Pep Guardiola beson se Barcelona do të përballet me një periudhë krize kur të largohet Lionel Messi nga Camp Nou, ashtu siç i ndodhi edhe Real Madridit pas largimit të Cristiano Ronaldos nga Santiago Bernabeu.

Kapiteni argjentinas Lionel Messi e ka kaluar të gjithë karrierën e tij si futbollist profesionist në Katalonjë, pasi ishte larguar nga vendlindja e tij, Rosario, dhe ishte shpërngulur në Barcelonë si adoleshent.

Megjithatë, zënka e tij publike me Eric Abidalin ka sjellë spekulime se Messi nuk ka më marrëdhënie të mirë me drejtuesit e klubit dhe Manchester City është interesuar për transferimin e tij.

“Mendoj se kur flisni për lojtarë, duhet t’i tregoni emrat sepse përndryshe ua njollos emrat të gjithëve”, shkroi Messi në postimin e tij në Instagram, në përgjigje ndaj deklaratës së drejtorit sportiv të Barcelonës, i cili sugjeroi se disa lojtarë s’e kishin dhënë maksimumin dhe kjo ndikoi në shkarkimin e Ernesto Valverde.

Barcelona ka tentuar t’i heshtë këto spekulime. Trajneri i ri Quique Setien i siguroi gazetarët në konferencën e tij të fundit se Messi ishte duke buzëqeshur si zakonisht në stërvitjen e së mërkurës.

Real Madridi e di se si është ta humbësh yllin e skuadrës, pasi që Cristiano Ronaldo i kishte lënë ata për Juventusin para dy vjetëve, pasi i kishte fituar tre titujt e Ligës së Kampionëve në tre sezonet paraprake.

Dhe Guardiola, i cili e njeh Barcelonën dhe Messin mirë nga periudha e tij si trajner në Camp Nou, i paralajmëroi tifozët e ish-klubit të tij se ata duhet të përgatiten për një periudhë të vështirë pas largimit të Messit.

“S’mund të evitohet një periudhë e vështirë pas largimit të tyre, pasi këta lojtarë janë shumë të rëndësishëm”, tha trajneri i Manchester Cityt, kur u pyet për situatën e Messit dhe vështirësive që Real Madridi i kishte kaluar pas largimit të Ronaldos.

“Kur Messi do të largohet nga Barcelona, atyre do t’iu duhet një periudhë kohore për t’u përshtatur me realitetin e ri. Është e paevitueshme”.

“Këta djelmosha i shënojnë nga 40 apo 50 gola në sezon”.

Ish-lojtari i Liverpoolit, Steve McManaman, beson se klubi anglez duhet ta shqyrtojë mundësinë për ta kthyer Philippe Coutinhon në Anfield, duke thënë se mund të ketë hapësirë në skuadër shkaku i spekulimeve se Xherdan Shaqiri mund të largohet në fund të sezonit.

Liverpooli i ndau rrugët me yllin brazilian gjatë afatit kalimtar të janarit të vitit 2018, kur ai u shit për 160 milionë euro në Barcelonë.

Me ato para që Liverpooli i mori nga shitja e Coutinhos, trajneri Jurgen Klopp arriti të bëjë përmirësim të dukshëm në skuadër, veçanërisht me transferimin e qendërmbrojtësit Virgil van Dijk nga Southamptoni.

Prurjet e reja në Anfield kanë pasur shumë sukses dhe kanë arritur të ndihmojnë në triumfin e Liverpoolit në Ligën e Kampionëve, përderisa Coutinho ka dështuar në Camp Nou dhe është dërguar në formë huazimi në Bayern Munich.

Megjithatë, ish-lojtari i “Reds”, Steven McManaman, beson se 27-vjeçar do të pritej me krahë të hapur në skuadrën e Liverpoolit, pasi që që klubi anglez mund të ketë hapësirë në skuadër shkaku i spekulimeve se Xherdan Shaqiri mund të largohet në fund të këtij sezoni.

“Liverpooli mund të vendosë ta kthejë Philippe Coutinhon në skuadër. Nuk do të më pengonte ta shihja atë sërish në Liverpool. Ai është një lojtar brilant, por gjithçka varet nga aspekti ekonomik”, ka thënë McManaman.

“Nëse ata mund ta sjellin Coutinhon në klub për një çmim të arsyeshëm dhe ti shesin dy-tre lojtarë që s’luajnë rregullisht, atëherë ky plan mund të ketë sukses. Ka spekulime se Xherdan Shaqiri mund të largohet në fund të këtij sezoni dhe se Adam Lallana do të dëshironte të luante më shpesh”.

“Nëse ka hapësirë, atëherë unë do të doja ta kisha në skuadër sërish Coutinhon, pasi që ai ishte i mrekullueshëm për Liverpoolin. Ai është tipi i lojtarët që mund ta ndryshojë lojën kur nuk funksionon plani A”.

