18.5 C
Tirana
E hënë, 9 Qershor, 2025
type here...

Dy super skafe erdhën nga Greqia për të marrë drogë në Vlorë, njëri i iku policisë

Zbardhen të tjera detaje për mjetin lundrues i cili u gjet mëngjesin e sotëm i braktisur nga policia në zonën e plazhit të vjetër në Vlorës.

Lidhur me ngjarjen ka dhënë detajet edhe Policia e Shtetit. Sipas Policisë ky operacion ka vijuar nga shërbimet e Policisë Kufitare Vlorë, forcat e Drejtorisë Vendore të Policisë, Delta Forcë dhe Guardia di Finanza, roja bregdetare, si dhe nën koordinimin orientues të QNO Durrës, duke mbajtur kontakte edhe me avionin e Frontex-it që kryente ndjekjen nga ajri, me qëllim bllokimin e mjetit dhe kapjen e bordit që drejtonte gomonen.

Gjatë ndjekjes, një mjet lundrues është kthyer përsëri në ujërat greke, ndërsa mjeti tjetër lundrues tip gomone me 3 motorë të llojit “Yamaha”, në orët e para të mëngjesit të sotëm, duke përfituar nga kushtet atmosferike dhe errësira e natës është braktisur nga ekuipazhi, pranë vendit të quajtur “Plazhi i Vjetër” Vlorë.

Marash Kumbulla e refuzon Napolin për Interin

Ylli i Shqipërisë dhe Hellas Veronës, Marash Kumbulla, e ka refuzuar ofertën e Napolit, sepse dëshiron t’i bashkohet Interit, sipas gazetës së madhe italiane, La Gazzetta dello Sport.

Qendërmbrojtësi shqiptar ka lënë mbresa deri tani këtë sezon në fanellën e Veronës, prandaj klubet e mëdha italiane kanë shprehur interesim serioz për të.

Napoli ka qenë në bisedime me Veronën tash e disa javë dhe si rezultat ka arritur marrëveshje për Kumbullën.

Klubi napolitan është pajtuar t’i paguajë 20 milionë euro plus bonuse shtesë për 19-vjeçarin.

Megjithatë, sipas gazetës së përditshme italiane, mbrojtësi shqiptar e ka refuzuar ofertën e Napolit.

Mësohet se Kumbulla dëshiron t’i bashkohet Interit.

Betonizimi i Durresit nga Dako kushtoi 433 milionë euro në 13 vite

Nëse kalon sot në qytetin e Durrësit, është lehtësisht e konstatueshme që dëmet më të larta nga tërmeti i 26 nëntorit i kanë ndërtesat e reja e të larta, mbi 10 kate, ndërsa pallatet e ndërtuara në kohën e socializimit, mesatarisht me 5 kate kanë rezistuar. Janë miliona euro investime dhe para të shpenzuara nga qytetarët për të blerë apartamentin për të cilin kanë punuar një jetë, që u shkërmoqën në pak sekonda.

Vlera e banesave të ligjshme të ndërtuara në prefekturën e Durrësit nga viti 2005 në vitin 2018 arrin vlerën e 54,3 miliardë lekëve ose rreth 433 milionë eurove sipas të dhënave zyrtare të INSTAT. Kjo vlerë i përket një sipërfaqe ndërtimi prej 1,6 milionë metrash katror e shpërndarë në rreth 1152 objekte shumica objekte të larta, pallate.

Sipas të dhënave të përpunuara nga Monitor kosto mesatare ndërtimit për këto 14 vite llogaritet 32,539 lekë ose 264 euro për metër katror në prefekturën e Durrësit. Kosto e banesave është raportuar nga ndërtuesit në momentin që kanë aplikuar për leje pranë bashkive përkatëse dhe është e njëjtë me atë të Entit të Banesave.

Në të gjithë Shqipërinë për periudhën 2015-2018 është dhëne leje ndërtimi për një sipërfaqe 18,316,000 metër katror me një vlerë të përafërt ndërtimi 531 miliardë lekë ose 4,3 miliardë euro. Mesatare e kostos së ndërtimit në shkallë republike për 14 vitet e fundit përllogaritet 235 euro për metër katror, vlerë kjo me e ulët se kosto e mesatare në Tiranë dhe në Durrës.

