëveshjet e arritura deri më tash e madje mbrëmë, në një intervistë për REL-in, tha se dialogu mund të nisë tek pasi që Serbia ta ketë qeverinë e re, pas zgjedhjeve të prillit.

Kurse, në një panel diskutimi, Kurti tha se nuk mund të ketë marrëveshje pa dialog, nuk mund të ketë bisedime me harta e as nuk mund të ketë harta në tavolinë, kur andej sillen presidentët.