Që prej mëngjesit të sotëm, naftëtarë të Ballshit janë hedhur sot në protestë, pasi prej shtatorit nuk kanë marrë pagat e tyre.

Teksa paralajmërojnë grevë urie, protestuesit përveç pagës, kërkojnë dhe rifillimin e punës, pasi ajo është pezulluar.

Njëzëri naftëtarët kanw kërkuar edhe pagesat e sigurimeve. Deri me tani nuk dihet se si do te vijoje protesta e naftetareve si dhe cfare zgjidhje do u jepet kerkeses se tyre.

Ish-Kryeministri Sali Berisha reagoi pasi policia nisi operacionin Forca e Ligjit duke sekuestruar një kompleks të sekuestruar më parë. Berisha e quan operacionin ‘Forca e krimit’.

Postimi i ish-Kryeministrit Berisha

Filloi me sukses të madh operacioni Forca e Krimit!

Miq, dje riinauguroi me një operacion kalp veprimtarinë e suksesshme operacioni KÇK apo operacioni Forca e Krimit. Në një akt që gajasi dheun dje, për t’u tallur me shqiptarët, grupet KÇK rrethuan dhe sekuestruan kompleksin Gold të grupit Hajri, në të cilin u ekzekutua Jan Prenga.

Mirëpo sipas dokumenteve zyrtare rezulton se për kompleksin Gold, Gjykata e Krimeve të Rënda kishte vendosur sekuestrimin në vitin 2015. Atëherë le t’u themi aferim për këtë mashtrim! Edvin Kristaq Rama është nona e Krimit!

Ish-ministri i Brendshëm, Dritan Demiraj, përmes një postimi në rrjetet sociale, i ka drejtuar një thirrje diasporës në SHBA për t’u bashkuar për çrrënjosjen e narkoshtetit në Shqipëri.

Demiraj shkruan se në të kaluarën janë arritur disa suksese por potenciali i kontributit te komunitetit shqiptaro-amerikan për në trojet shqiptare është ende i pashfrytëzuar.

“Komuniteti Shqiptaro-Amerikan ka potencialin të jetë një urë lidhëse mes të dyve kombeve, një ambasador kulturor, politik dhe intelektual i Shqiperisë në SHBA”, shkruan Demiraj.

Në vijim, ish-ministri i Brendshëm thekson se çdo përfaqësues i lartë i opozitës së bashkuar që ka vizituar SHBA-të ka dhënë një mesazh të qartë dhe shpresëdhënës. Këtë ftesë në vazhdimësi e ka bërë dhe rëndësinë e saj e ka deklaruar në shume takime z. Basha por edhe ne disa takime që kam qene prezent e ka theksuar me pergjegjesi edhe znj Kryemadhi.

Te dy keta drejtues të opozitës e kanë vënë në dukje potencialin e madh të diasporës, duke e ftuar atë me shumë seriozitet të përfshihet në politiken e ardhshme dhe të kontribojne në reformat e ardhshme në Shqipëri”, shkruan Demiraj.

Nga Dritan Demiraj
Dinamika e brendshme e atdheut dhe e diasporës luajnë një rol të rëndësishëm në marrëdhëniet midis të dyve. Bashkimi i një diaspore përfshin vetëdije emocionale dhe përgjegjshmëri qytetare.
Diaspora shqiptare ka ruajtur lidhjet kulturore, patriotike dhe shpirtërore me trojet e tyre. Shtetit shqiptar i mungon njohja e duhur se kush janë shqiptaro-amerikanët, çfarë kanë kaluar dhe çfarë arritjesh dhe ndikimi kane ne ditet e sotme.

Detyrimet dhe kontributet e komunitetit shqiptaro-amerikan për trojet etnike shqiptare kanë qenë të shumta. Diaspora shqiptaro-amerikane ka përdorur aftësitë, lidhjet dhe burimet e tyre për të mbështetur Shqiperinë, Kosovën, shqiptaret ne Maqedoni dhe Mal te Zi në te kaluaren dhe janë të gatshëm ta bëjnë këtë me çdo mundësi edhe në ditët e sotme.

