Me “një të rënë të lapsit”, Qeveria e drejtuar nga Edi Rama ka rritur me 70 milionë lekë të reja, pa asnjë argument zyrtar e publik, vlerën e shpronësimit të tokës private për efekt të ndërtimit të inceneratorit të Sharrës nga koncensionari ‘Integrated Energy Bv”, e Klodian Zotos.

Në ditët e fundit të vitit 2018, kabineti qeveritar, nën drejtimin e kryeministrit Rama, miratoi Vendimin e Këshillit të Ministrave nr. 811, në bazë të të cilit i akordohej Bashkisë së Tiranës fondi prej 284 995 840 lekësh, i cili do të përdorej për shpronësimin e 478.800 m2 në zonën e Vaqarrit (Sharrë) në kryeqytet.

Pas shpronësimit, kjo tokë do i kalonte kompanisë “Integrated Energy BV”, e cila ishte shpallur fituese e koncensionit për ndërtimin e inceneratorit të përpunimit të mbetjeve urbane në Tiranë.

Vlera e shpronësimit, e miratuar nga Edi Rama, është shumë më e lartë se sa ajo që është parashikuar në Studimin e Fizibilitetit, i cili ishte hartuar vetëm dy vjet më parë, në vitin 2016.

Sipas Studimit të Fizibilitetit, vlera e tokës që do të shpronësohej në favor të “Integrated Energy” ishte 214.502.400 lekë, pra rreth 70 milionë lekë të reja më pak se sa ajo që akordoi qeveria e Ramës.

Pak ditë më parë, drejtuesi i Departamentit të Mjedisit në Partinë Demokratike, Jamarbër Malltezi, ngriti pikëpyetje mbi vendimin e qeverisë dhe raportin e saj me Klodian Zoton, drejtuesin e koncensionarit të Tiranës, por edhe të Fierit.

Malltezi shtroi pyetjet se “përse duhen shpronësuar 478.800 m2 në favor të një kompanie private”?, si edhe “përse ka dallime nga kinse studimi Rama-Zoto me VKM e miratuar nga Rama-Ahmetaj?”.

Dyshimet mbi projektin dhe shpronësim
“Boldnews.al” konsultoi Studimin e Fizibilitetit të hartuar në Dhjetor 2016, të publikuar në portalin “Open corporates Albania”, ku parashtroheshin nevojat për ndërtimin e një inceneratori për mbetjet urbane në Tiranë, si edhe hapësira e nevojshme për ngritjen e tij.

Dokumenti tregon se inceneratori i Tiranës ishte një propozim i pakërkuar nga kompania “Integrated Energy BV”, e regjistruar në Hollandë, me administrator biznesmenin Klodian Zoto, për të cilin janë hedhur akuza publike se është “mëkëmbës” i ministrit Arben Ahmetaj.

Studimi parashikon që ndërtimi i impiantit do të realizohej sipas skemës së Partneritetit Publik-Privat (PPP), ndërkohë që “Integrated Energy” kishte fituar një bonus prej 8 pikësh nga Qeveria Shqiptare për hartimin e propozimit të pakërkuar.

Forma e ndërtimit të inceneratorit ishte BOT (Built-Operate-Transfer, pra Ndërtim-Operim-Transferim). Studimi parashikonte që objekti do të kushtonte 122 milionë euro, të cilat do të investoheshin nga kompania private dhe do të paguheshin në mënyrë periodike nga Qeveria Shqiptare dhe skema PPP do të vijonte për një afat 30-vjeçar.

Sipas dokumentit, për të cilin gjithësesi ka pikëpyetje publike mbi saktësinë dhe vërtetësinë e tij, parashikonte që ndërtimi i impiantit të mbledhjes dhe përpunimit të përpunimit të mbetjeve urbane në Tiranë kërkonte një hapësirë prej rreth 1.200.000 m2.
Sipërfaqja e vend-grumbullimit të vjetër të mbetje në Tiranë, në pronësi të Bashkisë së kryqytetit, ishte 721.000 m2. Sipas llogarive të realizuara në Studimin e Fizibilitetit, për ndërtimin e plotë të impiantit nevojitej edhe një sipërfaqe prej 478.800 m2, të cilat ishin në pronësi private.

Diferenca në çmim
Në Studimin e Fizibilitetit të vitit 2016, parashikohej që vlera e shpronësimit të tokës private ishte 214.502.400 lekë.

Kjo vlerë ishte përllogaritur në bazë të Vendimit të Këshillit të Ministrave nr.89, dt. 03.02.2016 “Për miratimin e hartës së vlerës së tokës në Republikën e Shqipërisë”.

Në bazë të këtij vendimi, vlera e tokës që do të shpronësohej për llogari të “Integrated Energy BV” ishte: 478.000 m2 x 448 lekë/m2 (tokë arë) = 214.502.400 lekë.

Si një projekt qeveritar, kostot për shpronësimin e tokës për llogari të koncensionarit, i takonin kabinetit qeveritar.

Në 26 Dhjetor të vitit 2018, Qeveria Shqiptare miraton Vendimin për shpronësimin e kësaj sipërfaqe toke, të kërkuar nga koncensionari i Klodian Zotos.

