Ish-Kryeministri Berisha ka publikuar në faqen e tij në Facebook një mesazh të një qytetari i cili denoncon administratën e bashkisë Rrogozhinë për dublim të kryepleqeve të fshatit.

Sipas denoncuesit kjo është një menyrë e tyre për të siguruar sa më shumë vota me urdhër nga lartë fare.

Postimi i plotë

Degjoni si pregatit vjedhjen e zgjedhjeve Edvin Kristaq Mafia!
Urdheron dublimin e kryepleqve!

Lexoni denoncimin e qytetarit dixhital. sb

Pershendetje Doktor!
Bëmat e uzurpuesve të bashkisë Rrogozhinë nuk kanë të sosur. Nuk u mjaftoi fryrja e administratës e as të punësuarit nga rrethe të tjera por tani po aplikojnë mënyrën e vjedhjes së taksave të qytetarëve të padëgjuar ndonjehëre më parë.

Menyra e tyre për të siguruar sa më shumë vota me urdhër nga lartë fare është dublimi i kryepleqve të fshatit. Sot fshatra të bashkisë Rrogozhinë kanë nga dy kryepleq. Presim shpikjet e rradhës sepse frika qe po i vjen fundi ka bere qe të shpalosin gjithë talentin e tyre në shpikje vendesh pune.

Gazetari Ylli Rakipi ka qenë sot në Gjykatën e Tiranës, kum po përballet me dy padi të ngritura nga kryeministri Rama, për fyerje dhe shpifje në dëm të tij.

Gjatë fjalës së tij përpara gazetarëve, Rakipi u shpreh se është rast unikal në vendin tonë, që kryeministri shprehet në mënyrë të përsëritur se do ti fitojë të gjirtha gjyqet.

Rakipi tha se kjo nuk është gjë tjetër, veçse konfirmimi se kreu i qeverisë ka në dorë dhe sistemin gjyqësor dhe iu ushtron presion gjyqtarëve me Vetingun, një pjesë e të cilëve nuk e kanë kaluar ende.

“Jam në gjyq me kryeministrin e Republikës së Shqipërisë, ka një të re të rëndësishme në këto procese gjyqësore, është një nga ngjarjet më unikale, pasi Edi Rama tha se do të fitojë të 60 gjyqe që ka ngritur.

Dmth foli si të ishte gjyqtar me siguri që do t’i fitonte të gjitha. Gjykatat shqiptare nuk janë të vetmet, shumë shqiptarë kanë kërkuar të drejtën e tyre në Gjykatat ndërkombëtare, unë i kërkoj atij që të vij këtu në gjyq dhe të përballet, dhe jo të sjellë avokatët që kanë vendosur në shumë raste dhe se kush do të jetë trupa gjykuese.

Njerëzit e mi do t’iu shpërndajnë një video ku kryeministri shprehet i bindur se do ti fitojë të gjitha gjyqet. Unë kam dy procese me kryeministrin, akuzohem se kam fyer kryeministrin Rama, ndërsa ai vetë i fyen gazetarët nga mëngjesi në darkë”, u shpreh Rakipi.

Nga ana tjetër, avokati i Rakipit, Dorian Matlija, tha se deklaratat e kryeministrit e vendosin gjykatën nën presion dhe se çështja do të shkojë deri në Gjykatën e Strazburgut, nëse do të jetë e nevojshme.

“Procesi gjyqësor është në fazën përgatitore. Janë dy padi, të cilat janë bërë nga kryeministri, dy prej shumë padive që ka hapur kryeministri për shumë personalitete. Deklarata që ka bërë kryeministri nga Kuvendi, është e pavend, e ka theksuar edhe Gjykata Eruopiane e të Drejtave të Njeriut në çështje të mëparshme. Këto deklarata e vendosin gjykatën nën presion.

Kjo mazhorancë e ka bërë vazhdimisht, presion ndaj gjyqësorit. Këtë rradhë kemi të bëjmë me nje axhendë personale të kryeministrit Edi Rama. Jemi në kushtet e një presion, nuk kemi të bëjmë me situatë normale, gjyqtarët janë nën presionin e vettingut. Synimi ynë është ta zgjidhim cështjen deri në Gjykatën e Strasburgut. Sido të sillet kryeministri, ne do të bëjmë veprimet e duhura. Ky njeri ka dalë hapur të sfidojë gjyqësorin“, u shpreh Matlija.

Këshilltari i Ministrisë së Turizmit Ermal Telhai, ka komentuar filmin e fundit të Ermal Mamaqit, që sipas tij ishte shumë më poshtë pritshmërive, ndërsa salla në Pallatin e Kongreseve ishte më shumë se treçereku bosh.

Sipas Telhait, si pasojë e pjesëmarrjes së ulët në premierë, u zhgënjye dhe vetë Mamaqi, ndërsa shton se ndjeu keqardhje për kastin e filmit, që duhet thënë në mesin e tyre kishte dhe emra të njohur të kinematografisë shqiptare.

Duke u ndalur te fabula e filmit, Telhai shprehet se asnjë prej personazheve nuk ishte vendosur në vendin e duhur dhe asnjëra prej familjeve, as ajo tropojane dhe as ajo nga Fieri nuk janë përfaqësuar si duhet në skenar.

