Mbledhja e Asamblesë së PS Tiranë ditën e djeshme është ndërprerë pas një debati me protagonist anëtarin e Asamblesë së Përgjithshme, Krenar Cenollari. Cenollari ka kundërshtuar me këmbëngulje të pazakontë një nga kandidatët për Asamblenë Kombëtare të PS që pritet të dalë nga kongresi. Kandidati që mbarti mërinë e Krenarit është një socialist i vjetër, i propozuar nga baza e PS-së në Kombinat.

Irritimi i Cenollarit ka qenë i menjëhershëm deri në pikën që Sekretari i Përgjithshëm i PS, Taulant Balla i ka kërkuar të ulet duke iu drejtuar Cenollarit me fjalët “Mos fol si horr”. Cenollari vazhdoi duke thënë se është “socialist i orëve të para” dhe se ka qenë “në ballë të PS në ditët e saj më të vështira”.

Po cili është “socialisti i orëve të para” Cenollari?
Krenar Cenollari është bërë i njohur për bazën socialiste dhe jo vetëm për të, në vitet e mbjelljes masive të hashashit. Ai është një nga emrat më të përfolur si i përfshirë në këtë trafik. Cenollari është akuzuar në vecanti për një sasi të jashtëzakonshme prej 12 tonësh hashash të zbuluar në një magazinë në Përmet në 12 prill të vitit 2017.

Për të njëjtën ngjarje u akuzua edhe Gentian Alizoti, i dënuar në vitin 2012 për trafik droge. Në Kombinat Cenollari dhe Alizoti njihen si lidhje gjaku. Zyrtarë të policisë së shtetit u përfshinë gjithashtu në hetimin për mega-drogën e Përmetit, por hetimi nuk e pa dritën e gjykimit.

Cenollari në atë kohë ishte gjithashtu një person i akuzuar nga drejtues policie në jug të vendit për presion dhe shantazh të lidhur me selektimin e parcelave të drogës. Ai ka tentuar të diktojë cilat parcela duheshin goditur dhe cilat jo duke përdorur në bisedat me drejtuesit e policisë emrin e ish-ministrit Sajmir Tahiri.

Megjithëse një nga personat e akuzuar për impilikim në afera nga më të rëndat në masivizimin e hashashit, Cenollari u emërua më pas drejtor i Aluiznit për zonat rurale të Tiranës
Në qershor 2018 ai u shkarkua bashkë me disa drejtues të tjerë pas një kontrolli të kryer nga Drejtoria Antikorrupsion. Cenollari u kallëzua penalisht për korrupsion.

“Socialisti i orëve të para” nuk e justifikon sot standardin e jetesës me rrogën e zyrtarit. Provat për këtë mund të gjenden lehtë, sidomos në këto kohë kur policia po vepron me dorë të fortë ndaj personave që lëvizin me Range Rover dhe kanë vila kodrinore me pishinë.

“Kush je ti që më thua të dalë jashtë mua. Nuk ke shans. Unë do iki nga PS kur të vdes”, replikoi Krenari me Taulant Ballën. Mbledhja nuk ka vazhduar më gjatë, shkruan “Gazeta Dita” në një shkrim të sajin ditën e sotme.

Në prillin e 2017-ës, ish kryeministri Sali Berisha, teksa citonte mesazhin e një oficeri policie, e akuzonte Cenollarin si të përfshirë në trafikun e kanabisit në vend. Bëhej fjalë për 12 tonelatat e drogës që u zbuluan nga Prokuroria në një magazinë në Përmet, që sipas denoncuesit, ishin të ish-ministrit të Brendshëm, Saimir Tahiri dhe mikut të tij, Krenar Cenollari.

“Oficeri Dixhital denoncon: 12 tonelata drogë që u gjetën në magazinën shtetërore në një fshat të Përmetit i përkasin Saje qorrit dhe Krenar Cenollarit! Më poshtë keni mesazhin e tij!”, shkruante Berisha asokohe në Facebook.

Mesazhi i plotë i oficerit të Policisë:
“Përshëndetje Doktor. Jam oficer policie, desha t’iu informoj se droga 12 tonë e kapur në Përmet është e Saimir Tahirit dhe Krenar Cenollarit, ish-kryetar i Minibashkisë Nr.6 në Kombinat, miku më i ngushtë i Saimir Tahirit me origjinë nga Përmeti, i cili ka bërë shumë emërime në Polici në Tiranë dhe Përmet.

