Kryetari i Partisë Demokratike, Lulzim Basha ka postuar një foto në faqen e tij sociale, ku e ka nisur ditën ndryshe…
Basha shkruan se, pensionistja Vera është si shumë të tjerë që kujdesen mes sakrificave për familjen.
Postimi i kryetarit Basha
#moment
Me Verën, gjyshen që çdo ditë e nis me pazaret dhe preokupimin për t’i gatuar familjes. Pensionistja që si shumë të tjerë në Shqipëri kujdesen mes sakfricave për fëmijët, nipërit dhe mbesat.
Nga Qamil Gjyrezi
Marrëveshja për Reformën zgjedhore me Edi Ramën, patjetër do të sjellë zgjedhje të parakohëshme. Viti 2020 do të jetë viti i shpëtimit, nga Rilindja që i varfëroi dhe i poshtëroi të gjithë edhe ata që e votuan këtë “sekt politik”, të pa lexuar dhe dëgjuar, jo vetëm në vendet ish-komuniste dhe në Ballkan, por edhe në historinë politike botërore.
Edi Rama dhe Rilindja i sollën vendit narkoshtetin, në vend të zhvillimit ekonomik, shtetin policor në vend të shtetit të së drejtës, shtetin që ka përzënë shqiptarët, në vend të shtetit që e ka për detyrë t’i mbrojë dhe t’i zhvillojë ekonomikisht të gjithë.
Qeveria tranzitore eshte mënyra më e mirë, për të shpëtuar shqiptarët dhe demokracinë në vend nga oligarkët dhe kriminelët e veshur me pushtet, që nuk lënë minutë pa vjedhur dhe kapur cfarë të mundin nga narkoshteti dhe njerëzit e varfëruar deri në palcë.
Në cdo zyrë të Rilindjes, në cdo nivel të pushtetit vidhet dhe poshtërohen njerëzit cdo minutë dhe cdo ditë.
Marrëveshtja për Reformën zgjedhore ishte një hap i rëndësishëm për t’iu dhënë të drejta shqiptarëve që të votojnë të pakërcënuar sic votuan në vitin 2017 dhe në vitin 2019. Në këto vite të mbrapshta për demokracinë e brishtë në vend të gjithë u kërcënuan në votimet lokale dhe kombëtare nga narkoshteti i instaluar dhe nga bandat dhe oligrakët e Edi Ramës.
Nuk mund të bëhej reformë me banda droge, të udhëhequr nga kriminelë të kalibrit të lartë dhe një parlament fals, ilegjitim dhe shumë analfabet.
Zgjedhjet e vitit 2017 nuk do të përsëriten kurrë në të ardhmen. Përfaqësuesit e komuniteti ndërkombëtar dhe media ndërkombëtare janë ndërgjegjësuar për dëmet që i solli procesit zgjedhor dhe demokracisë votimet e vitit 2017 dhe 2019.
P.D. dhe opozita i bënë një nder të gjithëve me ligjin e dekriminalizimit që ishte hapi parë për të shpëtuar të gjithë nga kriminelët në parlament të cilët do të kapnin të gjithë shtetin në të ardhmen.
Situata politike “surreal” që pati ndërmend të krijonte Edi Rama në këto 7 vite, do ti jepte shansin kryeminstrit kontravers që ti qeveriste vendin edhe në mandatin e tretë, që do të shënonte një tragjedi për të gjithë.
Ky model sektar kishte filluar të pregatitej që para 20 vitesh dhe do të “aplikohej” në mënyrë prefekte në kurriz të shqiptarëve.
Sundimi dhe varfërimi post-modern është model tipik masonik, që shkatërron demokracitë dhe sjell neodiktaturat në vendet ku ishte projektuar të aplikohej.
I gjithë faktori ndërkombëtar në vend e kuptoi shumë mirë këtë lojë të një kryeministri sektar me veshje, sjellje, fjalor, humor sektesh sic është Edi Rama!
Djegja e mandateve nga P.D. dhe opozita për shkak të kësaj krize surreale, ku gjithcka ishte fasadë, propagandë, mospjesmarrja në zgjedhjet lokale i’u tregoi të gjithëve shqiptarëve dhe ndërkombëtarëve që në Shqipëri ka një krizë të thellë dhe zgjidhja ekësaj krize kalon përmes disa hapash që është përmbledhur qartë në 10 kushtet e Bundestagut.