Për shkak të tërmetit të fortë të 26 nëntorit në Durrës, qeveria ka pezulluar lejet e reja të ndërtimit në banesat rezidenciale në Durrës, Tiranë dhe Kurbin, teksa grupet eksperteve po përllogarisin koston e dëmeve në të shkaktuara në objekte.

Sipas të dhënave nga Komiteti i Rindërtimit deri në fund të javës së shkuar 316 pallate dhe 4075 banesa private ishin dëmtuara rëndë po kalojnë në proces ekspertimi të thelluar që nënkupton ndërtimin nga e para më së paku të 70% prej tyre.

Qeveria ka përllogaritur një kosto dëmesh të përafërt me 1 miliardë euro, 80 për qind e së cilës pritet të financohet nga konferenca e donatorëve që do të mbahet me 17 shkurt në Bruksel.

Fatura e dëmeve do të përfshijë kërkesa për mikrozonimin sizmik, përshtatjen e standardeve shqiptare me eurokodet, forcimin e institucioneve që të ngrihen për mbrojtjen civile dhe ekspertizë të vazhdueshme për fondin e vjetër të banesave etj.

Vanessa Bryant flet për herë të parë pas vdekjes së bashkëshortit dhe vajzës së saj, Gianna

Ish-ylli i NBA, Kobe Bryant dhe vajza e tij 13-vjeçare, Gianna, vdiqën tragjikisht të dielën në mëngjes në bjeshkët e Los Angeles, së bashku me shtatë persona të tjerë. Kobe ishte i martuar prej vitesh me Vanessan, me të cilën kishte katër vajza: Natalia, 17, Gianna, 13, Bianka, 3-vjeçe dhe vajzën e vogël Capri 17 muajshe.

Duke qenë se ishte një humbje e madhe për yllin e Lakers, reagimet ishin të shumta nga të gjitha personalitetet e njohura, derisa së fundmi vjen edhe reagimi i bashkëshortes së tij. “Vajzat e mia dhe unë deshëm të falënderojmë miliona njerëz që treguan mbështetje dhe dashuri gjatë kësaj kohe të tmerrshme.

Faleminderit për të gjithë lutjet e juaja. Ne me të vërtetë kishim nevojë. Ne me të vërtetë jemi të shkatërruar për humbjen e papritur të bashkëshortit tim, Kobe – babait të mrekullueshëm të vajzave të mia, dhe të vajzës time, Gianna, një vajzë e dashur e mrekullueshme, dhe shumë e mirë për motrat e saj Natalia, Bianka dhe Capri”.

“Ne jemi gjithashtu të shkatërruar edhe për familjet e tjera që humbën të dashurit e tyre të dielën dhe ne ndajmë mërzinë me ta gjithashtu. Nuk ka fjalë që mund të përshkruajnë dhimbjen tonë tani. Ne ndihemi mirë pasi Kobe dhe Gigi e di se sa shumë i duam. Ne ishim shumë të bekuar që ata ishin në jetën tonë. Do doja që të ishin me neve përgjithmonë. Ishin bekimet tona që u larguan prej neve shumë shpejt”.

“Nuk jam e sigurt se çfarë do ndodh me neve në vazhdim, dhe është e pamundur të imagjinojmë jetën pa ta. Por, ne zgjohemi çdo ditë duke u përpjekur të vazhdojmë të presim sepse Kobe, dhe vajza jonë e vogël, Gigi, po shkëlqejnë mbi ne për të na ndezur rrugën. Faleminderit që ndatë dhimbjen, mërzinë me neve.

Ne kërkojmë që të na jepni respektin dhe privatësinë që do të na duhet për të lundruar në këtë realitet të ri. Faleminderit shumë për lutjet e juaja dhe për dashurinë ndaj Kobe, Gigi, Natalia, Bianka, Capri dhe mua”, ka shkruar ndër të tjerash ajo.

Ndërkaq, legjenda e NBA dhe Vanesa u martuan në prill të vitit 2001 kur ai ishte 22-vjeç dhe ajo vetëm 18-vjeçe.

Facebook u shërben 140 milionë bizneseve dhe 2.9 miliardë përdoruesëve

Themeluesi dhe shefi ekzekutiv i Facebookut, Mark Zuckerberg ka njoftuar se tashmë ky rrjet social ofron shërbime për më shumë se 140 milionë biznese dhe se ka 2.9 miliardë përdorues.

