Nga Sali BERISHA

Njeriu, që demonstroi kundër NATO-s të nesërmen e anëtarësimit të vendit në këtë Aleancë, vizitoi dy ditë më parë selinë e saj në Bruksel. Në konferencë shtypi me Sekretarin e Përgjithshëm të Aleancës, zotin Stoltenberg, Edvin Kristaq Mashtrimi mori një zotim qesharak. Ai deklaroi se pavarësisht nga tërmeti, nuk do të ulte buxhetin për NATO-n.

Edivin Kristaq Droga ka ulur nga 2% të GDP që ishte buxheti për NATO-n në Shqipëri në vitin 2012, në 0, 9% që e zbriti vitin e kaluar, pasi i mori fondet ushtrisë dhe shpërbleu me to, narko- Policinë për gazin që hodhi ndaj qytetarëve.

Kështu që ky ishte një zotim qesharak, sepse ai në vitet pa tërmet ka pasur buxhetin me të ulët dhe e ka vidhisur Shqipërinë nga vendi i pestë – për kontributet e saj, që ishte sipas renditjes të vet Aleancës në vitin 2012 – në vendin më të fundit që ndodhet prej tre vitesh.

Duke përfunduar, denoncoj me forcën më të madhe qëndrimin e papërgjegjshëm të Edvin Kristaq Mafisë dhe narko-Qeverisë së tij që mbajnë për detyrimet e vendit ndaj NATO-s dhe kërkoj të mos luajë me anëtarësimin e vendit në NATO, që përbën arritjen më të madhe të Shqipërisë pas Pavarësisë të saj.

NATO ka memorie!

Nga Qamil Gjyrezi

Marrëveshja për Reformën zgjedhore me Edi Ramën, patjetër do të sjellë zgjedhje të parakohëshme. Viti 2020 do të jetë viti i shpëtimit, nga Rilindja që i varfëroi dhe i poshtëroi të gjithë edhe ata që e votuan këtë “sekt politik”, të pa lexuar dhe dëgjuar, jo vetëm në vendet ish-komuniste dhe në Ballkan, por edhe në historinë politike botërore.

Edi Rama dhe Rilindja i sollën vendit narkoshtetin, në vend të zhvillimit ekonomik, shtetin policor në vend të shtetit të së drejtës, shtetin që ka përzënë shqiptarët, në vend të shtetit që e ka për detyrë t’i mbrojë dhe t’i zhvillojë ekonomikisht të gjithë.

Qeveria tranzitore eshte mënyra më e mirë, për të shpëtuar shqiptarët dhe demokracinë në vend nga oligarkët dhe kriminelët e veshur me pushtet, që nuk lënë minutë pa vjedhur dhe kapur cfarë të mundin nga narkoshteti dhe njerëzit e varfëruar deri në palcë.

Në cdo zyrë të Rilindjes, në cdo nivel të pushtetit vidhet dhe poshtërohen njerëzit cdo minutë dhe cdo ditë.

Marrëveshtja për Reformën zgjedhore ishte një hap i rëndësishëm për t’iu dhënë të drejta shqiptarëve që të votojnë të pakërcënuar sic votuan në vitin 2017 dhe në vitin 2019. Në këto vite të mbrapshta për demokracinë e brishtë në vend të gjithë u kërcënuan në votimet lokale dhe kombëtare nga narkoshteti i instaluar dhe nga bandat dhe oligrakët e Edi Ramës.

Nuk mund të bëhej reformë me banda droge, të udhëhequr nga kriminelë të kalibrit të lartë dhe një parlament fals, ilegjitim dhe shumë analfabet.

Zgjedhjet e vitit 2017 nuk do të përsëriten kurrë në të ardhmen. Përfaqësuesit e komuniteti ndërkombëtar dhe media ndërkombëtare janë ndërgjegjësuar për dëmet që i solli procesit zgjedhor dhe demokracisë votimet e vitit 2017 dhe 2019.

P.D. dhe opozita i bënë një nder të gjithëve me ligjin e dekriminalizimit që ishte hapi parë për të shpëtuar të gjithë nga kriminelët në parlament të cilët do të kapnin të gjithë shtetin në të ardhmen.

Situata politike “surreal” që pati ndërmend të krijonte Edi Rama në këto 7 vite, do ti jepte shansin kryeminstrit kontravers që ti qeveriste vendin edhe në mandatin e tretë, që do të shënonte një tragjedi për të gjithë.

Ky model sektar kishte filluar të pregatitej që para 20 vitesh dhe do të “aplikohej” në mënyrë prefekte në kurriz të shqiptarëve.

Sundimi dhe varfërimi post-modern është model tipik masonik, që shkatërron demokracitë dhe sjell neodiktaturat në vendet ku ishte projektuar të aplikohej.

I gjithë faktori ndërkombëtar në vend e kuptoi shumë mirë këtë lojë të një kryeministri sektar me veshje, sjellje, fjalor, humor sektesh sic është Edi Rama!

Djegja e mandateve nga P.D. dhe opozita për shkak të kësaj krize surreale, ku gjithcka ishte fasadë, propagandë, mospjesmarrja në zgjedhjet lokale i’u tregoi të gjithëve shqiptarëve dhe ndërkombëtarëve që në Shqipëri ka një krizë të thellë dhe zgjidhja ekësaj krize kalon përmes disa hapash që është përmbledhur qartë në 10 kushtet e Bundestagut.

Edhe zgjidhja e kësaj krize krejt të vecantë të paparë dhe dëgjuar, kërkonte hapa të kujdeshëm nga P.D., opozita dhe lideri Lulzim Basha.

Hapat të cilët ndërrmorën opozita, P.D. dhe Zoti Basha e shkërrmoqën kryeminstrin kontravers dhe Rilindjen, këtë herë me ndihmën e ndërkombëtarëve.

Të gjithë ndërkombëtarët deklaruan në formë diplomatike dhe haptas se Shqipëria është në krizë të thelle dhe kjo “patologji politike” kalohet vetëm me një ilac: “Zgjedhje të lira në Shqipëri”!