Edhe zgjidhja e kësaj krize krejt të vecantë të paparë dhe dëgjuar, kërkonte hapa të kujdeshëm nga P.D., opozita dhe lideri Lulzim Basha.
Hapat të cilët ndërrmorën opozita, P.D. dhe Zoti Basha e shkërrmoqën kryeminstrin kontravers dhe Rilindjen, këtë herë me ndihmën e ndërkombëtarëve.
Të gjithë ndërkombëtarët deklaruan në formë diplomatike dhe haptas se Shqipëria është në krizë të thelle dhe kjo “patologji politike” kalohet vetëm me një ilac: “Zgjedhje të lira në Shqipëri”!
Policisë së Elbasanit iu deshën dy ditë që të formulojë një njoftim zyrtar, lidhur me djegien e një mjeti në pronësi të Bashkisë së Peqinit. Ishte fillimisht ish-kryeministri Sali Berisha ai që denoncoi fillimisht rastin, kurse gazetarët raportuan se mjeti i Bashkisë përdorej nga nënkryetari Madrid Sula.
Vetëm pas këtij denoncimi policia ka mbërritur në përfundimin se zjarri ka rënë si pasojë e një defekti në pjesët elektrike të mjetit, ndërkohë që burime bënë me dije më herët se ngjarja ishte duke u hetuar si e qëllimshme.
Mbetet në pikëpyetje se pse u mbajt dy ditë i fshehur një zjarr i shkaktuar si pasojë e një defekti në mjet, ndërkohë që Sula, pak kohë më parë u zgjodh me sherr dhe me përplasje në krye të PS së Peqinit.
Kurse News24 raporton se makina e nënkryetarit të bashkisë së Peqinit dyshohet se është djegur nga dy persona.
Automjeti tip fuoristradë me targë AA880 DR, ishte e parkuar në një rrugicë pranë shtëpisë së nënkryetarit të bashkisë Peqinit pasi kishte pësuar defekt në kambio. Sula i cili është edhe kryetar i degës së PS-së në Peqin si dhe drejtuesi i këtij automjeti kishin sinjalizuar për defektin edhe titullarin e institucionit dhe kishin marrë masa për dërgimin e tij në servis.
Njoftimi i policisë për rastin:
Gjatë natës së datës 30.01.2020, në lagjen “Teqe”, Peqin, ka rënë zjarr dhe është djegur pjesërisht mjeti tip “Toyoto”, në pronësi të Bashkisë Peqin. Nga veprimet e kryera nga grupi hetimor rezulton se zjarri ka rënë si pasojë e një defekti në pjesët elektrike të mjetit. Materialet i kaluan Prokurorisë pranë Gjykatës së Shkallës Parë Elbasan, për ngjarje aksidentale.
Përmes një statusi në Tëitter, kryeministri Edi Rama njoftoi të premten takimin me ambasadoren e Shteteve të Bashkuara, Yuri Kim dhe miratimin e paketës ligjore të prezantuar prej tij si Anti-KÇK -duke i konsideruar ngjarjet njëra pas tjetrës si ‘koincidencë e bukur’.
Më pas, ministrja e Drejtësisë, Etilda Gjonaj deklaroi për llogari të qeverisë se paketa ligjore u miratua si akt normativ me synimin e “luftës kundër krimit”, por organizatat e shoqërisë civile ngritën pikëpyetje serioze mbi vlefshmërinë e një akti të tillë normativ nga pikëpamja kushtetuese.
Gjonaj deklaroi gjithashtu se paketa e ndryshimeve ligjore është konsultuar me “shërbimet partnere”. Por Ambasada e Shteteve të Bashkuara në Tiranë dhe ajo e Bashkimit Europian i thanë BIRN në dy deklarata të veçanta se nuk kanë marrë një draft paraprak nga qeveria dhe nuk e kanë lexuar ende atë.
Endri Fuga, zëdhënësi i Kryeministrit Edi Rama nuk iu përgjigj pyetjeve të BIRN se kur do të publikohet kjo paketë ligjesh dhe as pyetjes nëse këto ndryshime janë konsultuar apo jo me partnerët perëndimorë të Shqipërisë, SHBA dhe BE.
Shqetësime mbi kushtetutshmërinë
Kryeministri Edi Rama deklaroi kohë më parë se vendi ka nevojë për paketë ligjore AntiKÇK për të intensifikuar luftën kundër krimit të organizuar si dhe ndaj gjyqtarëve dhe prokurorëve që qeveria i akuzon se kanë lidhje me krimin e organizuar.
