Kryetari i opozitës, Basha deklaroi sot pas një takimi me Kryeministrin e Kosovës, Albin Kurti se “qeveria e Kosovës” do të ketë mbështetje të plotë të PD për vendimet që ajo do të marrë”.

Takimi mes Kurtit dhe Bashës erdhi pas vizitës së parë në Shqipëri si Kryeministër të Kurtit dhe në një kohë që Kosova është në prag të vendimit që ajo do të marrë në lidhje me taksën 100% ndaj produkteve serbe.

“ Kuvend e qeveri do bashkëpunojmë, në mënyrë që Kosova dhe Shqipëria të jenë në nivel historik për qytetarët tanë, që siç e dimë janë varfërinë dhe papunësinë më të madhe në rajon. Është obligimi jonë të jemi në shërbim të qytetarëve, për të ngritur dinjitetin dhe integritetin e tyre”, tha Kurti.

“ Prioritetet tona janë të qarta për kosovarët. Do bëjmë gjithçka për të ndihmuar në lëvizjen e lirë, për të ndalur shpopullimin. Mbështetje të fuqishme për njohjen ndërkombëtare të Kosovës, ashtu si dhe heqjen e vizave. Kosovarët dhe Kurti mund të mbështeten plotësisht te PD dhe opozita e bashkuar”, tha Basha.

Po sot, Presidenti i Republikës Ilir Meta priti në një takim të përzemërt Kryeministrin e Republikës së Kosovës, Albin Kurti.
Pasi e uroi për marrjen e detyrës së lartë të Kryeministrit dhe për sa më shumë suksese në të mirë të Kosovës, të popullit të saj dhe të ardhmes sonë europiane, Presidenti Meta i tha Kryeministrit Kurti se: “Qeveria e tij i ka të gjitha mundësitë të jetë një shembull pozitiv i mirëqeverisjes në rajonin tonë”.

Kreu i Shtetit vlerësoi se marrëdhëniet mes Shqipërisë dhe Kosovës janë të shkëlqyera e vëllazërore.“Bashkëpunimi midis dy vendeve konsiderohet strategjik, stabilizues për rajonin dhe orientues për perspektivën euroatlantike.

Duhet të konkretizojmë Partneritetin Strategjik me Kosovën, duke e bërë atë një model dhe inkurajim për bashkëpunimin rajonal”, – tha Presidenti Meta.

Shengeni Ballkanik duket se ka shkaktuar përplasjen e parë mes kryeministrit Edi Rama dhe homologut të tij nga Kosova, Albin Kurti. Në konferencën e përbashkët për mediat, kryeministrat Rama e Kurti i janë përgjigjur interesit të medias lidhur me minishengenin Ballkanik.

Por ndërsa Albin Kurti foli për makroshengen shqiptar, kryeministri Rama theksoi prerazi, se s’ka makroshegenin shqiptar pa minishengen Ballkanik.

“Ky është takimi i parë, ka edhe shumë tema që do i trajtojmë në të ardhmen, kjo ishte një temë që e trajtuam, por shkurtimisht. Takimi sot ishte më parë për makroshegenin shqiptar, se për minishengenin Ballkanin. ” – u shpreh Kurti, ndërsa kryeministri Rama shprehu prerë qëndrimin e tij ndërsa tha se ai beson se nuk ka makro shengen shqiptar, pa mini shengen Ballkanik.

“Është e vërtetë që në këtë pikë, ne kemi një diskutim për të cuar përpara. Unë besoj s’ka makroshegenin shqiptar pa minishengen Ballkanik, edhe pse këtë ‘mini’ nuk e di kush ja vuri por, unë edhe për shkak të gjatësisë s’jam i prirur për gjëra mini.

Besoj që makroshegeni shqiptar është i lidhur ngushtësisht me atë rajonal. Nëse ne jemi të harmonizuar në ndërveprimin tonë, c’ka do bëjmë çmos që të jemi, na hapet rruga që eshtë e mbyllur prej të gjitha viteve për një hapsirë të përbashkët mes dy shteteve. Për lëvizje të lirë mes nesh, c’ka deri dje ishte e paimagjinueshme, për shkak të rezistencës të gjthë vendeve, jo vetëm Serbisë.