“Ai shënoi shuma gola të mrekullueshëm për Liverpoolit dhe mendoj se tifozët do ta pranon atë për kontributin që e kishte dhënë, përkundër që do të duhej ta rifitojë zemrën e tyre pasi kishte kërkuar të largohej”.

Shaqiri është spekuluar se mund të largohet nga Liverpooli në fund të këtij sezoni, në kërkim për më shumë minuta lojë, pasi që këtë sezon ka luajtur shumë pak minuta – shkaku i edhe lëndimeve që e kanë penguar.

Mino Raiola, menaxheri i Matthijs de Ligt, ka këmbëngulur se mbrojtësi holandez do t’i përgënjeshtrojë kritikët e tij në Juventus, duke thënë se ai është i pandalshëm tamam si një cisternë nafte.

Holandezit i është dashur kohë për t’u përshtatur me jetën në Serie A, pas transferimit nga Ajaxi në verë, për 75 milionë euro në prag të ditëlindjes së 20-të.

Derisa i ka theksuar sfidat e bërjes së një hapi aq të madh në moshë aq të re, Raiola ka këmbëngulur se nuk dyshon në potencialin e madh të klientit të tij.

“Matthijs po bëhet si Roja e Natës, mund ta shohësh duke u zhvilluar para syve tuaj”, tha Raiola për holandezin, të cilin e krahasoi me rojet e “Murit” në serinë e famshme “Game of Thrones”.

“Po dëgjoj se ai po ka vështirësi në Juventus, por unë po e shoh Matthijsin duke u zhvilluar. Kjo është hera e parë për të në një klub të madh të huaj me kulturë ndryshe. Ai ishte i mësuar vetëm me kulturën e Ajaxit”, shtoi ai.

“Matthijs është si cisternë nafte, nuk mund të presësh nga ai të kthehet papritmas 90 shkallë. Ai shkon në mënyrë graduale, por në momentin që niset, është i pandalshëm”, theksoi ai.

Lionel Messi shpërtheu të martën pas komenteve të Eric Abidalit për lojtarët e Barcelonës. Drejtori sportiv i klubit katalonas pretendoi se lojtarët nuk kishin punuar aq sa duhet dhe Messi, i cili është i lodhur nga situatat e tilla në klub, e shfrytëzoi llogarinë e tij në Instagram për ta kritikuar Abidalin.

Kapiteni i Barcelonës ishte i vetëdijshëm se ai po akuzohej se ishte përfshirë në vendimin për shkarkimin e Ernesto Valverdes, përkundër që ai e kishte përkrahur ish-trajnerin e tij deri në minutën e fundit, shkruan Marca.

Ai është lodhur nga të qenët i fajësuar se ka gisht në transferimet dhe emërimet e trajnerëve në Barcelonë, pasi që në realitet ai nuk ka fuqi për ta diktuar politikën e klubit.

Para disa muajve, Gerard Pique gjithashtu e kishte kritikuar bordin drejtues të klubit për sugjerimet në media se lojtarët e Barcelonës e drejtonin klubin.

Në fillim të sezonit, Messi e kishte theksuar qëllimin e tij për ta mbyllur karrierën në Barcelonë, mirëpo ai gjithashtu e kishte theksuar se dëshiron të jetë pjesë e një projekti fitues.

Ai insistoi se kthimi i Neymarit do të mundë t’i ndihmonte skuadrës t’i arrijë qëllimet e veta, mirëpo vetëm Antoine Griezmanni iu bashkua klubi katalonas për ta përforcuar repartin e sulmit.

Ishte vetëm fat i keq që Luis Suarez dhe Ousmane Dembele pësuan të dy lëndime nga të cilat s’do të shërohen deri në fund të sezonit, mirëpo Messi është i irrituar që Barcelona nuk bleu përforcime gjatë janarit, kur u larguan disa lojtarë.

Së fundi, shprehjet e tij të fytyrës dhe sjellja e tij e tregojnë zemërimin që e ka mbajtur brenda vetes që disa muaj.

Për këtë arsye ai reagoi aq ashpër ndaj komenteve të Abidalit, i cili është arsyeja e fundit që e ka shtyrë argjentinasin të ndihet i lodhur nga problemet në Camp Nou.

Lumturia e Messit ka rëndësi të madhe për Barcelonën, pasi ai mund të vendosë t’i thotë mirupafshim klubi qysh këtë verë, edhe pa pëlqimin e klubit, përkundër që ka kontratë deri në vitin 2021.

Ai dëshiron të qëndrojë, por jo pa kushte. Tani atij po i grumbullohen gjithnjë e më shumë arsye për ta mbyllur derën prapa vetes dhe të largohet përfundimisht nga Camp Nou.