Qeveria refuzoi të publikojë një draft të ndryshimeve të propozuara. Megjithatë, kritika janë ngritur për fuqizimin e Policisë së Shtetit me kompetenca të gjyqësorit si dhe cenimin e të drejtave të njeriut, të mbrojtura nga Kushtetuta.
Në fund të Nëntorit, ndërsa vendi përballej me katastrofën e shkaktuar nga tërmeti, kryeministri sugjeroi se kjo paketë mund të miratohej me akt normativ. Të shqetësuara, një grup me 21 organizata të shoqërisë civile i kërkuan qeverisë në 6 dhjetor të respektojë kushtetutën sa i përket miratimit të ndryshimeve të tilla ligjore.
Pavarësisht shqetësimeve, qeveria e miratoi paketën përmes një akti normativ në një mbledhje qeverie jashtë radhe të premten më 31 Janar.
Ministrja Etilda Gjoni deklaroi: “Vendimet e miratuara sot sjellin ndryshime në ligjin Anti-Mafia, Ligjin e Policisë së Shtetit, Ligjin për administrimin e pasurive të sekuestruara dhe konfiskuara si dhe Kodin Penal. Të gjitha këto ndryshime së bashku me ligjin “Për statusin e gjyqtarëve dhe prokurorëve” , janë tashmë vendimmarrje të Kuvendit të Shqipërisë.”
Por organizatat e shoqërisë civile thonë se Kushtetuta nuk lejon ndryshime me procedurë të përshpejtuar të ligjeve të rëndësisë së veçantë, si Kodi Penal, ndërsa ndërhyrja e paralajmëruar e policisë ndaj gjyqtarëve dhe prokurorëve bie ndesh me parimin kushtetues të ndarjes së pushteteve.
“Duke e konsideruar si paketë të një rëndësie të veçantë që mund të cenojë respektimin e të drejtave të shtetasve, organizatat e mësipërme bëjnë thirrje që diskutimi i kësaj pakete do duhej të ishte gjithëpërfshirës dhe në respektim të Kushtetutës dhe Konventës Evropiane të të Drejtave të Njeriut,” deklaruan organizatat.
“Miratimi me akt normativ me fuqinë e ligjit të paketës ligjore antishpifje ka cënuar parime të rëndësishme kushtetuese,” thuhet më tej në deklaratë.
Partnerët nuk janë informuar
Kryeministri Edi Rama zgjodhi të shpallë miratimin e kësaj pakete pas një takimi me ambasadoren e re të Shteteve të Bashkuara në Tiranë Yuri Kim, ndërsa ministrja Gjonaj sugjeroi se qeveria e ka konsultuar paketën me “shërbimet partnere”, pa shpjeguar se me kë konkretisht.
“Pas një procesi diskutimesh shteruese mes përfaqësuesve të Ministrisë së Drejtësisë, Ministrisë së Brendshme, përfshirë këtu edhe zyrën e Kryeministrit, Policinë e Shtetit, shërbimet partnere dhe ekspertët vendas dhe të huaj të reformës në drejtësi, sot kemi miratuar në mbledhjen e Qeverisë, paketën ligjore Anti-KÇK,” deklaroi Gjonaj.
Gjithsesi, Ambasada e SHBA dhe ajo e BE-së në Tiranë thanë se nuk e kanë lexuar ende paketën ligjore të miratuar.
Pyetur nga BIRN, një zëdhënës i Ambasadës Amerikane tha”Nuk kemi pasur mundësi që ta studiojmë variantin më të fundit të legjislacionit “Anti-KÇK. Presim që të kuptojmë detajet”.
Ambasada theksoi gjithashtu se “vlerëson shprehjen nga kryeministri të vendosmërisë dhe vullnetit politik për të luftuar murtajën e krimit të organizuar”.
Po kështu, zyra e Delegacionit Europian në Tiranë tha se nuk ishte konsultuar.
“Delegacioni i BE-së nuk e ka parë Aktin Normativ të miratuar sot dhe nuk mund të komentojë në këtë pikë,” tha Delegacioni për BIRN.
“Reporter.al”
Një tjetër biznesmen i minierave të Kromit në Bulqizë gjendet i pajetë. Është gjendur pa jetë në orët e mbrëmjes biznesmeni Murat Duriçi. Ai është gjendur në kanal në rrethana të paqarta.
Duriçi mësohet se ka shfrytëzuar disa galeri kromi në qytetin e Bulqizës duke i marrë ato me qera, ndërsa pronarët e tyre janë emra të njohur në qytet dhe përtej tij.
