Operacioni Forca e Ligjit i ka kërkuar 3 personave të tjerë, banues në Durrës, të vetëdeklarojnë burimin e pasurive që kanë.

Në një deklaratë për mediat, policja me syze e OFL tha se, në vijim të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL sapo i ka nisur kërkesat me shkrim për vetëdeklarimin e burimeve të pasurisë, shtetasve:

– Dashamir. Gj., me banim në Durrës, pasi rezulton i dënuar në Itali për veprën penale “Trafik i qenieve njerëzore”.

– Emiljano H., me banim në Durrës, pasi rezulton i dënuar në Gjermani për trafikim narkotikësh dhe pastrim parash.

– Edlir H., banues në Durrës, me lidhje familjare me Emiljano H., pasi dyshohet se gëzon pasuri të prejardhura nga krimi.

“Këta individë, si subjekt i Ligjit Special, duhet t’u përgjigjen me shkrim të gjitha pyetjeve të OFL-së dhe përgjigjet e marra do t’i dërgohen SPAK-ut, i cili do të vlerësojë dosjen e përgatitur nga OFL-ja mbi aktivitetin kriminal të këtyre subjekteve, si edhe pasurinë e tyre.

Sapo të bëjë këtë vlerësim, SPAK-u duhet t’i kërkojë Gjykatës Speciale masën e sekuestrimit për pasuritë e subjekteve dhe pas sekuestrimit, në jo më shumë se 6 muaj Gjykata Speciale duhet të vendosë për konfiskimin përfundimtar të tyre”, thuhet në njoftimin zyrtar të OFL.

Por në rastin e shtetasit Dashamir Gjoka, i cili në njoftimin zyrtar të OFL identifikohet si Dashamir. Gj, pronat e tij kanë kaluar në filtrin e drejtësisë. Kështu, Gjykata e Krimeve të Rënda me kërkesë të Prokurorisë, kishte vendosur që në datën 4.3.2017 konfiskimin e pronave të tij, që janë vlerësuar me një vlerë 2 mld lekë të vjetra.

Nuk dihet nëse OFL ka dijeni ose jo për vendimin që ka marrë Gjykata e Krimeve të Rënda rreth 3 vite më parë, por duket se ky është rasti i dytë pas pronave të Hajrit, që i ishin sekuestruar pronat në vitin 2015.

Komisioni Europian do të prezantojë sot metodologjinë e re për procesin e zgjerimit. Agjencia Bloomberg shkruan se qëllimi është që të kënaqet presidenti francez, Emmanuel Macron, i cili e ka bllokuar këtë proces.

Thelbi i propozimeve do jetë që vendet anëtare mund të bllokojnë negociatat me vendet që duan të anëtarësohen.

Por a do të thotë kjo metodologji e re se Franca do të japë dritën jeshile që Shqipëria të nisë negociatat? Sipas Bloomberg, një zyrtar francez tha se pozicioni i qeverisë së tyre nuk ka ndryshuar.

“Ndërsa metodologjia e re është e mirësardhur, ajo nuk do e rihapë automatikisht procesin e zgjerimit për Maqedoninë e Veriut dhe Shqipërinë, pasi këto janë dy tema të ndryshme,” shtoi zyrtari, duke mos pranuar të identifikohet në përputhje me rregullat e qeverisë franceze.

Pavarësisht kushteve të vështira të motit, dhjetra qytetarë kanë dalë sot në protestë përpara godinës së Bashkisë në Durrës, pasi ende nuk kanë marrë zgjidhje problemet që u janë shkaktuar nga tërmeti i 26 Nëntorit.

Kur kanë kaluar më shumë se dy muaj nga kjo fatkeqësi natyrore, ka ende familjarë që jetojnë nëpër çadra, të cilët ende nuk kanë gjetur një banesë ose janë ankuar se nuk kanë marrë ende bonusin e qerasë gjithashtu dhe ndihmën e nevojshme nga shteti.

Një banore nga Sukthi tha për Fax News se apartamentet apo shtëpitë e tyre janë dëmtuar nga tërmeti i 26 nëntorit por ende nuk është kryer një kontroll nga specialistë të fushës.

“Fëmijet e mi janë të detyruar të hynë brenda në ato kushte në banesen e shkaterruar, pasi nuk kanë ku të shkojnë. Nuk na ka ardhur askush që të na pyesë,kemi mbetur me gisht në gojë. Të vini të shikoni shtëpinë do vini duart në kokë, kaq di kaq flas ”, shprehet zonja.

“Kam ardhur dhe i kam bërë nga 5 herë dokumentat të gjitha, vijmë këtu thonë që ua kemi bërë dokumentat, në bankë na thonë jo. Unë kam bërë një aksident, si mund ta paguaj qeranë më 100 mijë lekë kemp.

Shyqyr prej zotit që më ka shpëtuar familja, po qeraxhiu një muaj të mban, pastaj të nxjerr jashtë. Emri më ka dalë që më parë, por bonusi nuk kalon, 2 ose 3 familje kanë mbetur pa i marrë, ndoshta ia kanë dalë me të njohur”, shprehet një tjetër qytetar.