Bashkëpunëtor mendohet djali i hallës së Krenarit, i cili quhet Gentian Alizoti, i cili është arrestuar në 2012 për trafik droge në Gjirokastër, aktualisht është banor i Kombinatit. Krenar Cenollari i ka shtëpitë afër me Sajmirin. Policia jo që nuk e ka zbuluar, por e kishte në ruajtje këtë magazinë të drogës. Eshtë Prokuroria, ajo mbi bazën e informacioneve të dërguara nga qytetarët që bëri të mundur kapjen e drogës në këtë magazinë. Por kjo është magazina vetëm e një fshati, sepse fshatrat e tjera e kanë të fshehur drogën në magazinat e tyre dhe tunele të ushtrisë. Me respekt të veçantë…”

Propozimi francez për një samit për dialogun Serbi-Kosovë është prova e pakundërshtueshme se Perëndimi është i ndarë në këtë çështje. Nëse sheh propozimet e bëra nga Richard Grenell dhe ato të cituara në letrën e Presidentit francez, Macron, kupton lehtë se ato janë thuajse të njëjta. Kemi pra të bëjmë me një lloj rivaliteti të dy boshteve të politkës perëndimore në Ballkan.

Duhet nënvizuar se Macron dhe BE-ja në përgjithësi ndajnë me SHBA optika të ndryshme, në mos të kundërta për çështje të tilla si Ukraina dhe Irani, pa folur për problemet e tregëtisë.

Në këtë kuptim fitorja në Ballkanin Perëndimor ka rëndësinë e vet në projektimin e dy vizioneve, që në fakt janë interesa që po shkojnë drejt antagonizmit.

Ky dualitet ka rëndësinë e vet jo të vogël në raport me marketimin e nismave politike të dyshimta si Minishengeni. Në një editorial të sotshëm në EurActiv, kryeministri Edi Rama thotë se ky projekt plotëson ambicien europiane të Ballkanit dhe nuk zëvendëson BE-në.

Ideja e një Shengeni rajonal përfshirës si dhe bashkëpunimi mes gjashtë vendeve tona bazuar në katër liritë e lëvizjes në Bashkimin Europian (lëvizja e lirë e mallrave, kapitalit, shërbimit dhe forcës së punës) nuk është Plani B për ne, as nuk është çmim ngushëllimit për t’i treguar një publiku të zhgënjyer që mund të sjellim rezultate. Ne na bashkon qëllimi për integrim Europian dhe mënyra më e mirë për të përparuar drejt tij është të përgatitemi për të në mënyrë aktive duke i hapur ekonomitë dhe kufijtë tanë frymëzuar nga vetë parimet themelore të projektit Europian. Një Ballkan Perëndimor me lidhje me të mira mes vendeve të rajonit do të integrohet më shpejt dhe më me sukses në BE-shkruan ndër të tjera z. Rama.

Në të gjithë përmbajtjen e tij, editoriali nuk përmend fare mbështetjen e BE-së për Minishengenin, por synon të bindë audiencën europiane se kjo nismë është plotësuese e Integrimit në BE, jo një mini BE. Këtu pyetja lind natyrshëm:

Nëse Minishengeni është nismë e BE-së, apo mbështetet nga BE-ja, ç’nevojë ka z. Rama të bindë lexuesin europian se ajo nuk paralelizon BE-në?

Dhe nëse Minishengeni është projekt europian, pse duhet që Macron të flasë edhe në emër të Merkel dhe BE-së për një samit të ri për Kosovën? Vallë nuk do të ishte më praktike që Kosovës t’i kërkohej aderimi në Minishengen dhe vazhdimi më tej I dialogut?

A nuk do të ishte kjo një mënyrë më e mirë për të nënkuptuar heqjen e tarifave?
Sigurisht që po. Fakti që nuk ndodh lidhet pikërisht më mashtrimin që z. Rama u përpoq të mbronte në publik: se Minishengeni është projekt me mbështetej të BE-së dhe SHBA. Kjo thjesht nuk është e vërtetë dhe një gënjeshtër e tillë nuk përligjet në fakt as me nevojën që ka politika e jashtme për konfidencialitet.

Ky është një rast që institucionet që merren me politikën e jashtme t’i kërkojnë llogari një kryeministri që shpall si politikë të jashtme axhendat personale që i rakordon me nuk merret vesh se me kë. /Faktor.al

Ish-deputeti i PD, Gent Strazimiri përdori një nga këngët më të njohura të muzikës rock Cocaine të Eric Clapton për të ilustruar gjendjen jonormale të Edi Ramës.

Me vargun “Ajo (kokaina) nuk gënjen”, Gent Strazimiri ironizoi Ramën për të treguar se një politikani që shfaqet në një gjendje të tillë të rënduar, siç ishte Edi Rama mbrëmë në Opinion, nuk mund t’i jepet besim për drejtimin e shtetit.

Duke nënkuptuar se Edi Rama është nën efektin e kokainës, Gent Strazimiri përdor disa hashtagë për të vënë në dukje se, ironikisht, ketij njeriu i është besuar reforma në drejtësi, marrëdhëniet me NATO-n, negociatat për anëtarësimin më BE dhe drejtimi i OSBE-së.

Postimi i plotë
(She don’t lie, she don’t lie, she dont’t lie) #besim_për_reformën_në_drejtësi
#aleat_i_besueshëm_i_nato
#gati_për_negocaiat
#drejtues_i_osbe