Ngjarja tragjike ka ndodhur në Bulqizë, ndërsa dyshohet se 53-vjeçari është aksidentuar me një furgon. Në vendngjarje kanë shkuar forcat policore, të cilat po hetojnë rastin.
Informacionet e fundit nga Bulqiza bëjnë të ditur se Duriçi ka qenë duke ecur në rrugë, ndërsa drejtuesi i automjetit që e ka aksidentuar ka qenë i pirë.
Njoftimi i policisë
Rreth orës 21.00, në qytetin e ri të Bulqizës, shtetasi M.C, 45 vjeç, banues në Bulqizë, duke drejtuar automjetin tip ‘ford’, ka përplasur këmbësorin M. D., ku si pasojë ka humbur jetën.
Drejtuesi i automjetit pas aksidentit ka braktisur automjetin duke u larguar nga vendi i ngjarjes, ku pas kërkimeve nga ana e policisë është bërë e mundur kapja dhe shoqërimi i tij në komisariat.
Grupi hetimor vijon hetimet për zbardhjen e shkaqeve të aksidentit.’
Pas kronikës së sotme të televizionit shtetëror italian Rai 3, i cili rikonfimoi shifrat e publikuara ditë më parë që flisnin për 12 fishim të plantacioneve me kanabis në vend, vjen edhe reagimi i Sekeretarit të Përgjithshëm të PD, Gazment Bardhi.
Bardhi shprehet në reagimin e tij se, Rama mori sot një tjetër klasifikim rekord nga RAI3: U tregua me gisht si i vetmi Kryeministër në Europë që ka ngritur propagandën zyrtare në mekanizëm manipulimi për të mbuluar të vërtetën.
Televizioni RAI 3 rikonfirmon përsëri sot shifrat e publikuara disa ditë me parë për rritjen me 1200% të sasisë së kanabisit të mbjedhë gjatë këtij viti, duke i qëndruar burimeve të veta për vërtetësinë e lajmit. Edhe pse Edi Rama e konsideroi lajmin të pavërtetë, dhe dje mashtroi opinionin publik duke servirur një shkrim si gjoja reagim të autoriteteve italiane, TV RAI3 e sfidoi duke i kujtuar se të dhënat për këtë vit i ka mbajtur të fshehta!
Përveç kanabizimit masiv të Shqipërisë, Edi Rama mori sot një tjetër klasifikim rekord nga RAI3. Ai u tregua me gisht si i vetmi Kryeministër në Europë që ka ngritur propagandën zyrtare në mekanizëm manipulimi për të mbuluar të vërtetën.
Për mediat ndërkombëtare, kanabizimi i vendit, bashkëpunimi me krimin e organizuar dhe dhunimi i fjalës së lirë, janë e vetmja arritje e Shqipërisë nën qeverisjen e Edi Ramës.
Edi Rama ka deshtuar!
Televizioni RAI 3 rikonfirmon përsëri sot shifrat e publikuara disa ditë me parë për rritjen me 1200% të sasisë së kanabisit të mbjellë gjatë këtij viti, duke i qëndruar burimeve të veta për vërtetësinë e lajmit. Edhe pse Edi Rama e konsideroi lajmin të pavërtetë, dhe dje mashtroi opinionin publik duke servirur një shkrim si gjoja reagim të autoriteteve italiane, TV RAI3 e sfidoi duke i kujtuar se të dhënat për këtë vit i ka mbajtur të fshehta! Përveç kanabizimit masiv të Shqipërisë, Edi Rama mori sot një tjetër klasifikim rekord nga RAI3. Ai u tregua me gisht si i vetmi Kryeministër në Europë që ka ngritur propagandën zyrtare në mekanizëm manipulimi për të mbuluar të vërtetën. Për mediat ndërkombëtare, kanabizimi i vendit, bashkëpunimi me krimin e organizuar dhe dhunimi i fjalës së lirë, janë e vetmja arritje e Shqipërisë nën qeverisjen e Edi Ramës.Edi Rama ka deshtuar!
Gepostet von Gazment Bardhi am Freitag, 31. Januar 2020
Televizioni shtetëror Italian RAI3 u është përgjigjur sot komenteve të kryeministrit Edi Rama që e quajti “turp gazetaresk” reportazhin e gazetarit italian Valerio Cataldi, sipas të cilit shifrat e kultivimit të kanabisit në Shqipëri ishin rritur me 12 herë krahasuar me një vit më parë.
