Ish-Kryeministri Sali Berisha ka ngritur me forcë sot shqetësimin e qytetarëve shkodranë për pasigurinë e madhe për jetën që po i shoqëron dita ditës,që ka kulmuar me luftën në mes të qytetit mbrëmjen e djeshme midis bandave dhe plagosjen e kalimtarëve të pafajshëm.

Berisha shkruan në një postim në Facebook se, “narkopolicia manipulon plagosjen e qytetares në Shkodër! Qyteti në duart e bandave! Lexoni mesazhin e qytetarit dixhital”.

Postimi i ish-Kryeministrit Berisha

Narkopolicia manipulon plagosjen e qytetares ne Shkoder!

Qyteti ne duart e bandave!

Lexoni mesazh e qytetarit dixhital. sb

Pasiguria ne maksimum. Ne qender te qytetit te Shkodres ndodh nje plagosje. Policia mashtron E plagosura eshte kalimtare e thjeshte.Bandat shkembyen zjarre kunder njera tjetrez .Pedonalja e Shkodres eshte kthyer nje fushe beteje mes bandave te Edvin Rames. Ne vetem 7 vjet qendra e Shkodres ku vlonte arsimi, muzika dhe kultura Edi Rama e ktheu ne fushe beteje te bandave.

Në orët e para të mëngjesit të sotëm dy shpërthime të njëpasnjëshme me tritol janë regjistruar në lagjen Qafë Hardhi në qytetin e Shkodrës.

Tritoli ishte vendosur te porta e banesës së ish-basketbollistit të Vllaznisë Nikolin Arrës dhe u shpërthyen rreth orës 02:30 të mëngjesit. Mësohet se tritoli në banesën e tij ishte me shpërthim të telekomanduar.

Raportohet se dëmet kanë qenë vetëm materiale pasi në banesë nuk ka patur persona në momentin e shpërthimit. Nikolin Arra dhe familja e tij ndodhen në Amerikë dhe Irlandë.

Nikolin Arra ka punuar edhe si inspektor në Drejtorinë Rajonale të Tatim Taksave në Shkodër ku në qershor të 2015 është arrestuar gjatë operacionit ‘Evazioni’ për mosmarrje të masave të duhura administrative ndaj subjekteve tregtare që ushtronin aktivitet tregar në kundërshtim me ligjet tatimore.

Sekretari amerikan i Shtetit Michael R. Pompeo priti të mërkurën në Departamentin e Shtetit Kryeministrin e Shqipërisë Edi Rama.

Sipas zëdhënëses Morgan Ortagus, Sekretari Pompeo dhe Kryeministri Rama diskutuan mbi përparësitë e përbashkëta gjatë kryesimit nga Shqipëria të Organizatës për Siguri dhe Bashkëpunim në Evropë.

Sekretari Pompeo theksoi mbështetjen e fortë të Shteteve të Bashkuara ndaj përpjekjeve të Shqipërisë për t’u anëtarësuar në Bashkimin Evropian dhe përpjekjeve të tanishme për reformën në drejtësi dhe atë zgjedhore.

Sekretari Pompeo gjithashtu përgëzoi Kryeministrin për angazhimin e palëkundur të qeverisë së tij për kontributin në aleancën e NATO-s, për kundërvënien ndaj veprimtarive keqdashëse të Iranit dhe për rolin udhëheqës në rajonal në mbrojtje të rrjeteve të komunikimit 5G.

Kryeministri Edi Rama u tërbua sërish me gazetarët, të cilët ashtu si opinioni publik në mbarë vendin, nuk e merr seriozisht nismën e tij për të luftuar krimin pas shtatë viteve në pushtet.

Janë të panumërta memet që janë prodhuar këto ditë në rrjetet sociale. Njëra prej tyre vjen më poshtë. Ajo është ilustrimi më i mirë i faktit se qeverisja e Edi Ramës është njësh me krimin.

Një pyetje që gëlon në median sociale më së shumti: këta që u arrestuan dhe u dënuan ashpër nën qeverisjen e mëparshme, pse po lirohen me ndihmën e qeverisë së Edi Ramës?

Pastaj, siç e thotë vetë Edi Rama në postimin e tij, pse çdo emër krimineli në vend lidhet me të dhe qeverisjen e tij?

Taulant Balla braktiset edhe nga njerëzit e Partisë së tij në Librazhd. Balla megjithëse kishte urdhëruar dy ditë më parë që kryepleqtë e emëruar të fshatrave Librazhd Katund dhe Librazhd Qendër t’i bënin pritje dhe të lajmëronin banorët që të bënin foto dhe estradë por askush nuk ia vari.

Tato Tao kishte ardhur për inagurimin e linjës elektrike të fshatit që u riparua pjesërisht po për fat të keq këto dy fshatra në momentin që kryetari komitetit vjen kishin mbi 20 orë pa drita.

I rrethuar nga një çetë punojësish administrate, Balla u tërbua nga injorimi qëi bënë banorët. Fshatarët e braktisën perjashto kryeplakun e emëruar dhe përgjegjësin e rrugëve rurale të zonës që është banor i fshatit, askush tjetër nuk e priti.

Në videon e shkurtër që po publikojmë duket qartë një banor që i thotë Ballës: “Ç’janë këto inagurime fallco kur ne kemi 2 ditë pa drita”. I revoltuar dhe i poshëtëruar nga njerëzit e tij, Taulant Balla largohet me bisht ndër shalë.

Vjen reagimi i parë i një vendi të BE pas publikimit nga Komisioni Evropian i Metodologjisë së re të zgjerimit. Holanda megjithëse e përshëndet Metodologjinë shpreh skepticizëm nëse kjo është mënyra e duhur për të avancuar me zgjerimin me vende si Shqipëria dhe Maqedonia e Veriut.

Një burim diplomatik nga ministria e punëve të jashtme të Holandës i dha këtë koment Top Channel.

“Propozimet e komisionit janë përmirësime të rëndësishme dhe hapa në drejtimin e duhur. Holanda përshëndet propozimet për më shumë llogaridhënie për sa i përket reformave në drejtësi, administratën publike dhe ekonomi.

Progresi në fushën e shtetit ligjor do të jetë vendimtar për shpejtësinë e këtij procesi. Kjo garanton që endet kandidate nuk anëtarësohen deri kur demokracia funksionale do të jetë solide në këto vende. Holanda do të kishte dëshiruar të shikonte një informacion preciz nga opinione të ndryshme përmendur në Metodologji më konkretisht në kapitullin e sanksioneve.

Megjithatë ky është një hap i parë i mirë për ta përmirësuar këtë proces dhe siguruar se zgjerimi është i mundur vetëm atëherë kur ka progres bazuar në rezultate konkrete”.

I njëjti burim diplomatik i pyetur nga Top Channel nëse Holanda ka një qëndrim të ri për Shqipërinë dhe Maqedoninë e Veriut dha këtë përgjigje.

“Holanda nuk mund të komentojë këtë moment për çeljen e negociatave mes Shqipërisë dhe Maqedonisë së Veriut me BE. Na duhet të shohim progres të qenësishëm në terren e në mënyrë specifike për Shqipërinë në luftën me krimin e organizuar dhe korrupsionin. Komisioni Europian do të raportojë për këtë së shpejti. Holanda është duke e pritur këtë raport”./ Tch