Bardhok Pllanaj, të cilit ditën e sotme `OFL` i ka dërguar formularin e auto-verifikimit të pasurisë, 6 vite më parë është shpëtuar nga arrestimi prej ish-deputetit të Rilindjes, Mark Frroku dhe shefat e Policisë së Tiranës.

Ngjarja, e cila bëri bujë në atë kohë, pasi policia e mbajti të fshehtë, ka ndodhur më datat 1 dhe 2 tetor të vitit 2014.

Vetëm pasi media zbuloi një dokument të mbajtur sekret nga policia, u mësua se si Pllanaj i kërkuar si trafikant i madh droge, gjatë operacionit ‘Viluni’, ku u kapën në Mal të Zi rreth 800 kg kanabis, kishte `çarë` postbllokun, duke qenë brenda makinës së deputetit Frroku.

Edhe pse policia shqiptare ka pasur dijeni për këtë fakt, prej saj nuk u bërë publik emri i deputetit të mazhorancës, në makinën e të cilit ishte fshehur Pllanaj. Jo vetëm kaq, por duke qenë në dijeni, prej më shumë se 5 muajsh ai nuk u thirr për t’u pyetur asnjëherë nga policia dhe nga prokuroria.

Në procesverbalin e zbardhur vetëm nga media në atë kohë, duket qartë se grupi i operacioneve speciale në Policinë e Shtetit, me autorizim të Prokurorisë për Krime të Rënda, po vëzhgonte prej kohësh të dyshuarin Pllanaj.

Sipas raportit të dorëzuar nga agjentët e vëzhgimit, thuhet se Pllanaj gjatë gjithë ditës së 1 tetorit 2014 ishte nën vëzhgim, ku përshkruhen me detaje lëvizjet e tij, makinat që ka ndërruar si dhe lokalet që ka frekuentuar. Vetëm në darkë, referuar këtij procesverbali, i dyshuari është afruar në lokalin ‘Antika’ tek Shallvaret me makinën e deputetit Mark Frroku.

Rreth orës 1 pas mesnate të datës 2 tetor, makina e deputeti Frroku është nisur në drejtim të Laprakës, ku policia, nga frika e largimit të personit të shpallur në kërkim, organizoi një postbllok në Kamzë, pranë Bulavardit Blu.

Në momentin që makina afrohet, policia e ndalon atë, por nuk mundet të hapë dyert që ishin të bllokuara nga brenda.

‘…Rreth dy minuta automjeti ka qëndruar pa lëvizur dhe dyert janë konstatuar nga ana jonë të mbyllura, më pas nga pjesa e pasme e automjetit është ulur xhami i krahut të pasagjerit dhe një person rreth moshës 40-45 vjeç i veshur me kostum ngjyrë blu e errët është prezantuar si deputet i parlamentit të Shqipërisë me emrin Mark Frroku, pas kontaktit vizual i njohur nga ana jonë, ai gjithashtu ka sqaruar shprehimisht ndër te tjera se:

Automjeti mund të kontrollohet vetëm me vendim të parlamentit pasi unë jam deputet, automjeti është në pronësinë time’, shkruhet në procesverbalin e policisë, të nënshkruar nga nëntë persona, të cilët më pas e kanë lënë të lirë makinën bashkë me pasagjerët e saj.

Nga ana e policisë i është bërë e ditur deputetit Frroku se personi që ndodhet në makinë duhet të shoqërohet në Drejtorinë e Policisë, por pas kundërshtisë së deputetit Frroku, agjentët e vëzhgimit kanë komunikuar me specialistin e sektorit për narkotikët e trafiqet, kryekomisar Florjan Pemën duke e vënë në dijeni për kundërshtimin e deputetit Frroku.

I gjithë ky debat ka zgjatur për më shumë se 20 minuta dhe më pas agjentët janë larguar duke lënë të lirë Bardhok Pllanajn, të cilit sot pas 6 vitesh i dërguan formularin e `Anti-Kçk`.