“Folëm për BREXIT, por ka edhe nga ata që duan të hyjnë në Europë, Shqipëria. Por unioni i kërkon të bëjë hapa përpara në luftën kundër krimit të organizuar dhe korrupsionit. Në udhëtimin tonë atje ne kemi folur për një rritje masive të plantacioneve të marijuanës, numra që policia shqiptare i mohon, por ndryshe nga e kaluara nuk ka nxjerrë të dhëna zyrtare. Ne, në bazë të burimeve tona, i konfirmojë shifrat qe kemi nxjerrë”, thuhet në kronikën e Rai3.
“Lajmi i mbrëmshëm në RAI 3 mbi gjoja 12 fishimin e kultivimit te kanabisit në Shqipëri është një turp gazetaresk, pa asnjë lidhje me realitetin e monitoruar dhe çertifikuar nga vetë Guardia di Finanza! Uroj që partnerët tanë të shkëlqyer ta thonë vetë pa humbur kohë të vërtetën!”, tha Rama në reagimin e parë dhe mbrëmjen e së enjtes nxori një deklaratë që sipas tij ishte bërë në një takim të zyrtarëve të ministrive të brendshme të të dyjave vendeve.
“Ja edhe e vërteta zyrtare për raportimin skandaloz të RAI3! Faleminderit autoriteteve të policisë italiane që na ndihmojn? përditë në afirmimin e fitores së përbashkët kundër kultivimit të kanabisit dhe në këtë rast na ndihmuan të fitojmë ndaj një gënjeshtre të madhe mediatike”, shkruante Rama.
Por siç informuam edhe më herët në Syri.net, materiali i postuar në Twitter nga kryeministri Rama nuk është deklaratë e policisë italiane, por deklaratë e një OJF-je të një miku të kryeministrit Rama që manaxhon projektin IPA të Bashkimit Europian. Një kërkim në faqen zyrtare të policisë italiane të jep të kuptosh që nuk ka asnjë deklaratë që mohon apo rrëzon imvestigimin e Rai3.
https://www.syri.net/politike/312470/12-fishimi-i-droges-si-genjeu-rama-me-pergenjeshtrimin-per-rai3/
Duket se lobimi i D’Alemas ka funksionuar më së miri për të shpikur një përgjigje fasadë dhe për të sulmuar Rai3 apo për ta vendosur nën presion. Kryeministri ka gëzuar një fitore të vogël. Ka mundur të prodhojë një raport fallso.
Kryeministri Rama njihet për lidhjet e tij të ngushta me ish- liderë të së majtës botërore. Ai në vitin 2013 përdori Tony Blair dhe firmën e tij të lobimit që i siguroi disa shkrime të rëndësishme dhe lobim të fortë në kancelaritë perëndimore. Pastaj përdori partinë SPD dhe lidhjet shqiptare në Gjermani për të luhatur dhe sulmuar rivalin Basha. Sot, lidhjet e tij me D’Alemën i kanë siguruar Ramës një miqësi jo vetëm me Renzin, por edhe lajme fasadë që shiten për raporte policie që nuk thonë gjë. /Syri.net
Analisti dhe pedagogu Mark Marku e ka cilësuar tërheqjen e shumicës qeverisëse nga paketa “Anti- Shpifje”, si një truk për të gënjyer ndërkombëtarët, pasi Shqipëria është para diskutimit të negociatave.
Në një intervistë në rubrikën “Opinion” në News24, Marku deklaroi se qeveria bëri mirë që u tërhoq, pasi do të shkaktonte një dëm shumë të madh në demokracinë shqiptare me miratimin e Paketës dhe shprehu besimin se pikërisht Komisioni i Venecias do t’i japë të drejtë faktorit kundër Anti-Shpifjes.
“PS u tërhoq nga Anti- Shpifja, a është një tërheqje e përkohshme?
Besoj se po, është tërheqje. Nuk vjen vetëm prej faktit që ka kaluar në Komisionin e Venecias pasi e ka kalur dhe Këshilli i Europës. I kalon zakonisht Parlamenti apo Gjykata Kushtetuese. Hera e parë që e dërgon një institucion tregon peshën që ka kjo çështje.
OSBE, Këshilli i Europës, PE thanë që nëse kalon ky ligj do të jetë problem për negociatat. Presioni ndërkombëtar ka qenë shumë i madh. Po ashtu dhe ai i brendshëm. Të gjitha organizatat e mediave edhe këtu në Shqipëri kanë qenë kundër. Pra ka patur një rezistencë të madhe. Qeveria ka bërë shumë mirë pasi po ta kalonte do të bënte gabim, dëm në demokraci.