Sot është vetëm në dorën tonë, dhe dua ta them me plot gojën se këtë rezistencë unë e kam thyer. Askush as Serbia dhe as vendet e tjera nuk na thonë dot se po bëjmë Shqipërin e madhe, nëse heqim kufirin.

Ndaj e kam diskutuar me kryeministrin të fillojmë nga puna me të gjitha agjencitë që garnatojnë aspektet e sigurisë, sipas modelit të Shengenit dhe me të gjitha agjencitë e tjera që duhet të lirojnë tregtinë nga barrierat e panumërta” deklaroi Rama.

Kryeministri i Kosovës Albin Kurti ka anuluar takimin me kryebashkiakun e Tiranës, Erion Veliaj, i cili ishte parashikuar të mbahej sot në mesditë.

Zyrtarisht takimi është anuluar me pretendimin se Kurti kishte në axhendë një takim me ministrin e jashtëm italian në Kosovë, dhe nuk i dilte koha për takimin me Veliajn.

Anulimi i këtij takimi vjen pas përplasjeve që u shënuan mes Ramës dhe Kurtit, për çështjen e Minishengenit, ku kryeministri Rama tha se nuk mund të ketë makroshengen shqiptar, sa kohë që Kosova nuk bëhet pjesë e minishengenit Ballkanik, pjesë e të cilit është edhe Serbia. (Lexo te plote lajmin)

Gjatë kësaj vizite disaorëshe në Tiranë, e para në cilësinë e kryeministrit, Kurti zhvilloi takime me Ramën, Ruçin, Metën e Bashën, ku kërkoi që marrëdhëniet mes dy vendeve të forcohen edhe më shumë.

Në takimin mes Ramës dhe Kurtit u ra dakord, që të ketë një mbledhje të përbashkët qeverie mes të dy vendeve, e cila pritet të mbahet në javët në vijim në qytetin e Shkodrës.

Dritan KABA
Sot italianet kane daten perkujtimit te masakrave te bera nga komunistet jugosllave mbi popullesine e pafajshme italiane ne Trieste, Istria dhe ne te gjithe ate zone, qe quhet breddeti dalmat.

Mbi 43 mije italiane u masakruan nga trupat komuniste me justifikimin e spastrimit nga fashistet. U vrane burra, gra, te rinj dhe nuk shpetuan as femijet nga dhuna komuniste e partizaneve jugosllave.

Kjo date nuk ka shume qe ka hyre si dite perkujtimi. Ishte viti 2004 kur qeveria e Berlusconit e percaktoi si date per kujtimin e te vrareve nga dhuna komuniste.

Mbi 57 vite askush nuk fliste per kete masaker nga me te medhate pas luftes se dyte boterore.
Sot partite politike, Presidenti i Republikes Italiane Mattarella evokuan dhe denuan krimet komuniste. Lideret e partive Lega dhe FDI, perkatesisht Salvini dhe Meloni, moren pjese ne ceremonite e zhvilluara me kete rast. Lideret e ish partise komuniste italiane, sot PDI, as nuk u ndjene te denonin keto masakra qe moren mijera jete njerezish te pafajshem. Si te gjithe komunistet, i mbrojne krimet e te pareve te tyre dhe nuk ndjejne asnje dhimbje.

Eshte per te ardhur keq qe ne Shqiperi ne nuk kemi nje date kombetare per te denuar masakrat e komunizmit, sidomos krimet e bera pas luftes se dyte boterore. Eshte per te ardhur keq qe ne si shqiptare nuk perkuntojme masakrat mbi shqiptaret e Kosoves, qe u bene nga te dyja ushtrite komuniste ne bashkepunim te ngushte me njera tjetren.

