Ish-deputetja demokrate, Dhurata Çupi, në një shënim në facebook, ka reagur ndaj kryeministrit Rama që e ka cilësuar shpifje raportimin e Rai 3 se në Shqipëri është rritur me 1200 për qind prodhimi i kanabis sativa.

‘Asgjë nuk pranon. Asgjë.

Sot nuk pranon që Shqiperia është shumëfishuar nga niveli i lëndëve narkotike. Për Edi Ramën, Rai 3 nuk thotë të vërtetën.

Nuk pranon të faktuara me zë e figurë që zgjedhjet, që nga viti 2013 janë vjedhur e deformuar në mënyrë të vazhdueshme

Nuk e pranon që jemi vendi i parë në Europë përsa i përket korrupsionit në rritje.

Nuk pranon që vendi ynë u rendit e fundit ne Europë për cilësinë në arsim.

Nuk pranon që Bashkitë drejtohen nga individë me të shkuar me probleme të theksuara me ligjin.
Opozita po i denoncon e po i publikon cdo ditë.

Nuk pranon që Shqipëria është drejt një autokracie apo se demokracia është hibride.

Pas gjitha këtyre shkon derë me derë nëpër Europë duke u perpjekur të thotë të pavërtetat për Shqipërinë .

Përvec të “vërtetave” të ERTV, Edi Rama nuk e pranon realitetin dhe situatën ku e la zhytur vendin.
Duhet të jesh i verbër të mos e shohësh këtë situatë, ku të gjitha raportet ndërkombëtare faktojnë këtë situatë për Shqipërinë.

Faktohet me dokumente por edhe me veprime konkrete duke mos hapur asnjë dritë jeshile për procesin integrues, por vecse po shtojnë vazhdimisht kushtet dhe dyshimet ndaj vendit tonë.

Shqipëria nuk duhet të varet nga oreksi i të vërtetës sipas Edi Ramës.

Shqiptarët kërkojn? mirëqenie, të punojnë e të jetojnë këtu.

PD është gati për këtë sfidë në shërbim të shqiptarëve’, shkruan ish-deputetja.

Ish-ministri socialist i Financave, Arben Malaj, në një intervistë për gazetën Panorama, bën një parashikim të zymtë për forcën politike që ka përfaqësuar për vite me radhë.

Sipas tij, PS është “mjelë” nga rilindasit dhe rrezikon të ketë fat më të keq se ai i PASOK-ut në Greqi.

“Fatkeqësisht, PS-ja pasi është “mjelë” deri në palcë nga “rilindësit/majtistë”, rrezikohet shumë të ketë të njëjtin fat jo vetëm si PASOK-u, partia më e madhe e së majtës greke, qeverisëse për një periudhë të gjatë në historinë politike të Greqisë, por që u gërrye nga disa liderë të korruptuar.

Korrupsioni e dëmtoi rëndë kredibilitetin e saj, sa jo vetëm ikën nga pushteti, por PASOK-u nuk arrin dot të ringrihet. Ka rënë aq poshtë në mbështetjen publike, aq sa rezultatet e saj elektorale edhe pse rreth 10 vite pasi ka ikur nga pushteti, luhaten nga 3-6% në zgjedhjet parlamentare.

Për të mos e dëmtuar të majtën progresiste si një domosdoshmëri historike dhe që shpreh raporte të forta me preferencat politike të votuesve shqiptarë, bazuar më shumë në besnikërinë fanatike të anëtarësisë se saj (kjo e kuptueshme dhe e respektueshme kur mban parasysh kulturën tonë të përgjithshme dhe atë politike në veçanti), se sa në qartësinë e dallimeve ideologjike apo programeve qeverisëse, si një detyrim mirënjohës ndaj socialistëve të thjeshtë që paralizohen nga të pangopurit për pushtet absolut, publikisht edhe kohë më parë, kam propozuar se lindja e një “SIRIZA” shqiptare mund të ndihmonte që përballë dështimit politik të PS-së, anëtarët, mbështetësit dhe personalitet të papërlyera nga korrupsioni, të PS-së, t’i bashkohen një partie të re të së majtës progresiste, me parime dhe funksionim sa më demokratik. Jo vetëm që e kam prezantuar idenë në publik, por e kam diskutuar në mënyrë informale edhe me disa figura të respektueshme të PS-së. Reagimi i tyre ndaj propozimit ka qenë pozitiv, por vullneti dhe hapat konkretë kanë munguar”, është shprehur Malaj

Sa i përket zgjidhjes së ngërçit politik në vend, ish ministri socialist ka këtë opinion:

“Një ngërç politik zgjidhet me ndërgjegjësim dhe angazhim publik të opinionit publik, që imponon një zgjidhje të re politike. Këtu vlen shumë për ne shqiptarët këshilla e ish-Presidentit amerikan, Jefferson, se “të vetmen gjë që duan tiranët, është heshtja e njerëzve me vetëdije të lartë”. Prandaj, ne shqiptarët duhet t’i pengojmë neodiktatorët të shndërrohen në tiranë që shtypin popujt e tyre. Ka disa hapa konkretë për të dalë nga ky ngërç, duke filluar me Reformën Zgjedhore. Anashkalimi i sistemit elektoral, spostimi i tij një kohë të dytë, mund të mirëkuptohet nga dëshira për të rivendosur ekuilibra të rinj politikë.

Kjo do të sjellë efekte vetëm afatshkurtra, pasi kriminalizimi i politikës shqiptare, fuqizimi i kryetarëve të partive politike me atributet e mbretërve me pushtet absolut dhe jo liderë vizionarë dhe inspirues, deficiti i madh demokratik, sa populli nuk voton në mënyrë të drejtpërdrejtë për asnjë përfaqësues të tij, kërkon reformim të sistemit politik dhe atij elektoral. Çdo anashkalim i këtij reformimi ofron ndoshta edhe zgjedhje të parakohshme, por jo hapa efektivë për një demokraci funksionale dhe me pjesëmarrje. Pra, pa reformim të sistemit politik dhe elektoral, çdo përpjekje është një kurim sipërfaqësor, çka e favorizon sëmundjen të avancojë, duke e bërë më të pasigurt shëndetin e demokracisë”.

Nënkryetari i LSI, Petrit Vasili shprehet se, testi për SPAK është hetimi i krimit elektoral si nëna e kriminalizimit dhe kapjes së shtetit.

Përmes një reagimi në Facebook, Vasili shprehet se, fakti që dosja 184, dosja e krimit zgjedhor në Dibër, nuk u mor përsipër nga SPAK, tregon se organi i shumëpritur nga shqiptarët u fik pa lindur mirë.

Postimi i plotë i Petrit Vasilit

Ne 29 dhjetor 2019 ne nje shenim ne FB pata shkruar se testi per SPAK eshte hetimi i krimit elektoral si nena e kriminalizimit dhe kapjes se shtetit.

Sot SPAK nuk mori persiper dosjen 184 te krimit zgjedhor ne Diber, ku del qarte Kryeministri, Ministra, Deputete dhe Drejtore gjithfaresh, qe vjedhin vota te bere njesh me kriminelet.

Ndaj entuziazmi per SPAK u fik pa lindur mire.

SPAK u rrezua ne te paren prove perballje me qeverine.

Konsensusi politik per SPAK u shkaterrua nga kapja kriminale e drejtesise nga rilindja.

P.s.Lexoni te nderuar miq edhe statusin e 29 dhjetorit.