Sipas Zuckerberg, Facebook gjatë viteve të ardhshme është duke punuar në ofrimin e shërbimeve të reja për tregti dhe pagesat online. “Komuniteti ynë tani ka 2.9 miliardë njerëz që përdorin shërbimet tona çdo muaj dhe më shumë se 140 milionë biznese të vogla.

Ky do të jetë një vit i rëndësishëm dhe i ngjeshur me mbajtjen e zgjedhjeve presidenciale [SHBA], për të cilin jemi përqendruar shumë. Gjatë viteve të ardhshme, ne jemi
përqendruar në ndërtimin e një platforme sociale private, mjete të reja për tregti dhe pagesa dhe platformën për realitetin virtual”, ka njoftuar Zuckerberg, përcjell Telegrafi.

Ai tregon se përdoruesit e këtij rrjeti social për komunikim më së shumti përdorin mesazhet private.

“Nëpër shërbimet tona, rritjen më të madhe në mënyrën se si njerëzit po komunikojnë vazhdon të vijë nga mesazhe private, grupet e vogla dhe historitë [story]. Aplikacionet në Facebook dhe Instagram janë zhvilluar me shumë mënyra për të bashkëvepruar me njerëzit që ju interesojnë, aplikacionet tona të komunikimit privat janë akoma shumë thjeshta”, shkruan ai.

Kujtojmë se në muajin qershor të 2019-së, Facebook ka prezantuar kriptovalutën e vet me emrin Libra, e që sipas Zuckerbergut misioni i kësaj valuta do të jetë krijimi i një infrastrukture më të thjeshtë financiare botërore.

Kina në rrezik, virusi përhapet në çdo rajon, rritet numri i viktimave

Numri i vdekjeve nga Coronavirus, në Kinë ka shkuar deri në 170, ndërsa një rast tjetër është konfirmuar në Tibet, që do të thotë ka arritur në gjitha rajonet e Kinës.

Vetëm më 29 janar, numri i të prekurve ishte 7,711 në të gjithë vendin, kanë bërë ditur Autoritetet e Shëndetit në Kinë, shkruajnë mediat e huaja, përcjell Telegrafi.
Infeksionet janë përhapur së paku edhe në 15 vende të tjera.

Organizata Botërore e Shëndetit, do të jetë prezente të enjten në Kinë për të parë nëse virusi po shkon drejt një emergjence globale.

“Ditëve të fundit përhapja e këtij virusi ka filluar të na brengosë shumë”, ka thënë të mërkurën drejtori gjeneral i Organizatës Botërore të Shëndetit, Tedros Adhanom Ghebreyesus.

Ai përmendi Gjermaninë, Vietnamin dhe Japoninë, si tri shtete që morën virusin nga vizitat në Kinë.

“Edhe pse numri i të prekurve jashtë Kinës është i vogël, gjasat që të zgjerohet janë të mëdha”, u shpreh tutje drejtori i OBSH-së.

Numri i të prekurve në Kinë nga ky virus kalon shifrën e të prekurve nga Sindromi akut i frymëmarrjes në vitin 2000, megjithëse numri i vdekjeve është më i vogël.

Çfarë e ndan Ramush Haradinajn me Edi Ramën?!

Nga Enver Bytyçi

Është bërë virale një video ku shfaqet debati i kryeministrit në detyrë të Kosovës, Ramush Haradinaj, në një studio televizive në Tiranë për çështjen e kufijve të Kosovës dhe rolin e Edi Ramës në këtë proces.

Nuk dua të ndalem te gazetarët mediokër, të cilët në atë studio e konsideronin dialogun e Prishtinës me Beogradin si bisedime për statusin e Kosovës.

Të tillë injorantë ndoshta u duhen të tilla studiove televizive, sepse kësisoj funksionon më mirë strategjia serbe në Tiranë.

Por dua të ndalem te një anë tjetër e problemit. Ramush Haradinaj në atë studio foli konkretisht se si Rama dhe të tjerë njerëz i kanë bërë presion dhe e kanë joshur kryeministrin e Kosovës, që ai t’i bashkohej projektit të ndarjes së Kosovës.

