Partia Demokratike publikoi sot një dokument, ku thuhet se Qerim Ismailaj, kryebashkiaku i Ramës për Mallakastrën është i dënuar me 3 vite burg.

Sekretari i Përgjithshëm i PD, Gazmend Bardhi tha se, ‘dokumenti i prokurorisë greke, kryebashkiaku i Mallakastrës, Qerim Ismailaj është dënuar në Greqi me 3 vjet burg. Ai e fshehu ndalimin dhe dënimin në formularin e dekriminalizimit’.

Deklaratë e Sekretarit të Përgjithshëm të PD, Gazment Bardhi

Rastet e Valdrin Pjetrit, kandidatit trafikant të Edi Ramës në Shkodër; Agim Kajmakut, kandidatit fallsifikator të Edi Ramës në Vorë; Mark Babanit, kandidatit hajdut të Edi Ramës në Vaun e Dejës; nuk janë raste të izoluara.

Një pjesë e mirë e përfaqësuesve të Edi Ramës në bashki të ndryshme të vendit kanë probleme me drejtësinë, për shkak të së shkuarës kriminale ose për lidhjet e tyre aktuale me krimin.

Ajo çfarë i lidh bashkë të gjithë këta kandidatë për kryebashkiakë që e morën pushtetin me dhunë, është Edi Rama, prioritet i të cilit është të mbrojë dhe promovojë këdo që i shërben pushtetit të tij kriminal.

Njësoj si për Valdrin Pjetrin, Agim Kajmaku, apo Mark Babani, Edi Rama e di se edhe Qerim Ismailaj i Bashkisë së Mallakastrës ka fallsifikuar formularin e dekriminalizimit dhe duhet të largohet menjëherë dhe të shkojë përpara drejtësisë!

Edi Rama e di se i përzgjedhuri i tij për Mallakstrën ka probleme me drejtësinë greke, por ai e ka fshehur të vërtetën.

Ky është një fakt që Edi Rama e di shumë mirë, por po përpiqet të blejë kohë për kriminelin tjetër që i është zbuluar në bashki, këtë herë, duke fallsfikuar dokumentat shtetërorë, siç është formulari i dekriminalizimit.

Strategjia e Edi Ramës për të mbrojtur kriminelin Qerim Ismailaj me betimin se ai as nuk është i dënuar, as nuk është i dëbuar nga Greqia nuk ka asnjë vlerë. Ajo është një strategji e dëshuar, që do të ketë vetëm një përfundim: Edi Rama do të largohet me turp si kryeministri i cili ka vetëm një ofertë për qytetarët e tij: krimin!

Ashtu sikurse premtova dy ditë më parë, sot do të publikojmë dokumente zyrtare dhe të pakundërshtushme që provojnë se Qerim Ismailaj, është person me rekorde kriminale.

Sipas vërtetimit me nr. Protokolli 405 të Prokurorisë pranë Gjykatës së Shkallës së Parë Athinë, Edi Rama i Mallakastrës, Qerim Ismailaj, rezulton i dënuar me 3 vjet burgim nga Gjykata e Kios, më datë 25 Shkurt 2000.

Ai është dënuar për kryerjen e veprimeve të dhunshme, plagosje (rrahje) dhe nuk e ka vuajtur dënimin për shkak të mosgjetjes në territorin grek.

Sipas ligjit të dekriminalizimit, Qerim Ismailaj nuk mund të ushtrojë asnjë funskion publik, aq më pak të jetë kandidat për Kryetar Bashkie. Ai është subjekt ndalimi sipas ligjit dhe duhet menjëherë të procedohet penalisht për falsifikimin e formularit të dekriminalizimit.

Sot nuk është koha për mashtrime.

Sot është koha për veprim nga organi i prokurorisë, është koha që ligji të veprojë dhe është koha që Edi Rama të mos fshihet pas Qerim Ismailajt, Valdrin Pjetrit, Agim Kajmakut dhe Mark Babanit.