Por, në këtë vendim, vlera e shpronësimit është përllogaritur në 284 995 840 lekë, rreth 70 milionë lekë (ose 700 mijë dollarë) më tepër se sa shifra e parashikuar në Studimin e Fizibilitetit.
Në Vendimin e Këshillit të Ministrave nuk jepet asnjë argument për rritjen e konsiderueshme të çmimit të shpronësimit, ndërkohë që relacioni që shoqëron VKM-në nuk është bërë publik.

/BoldNews.al

Arjan Llanaj

Mallakastra e harruar, shpërfillur dhe e diskriminuar nga Rilindja në shtatë vite qeverisje….
Aksi rrugorë nacional Patos-Ballsh-Fratar, në gjendje të mjeruar, alarmante dhe të frikshme për udhëtarët dhe automjetet që lëvizin çdo ditë.

Mallakastriotët e kanë harruar hedhjen e asfaltit në rrugët e tyre që nga koha e Sali Berishës kur asfaltoheshin rrugët e fshatrave Ballsh-Aranitas, Qaf e Kashit-Hekal-Bylis, rruga nacionale-Lapulec-Lofkënd, Varrezat e Dukasit-Drenovë dhe shumë investime të tjera në shkolla, arsim dhe shëndetësi dhe bujqësi.

Mallakastriotët e ka harruar kujdesin dhe dinjitetin që u takon në këto vite. Gënjehen se do tu jepen pagat dhe sigurimet shoqërore naftëtarëve dhe punonjësve të stacionit të pompave në Poçem, do vihet në zbatim statusi i naftëtarit, do të ndërtohen rrugë, do bëhet qendra e qytetit, do rriten pensionet, rrogat, do të ketë ndihmë për bujqësinë etj etj etj.

Ka ardhur koha që qeveria e fasadës të largohet sa më parē pasi populli ka nevojë për ti shërbyer dhe jo për ti sjell varfëri, pasiguri, krim, drogë, korrupsion dhe largim të njerëzve nga vendi për shkak të pasigurisë dhe humbjes së besimit…

Presidenti Ilir Meta deklaron se zgjidhja e krizes politike ne vend eshte domosdoshmeri per te frenuar shpopullimin e Shqiperise.

Permes nje mesazhi ne “Facebook” Meta thekson se te gjitha forcat politike duhet te angazhohen per te motivuar shqiptaret, sidomos te rinjte.

MESAZHI I METES
Të dashur qytetarë,
Zgjidhja e krizës së thellë politike dhe institucionale është domosdoshmëri për të frenuar ritmet dramatike të shpopullimit të vendit.

Ndërsa të gjithë forcat politike duhet të angazhohen me politika konkrete për t’i motivuar shqiptarët e sidomos të rinjtë për të patur mundësi më të mira të punësimit dhe karrierës këtu.

Një vend pa rini, si një shtëpi pa fëmijë!
SHQIPËRIA🇦🇱 meriton një të ardhme të sigurt!
Të bashkohemi kundër shpopullimit!

Koha po rrjedh më shpejtësi dhe nuk kthehet mbrapa.
KOHA NUK PRET!
Ju ftoj të lexoni këtë shkrim të Monitor.

Aktori i njohur Neritan Liçaj ka reaguar me një status në faqen e tij në Facebok ndaj “aktorit” Edi Rama.

“As show s’di të bëj kjo gjë-ja e lodhur”, shkruan Liçaj në postimin e tij.

Reagimi i aktorit duket se ka ardhur pas perpjekjve te Ramës për tu bërë edhe aktor. Postimin e ka shoqëruar edhe me një foto.

Postimi i plotë
As show s’di të bëj kjo gje-ja e lodhur.

Kujton se di të bëj show, por është tepër i trashë dhe pa shije të kuptojë që s’ka show më të shpifur dhe mjeran se i ai që bën.

Është gatuar keq. Po t’a çposh nuk i del gjak këtij tipi, por qelb!

Tregtarët e Tregut Elektrik kanë dalë në protestë prej orëve të para të mëngjesit të sotëm kundër projektit të bashkisë për shembjen e tregut në zonën e “Ali Demit”.

Ata janë urdhëruar nga bashkia se deri në orën 9 duhet të lirojnë tregun pasi në 10:00 do të fillojë punën për shembjen fadroma. Por bashkia nuk i ka njoftuar se ku do të zhvendosen bizneset e tyre pas shembjes.

“Ky është një turp që bën bashkia. Janë 232 veta që punojnë këtu. Ne i dhamë votën për më mirë jo të na lërë në mes të rrugëve. Po bëjnë masakër me tregtarët” tha një përfaqësues i tregtarëve i cili mohoi dhe ekzistencën e një peticioni të firmosur prej tyre për prishjen e tregut. Na kanë thënë shkoni ku të doni, do ta prishim. Paguajmë taksat një më një”, shprehet një prej tregëtarëve.
Ata kërkojnë që bashkia tu gjejë një vend ku do të ushtrojnë biznesin e tyre.

“Kontenierët i ka vendosur bashkia jo ne. 30 vjet që paguajmë taksa. Jemi tregtarë të licencuar jo ambulantë. Nuk kemi pasur asnjë negocim. Tani na thotë të shkojmë në Shkozë. Ta sistemojë vendin bashkia dhe të mos na lërë rrugëve”, shprehet një tjetër.

Më pas tregtarët e zhvendosën protestën para bashkisë së Tiranës.