Në të kaluarën janë arritur disa suksese por potenciali i kontributit te komunitetit shqiptaro-amerikan për në trojet shqiptare është ende i pashfrytëzuar. Komuniteti Shqiptaro-Amerikan ka potencialin të jetë një urë lidhëse mes të dyve kombeve, një ambasador kulturor, politik dhe intelektual i Shqiperisë në SHBA.

Edukimi kulturor, perëndimor, arsimor dhe shtetformues i diasporës është çelësi i rolit të saj si një urë kulturore midis dy kombeve. Sot kjo diaspore eshte e gatshme të ndihmojë trojet shqiptare për çdo gjë që i kërkohet me ekspertizë ne shume fusha per funksionimin siç duhet te shtetit ligjor e demokratik ashtu siç jeni dhe Ju te nderuar oficerë amerikano-shqiptare te zbatimit te ligjit dhe të sigurise ne kete shtet te modelit të parë te demokracise boterore.

Sipas meje patriotizëm është vetëm kur njerëzit i vënë idetë e tyre në punë. Dashuria juaj për vendin tuaj është vetëm përkushtimi Juaj për të perfaqësuar sa më me dinjitet punën dhe prejardhjen Tuaj.

Problemet që lidhen me veprimet e shtetit shqiptar vazhdojnë të ushqejnë ankesën gjithëpërfshirëse të shqiptaro-amerikanëve që shteti shqiptar na kujton “vetëm kur i duhemi” për të promovuar qëllimet e saj. Kjo gje do te kercenonte organizimin dhe solidaritetin e organizmit te diaspores. Zëra, qëndrime dhe qasje të ndryshme hasen brenda çdo diaspore. Komuniteti Shqiptaro-Amerikan mund të luajë një rol diplomatik më aktiv si aktor kryesor i shoqërisë civile, jo duke qene nje shtojce e qeverisjes së sotme te diskretituar ndërkombëtarisht, por si nje partneritet midis tyre.

Në një vend të qeverisur ekstremisht keq, ku kryeministri drejton me trafikante droge, ku gjithe pasuria e vendit i jepet vetem 10 personave, ku denohen vetem varfanjaket dhe opozita, ku trafiku dhe kultivimi i droges rritet 1200 % brenda vitit, ku ne mes te Europes behen zgjedhje moniste, ku cdo dite vendi zbrazet nga rinia, ku policia ngarkon skafet me thaset e droges se trafikanteve, ku ministrat e brendhsem drejtojne trafikun e droges, etj roli dhe pergjegjesia e diaspores eshte shume e madhe.

Por mund te pyesni te dashur bashkekombas a ka shprese?

Sigurisht qe po. Çdo perfaqesues i larte i opozites se bashkuar qe ka vizituar SHBA-te ka dhene nje mesazh te qarte dhe shpresedhenes. Kete ftese ne vazhdimesi e ka bere dhe rendesine e saj e ka deklaruar ne shume takime z. Basha por edhe ne disa takime qe kam qene prezent e ka theksuar me pergjegjesi edhe znj Kryemadhi. Te dy keta drejtues te opozites e kane vene ne dukje potencialin e madh te diaspores, duke e ftuar ate me shume seriozitet te perfshihet ne politiken e ardhshme dhe te kontribojne ne reformat e ardhshme ne Shqiperi.

Kur zemërimi rritet, mendo për pasojat. Do ta mbyllja kete status me nje thenie te Winston S. Churchill:

“Një komb që i vë taksë vetes për prosperitetin është si një njeri brenda në kovë, që përpiqet ta ngrejë veten nga doreza”. “I contend that for a nation to try to tax itself into prosperity is like a man standing in a bucket and trying to lift himself up by the handle.”.

Vellezer te diaspores shqiptare amerikane!

Sot me shume se kurre qe vendi eshte kthyer ne narkoshtet dhe po rreshqet drejt diktatures, kemi pergjegjesine qe te pergjegjesohemi, te punojme me shume per te bere me demokratik dhe me te sigurte shtetin e enderruar nga Rilindasit tane te medhenj dhe jo nga keta bandite pa dinitet, pa shtetesi dhe komb qe drejtojne sot.

Rroftë Shqiperia etnike.

Rroftë Populli Shqiptar ne te gjithe trojet etnike.

Rroftë Diaspora Shqiptaro-Amerikane dhe kontributi i çdo shqiptari qe na kane bere krenar sot dhe mot.

