Inter i fikur dhe i trembur në pjesën e parë, agresiv dhe shpërthyes në pjesën e dytë. Kjo ishte paraqitja e zikaltërve në derbin e Madoninës, të luajtur të dielën në mbrëmje.

Nga disavantazhi 2-0 në 45 minutat e parë te triumfi përfundimtar 4-2 është një përmbysje gati epike, që tregon për forcën e skuadrës së Antonio Conte. Ky i fundit është strategu, personi që gjatë pushimit mes dy pjesëve të derbit i bëri “magji” Interit të tij.

Diçka ndodhi në dhomën e zhveshjes zikaltër, kjo është më se e dukshme.

Në atë diçka, me siguri ekziston dora e fortë e Antonio Conte. Trajneri nga Salento ka ditur të prekë telat e duhur, duke i motivuar e karikuar lojtarët e tij me besim e krenari.

Përgjigjja ishte ajo që u pa në fushë, teksa zikaltrit u shfaqën me një vendosmëri tipike të trajnerit të tyre. Conte ishte mjaft efikas në transmetimin e këtyre ndjenjave, duke përdorur fjalë të thjeshta dhe aspak të forta, transmeton Telesport.

Sipas asaj që raporton “Gazzetta dello Sport”, në dhomën e zhveshjes, Conte nuk iu referua peshës që ka derbi për të motivuar Brozovic me shokë.

Ai kujtoi qartësisht 19 pikët e distancës që ekzistonin mes dy skuadrave, para “bilbilit” të fillimit, duke u përpjekur ta minimizojë në maksimum kalibrin e kundërshtarit, autor i një loje deri në kufijtë e përsosmërisë në 45 minutat e para.

Conte arriti t’i bindte zikaltrit për forcën e tyre, se ishin më të mirë se Milani, me pak fjalë. Pa fjalë dhe kërcënime, por vetëm duke iu kujtuar djemve të tij se niveli i tyre ishte thjesht më i mirë, vetëm se deri në atë moment ishte parë e kundërta.

Strategji fituese, që prodhoi një rikthim befasues, i cili filloi nga kapiteni Brozovic, një nga më të këqinjtë në fraksionin e parë. Predha e tij me këmbën e majtë përuroi përmbysjen, duke sjellë pozitivitet dhe vetëdije për potencialin e zikaltërve, që në pjesën e parë nuk ishte shfaqur fare.

Derbi, i cili ka të ngjarë të jetë momenti kthyes i sezonit zikaltër, siç ndodhi në vitin 2006, ishte ogur i mirë në funksion të një faze finale të zjarrtë për titullin, ku Interi do të duhet të japë më shumë se maksimumin për ta fituar atë ndaj Juventusit dhe Lazio. Me një derbi të tillë kaq bindës, objektivi do të jetë pak më i lehtë…

Juventusi do të tentojë ta bindë trajnerin e Manchester Cityt, Pep Guardiolën, ta zëvendësojë Maurizio Sarrin në karrigen e trajnerit në Allianz gjatë sezonit të ardhshëm, sipas mediumeve angleze.

Gazeta britanike The Sun raporton se presidenti i Juventusit, Andrea Agnelli, beson se Pep Guardiola është trajneri i përsosur që mund t’iu sjellë bardhezinjve sukses edhe në Evropë, pas dominimit që e kanë pasur në garat vendore gjatë dekadës së fundit.

Këto spekulime vijnë vetëm rreth 24 orë pasi në Itali u raportua se Sarri mund të shkarkohet në fund të këtij sezoni, pasi që Juventusi dëshiron ta kthejë sërish trajnerin Massimiliano Allegrin, me të cilin i ndau rrugët në fund të sezonit të kaluar.

Por, për emërimin e Guardiolës në postin e trajnerit të Juventusit ishte spekuluar edhe më parë, kur u shkarkua Allegri. Mediumet italiane kishin raportuar se kampioni në fuqi i Italisë do ta kishte marrë Guardiolën e jo Sarrin nëse do t’i ishte dhënë mundësia.

Guardiola veçse e di gjuhën italiane, pasi që kishte luajtur për Romën dhe Brescian, përderisa është shok i mirë edhe me disa trajnerë italianë, siç është vetë Sarri dhe Arrigo Sacchi.

Spanjolli këtë sezon nuk është duke pasur aq sukses sa kishte shpresuar, pasi që duket se tashmë i është dorëzuar Liverpoolit në garën për titullin e Premierligës. Megjithatë, ai i ka dy tituj të Ligës së Kampionëve të fituara si trajner, me Barcelonën në vitet 2009 dhe 2011.

Pikërisht titulli i Ligës së Kampionëve është synimi kryesor i Juventusit, pasi që klubi italian s’ka arritur ta fitojë atë që nga viti 1996.

Legjenda 79 vjeçare nuk është parë në publik kohëve të fundit ndërsa nuk ka arritur që të rehabilitohet nga operimi në ije.

Legjenda e Brazilit Pele është ka vuan nga depresioni dhe po refuzon të largohet nga shtëpia e tij për shkak të shëndetit jo të mirë, ka thënë sot djali i tij Edinho.

Ish sulmuesi do të mbush 80 vite në tetor, derisa ai ende nuk po mund të ecë për shkak të problemeve që ka me ije të tij.

Shumica e paraqitjeve të tij publike kohëve të fundit kanë qenë nga karroca e invalidit, me djalin e tij që thotë se babai i tij nuk dëshiron që të largohet nga shtëpia për shkak se i vije turp të shfaqet në këtë gjendje”.

“Gjendja e tij është mjaft e brisht”, tha Edinho për Globoesporte. “Ai kishte një intervenim në ashtin e legenit dhe duket se nuk ka shkuar mirë apo nuk ka pasur rehabilitim të suksesshëm”.

“Kështu që ai ka problem me lëvizjet e tij dhe kjo e ka vënë në depresion. Imagjinoni, ai është mbreti, gjithmonë është mësuar të tregoj figurën e tij imponuese, por sot ai nuk mund të ecë më siç duhet. Vetëm me ndihmën tonë. Ai është në siklet dhe nuk dëshiron të shfaqet kështu”.

“Është përmirësuar pak kohëve të fundit kur ai ishte në karrocë, por ende ka shumë vështirësi në të ecur”.

“Ai është i turpshëm, nuk dëshiron të dal jashtë, apo të shfaqet diku, praktikisht nuk dëshiron të largohet nga shtëpia. Ai është tërhequr!”.