Postimi i plotë i Telhait
Kam parë filmin e parë të Ermal Mamaqit dhe e quaj komedi shumë të sukseshme ku kam qeshur pa fund. Me të njëjtën pritshmëri shkova edhe dje në premierën e dytë në orën 21:00, ku prisja të qeshja 10 herë më shumë, por qesha 10 herë më pak se në filmin “Dy gisht mjaltë”.

Prisja rradhë të gjatë për të hyrë se premierë, por nuk pati. Në sallë nuk ishin më shumë se çereku i karrigeve të mbushura. Mu dhimbs kasti sepse një energji, marketing dhe përkushtim aq i madh, nuk meritojnë të kenë aq pak prezencë. Mbase kjo ishte një analizë e bërë jo mirë nga organizatorët dhe në fjalën përshëndetëse të Ermalit, u duk zhgënjimi.

Salla bosh të trishton!

Unë as jam, as pretendoj të jem ndonjë herë kritik filmi, por si njohës modest i mardhënieve me publikun, më takon të reagoj për atë që prisja të shihja përkundrejt asaj që pashë në film në këtë prizëm.

Filmi filloi, komercializmi pritej dhe gjatë 2-orëshit pashë reklamë për një bankë, një klinike plastike, një karburant, një dyqan laptopësh, një agjensi turistike, një mobileri, një sallameri, një markë patatinash, një birrë, një kafene, një markë uji, një dyqan që jepte makina me qera, ndoshta edhe ndonjë gjë që se kujtoj. Në asnjë film deri më sot nuk kam parë kaq reklama të integruara, prandaj e quaj marketing të tepërt (ndoshta jo të keq).

Ne thelb të skenarit është Landi që e emërojnë drejtor banke në Tropojë, zonë që në film u trajtua më keq se zonat e luftës në Siri për nga rrezikshmëria.

Ngjarjet zhvillohen rreth dy familjeve, një tropojane dhe një fierake, që në gjykimin tim, asnjëra e përfaqësuar denjësisht.

Po i marr me rradhë se çfarë prisja të shihja e çfarë pashë:

Prisja një kryefamiljar tropojan të sertë, fanatik por të rregullt, siç unë njoh shumë të tillë, por pashë një njeri prehistorik të parruar, të pakulturuar, që nuk di të hajë, që ofendon gruan e tij duke thënë “kam 40 vjet që fle me një burrë” (citim nga filmi ky), që kërcënon me dy bodigardë me maska dhe armë për martesë të detyruar mikun të cilit i hapi shtëpinë, e në fund ndërron edhe orientimin seksual.

A është ky babai tropojan?!

Prisja një grua kryefamiljare fanatike, të çuditur nga koha që ka ardhur, jo mendjehapur, por zonjë të denjë, që pavarësisht skamjes dhe mentalitetit të kohës, ja ka dalë të rrisë dhe edukojë shumë fëmijë. Në fakt pashë një imazh të shpërfytyruar me vetulla të bashkuara, injorante, që nuk dinte as të fliste as të hante, as të përshtatej, as të sillej.

A është kjo nëna tropojane?!

Prisja një vajzë të ndrydhur, të frikur nga mentaliteti paragjykues, nga autoriteti i meshkujve të familjes. Në fakt ky ishte roli që mu duk më origjinal, që luhej nga një tropojane dhe i shkonte, më pëlqeu edhe komizmi, por konkteksti i vendosur s’mu duk i duhuri.

Prisja djemtë e familjes që të ishin emigrantë në Londër siç i nxjerr dhe filmi, por emigrantë të rregullt, që punojnë me djersë dhe ndihmojnë familjen, por pashë dy djem që i pari merrej me drogë, ndërsa i dyti (rolin e të cilit e luan miku im Julian Deda) ishte martuar me një të moshuar për letra ose për trashëgim pasurie dhe që kërcënojnë kunatin me pistoletë në kokë.

Raste të tilla mbase ka, por a janë këta djemtë tropojanë që duhen promovuar?!

Prisja të shihja si fund të lumtur një dasmë tradicionale, që përcillte mesazhe kundër paragjykimeve dhe stigmatizimeve por me qasje komike, si dhe elementë të kulturave të ndryshme familjare por që jetojnë nën një umbrellë që quhet shqiptari. Në fakt pashë një dasmë me roje me maska dhe kallash në hyrje, ku plasi sherri me grushta, armë, pjata e çfarë kishin nëpër duar, e sikur të mos mjaftonte kjo, mbyllet me “Dajën” e dhëndrit i cili i quan tropojanët bij kurvash që duan t’ja martojnë nipin me zor dhe për këtë veprim, kryefamiljari tropojan i thotë “bravo bre burrë”.

A është kjo tradita e familjeve tona?! A është kjo ajo që duhet të përcjellim tek shikuesit nëpërmjet komedive?!

Nëse dikush nga ju që e keni parë filmin, keni arritur të kuptoni mesazhin, jeni të lutur të ma thoni.

Unë u përpoqa shumë, por nuk e kuptova dot!