Ish-drejtori i Policisë së Shtetit, Ahmet Prençi, është treguar mjaft i ashpër, teksa komentoi ngjarjet e rënda kriminale, që kanë ndodhur përgjatë vitit 2019.

I ftuar në emisionin “Kjo Javë”, në News24, ish-kreu i policisë sulmoi ashpër Policinë e Shtetit, që sipas tij, nuk po bën më misionin e saj, por po bashkëpunon me krimin e organizuar.

“Jo për të ngjallur panik te njerëzit, por situata është problematike dhe komplekse. Po të analizojmë ngjarjet, janë shumë të rënda, sidomos të fundit, që lidhen me të shkuarën kriminale të aktorëve, që përplasen në këtë arenë të kriminalitetit shqiptar.

E gjithë situata lidhet me aktivitetin e paligjshëm dhe lirshmërinë që kanë grupet kriminale në Shqipëri për të ushtruar aktivitetin, aq më tepër shtrirja e tyre jashtë, por të gjithë pasojat përplasen këtu. Edhe ngjarjet e fundit janë pasojë e pazareve të prishura.

Policia e Shtetit ka reaguar mjaft mirë, në ndjekjen e këtyre ngjarjeve, por puna e policisë nuk është të veprojë kur ndodhin ngjarje të rënda kriminale, puna e tyre është të parandalojnë ngjarje. Mendoj se çalon puna, besueshmëria që ka në komunitetit, është një raport shumë i dobët.

Policia është spostuar nga misioni i saj, kemi parë policë që bashkëpunojnë me krimin. Policia mbylli sytë e bashkëpunimi me krimin për kanabisin dhe trafikimin e tij. Me tonelata të kësaj lënde që është eksportuar jashtë vendit, ka ndikim dhe policia.

Më tej, grupet e organizuara morën misione të jashtëzakonshme, duke trafikuar në Amerikën latine. Pra, u krijuan kushtet e përshtatshme për ta bërë vendin tonë vend kanabisi dhe më pas trafikun e saj jashtë. Policia në vend që të ketë një partneritet të mirë me shoqërinë, ka bërë të kundërtën e saj.

Nëse ne do donim të kishim një polici në luftë me bandat, ne kemi parë një polici në luftë me qytetarët, që nga arrestimi për energjinë, deri të prishja e banesave, që nuk është punë e policisë.

Një element tjetër shumë i rëndësishëm është hetimi dhe zbardhja e ngjarjeve të vjetra, janë mijëra ngjarje të vjetra të pazbuluara. Kjo i shërben shumë parandalimit të krimit. Shteti, drejtësia, vendosin ekuilibër, kur zbardhen këto ngjarje të vjetra.

Kemi parë lirimin nga burgu të dhjetëra kriminelëve të rrezikshëm në vend, që ishin dënuar me burgim të përjetshëm dhe sot janë të lirë. Këta gjyqtarë iu dhanë dënim të përjetshëm atyre, por sot kam parë kujdes qeveritar për t’i liruar ato, që janë shumë të fuqishëm. Konkurrojnë bizneset e ndershme me para të pista. Puna e policisë është të ndjekë paranë, për të mos i lënë këto grupe të organizuara të fuqizohen me pasuri marramendëse”, u shpreh Prençi.

Rasti i Dokles, kush e favorizoi?
S’dua të merrem me emra, pasi janë në dosje. Nëse ne do presim me iniciativa qeveritare që do bëjmë këtë e atë, ne nuk jetojmë në të ardhmen, por në të sotme, dhe e sotmja është mjaft e rëndë.

Ish-kryeministri Sali Berisha ka bërë publik një tjetër denoncim ku tregon se si qytetarët e prekur nga tërmeti i 26 nëntorit po mashtrohen për qiratë e shtëpive nga kryebashkiaku i rilindjes Erjon Veliaj.

Në denoncimin e tij qytetari thekson se Veliaj nuk u ka paguar bonusin e qirasë për muajin janar, duke i mashtruar në vazhdimësi.

Postimi i ish-Kryeministrit Berisha

Bonuset jane mashtrim i ulet dhe cinik i Lal Plehut!