Referuar hetimeve të prokurorisë për Krime të Rënda në atë kohë, për operacionin e ‘Vilunit’ u arrestuan 7 persona dhe u bllokuar një skaf me rreth 800 kg hashash nga policia malazeze.

Kreu i Departamentit të Mjedisit në Partinë Demokratike, Jamarbër Malltezi ka publikuar një foto në rrjet, duke i vendosur dixhiturën “385 milionë euro vjedhje”.

Në foto ndodhet kryeministri Edi Rama dhe ish-ministri i Mjedisit, Lefter Koka, si dhe disa zyrtarë të mjedisit.

“KÇK e mjedisit, personazhet në foto, pa ngurruar t’ua bëjë portretin “për arritjet” e tyre: “U emëruan drejtorë pa bërë një leksion mbi mjedisin. Dy ranë në burg, një po e heton SPAK-u për Porto Romanon. Rama-Koka në radhë për inceneratorët”, shkruan Malltezi në reagimin në rrjetet sociale.

Sipas anëtarit të Kryesisë së PD-së, kjo foto është baraz me 385 milionë euro vjedhje.

“Lukunia që pa pasur asnjë leksion për menaxhimin e mjedisit u bë “dreqtore” për mjedisin. Pasojat?!

370 milionë euro për tre djegës për Rama-Zoto; 15 milionë euro për të hequr plehrat, pa tender, me negociatë sy me sy nga Porto Romano që të paguhet edhe më shumë monopoli i landfillit të Sharrës, që e ka përlarë po Rama-Zoto. Ja tek janë KÇK-ja”, shkruan Malltezi, duke pyetur “vepron dot SPAK-u?!”.

Kryebashkiaku i Fierit Armando Subashi është bërë personazhi kryesor i pasmbledhjes së sotme të kryesisë së Partisë Socialiste.

Siç e shihni dhe në videon e mëposhtme ai pas përfundimit të mbledhjes shoqëron kryeministri Edi Rama drejt automjetit të tij, ku duket se po i “qan” ndonjë hall kreut të qeverisë.

Më pas Subashi kthehet dhe gjatë rrugës përballet me gratë socialiste: Etilda Gjonajn; Evis Kushin dhe Ogerta Manastirliun, të cilave duket se iu tha ndonjë batutë pasi largohen të buzëqeshura.

Më pas te dera e selisë, Subashi takon kryeparlamentarin Gramoz Ruçi ku dhe me të bën një bisedë të shkurtër në këmbë. Ndoshta dhe Ruçit po i “qante” të njëjtin hall që i “qau” dhe Ramës.

Dalin detaje të reja për arrestimin e Vladimir Gjutës pranë selisë së PS. Gazetarja Dorjana Bezat tha në një lidhje për “News24” se Gjuta ka kaluar pranë selisë rozë, në momentin që brenda ka qenë kryeministri Edi Rama, duke zhvilluar mbledhjen e Kryesisë së PS.

Kjo ka bërë që Garda të ndërhyjë për ta neutralizuar Gjutën, deri në momentin kur kanë mbërritur policët dhe e kanë shoqëruar në komisariat, aty ku ndodhet akoma.

Ndërkohë, qytetarët që kanë parë ngjarjen, kanë thënë se Gjuta ka qenë i armatosur, në momentin që ka kaluar pranë selinë e PS, por sipas gazetares, ky informacion nuk është konfirmuar ende nga policia, e cila pritet të reagojë zyrtarisht për ngjarjen. Vladimir Gjuta është një emër shumë i njohur ky për drejtësinë, për shkak të precedentëve penalë.

Vladimir Gjuta u lirua nga paraburgimi pesë ditë më, 5 shkurt, pasi ishte arrestuar se kishte rrahur me çekiç kushëririn e tij, duke i thyer dhëmbët dhe duke i dëmtuar njërin sy.