Vetëm pak kohë më parë bëri publik vendimin për të mbyllur emisionin satirik që drejtonte prej vitesh. Por humoristi Agim Bajko nuk ka qëndruar gjatë pa punë.

Sot qeveria e drejtuar nga Edi Rama e ka emëruar si drejtor të Teatrit të Kukullave.

Vendimi i qeverisë
Vendim për emërimin në detyrë të drejtorit t? Qendrës Kombëtare t? Kulturës për Fëmijë dhe Teatrit të Kukullave.

Në mbështetje të nenit 100 të Kushtetutës dhe të pikave 1 e 3, të nenit 9, të ligjit nr.10352, datë 18.11.2010, ‘Për artin dhe kulturën’, të ndryshuar, me propozimin e ministrit të Kulturës, Këshilli i Ministrave

VENDOSI:
Z. Agim Bajko emërohet Drejtor i Qendrës Kombëtare të Kulturës për Fëmijë dhe Teatrit të Kukullave.

Ky vendim hyn në fuqi menjëherë dhe botohet në ‘Fletoren zyrtare’.

Në dy ditë rradhazi, CNA.al ka sjellë një investigim të plotë në lidhje me një transaksion shit-blerjesh në Shqipëri, të një kompanie në pronësi të pronarëve të Top Channel, Valtelina sh.p.k. e cila ka shitur 51% të kuotave tek një kompani blullgare, e quajtur EM Capital Group AD, një shumë prej rreth 2.2 milion dollarë.

Me dokumenta (kliko këtu), tregoi se kompania bullgare kishte për pronarë tre persona, Klodian Zoton, Eva Blushin, bashkëshortja e drejtorit të Top Channel Ben Blushi, dhe Mirel (Klodian) Mërtirin.

Kjo kompani e krijuar në Bullgari është rasti që tregon qartë sesi drejtori i një televizioni, i quajtur Ben Blushi, një ish-politikan, lidhet direkt me pronarët e një kompanie të shumë akuzuar në Shqipëri, por edhe pronarja e Top Channel, Vjollca Hoxha e cila ka shitur aksionet tek kjo firmë.

Një konçesion, i cili është quajtur një aferë korruptive e qeverisë, kjo jo vetëm nga opozita, por edhe nga mediat. Raportimet e gazetarëve flasin për të paktën 47 milionë euro të paguara nga qeveria për kompaninë e inceneratroreve, ITS. Kjo kompani në Shqipëri është një subjekt, e cila përfaqësohet nga Klodian Zoto dhe Mirel Mërtiri, ky i fundit perdor dhe emrin Klodian.

Skandali i Top Channel
Top Channel në gati dy vite, menjëherë sapo ka shkuar Ben Blushi drejtor ka marrë “shpatën” në mbrojtje të inceneratorëve dhe gjoja në emër të kauzave sociale dhe në mbrojtje të qytetarëve, ka përgatitur dhjetëra kronika në Porto Romano të Durrësit, të cilat në fakt kanë pasur një tjetër qëllim. Pra jo për qytetarët por për firmën që më pas do blinte jo pak por 2.2 milionë dollarë aksione nga pronarja e Top Channel në një tjetër kompani të saj.

Faktet flasin vetë. Kompania në Bullgari, EM Kapital Grup AD, në datën 25 nëntor ka ardhur në Tiranë nëpërmjet drejtorit të saj David Ujait dhe nëpërmjet një shumë prej 2.2 milion dollarësh ka blerë kompaninë Valtelina, një nga kompanitë lider në tregun e kafesë, e cila është edhe mbajtësja e emrit tregtar dhe Brandit Lori Kafe. E cila ka pasur për pronar të ndjerin Dritan Hoxha dhe më pas trashëgimtarët e tij.

Sipas të dhënave zyrtare dhe kontratës së shitjes (kliko këtu) del se kompania bullgare me tre pronarë, dy ata të inceneratorëve dhe bashkëshorten e Ben Blushit, kanë blerë Lori Kafenë dhe në dokumentat e QKR-së, kontrata e shitjes paraqet të gjitha të dhënat për palën shitëse e cila është Vjollca Hoxha, Lorena Hoxha, Redia Hoxha dhe Sara Hoxha, në emër të të cilëve ka firmosur Vjollca Hoxha.

Ndërsa për kompaninë EM Capital Grup AD ka firmosur drejtori David Ujait.

Gjithçka është bërë në prani edhe të noteres Majlinda Demollari.