Me mijera burra dhe te rinj u masakruan ne Kosove gjate terrorit komunist. Ende nuk i kemi vene emrin krimineleve. Sot ende nuk kemi nje date qe t’i perkujtoje ata. Jane mbi 15 mije te vrare ne masakrat e komunisteve ne mars-prill 1945. Jane me mijera te tjere qe u pushkatuan pa gjyq. Jane me mijera te tjere qe vdiqen ne kampet e internimit dhe te burgimet dhe ne ende nuk kemi nje date, qe t’i perkujtojme.

Nese nuk i perkujton viktimat e komunizmin, nese nuk revokon historine per te mesuar nga ajo, nese rinise se sotme nuk i tregon se kush jane kriminelet e vertete, atehere eshte shume e thjeshte qe ata te rikthehen ne pushtet dhe te bejne te njejtin genocid mbi shqiptaret.

Sot bijte e eterve po bejne te njejten politike antikombtare me shpopullimin e vendit ne sherbim te pushtetit te tyre politik. Njesoj si eterit komuniste qe bashkepunuan ne vrasjen e mijerave shqiptareve, keshtu edhe sot pasardhesit e tyre po bashkepunojne me armiqte e shqiptareve ne shpopullimin e vendit.

Ndaj opozita duhet te kete ne venendje te saj revokimin e historise. Te mesojme nga plaget e se kaluares se afert apo te larget. Ne pushtet nuk vjen vetem me program ekonomik, por mbi te gjitha me krenari kombetare.

Me angazhimin per te vendosur ne vendin e tyre perkujtimin e ngjarjeve te tilla, te cilat me kushtrimin e tyre, na sjellin ne vemendje kush jane shkaktaret e se keqes.

Nese nuk e kujton historine, ajo perseritet serish edhe me e dhimbshme, edhe me e demshme per qytetaret, per vendin.
Nuk mund te rrime me perkujtimet politke komuniste. Shqiperia evropiane dhe atlantike duhet te kete datat e saj te perkujtimit te se keqes. Shqiptaret duhet t’i perkujtojne dhe tua tregojne edhe me te rinjve historine ashtu siç ka ndodhur. Ne, shqiptaret duhet t’i perkujtojme me nderim te masakruarit nga dhuna komuniste.

Sot na duhet nje date per te perkujtuar keto masakra komunistesh ne te kaluaren, si e Tivarit, Tepelenes, Mirdites, Tiranes, Dibres apo te tjera, por edhe masakrat si ajo e Reçakut, apo masakrat e tjera qe e shoqeruan ate ne vitet 1998-99 nga komunistet serbe ne Kosove.

Na duhet nje date kombetare per te perkujtuar viktimat e luftes se klasave.
Na duhet nje date kombetare per te vene ne vend nderin e te reneve.
Na duhet nje date kombetare te perkujtojme historine, qe ajo te mos perseritet me!
Ne foton e pare: perkujtimi italian i Dites se Perkujtimit.

Pas skandalit me gazin lotsjellës, që drejtori i Policisë së Kosovës, Rashit Qalaj ia huazoi jashtëligjshëm policisë së Shqipërisë, dhe arrestimit të hetuesve të dyshuar për haraç, Instituti i Kosovës për Studime Ndërkombëtare ka kërkuar dorëheqjen e tij.

Bedri Elezi nga Instituti i Kosovës për Studime Ndërkombëtare, ka kërkuara dorëheqjen e Drejtorit të Përgjithshëm të Policisë, Rashit Qalaj, për shkak të skandaleve në polici.

Sipas Elezit me doreheqjen e Qalajt që është i përfshirë edhe në skandalin me gazin lotsjellës, për të cilën raportoi Insajderi, do t`i hapeshin rrugë reformave në policinë e Kosovës.

“Ne si IKSN, mendojmë se pas zhvillimeve të fundit të drejtorisë për krime ekonomike, ku janë arrestuar 5 zyrtarë nën dyshim për keqpërdorim të detyrës zyrtare si dhe përfshirjes së policisë së Kosovës së Kosovës në shitjen e gazit lotsjellës me policisë shqiptare, drejtori i Policisë së Kosovës Rasishit Qalaj duhet te jap dorëheqje, dhe kështu t’i hapë rrugë reformave ne polici”, ka thënë Elezi në një intervistë për InForkus.