I kanë ofruar pushtet, pasuri, komoditet, gjithçka çka i duhet një njeriu me ambicie të sëmurë antikombëtare, me qëllim realizimin e projektit të Vuçiq për ndryshimin e kufijve në Kosovë e në Ballkan. Edhe shërbimet sekrete nuk ofrojnë më shumë për spiunët që rekrutojnë në vendet armike të tyre.
Kryeministri i Shqipërisë u përgjigj menjëherë, duke e përgenjështruar Ramushin, madje duke e quajtur atë ‘gënjeshtar e shpifës’. Ai u shpreh se ‘Ramush Haradinaj që kur la pushkën për çlirimin e Kosovës ka e zevendësoi atë me pushkën e shpifjes’!

Që në fillim duhet thënë se akuza e Ramës mund të besohet nga dikush që nuk ka haber se çfarë përfaqësojnë e si njihen Edi Rama dhe Ramush Haradinaj. Edi Rama mendon se edhe gjykata themelore e Prishtinës funksionon në një planet tjetër, për pasojë nuk ka haber se kush janë palët përkatëse, paditësi, Edi Rama dhe i padituri, Ramush Haradinaj! Në të vërtetë qytetarët e Kosovës, jo më gjyqtarët e saj, janë vetë dëshmitarë të asaj çfarë kanë ndodhur gjatë kohës kur Vuçiq, Thaçi dhe Rama ishin angazhuar për ndarjen e Kosovës. Edhe të vdekurit janë dëshmitarë të faktit se Ramush Haradinaj e ndali këtë projekt shkatërrues për shtetin e Kosovës.

Ndërkaq akuza e Ramës në gjykatë ishte ky një akt i paprecdent në marrëdhëniet midis shteteve e sidomos midis shteteve që kanë të njëjtat interesa strategjike si Shqipëria dhe Kosova. Por ajo që gjithkush e di dhe ka provuar gjatë viteve të fundit lidhet me faktin se armët e shpifjes, mashtrimit, gënjeshtrës së stërholluar, armët e intrigës, hipokrizisë, janë arti i mjeshtrisë për mbijetesë në politikë e në jetë të kryeministrit të Shqipërisë, Edi Rama. Kur ai artikuloi fjalinë, sipas së cilës ‘Ramush Haradinaj që kur la armët e zjarrit për çlirimin e Kosovës, rrëmbeu armët e gënjeshtrës dhe shpifjes’, jam i sigurt se e përdori këtë si shprehje të eksperiences së tij të përdorimit të shpifjes, trillimit dhe mashtrimit për vetëmbrojtje.

Trillimi më i madh i Edi Ramës lidhet me mohimin e asaj çfarë ai ka predikuar e për çka punuar prej gati shtatë viteve në pushtet në korrelacion me Serbinë dhe presidentin e saj, Aleksandër Vuçiq është përkushtuar.

Nuk është Haradinaj që mori në mbrojtje ndryshimin e kufijve dhe shkëmbimin e territoreve. Këtë akt të turpshëm e aplikoi me muaj e vite, Edi Rama. Nuk ishte Haradinaj që rekrutoi presidentin e Kosovës në projektin serb të ndarjes së Kosovës. Por ishte Edi Rama.

Bashkëpunëtorët e kryeministrit të Shqipërisë flisnin hapur gjatë diskutimit për ndryshimin e kufijve se me ndarjen e Kosovës, pjesa e mbetur do të bashkohej me Shqipërinë dhe kryeministër i ‘Shqipërisë së bashkuar’ do të jetë Edi Rama dhe president i saj Hashim Thaçi. Ata flisnin pikërisht për atë çfarë Haradinaj thotë se I është ofruar edhe atij në tepsinë e ‘Shqipërisë së bashkuar’ me Kosovën e ndarë.

Ndërsa bashkëpunëtori i Vuçiq dhe i Edi Ramës, ai që ka marrë nofkën Baton Stanishiq, luajti rol të rëndësishëm në shkëmbimin e mesazheve midis Ramës e Thaçit, mesazhe të cilat përmbanin joshje, kërcënime me gjykatën speciale dhe marifete të tilla, të cilat ia ofronte kreu i ekzekutivit shqiptar presidentit të Kosovës në emër të presidentit të Serbisë. E njëjta gjë ka ndodhur edhe me Ramush Haradinajn.

Gënjeshtra, mashtrimi, shpifja, mohimi i të vërtetave është atribut dhe ekskluziivitet i përhershëm i sjelljes politike dhe njerëzore të Edi Ramës. Ato nuk janë cilsësi politike e aq më pak njerëzore për Ramush Haradinajn.