Pra, pronarët e inceneratorëve krijojnë një kompani në Bullgari me bashkëshorten e Ben Blushit. Kompania vjen në Tiranë dhe blen 51% të aksioneve të Valtelina SHPK, e cila është në pronësi të Vjollca Hoxhës dhe trashëgimtarëve të Dritan Hoxhës, të cilët janë të njëjtët pronarë të Top Channel dhe të disa kompanive të tjera të trashëguara nga i ndjeri Dritan Hoxha.

Skema është e qartë. Nga kompania e inceneratorëve, nga Shqipëria shkohet në Bullgari. Në Bullgari kemi një kompani ku futet dhe gruaja e Ben Blushit, ky i fundit drejtor i Top Channel. Më pas gruaja e Ben Blushit, bashkë me dy pronarët e inceneratorëve, të koncesionit të aq akuzuar nga opozita dhe mediat, blejnë kompaninë që ka të njëjtët pronarë me Top Channel. Simbolin e Top Channel. Simbolin e kafesë, Lori Kafe.

Kjo është një skemë e qartë të cilën më sipër ua treguam me dokumenta dhe më poshtë po sjellim një foto, ku kemi ndërtuar në radhë personazhet e përfshira në të gjithë këtë histori. E cila duket se mban erë shumë të keqe.

Është rasti më flagrant, ku pronarët e një kompanie të shumë akuzuar, e cila merr para nga qeveria, dhe është quajtur një korrupsion i qeverisë, shkojnë dhe paguajnë pronarët e Top Channel. Jo direkt në televizion, por nëpërmjet një kompanie të dytë, që ata kanë në pronësi. Dhe është rasti kur Vjollca Hoxha, edhe pse ka firmosur shitjen e 51% të askioneve tek EM Capital Group AD, ka qëndruar vetë administratore e Valtelina shpk. Pra, kompanisë që ka Lori Kafe.

Megjithëse ka shitur shumicën e aksioneve, pra aksionet kontrolluese, Zonja Hoxha ka qëndruar vetë administratore.

Ky është një rast ku qartazi shteti shqiptar jep një koncesion inceneratorësh disa qindra milion euro. Më pas këta pronarë shkojnë dhe hapin një kompani me gruan e drejtorit të një televizioni dhe më pas gruaja e drejtorit të televizionit megjithë pronarët e inceneratorëve, nga Bullgaria vjen në Shqipëri, dhe blen një kompani e cila është në pronësi të të njëjtëve pronarë, që kanë Top Channel, ku është drejtor Ben Blushi.

Televizioni kombëtar Top Channel e ka “shpërblyer” gjithçka me propagandë ndaj qerverisë dhe bashkisë Tiranë. Një televizion, i cili në dy vite nuk ka bërë asgjë tjetër, veçse ka mbrojtur koncesionin e inceneratorëve, aq shumë i akuzuar jo vetëm nga mediat, por edhe nga opozita.

Iso edhe ndaj qeverisë që ka dhënë konçesionin, iso ndaj bashkisë Tiranë, që ka marrëdhënien zyrtare me firmën për inceneratorin dhe landfillin e Sharrës./CNA.al

Punonjësit e nënstacionit të Poçemit në Ballsh, kanë hyrë sot në ditën e dytë të grevës së tyre të urisë, ku kërkojnë dhënien e pagave dhe hedhjen e sigurimeve të prapambetura nga ana e kompanisë. Janë 13 punonjës që derimë tani i janë bashkuar kësaj greve, ndërkohë që si pasojë e temperaturave të ulëta, kanë nisur dhe problemet e tyre të para shëndetësore.

Gazetarja e Fax News Fatmira Bajramaj, raporton se një prej punëtorëve është dërguar mbrëmjen e djeshme në ambulancën e fshatit Fratar. Punëtorët kanë marrë negociata nga ana e kompanisë, që të lënë grevën, por nuk mund ta lënë atë pa marrjen e 27 pagave.

Ky nënstacion ka 18 punëtorë, të cilëve iu është prishur kontrata në muajin Janar të këtij viti. Nga ky nënstacion furnizohet me energjui dhe rafineria e naftës në Ballsh, që po ashtu kanë shprehur mbështetjen për këtë grevë.

Punëtorët gjenden në ambientet e brendshme të nënstacionit të Poçemit, që furnizon me energji elektrike një pjesë të mirë të zonës së Mallakastrës.