Kryeministri Edi Rama ka reaguar në rrjetet sociale ndaj kritikave të paketës anti-KÇK, zbatimi i të cilës në terren nisi një ditë më parë me sekuestrimin e një resorti në zonën e Shijakut, pasuri e cila ishte vendosur nën sekuestro edhe në 2015.

Në një shoë, ku shfaqeshin policë me syze e maska, me makina të blinduara dhe të armatosur, pamje që u shpërndanë më pas nga policia, e cila zgjodhi edhe një “spikere” të veshur me uniformë për të lexuar një deklaratë, ishte dita e parë e operacionit të trumpetuar prej kohësh nga Qeveria.

Paketa anti-KÇK është shoqëruar me kritika të shumta, veçanërisht në drejtim të kompetencave që i jepen policisë, por edhe goditjes që i bëhet institucioneve të reja të drejtësisë, në rastin konkret SPAK.

Kritikëve ka zgjedhur t’i përgjigjet Rama përmes disa postimeve, ku nuk ka nguruar të sulmojë analistë dhe komentatorë, që në sytë e Kryeministrit trajtohen njëlloj si me opozitën që ka kundërshtuar, ashtu edhe me konstitucionalistët që kanë paraqitur argumentet kundër.

“Jo vetëm PD, po edhe plot të ashtuquajtur analistë e komentatorë po i kundërvihen antiKÇK-së, në një përçartje kolektive brenda kutisë së televizorit! Sepse për ta krimi është ushqimi i politikës e audiencave së tyre kundër qeverisë dhe mes krimit e qeverisë ata zgjedhin krimin”, shkruan Rama në rrjet.

Në fakt politikani që ka zgjedhur individë me rekorde kriminale dhe i ka përfshirë në politikë, qoftë si deputet ashtu edhe kryebashkiakë është vetë Kryeministri.

Nga momenti që është miratuar ligji për dekriminalizimin, të përzgjedhurve të Ramës i është dashur të ndërpresin mandatet, qofshin si deputetë ashtu edhe si kryebashkiakë, gjë që po ndodh edhe sot, me të emëruarit në bashki nga votimet e 30 qershorit.

Në postimin e dytë, Kryeministri shkruan “anti-KÇK është reagimi i duhur në kohën e duhur,kur puna e sakrificat e policisë poshtërohen nga prokurorë&gjykatës të korruptuar,të cilët janë partnerë të krimit. Jo nuk dënojnë, po lirojnë vrasës e trafikantë të dënuar dhe punojnë të kapin ç’të kapin para se t’i fshijë Vetingu”.

Prej vitit 2014, Rama nisi sulmet ndaj gjyqtarëve dhe prokurorëve dhe në atë kohë u raportuan plot raste kur nga policia që drejtohej nga ish-ministri i Brendshëm, Saimir Tahiri, gjurmoheshin dhe fotografoheshin prona dhe asete të tjera të tyre. Më pas u vendos një “paqe e heshtur” dhe herë pas here, pas çdo skandali apo denoncimi, niste seria e sulmeve dhe akuzave ndaj njerëzve që ishin pjesë e sistemit të drejtësisë.

“Ligji Special është frymëzuar nga dashuria për këtë vend dhe vullneti i hekurt për të shkatërruar burimet financiare të krimit, duke marrë shembull nga historitë e suksesit të vendeve si Italia e Britania e Madhe që me ligjet speciale goditën në zemër mafian apo terrorizmin.

Koha do të provojë përsëri edhe njëherë se dashuria për vendin, vullneti për ta bërë shtet modern Shqipërinë, vendosmëria për t’i rënë me kokë mureve të vjetra, do të fitojnë mbi hipokritët, dembelët e parazitët që jetojnë me llafe, gënjeshtra e broçkulla duke helmuar shqiptarët!”, shkruan Rama.

Në fakt, asnjë prej kritikëve të paketës anti-KÇK nuk është shprehur kundër luftës ndaj krimit apo sekuestrimit të pasurive të vendosura në mënyrë të paligjshme. Madje PD zgjodhi t’i sugjerojë Qeverisë edhe emrin e një biznesmeni të akuzuar se ka përfituar fonde publike për shkak të lidhjeve me Taulant Ballën. Dhe po kështu nisma në fjalë e qeverisë mund të merrte një mbështetje të madhe sikur operacionet të nisnin pikërisht nga personat që janë akuzuar publikisht si të lidhur me Rilindjen, të përgjuar dhe të përfshirë në dosjet e publikuara edhe nga Bild.