Edi Rama do të ndëshkohet me votë të lirë e të ndershme për faktin që alternativa e tij e vetme është krimi; për kandidimin e individëve me të shkuar kriminale; dhe për tentativën e përsëritur për të futur në politikë individë me të shkuar kriminale.

Partia Demokratike vazhdoi të publikojë videot e shkurtra, ku denoncon reagimin e Edi Ramës dhe qeverisë së tij pas tërmetit të 26 nëntorit. “Rama, ti ke dështuar”, thuhet në video, ku pas çdo deklarate të Ramës, vendoset demaskimi.

DEKLARATAT

Edi Rama: “Ishte një mrekulli që numri i të vdekurve nuk ishte më i lartë”.

Ndërkohë quan Zotin të pabesë.

Edi Rama: “Ne ia dolëm që të mos lëmë vetëm asjnë fatkeq dhe asnjë familje në rrugë të madhe”.

Ndërkohë, 40 ditë pas tërmetit, me dhjetëra familje jetojnë në çadra mes acarit.

Edi Rama: “Ia dolëm të përballojmë furtunën e emergjencës imediate”.

Ndërkohë, ekipet e shpëtimit ishin të patrajnuara dhe pa mjetet fondet e shpëtimit, në xhepin e qeveritarëve.

Edi Rama: “Nuk kemi kohë për të humbur, por duhet të shtyjmë me forcë përpara procesin e rilindjes ekonomike dhe sociale”.

Ndërkohë, në Thumanë shkolla ‘R.Jangozi’, rikonstruktuar me tender korruptiv, rrënohet nga tërmeti dhe shembet nga qeveria vetëm një muaj pas inaugurimit.

Edi Rama kërkon të shtyjë kohëzgjatjen e gjendjes së jashtëzakonshme, me mashtrimin se do t’u vijë në ndihmë qytetarëve.

Ndërkohë, sulmon median dhe fjalën e lirë duke shfrytëzuar hapësirën ekstra ligjore.

Kreu i opozitës, Lulzim Basha, gjatë vizitës së tij në Itali ka zhvilluar një takim me kreun e Emergjencave Civile Italiane. Njoftimi është bërë nga vetë kreu i OPD, përmes rrjetit social Facebook.

Në video-mesazhin e publikuar, Basha bën me dije se ka rënë dakord që me ardhjen e qeverisë së re në pushtet, përvoja italiane të mbërrijë edhe në Shqipëri, në mënyrë që qytetarët të marrin ndihmën në kohë në rast fatkeqësish natyrore.

Postimi i kryetarit Basha

Përshëndetje të dashur miq,

Ju përshëndes nga Qendra Operacionale e Emergjencave Civile në rajonin Friuli-Venezia-Giulia në Itali ku jam mirëpritur nga autoritetet italiane.

Dua të falënderoj Guvernatorin e Rajonit, deputetët italianë dhe drejtorin e Qendrës së Mbrojtjes Civile për një pritje shumë miqësore dhe jashtëzakonisht frytdhënëse gjatë ditës së sotme.

Ne sapo kemi përfunduar një prezantim këtu në Qendrën Operative të Mbrojtjes Civile ku janë shpjeguar në detaje kapacitetet e kësaj qendre për përgjigjen e menjëhershme në nevojë të viktimave të fatkeqësive natyrore; nga tërmetet tek përmbytjet dhe fatkeqësi të tjera natyrore, vlerësimin e dëmeve pa vonesë, rikthimin e banorëve në objektet e parrezikuara dhe nisjen e punës për rikuperimin e dëmeve.

Është me të vërtetë një përvojë mbresëlënëse.

Ia vlen të theksoj që përvoja e kësaj qendre operative të Mbrojtjes Civile, siç quhet në Itali, e emergjencave civile është një nga 20 qendrat, por është ajo që konsiderohet më e suksesshmja dhe në fakt përvojat e saj të suksesshme kanë shërbyer si manual për të gjithë emergjencat civile të Italisë.