Nuk kishte nevojë që të shkonte gjëja deri këtu. Unë mendoj që kjo nuk dihet pasi qeveria është e paparashikueshme, mund të jetë dhe tërheqje përfundimtare. Jemi në procesin e negociatave sërish dhe mund të jetë edhe një truk. Parimi i qeverive shqiptare është mungesa e lojalitetit me BE, që mendojmë t’i gënjejmë, kalojmë këtë fazë dhe më pas kalojmë në atë tonën.
BE ka disa standarte dhe vlera mbi të cilat është ndërtuar ai qytetërim, dhe mungesa e kësaj qeverie është që cështjen e BE-së e quan si spektakël politik dhe jo si një rrugë të gjatë që do të duhet që ne përpara se të bëhemi pjesë e BE duhet të bëhemi vetë europiane, në shoqëri, në pushtet, në demokraci. Për fat të keq në këtë pikë nuk jemi të sinqertë me europën. Ne nuk kemi asnjë standart europian. Duam të futemi në BE pa këto standarte.
Duhet monitoruar deri në fund që për momentin nuk do ta kalojnë, kam bindjen se Këshilli i Venecias do t’i japë të drejtë faktorëve kundër Anti- Shpifjes. Pasi ajo sheh parimet të demorkacisë, medias, lirisë së fjalës. Këto janë parime në SHBA, Kanada etj.
Fryma e ndryshimeve është anti-demokratike. Ligji për mediat audiovizive ka krijuar probleme pasi pas një farë kohe çdo ligj krijon probleme. Ky ligj që ka qenë i mirë mund të bëhet i papërdorshëm prej saj.
Por ky bllok amendimesh jo vetëm e përmirësojnë atë ligj por e destrukturojnë atë. Duhet një konsensus me aktorët mediatikë. Ligji i 1994, ligji për shtypin ka qenë një ligj i marrë nga një Land i Gjermanisë, por meqenëse u kundërshtua nga mediat atëhere u miratua me forcën e kartonit por nuk u zbatua kurrë. Më pas u hoq dhe u la një nen që mediat në Shqipëri janë të lira. Një imitim i Kushtetutës së SHBA. Ishte ligj i konsoliduar, s’kishte asnjë problem por media në bllok e kundërshtoi.
Praktikisht ai ligj nuk u zbatua kurrë. Një ligj s’mund të zbatohet në kundërshtim me aktorët kryesorë. Qeveria në një shoqëri demokratike nuk mund të zaptojë aktorët kryesorë, mund ta bëjë vetëm kur zapton demokracinë. Tërheqja është një truk ndaj ndërkombëtarëve”, thotë Marku.
I pyetur për miratimin e paketës “Anti-KÇK”, analisti e cilëson Anti- KÇK si një strukturë dubluese të institucioneve të drejtësisë duke shfaqur frikën që ka qeveria nga Reforma në Drejtësi.
“Jam shumë skeptik jo se PD është skeptike, pasi ajo është opozitare, por unë jam skeptik duke u nisur nga retorika. Kap ça të kapësh që thotë Rama, vetë qeveria prej vitesh funksionon ashtu. Një qeveri që përvetëson pasuritë publike, që i shpërndan taksat tek klientela si mund të ndërtojë një fushatë kundër asaj organizate apo të bëjë drejtësi.
Qeveria që është e akuzuar për afera të pista të ketë vullnetin të bëjë drejtësi.
Është një lloj fushate. Një nga gjërat më të mira që është bërë këto vite është Reforma në Drejtësi. Në thelb është një nga lëvizjet më të mira për të krijuar një lloj shteti të së drejtës. Pavarësisht se nuk jam edhe aq entuziast.
Pse duhet të hapen fushata të tipit propagandistik. Nga një anë po përmirësojmë drejtësinë. Pra qeveria vetë nuk i beson Reformës në Drejtësi duke e dubluar me institucione të tjera. Çfarë na thotë qeveria në këtë rast? Nuk besoj tek Reforma dhe po ngre institucione vetë.
Përveç drejtësisë asgjë s’mund të bëjë këtë gjë. Qeveria le të pranojë vettingun në politikë kurse Rama le të justifikojë vilën në Surrel fillimisht.