Mësohet se ka të tjerë punëtorë që do t’i bashkohen grevës së urisë në ditët në vijim, ndërkohë që mbrëmjen e djeshme grevistët i ka vizituar dhe sekretari i prefekturës së Fierit, por nuk ka mundur që ti japë një zgjidhje këtyre punonjësve.

Nga ana tjetër protesta e përditshme e naftëtarëve vazhdon dhe në Ballsh, ku po ashtu punonjësit janë përballur me mungesë tëp agave dhe të siguracioneve shoqërore.

Ish-Kryeministri Berisha ka publikuar videon e emisionit “Opinion” ku Rama u gozhdua nga gazetarët dhe nuk kishte asnjë argument të kuindërshtonte po bënte veprime të ç’ekulibruara.

“Zero argumente, gozhdohet Noriega! sb”, shkruan Berisha në postimin e etij në FAcebook.

I ftuar në emisionin “Opinion”, Rama u kap ngushtë nga gazetarët teksa e pyetën për publikimin e fotos së tij përkrah të fortit të Elbasanit, Ardian Çapja.

Duke mos patur asnjë përgjigje të besueshme për të dhënë, Rama reagoi jo me fjalë, por me një mimikë që tregonte më së miri nervozizmin e tij.

Por nuk ka munguar as debati me gazetaren e kronikës Klodiana Lala.

DEBATI
Klodiana Lala: A ishit ju i informuar që kjo pronë, është e një personi që ka urdhëruar vrasje?

Edi Rama: Jo, jo jo … Nuk isha i informuar dhe nuk kam asnjë problem me këtë foto. Ka dhe një foto tjetër që e kanë vënë në mur ata.

Klodiana Lala: A u shqetësuat kur e patë këtë foto?

Edi Rama: Punët e policisë janë të policisë, punët e mia janë të miat…

Klodiana Lala: Ajo vajza me syze e OFL-së i ka vajtur atje…

Edi Rama: Mos i hy fare se qenke komplet tap topi ndaj kësaj fushe…

Klodiana Lala: Mos më intimido zoti Kryeministër. Kam bërë shkollë për këtë punë…

Edi Rama: U qava nga Mark Marku, po kjo qenka…. çështja kjo mo?

Klodiana Lala: Zoti kryeministër do japësh përgjigje…

Edi Rama: Do të jap përgjigje, por ti do ta mbyllësh gojën kur flas unë, se ti paske problem me frenat.

Klodiana Lala: Shtati pyll e mendja fyell… Mund të na japësh shpjegime kryeministër, se përse je fotografuar me një eksponent të krimit të organizuar?

Bledi Fevziu: O Klodi, por të fut në kurth. Mos e merr personale.

Edi Rama: OFL nuk e çoj unë, e çon ligji. Dhe ky është subjekt i tij. Nuk kam asnjë pishman, e bëj edhe njëqind herë të tjera.

Kryeministri Edi Rama i ftuar në ‘Opinion’ ka mbrojtur sërish ish-kryebashkiakun e Durrësit Vangjush Dako.

Ndërkohë që gazetarët në studio e pyetën për akuzat ndaj Dakos dhe shpalljen nongrata nga që Departamenti Amerikan i Shtetit, Rama tha se, nuk e dikton ky departament miqësinë e tij.

Kjo deklaratë e kryeministrit ishte një mesazh për SPAK dhe prokurorët që po hetojnë dosjen “339”, atë të tërmetit të 26 nëntorit dhe jo vetëm.

Sipas shefit të qeverisë, edhe në burg, Dako do të mbetet miku i tij. “Vangjush Dako ka qenë është dhe do të jetë miku im që të jesh i qartë ti …nuk ma përcakton Departamentit i Shtetit mua kë kam mik e kë jo .Mua më përcakton morali im dhe bindja ime …edhe në burg të shkojë nesër do të jetë miku im, por me Vangjush Dakon ama nuk kam bërë kurrë …kurrë as më ka kërkuar as i kam kërkuar as kemi bashkëpunuar as kemi kukuar bashkëpunim të tjerëve, asnjë shkelje të ligjit të Republikës të Shqipërisë asnjë…”, tha Rama.

Departamenti i Shtetit i ka ndaluar hyrjen në Shtetet e Bashkuara, Vangjush Dakos dhe anëtarëve të familjes së tij. Vendimi, i marrë nga Sekretari i Shtetit, thekson se Dako është përfshirë në raste madhore korrupsioni. Por mesazhi i Ramës për drejtësinë në vend është mëse i qartë.