Mjeshtri i karikaturës, Bujar Kapexhiu, ka ironizuar nismën më të fundit të qeverisë, e pagëzuar si anti-KÇK, përmes të cilës thuhet se do të goditen pasuritë e grupeve kriminale apo personazheve që i kanë vendosur ato në mënyrë të paligjshme.

Në punimin e rradhës të botuar nga “Mapo”, shfaqet Kryeministri Edi Rama me pamjen e aktorit të filmin e Ermal Mamaqit “I Love Tropoja”, si dhe disa prej efektivëve që bëjnë pjesë në njësinë speciale OFL.

Dixhitura e karikaturës është “qOFLte ke daja”.

Reshjet e borës kanë përfshirë gjithë juglindjen prej orëve të para të mëngjesit. Trashësia e borës deri në këto momente ka arritur ne 20 cm në zonat malore.

Në qytetin e Pogradecit ka vështirësi qarkullimi në njësinë e Mokrës ndërsa njësia Propisht ka mbetur pa energji elektrike.

Në akset rrugore Korçë-Dardhë, Qafa e Qarrit, dhe Qafa e Liqenasit qarkullimi i automjeteve bëhet me zinxhirë, ndërsa akset Korçë-Kapshticë-Qafë Thanë janë të hapura.Gjithashtu po punohet për heqjen e dëborës dhe hedhjen e kripës, ndërkohë në zonat rurale lëvizja kryhet me vështirësi, kryesisht në Vithkuq dhe në fshatrat Panarit, Lekas, Shtyllë.

Të kalueshme me zinxhire janë aksi Korçë-Dardhë, Korçë -Qafë e Qarrit dhe pjesërisht Korçë – Voskopoja. Akset e tjera janë të kalueshme pa problem ndërsa duhet treguar kujdes në lëzivjen e automjeteve. Trashësia e borës arrin rreth 20cm në zonat malore dhe 5cm ne qytet, ndërsa po punohet me kriposjen dhe pastrimin e zonave problematike.

Gjithashtu reshje të dendura dëbore kanë përfshirë Dibrën dhe Bulqizën gjatë natës së mbrëmshme. Trashësia arrin në 20 cm në qytet dhe në mbi 45 cm në zonat e thella. Rrugët nacionale Peshkopi – Tiranë dhe Peshkopi – Kukës janë të kalueshme, pasi për gjatë gjithë natës me borëpastruese. Në disa segmente në Kalanë e Dodës duhet të përdoren zinxhirët.

Krejt ndryshe paraqitet situata me rrugët e qyteteve dhe rrugët rurale. Rrugët e qytetit të Peshkopisë janë të pa pastruara, po ashtu sdhe rrugët e fshatrave që lidhen me qytetin e Peshkopisë. Në disa prej fshatrave kalojnë vetëm mjete të larta (foristrada) ndërsa nuk ka kaluar asnjë borëpastruese.

ARRSH tregon gjendjen e akseve rrugore në vend

Autoriteti Rrugor Shqiptar ka dhënë informacion sot mbi gjendjen e akseve kombëtare

Rajoni Verior
Në rajonin verior gjatë natës ka pasur reshje shiu dhe dëbore. Qarkullimi në të gjitha segmentet e këtij qarku kryhet pa zinxhirë.

Në segmentin Kuben-Vasie, Qafë e Buallit-Krastë, Ura e Cerenecit-Qafë Dragalicë qarkullimi kryhet pa zinxhirë. Rekomandohet përdorimi i tyre në segmente të vogla, si pasojë e borës që sjell era në rrugë kontraktorët e mirëmbajtjes janë në terren për të bërë të mundur pastrimin e të gjitha akseve.

Rajoni Qendror
Në rajonin Qendror nuk ka probleme në qarkullim e mjeteve.
Rekomandohet përdorimi i zinxhirëve në segmentin Lunik-Steblevë, kontraktorët e mirëmbajtjes po punoj për pastrimin e plotë të të gjithë segmenteve të këtij Rajoni.

Rajoni Jugor
Reshjet e borës në Qarkun e Korçës kanë filluar në orën 4 të mëngjesit. Trashësia arrin deri në 15. Në segmentin Boboshticë-Dardhë reshjet vazhdojnë. Kalimi nga km 5 deri në 14 rekomandohet me zinxhirë për makinat e vogla. Në segmentet e tjera nuk ka probleme në qarkullim,

Të gjithë kontraktorët janë në terren me mjete e punëtorë për pastrimin e akseve rrugore dhe monitorimin e situatës rast të përkeqësimit të motit. Drejtuesit e mjeteve të tregohen të kujdesshëm gjatë qarkullimit, sidomos gjatë orëve të para të mëngjesit dhe përgjatë natës, të reduktojnë shpejtësinë, të pajisen me goma dimërore dhe zinxhir, të respektojnë sinjalistikën dhe udhëzimet e Policisë Rrugore .