Për mua një person më i rrezikshëm është një që ka funksion publik dhe përvetëson fonde, se sa një person që merret me aktivitet kriminal.
Një person që ka funksion publik që duhet të bëjë detyrën dhe vjedh është më i rrezikshëm se ai që bën aktivitet kriminal të mirëfilltë. Normalisht edhe ai duhet të dënohet.
E shoh si frikë të qeverisë nga Reforma në Drejtësi. Janë përpjekur të infitrojnë personat e tyre në Reformën në Drejtësi. Sa më goditëse të jetë drejtësia ndaj krimit aq më të sigurtë jemi ne qytetarët.
Një sistem drejtësie që funksionon mirë është kërcënim për të gjithë qeverinë dhe kastën politike. Dhe qeveria ka qenë pengesë për Reformën në Drejtësi deri tani. Besoj tek SPAK, nuk jam entuziast. Nuk besoj se do të ndodhë magjia por ne do na duhen vite për të vendosur shtetin ligjor në Shqipëri. Do të na duhet të ndryshojmë mentalitetin fillimisht, besimi tek shteti”, shprehet Mark Marku.
“Miratimi me akt normativ me fuqinë e ligjit të paketës ligjore anti-shpifje ka cenuar parime të rëndësishme kushtetuese”, kështu shprehen 12 organizatat e Shoqërisë Civile kundër paketës “Anti-KÇK”.
12 organizatat që dalin kundër vendimit të qeverisë janë:
Komiteti Shqiptar i Helsinkit ; Instituti për Studime Politike (ISP) ; Birn Albania ; Instituti Shqiptar i Shkencës ; Instituti për Bashkëpunim dhe Zhvillim (CDI) ; Instituti i Kërkimeve Urbane ; Fondacioni Shqiptar për të drejtat e personave me Aftësi të Kufizuar ; Qendra Altri ; Qendra për Studimin e Demokracisë dhe Qeverisjes ; Qendra për Nisma Ligjore Qytetare ; Civil Rights Defenders ; INAC
Ato pretendojnë se diskutimi i kësaj pakete do duhej të ishte gjithë përfshirje dhe në respektim të Kushtetutës dhe Konventës Evropiane të të Drejtave të Njeriut.
Ndërsa pretendojnë se organizatat vendase të shoqërisë civile janë kufizuar deri më sot nga e drejta për tu njohur me përmbajtjen e kësaj pakete, çka cenon parimet e një qeverisje të hapur, transparente dhe llogaridhënëse.
Duke mos patur mundësi të shprehen për tekstin e ndërhyrjeve të propozuara, referuar deklaratës të Ministres së Drejtësisë tërheqin vëmendjen për disa shkelje të cilat krijojnë probleme, nga pikëpamja formale dhe substanciale, lidhur me ligjshmërinë por edhe kushtetutshmërinë e saj.
Sipas nenit 28 të Rregullores së Kuvendit nuk lejohet procedura e përshpejtuar e projektligjeve të parashikuara nga neni 81 pika 2 e Kushtetutës, pra ligje që kërkojnë miratimin me shumicë të cilësuar prej të pakten 3/5 e deputetëve. Shtesat ose ndryshimet ligjore që mendohen t’u bëhen disa prej ligjeve të përmendura më lart me aktin normativ, janë miratuar me votim të cilësuar dmth në bazë të nenit 81 pika 2 e Kushtetutës.
Me vendimin nr. 11 datë 02.04.2008, Gjykata Kushtetuese ka shfuqizuar neni 315 i Kodit Penal të titulluar “Dhënia e një vendimi të padrejtë”. Në këtë vendim midis të tjerave thuhet “se gjykata çmon se mundësia e fillimit të ndjekje penale ndaj një gjyqtari për dhënien e një vendimi përfundimtar ndërkohë që vendimi mund të shqyrtohet nga një gjykatë më e lartë, krijon një presion të papërshtatshëm ndaj gjyqtarit, çka do të dëmtonte dhënien e drejtësisë dhe mbrojtjen e të drejtave të njeriut” dhe më poshtë “vendimet e një gjyqtari kundërshtohen vetëm në një gjykatë më të lartë dhe asnjë organ tjetër nuk mund të vlerësojë ligjshmërinë dhe bazueshmërinë e vendimit gjyqësor derisa ato nuk janë ndryshuar ose prishur sipas ligjit”.