Lajmi që dua të ndaj sot për ju të dashur miq se me autoritetet e rajonit Friuli-Venezia-Giulia dhe me drejtuesit e kësaj Qendre Operative të Mbrojtjes Civile, kemi rënë dakord që kjo përvojë e jashtëzakonshme, në nivel botëror do të thoja, jo vetëm në nivel europian, do të shërbejë për t’u transferuar dhe për të trajnuar emergjencat civile shqiptare.

Është zotimi im që qeveria e ardhshme që të mos gjendet e papërgatitur para fatkeqësive natyrore qofshin këto tërmete apo tragjedi të tjera apo përmbytje, që edhe ne të kemi një instrument të përgjigjes së menjëhershme për t’iu ardhur menjëherë në ndihmë banorëve, për të organizuar pa asnjë vonesë operacionet e vërteta të kërkim shpëtimit me mjete dhe me personel të kualifikuar për të shpëtuar jetë dhe për të kufizuar sa është e mundur dëmin në jetët njerëzore dhe në plagosjen e qytetarëve, për të vlerësuar dëmet e çdo fatkeqësie natyrore pa humbur kohë, pa propagandë, pa shfaqje por me kapacitete njerëzore, me manuale, me njerëz të përgatitur, të trajnuar me mjete të mjaftueshme dhe pastaj për të vepruar menjëherë për të riparuar këto dëme si dhe për të strehuar gjatë kohës së riparimit të gjithë personat e prekur nga fatkeqësia natyrore.

Prezantimi që është bërë dhe do të vazhdojë pas pak minutash edhe në qendrën e përbashkët operative të të gjithë institucioneve që marrin pjesë si dhe në vizitën që më është rezervuar në bazën e mjeteve të emergjencave civile, është me të vërtetë mbresëlënës, por akoma më i kënaqur jam nga fakti se, edhe nga pozita e Kryetarit të opozitës, Kryetarit të Partisë Demokratike, sot kam gjetur tek Ministri italian, jo vetëm një gatishmëri totale për të ndarë me mua dhe ekipin tim përvojat e tyre, por edhe një gatishmëri totale për të na qëndruar pranë në ndërtimin e një instrumenti të emergjencave civile që do t’u vijnë në ndihmë shqiptarëve, banorëve të Shqipërisë sa herë që të jetë e nevojshme dhe për këtë dua të theksoj sot se do të veprojmë shpejt, pa asnjë vonesë, në mënyrë konkrete që Shqipëria të ketë jo në letër, por një përgjigje të menjëhershme ndaj fatkeqësive natyrore, të ketë një qendër të emergjencave civile e cila të jetë e mirë trajnuar, e mirë pajisur dhe e gatshme për të vepruar menjëherë. Edhe BE ka shprehur interesin për të investuar diçka të tillë dhe nuk ka fat më të mirë se sa ta marrim këtë përvojë nga qendra më e mirë që është ajo e Italisë dhe brenda Italisë ajo e Friuli-Venezia Giulia.

Dua të shpreh mirënjohjen time.

Shumë prej personelëve të kësaj qendre kanë qenë të pranishëm në momentin e tërmetit të 26 nëntorit dhe ditëve më vonë. U kam shprehur falënderimet e mia besoj edhe në emër të të gitë ju dhe në veçanti të familjeve të prekura, dhe më e rëndësishmja, kemi rënë dakord që kjo përvojë e jashtëzakonshme të kthehet në një shkollë të vërtetë me emergjencat tona civile në momentin më të parë, në mënyrë që Shqipëria dhe shqiptarët kurrë më mos të vuajnë pasojat e dështimit qeveritar dhe neglizhencës njerëzore, pas pasojave të fatkeqësive natyrore.

Fatkeqësitë natyrore nuk i kontrollon dot askush por një qeveri e aftë e përgjegjshme ka në dorë që të përgjigjet menjëherë dhe të kufizojë dëmet njerëzore.

Ky është objektivi, ky është qëllimi dhe ky është zotimi im sot nga Qendra Operative e Emergjencave Civile Friuli-Venezia Giulia.