Por Rama përdori si akuzë ndaj Haradinajt pikërisht atë pjesë të etikës, që nuk është e Ramushit, pra atë pjesë trillimi, që i përket Edit! Nëse e vemë re sjelljen dhe diskursin e zotit Rama, atëherë do vemë lehtësisht re se arti i shpifjes dhe mbrojtjes prej kundërshtarit permes shpifjes përdoret në mënyrë djallëzore e permanente nga ai që fatkeqësisht vijon të jetë kryeministër i vendit tim!
Edhe kur kapet me presh në duar, Edi Ramën e kemi dëgjuar të thërrasë pa u skuqur ‘Shpifje, shpifje, shpifje’! Kjo është e vetmja armë që atij i ka mbetur për vetëmbrojtje. Të njëjtën armë e përdori edhe kundër mbrojtësit të fuqishëm të territorit të Kosovës, të cilin e kërcënuan Aleksandër Vuçiq, Edi Rama dhe Hashim Thaçi, pra kundër Ramushit!

Basha: Biznesi personal i Ramës me të inkriminuar dhe oligarkë…

Kryetari i Partisë Demokratike Lulzim Basha i është përgjigjur sot kryeministrit Edi Rama, pas deklaratave të këtij sa i takon sektorit të ekonomisë në Forumin Ekonomik të Tiranës. Përmes një postimi në ‘Tëitter’ Basha thekson se i vetmi që është fuqizuar, është biznesi i tij persona me të inkriminuarit dhe oligarkët.

Teksa qëndron në linjën e akuzave lideri demokrat shton se çdo biznes tjetër është nëpërkëmbur.
“Edi Rama ka fuqizuar vetëm një biznes në Shqipëri. Biznesin e tij personal me të inkriminuar dhe oligarkë. Çdo biznes tjetër në Shqipëri është nëpërkëmbur dhe goditur nga qeverisja e Edi Ramës në shërbim ndaj oligarkëve të tij.”, shkruan Basha.

Basha: Edi Rama ka fuqizuar vetëm një biznes në Shqipëri. Biznesin e tij personal me të inkriminuar dhe oligarkë

Kryetari i PD, Lulzim Basha ka reaguar pas publikimit të raportit të Doing Business 2020 ku Shqipëria humb 85 vende për mbrojtjen e investimeve.

Basha shkruan në reagimin e tij se, Edi Rama ka fuqizuar vetëm një biznes në Shqipëri. Biznesin e tij personal me të inkriminuar dhe oligarkë.

Postimi i plotë në Twitter
Edi Rama ka fuqizuar vetëm një biznes në Shqipëri. Biznesin e tij personal me të inkriminuar dhe oligarkë. Çdo biznes tjetër në Shqipëri është nëpërkëmbur dhe goditur nga qeverisja e Edi Ramës në shërbim ndaj oligarkëve të tij.

Inceneratori i Sharrës/ Rama shtoi “me laps” 700 mijë USD plus për Klodian Zoton

Me “një të rënë të lapsit”, Qeveria e drejtuar nga Edi Rama ka rritur me 70 milionë lekë të reja, pa asnjë argument zyrtar e publik, vlerën e shpronësimit të tokës private për efekt të ndërtimit të inceneratorit të Sharrës nga koncensionari ‘Integrated Energy Bv”, e Klodian Zotos.

Në ditët e fundit të vitit 2018, kabineti qeveritar, nën drejtimin e kryeministrit Rama, miratoi Vendimin e Këshillit të Ministrave nr. 811, në bazë të të cilit i akordohej Bashkisë së Tiranës fondi prej 284 995 840 lekësh, i cili do të përdorej për shpronësimin e 478.800 m2 në zonën e Vaqarrit (Sharrë) në kryeqytet.

Pas shpronësimit, kjo tokë do i kalonte kompanisë “Integrated Energy BV”, e cila ishte shpallur fituese e koncensionit për ndërtimin e inceneratorit të përpunimit të mbetjeve urbane në Tiranë.

Vlera e shpronësimit, e miratuar nga Edi Rama, është shumë më e lartë se sa ajo që është parashikuar në Studimin e Fizibilitetit, i cili ishte hartuar vetëm dy vjet më parë, në vitin 2016.

Sipas Studimit të Fizibilitetit, vlera e tokës që do të shpronësohej në favor të “Integrated Energy” ishte 214.502.400 lekë, pra rreth 70 milionë lekë të reja më pak se sa ajo që akordoi qeveria e Ramës.