Sipas nenit 147/d të Kushtetutës, Inspektori i Lartë i Drejtësisë është përgjegjës ndër të tjerash për verifikimin e ankesave, dhe fillimin e procedimit disiplinor ndaj gjyqtarëve, prokurorëve. Kjo normë kushtetuese konkretizohet edhe në ligjin 96/2016 “Për statusin e gjyqtarëve dhe prokurorëve” të ndryshuar. Gjykata Kushtetuese ka elaboruar në vendimet e saj standartin se atributet që Kushtetuta i ka caktuar një organi, nuk mund ti jepen një organi tjetër (shih vendimin nr. 78 datë 12.12.2017 i Gjykatës Kushtetuese).
Sipas neneve 147/a dhe 149/a të Kushtetutës, përkatësisht Këshilli i Lartë Gjyqësor dhe Këshilli i Larte i Prokurorisë nuk kanë kompetencë të fillojnë hetimin gjyqësore ndaj gjyqtarëve dhe prokurorëve.
Sipas nenit 28 të Rregullores së Kuvendit nuk lejohet procedura e përshpejtuar e projektligjeve të parashikuara nga neni 81 pika 2 e Kushtetutës, pra ligje që kërkojnë miratimin me shumicë të cilësuar prej të pakten 3/5 e deputetëve. Shtesat ose ndryshimet ligjore që mendohen t’u bëhen disa prej ligjeve të përmendura më lart me aktin normativ, janë miratuar me votim të cilësuar dmth në bazë të nenit 81 pika 2 e Kushtetutës.
Me vendimin nr. 11 datë 02.04.2008, Gjykata Kushtetuese ka shfuqizuar neni 315 i Kodit Penal të titulluar “Dhënia e një vendimi të padrejtë”. Në këtë vendim midis të tjerave thuhet “se gjykata çmon se mundësia e fillimit të ndjekje penale ndaj një gjyqtari për dhënien e një vendimi përfundimtar ndërkohë që vendimi mund të shqyrtohet nga një gjykatë më e lartë, krijon një presion të papërshtatshëm ndaj gjyqtarit, çka do të dëmtonte dhënien e drejtësisë dhe mbrojtjen e të drejtave të njeriut” dhe më poshtë “vendimet e një gjyqtari kundërshtohen vetëm në një gjykatë më të lartë dhe asnjë organ tjetër nuk mund të vlerësojë ligjshmërinë dhe bazueshmërinë e vendimit gjyqësor derisa ato nuk janë ndryshuar ose prishur sipas ligjit”.
Sipas nenit 147/d të Kushtetutës, Inspektori i Lartë i Drejtësisë është përgjegjës ndër të tjerash për verifikimin e ankesave, dhe fillimin e procedimit disiplinor ndaj gjyqtarëve, prokurorëve. Kjo normë kushtetuese konkretizohet edhe në ligjin 96/2016 “Për statusin e gjyqtarëve dhe prokurorëve” të ndryshuar. Gjykata Kushtetuese ka elaboruar në vendimet e saj standartin se atributet që Kushtetuta i ka caktuar një organi, nuk mund ti jepen një organi tjetër (shih vendimin nr. 78 datë 12.12.2017 i Gjykatës Kushtetuese)
Sipas neneve 147/a dhe 149/a të Kushtetutës, përkatësisht Këshilli i Lartë Gjyqësor dhe Këshilli i Larte i Prokurorisë nuk kanë kompetencë të fillojnë hetimin gjyqëesor ndaj gjyqtarëve dhe prokurorëve./Panorama.al
Në çdo zyrë të çdo institucioni shtetëror duhet të jetë e varur fotografia e babait të shtetit, Ismail Qemali. Por Durrësi bën përjashtim.
Në zyrat shtetërore të qytetit bregdetar, përkrah tij, qëndron edhe fotoja e ish kryetarit të bashkisë Vangjush Dako.
Kjo ndodh për më tepër në zyrën e Drejtorit të Portit, Pirro Vengu.
Lidhur me këtë skandal reagon edhe ish kryeministri Sali Berisha, i cili nuk kursen ironinë.
“Gjush të kemi fort xhan! Krah për krah me Ismail Bej Vlorën! Gjush të vdekurit me të, ne të gjallet me ty! Rrofsh!”, shkruan Berisha në postimin e tij.
Edhe pse institucioni në fjalë nuk ka asnjë lidhje me bashkinë e Durrësit, titullari i tij mban në zyrë portretin e atij që ka qeverisur qytetin e dytë më madh në vend për 12 vjet dhe mesa duket vazhdon ende…