Gazeta Insajderi ka zbuluar se drejtori i Policisë Rashit Qalaj ka ndihmuar që të shtypen protestat e opozitës në Shqipëri. Insajderi ka zbuluar se Sandër Lleshaj, ministri i Punëve të Brendshme të Shqipërisë, kishte gënjyer publikisht shqiptarët lidhur me blerjen e gazit lotsjellës. Kishte mbajtur fshehur faktin që ishte marrë huazim nga Policia e Kosovës.

Për shkak të ndjeshmërisë, rregullat në blerjen e armëve e gazit lotsjellës janë specifike. Në momentin e kontraktimit, blerësi-Policia e Kosovës, nuk lejohet që t’ia huazojë dikujt tjetër. Është përdorues i fundit i armës dhe mban përgjegjësi se si e përdorë atë.

Mirëpo, ky rregull është thyer nga Rashit Qalaj, drejtor i Përgjithshëm i Policisë së Kosovës. Ai ka vendosur që t’ia huzojë 500 granata me gaz Policisë së Shqipërisë.

Ky vendim i tij, sipas burimeve të Gazetës Insajderi, ka ardhur pas presionit që atij i është bërë nga presidenti i Kosovës, Hashim Thaçi.

Kjo sasi prej 500 granatave me gaz ishte “dhuratë”, e Thaçit për partnerin e tij politik Edi Ramën, kryeministrin e Shqipërisë.

Implementimi i tij duhet të bëhej nga drejtori Qalaj, njeri i lidhur dhe i dëgjueshëm i PDK-së së themeluar nga Thaçi.

Po ashtu, pjesë formale e implentimit do të duhej të ishte edhe ministri i Punëve të Brendshme. Atëkohë, këtë post e mbante Ekrem Mustafa, i cilësuar nga kritikët e opozitarët si ministër analfabet dhe i padijshëm.

Insajderi ka siguruar letrën që Mustafa ia kishte dërguar shefit të tij, Behgjet Pacollit. Duhej formalisht edhe “vula” e Pacollit për marrëveshje ndërkombëtare.

Ky nuk është skandali i vetëm në policinë e Kosovës gjatë mandatit të Qalajt, deri tash katër hetues të krimeve ekonomike e korrupsionit, përfshirë Sylë Bejtën, Naim Thaçin, Lavdim Osmanin, Lutfi Menxhiqin, janë arrestuar brenda disa muajve pasi janë të përfshirë në veprime të kundërligjshme përfshirë edhe haraçin ndaj bizneseve.

Drejtoria e Përgjithshme e Krimeve Ekonomike e Korrupsionit, udhëhiqet nga Bashkim Spahiu, që është krahu i djathtë i drejtorit të përgjithshëm të policisë Rashit Qalaj.

Inspektorati Policorë, javën e kaluar e kapi në flagrancë Lavdim Osmanin, udhëheqës i Krimeve Ekonomike në Prishtinë, duke marrë mbi 1 mijë euro nga një qytetar, i cili po ashtu u arrestua.

Gazeta Insajderi ka mësuar se Osmani si krye hetues i Prishtinës ka qenë udhëheqësi i një grupi të policisë, të cilët dyshohet se u kanë vënë haraç bizneseve.

Ai dyshohet se ka hetuar shumë kompani, për t’ua mbyllur më pas rastet vetëm në këmbim të parave.

Osmani është tezak i Bashkim Spahiu, drejtor i Krimeve Ekonomike në Policinë e Kosovës.

“Me të arrestuarin e IPK-së kam një relacion familjar. Do të thotë jemi tezak. E për më shumë nuk isha lëshu që të komentoj”, ka thënë Spahiu në konferencën e sotme për media.

Në aksionin e Inspektoratit policorë u arrestua edhe hetuesi i dytë i krimeve ekonomike, Lutfi Menxhiqi. Ndaj të dyve është caktuar masa e paraburgimit prej 30 ditësh./Insajderi.com