Një akuzë mjaft e rëndë është hedhur kundrejt ministrit Lleshaj nga studioja e “360gradë” nga Artur Zheji.

Ish-drejtuesi i lartë në Polici, Shemsi Prençi ka pyetur ministrin e Brendshëm se, kush fshihet pas konfliktit që ka pasur kushëriri i bashkëshortes së tij, ku mbeti i vrarë Kastriot Reçi.

Shemsi Prençi: Duhet ta pyesim publikisht ministrin Lleshaj, kush fshihet pas konfliktit që ka pasur kushëriri i nuses, i bashkëshortes së ministrit. Të dalë t’ia thotë publikut ose të zbulojë kush e ka bërë vrasjen.

Bashkëshortja e ministrit të Brendshëm është kushërira e të ndjerit, e ish-drejtorit të OSHEE, që ka qenë në konflikt me Reçët. Ta zbulojë vrasjen zoti ministër, ose të dalë publikisht. Atëherë do të jetë i besueshëm ministri për udhëheqjen e anti-KÇK, ose është pjesë e saj.

Kujtojmë se vrasja e Kastriot Reçit me snajper në mes të Rrëshenit, ishte një nga më të përfolurat në këtë fillim të 2020-tës, por që duket se zbardhja e saj do të arkivohet në sirtaret e policisë së shtetit.

Pas ngjarjes asnjë person nuk u shpall në kërkim si i dyshuar, dhe me siguri do të rikthehet në vëmendje, kur seria e hakmarrjeve mes disa familjeve të vijojë sagën.

Gazetarja Klodiana Lala, gjatë një debati në emisionin Opinion, ka treguar se në resortin “Golden” në Shijak, ku dyshohet se u mbajt peng 49-vjeçari Jan Prenga, janë kryer mbi 10 mijë përgjime, si pjesë e dosjes 339.

“Janë përgjuar ministra deputetë… Janë bërë mbi 10 mijë përgjime ambientale tek ai resort, për dosjen 339. Tek ky resort përgjimet ambientale nxjerrin dhe disa persona të tjerë. Që janë nga zona e Durrësit, me rezultojnë me mbiemrin Shehu. Por nuk mund të them më shumë detaje, pa u siguruar”, tha gazetarja.

Resorti në fjalë është objekti i parë që u vendos nën sekuestro nga policia në kuadër të operacionit anti-KÇK.

“Dritani Rexhepi me grupin e vet arrinte të siguronte sasi të mëdha kokaine të cilat financoheshin nga grupe kriminale shqiptare dhe mendohet se është Gentian Doçi njëri nga financuesit e rreth 300 kg kokaine. Gentian Doçi është nga Dukagjini, është një ndër familjet më të forta në zonën e Shkodrës.

Ky është personi që ka financuar lëndën, pra e kanë financuar disa grupe njëherazi por grupi kryesor drejtohej nga Gentian Doçi. Astrit Prenga përgjohet duke folur me Gantian Doçin dhe i thotë më thuaj ku është im vëlla, dhe ai i thotë, ti e di fort mirë ku e ke vëllain sepse ti më ke prekë mallin. Në përgjime të paktën del kjo gjë”, tha më tej gazetarja.

Një delegacion i lartë i Kongresit të Autoriteteve Lokale të Këshillit të Evropës kanë mbërritur në Tiranë me ftesë të Presidentit Ilir Meta.

Mësohet se ata do të zhvillojë sot një takim me presidenntin Meta. Gjithashtu mësohet se kreu i shtetit do t’i sqarojë ata së çfarë e shtyu atë për të anuluar zgjedhjet vendore të 30 qershorit.

Kongresi i Autoriteteve Lokale të Këshillit të Europës refuzoi të monitoronte zgjedhjet vendore të 30 qershorit.

Kjo është hera e parë pas shumë vitesh që një delegacion i nivelit të lartë të Kongresit të Autoriteteve Lokale vjen në Shqipëri. Po ashtu vizita në Tiranë vjen fill pas evidentimit të një numri të madh kryebashkiakësh me precedentë penalë.