Lexoni denoncimin e qytetarit dixhital. sb

Doktor se pari ju uroj shendet e çdo te mire .Doktor,me duhet te ve ne dijeni per mashtruesin e pacipe erion Velia,i cili,pasi shperndau bonusin e qerase per muajin dhjetor,per te demtuarit e termetit te 26 Nentorit,tani ne Janar,akoma nuk e ka bere dhe nga interesimi i qytetareve,u deklarohet se nuk ka fonde,dhe kur te kete do ti marrin !!!!

I ka shtyre qytetaret te marrin shtepi me qera dhe tani nuk u jep parate,duke bere fiks ate qe ben me mire,mashtruesin e pafytyre !Me respekt shume.

Ditën e sotme kryeministri Edi Rama ishte në qytetin e Durrësit ku inspektoi nga afër punën për rikonstruksionin e pallateve që nuk kishin dëmtime në strukturën mbajtëse.

Teka u përball me disa banorë të prekur nga tërmeti në lagje të ndryshme të qytetit, Rama u ka kërkuar atyre të bëjnë durim.

Një banore e shoqëruar nga bashkëshorti i saj bëjnë me dije se qiraxhiu i kërkon lekët sepse nuk është paguar nga shteti.

Pjesë nga debate

Rama: Duhet pak durim.

Banorja: Dy muaj.

Rama: Dy muaj nuk janë asgjë.

Banorja: Po ne nuk na kanë thënë gjë kur do bëhen.

Banorja: Jam rrugëve. Nuk e kanë paguar qiranë.

Burri i banores: S’ka marrë bonusin. Jam në shtëpi, po ai kërkon lekët.

Rama: Ai lekët i ka të garantuara përderisa ti ke letrën. Të gjithë ata që kanë letrën ata janë të garantuar dhe në rast kur pronarët krijojnë problemet ju duhet të na e bëni ne me dije. Në Itali kanë 15 vite që janë nëpër kabina dhe presin t’u bëhet shtëpia.

Ministria e Jashtme ka sqaruar sot procedurën e ndjekur për finalizimin me sukses të largimit nga Wuhan të studentes shqiptare Silva Doçi, e cila mbeti e izoluar brenda ambienteve të kampusit universitar në këtë qytet, pas masave të marra për izolimin e tij në 23 janar 2020.

MEPJ duke e ndjekur me prioritet çështjen e studentes shqiptare, në kushtet e vështira kur askush nuk mund të hynte apo dilte në Wuhan, prej ditësh ka qenë në kontakte me palën turke, duke i paraqitur kërkesën zyrtare për të përfshirë edhe studenten shqiptare në operacionin e largimit të ndërmarrë për shtetasit turq që jetonin në Wuhan.

“Në vijim të komunikimeve, pala turke u dakordësua që studentja Silva Doçi të udhëtojë në avionin ambulant turk.

Pas përfundimit të procedurave zyrtare me autoritetet kineze për lejimin e largimit të tyre nga Wuhan, avioni nga Kina u nis sot drejt aeroportit ushtarak në Ankara.

Studentja shqiptare, Silva Doçi ka kryer të gjitha testet dhe ka dalë negative për virusin nCOV, por udhëtimi i gjatë në një avion me mbi 45 persona të tjerë të evakuuar nga Wuhan, e bën të detyrueshëm qëndrimin e saj në karantinë. Çdo shtetas që del nga provinca Wuhan, është i detyruar t`i nënshtrohet një regjimi mjekësor karantine 14 ditor para se të lëvizë lirshëm”, thuhet në njoftimin zyrtar të MEPJ-së.

Për këtë fazë evakuimi, Ministria për Evropën dhe Punët e Jashtme vazhdoi kontaktet e pandërprera me Ministrinë e Jashtme turke, me qëllim vijimin e regjimit të karantinës së studentes shqiptare në Turqi.

Ministria për Evropën dhe Punët e Jashtme po ndjek dhe do të vazhdojë të ndjekë të gjithë procedurën e evakuimit të studentes shqiptare, deri në mbërritjen e saj pranë familjes në Shqipëri.