Pak ditë më parë, drejtuesi i Departamentit të Mjedisit në Partinë Demokratike, Jamarbër Malltezi, ngriti pikëpyetje mbi vendimin e qeverisë dhe raportin e saj me Klodian Zoton, drejtuesin e koncensionarit të Tiranës, por edhe të Fierit.

Malltezi shtroi pyetjet se “përse duhen shpronësuar 478.800 m2 në favor të një kompanie private”?, si edhe “përse ka dallime nga kinse studimi Rama-Zoto me VKM e miratuar nga Rama-Ahmetaj?”.

Dyshimet mbi projektin dhe shpronësim
“Boldnews.al” konsultoi Studimin e Fizibilitetit të hartuar në Dhjetor 2016, të publikuar në portalin “Open corporates Albania”, ku parashtroheshin nevojat për ndërtimin e një inceneratori për mbetjet urbane në Tiranë, si edhe hapësira e nevojshme për ngritjen e tij.

Dokumenti tregon se inceneratori i Tiranës ishte një propozim i pakërkuar nga kompania “Integrated Energy BV”, e regjistruar në Hollandë, me administrator biznesmenin Klodian Zoto, për të cilin janë hedhur akuza publike se është “mëkëmbës” i ministrit Arben Ahmetaj.

Studimi parashikon që ndërtimi i impiantit do të realizohej sipas skemës së Partneritetit Publik-Privat (PPP), ndërkohë që “Integrated Energy” kishte fituar një bonus prej 8 pikësh nga Qeveria Shqiptare për hartimin e propozimit të pakërkuar.

Forma e ndërtimit të inceneratorit ishte BOT (Built-Operate-Transfer, pra Ndërtim-Operim-Transferim). Studimi parashikonte që objekti do të kushtonte 122 milionë euro, të cilat do të investoheshin nga kompania private dhe do të paguheshin në mënyrë periodike nga Qeveria Shqiptare dhe skema PPP do të vijonte për një afat 30-vjeçar.

Sipas dokumentit, për të cilin gjithësesi ka pikëpyetje publike mbi saktësinë dhe vërtetësinë e tij, parashikonte që ndërtimi i impiantit të mbledhjes dhe përpunimit të përpunimit të mbetjeve urbane në Tiranë kërkonte një hapësirë prej rreth 1.200.000 m2.
Sipërfaqja e vend-grumbullimit të vjetër të mbetje në Tiranë, në pronësi të Bashkisë së kryqytetit, ishte 721.000 m2. Sipas llogarive të realizuara në Studimin e Fizibilitetit, për ndërtimin e plotë të impiantit nevojitej edhe një sipërfaqe prej 478.800 m2, të cilat ishin në pronësi private.

Diferenca në çmim
Në Studimin e Fizibilitetit të vitit 2016, parashikohej që vlera e shpronësimit të tokës private ishte 214.502.400 lekë.

Kjo vlerë ishte përllogaritur në bazë të Vendimit të Këshillit të Ministrave nr.89, dt. 03.02.2016 “Për miratimin e hartës së vlerës së tokës në Republikën e Shqipërisë”.

Në bazë të këtij vendimi, vlera e tokës që do të shpronësohej për llogari të “Integrated Energy BV” ishte: 478.000 m2 x 448 lekë/m2 (tokë arë) = 214.502.400 lekë.

Si një projekt qeveritar, kostot për shpronësimin e tokës për llogari të koncensionarit, i takonin kabinetit qeveritar.

Në 26 Dhjetor të vitit 2018, Qeveria Shqiptare miraton Vendimin për shpronësimin e kësaj sipërfaqe toke, të kërkuar nga koncensionari i Klodian Zotos.

Por, në këtë vendim, vlera e shpronësimit është përllogaritur në 284 995 840 lekë, rreth 70 milionë lekë (ose 700 mijë dollarë) më tepër se sa shifra e parashikuar në Studimin e Fizibilitetit.
Në Vendimin e Këshillit të Ministrave nuk jepet asnjë argument për rritjen e konsiderueshme të çmimit të shpronësimit, ndërkohë që relacioni që shoqëron VKM-në nuk është bërë publik.

/BoldNews.al

1...3 9143 9153 916...8 376Faqja 3 915 nga 8 376

Kryesore

Continue to the category
Më shumë
© 2024 Rilindja Demokratike Euroatlantike