Në një konferencë shtypi (16.01) me kryeministrin e Kroacisë, Andrej Plenkoviç, duke folur për samitin e Ballkanit Perëndimor në Zagreb, Angela Merkel tha ndër të tjera se “është shumë e rëndësishme që të ketë përparime në çeljen e negociatave me Shqipërinë dhe Maqedoninë e Veriut”.

Kancelarja gjermane u shpreh pro çeljes së negociatave me të dy vendet njëherazi, si me Maqedoninë e Veriut, ashtu edhe me Shqipërinë: “Shqipëria ka plotësuar shumë kërkesa që i kishim vendosur. Sidomos procesin e vetingut dhe tani ka ardhur koha që të çelen negociatat”, tha ajo ndër të tjera.

Merkel kujtoi po ashtu edhe se Maqedonia e Veriut e ka plotësuar kushtin që bllokonte deri tani çeljen e negociatave, arritjen e marrëveshjes me Greqinë për çështjen e emrit.

“Nëse duam të jemi të drejtë, atëherë ne duhet t’i trajtojmë të dy vendet së bashku, pavarësisht se ato pastaj do të ndjekin procedura të ndryshme, në bazë të vlerësimeve që do t’u bëhen”, tha kancelarja gjermane. Merkel tha se pas mosarritjes së një marrëveshjeje vitin e kaluar, tani do ta trajtojmë çështjen edhe në samitin e Këshillit të BE-së në Bruksel, qysh në muajin mars.

Vëzhgues në Berlin llogarisin se nuk do të ketë marrëveshje para samitit të Ballkanit Perëndimor në Zagreb, pra, në maj të këtij viti. Së fundmi, presidenti francez Emmanuel Macron, frenuesi kryesor i zgjerimit të BE-së, kishte dhënë sinjale zhbllokimi të qëndrimit të tij pas një takimi në Paris me kryeministrin kroat, Andrej Plenkoviç (7.01.2020). Plenkoviç e përmendi në Berlin takimin e tij me Macronin, por nuk dha detaje.

Kroacia dhe më pas Gjermania kanë në dorë kryesinë e radhës së BE-së. Plenkoviç ndodhet në Berlin për të marrë pjesë në panairin e produkteve ushqimore, Java e Gjelbër, në edicionin e sivjetshëm të të cilit, Kroacia është vend partner./DW/

“Si mund të dalin deputetë që janë idiotë, e di çdo me thënë idiotë? Që s’dinë të lidhin dy fjalë në parlament dy vjet…”

Paskal Milo ka shpërthyer në akuza në drejtim të disa prej parlamentarëve të rinj në kuvend si dhe në veçanti drejt sistemit aktual zgjedhor.

I ftuar në emisionin Opinion, Milo tha se sistemi aktua zgjedhor ka prodhuar idiotë që s’dinë të lidhin dy fjalë.

Milo: Për mua sistemi më i mirë ishte mazhoritar i korrektuar. Bashkohem me idenë se asnjë sistem nuk është i keq por zbatohet keq. Çdo vend zbaton një sistem që i përshtatet. Në 2008 ne bëmë një sistem të deformuar dhe këto janë pasojat që ka sjellë ai sistem.

Në rast se nuk ç’bëhet 2008 nuk ka stabilitet politik në Shqipëri sepse nuk ke zhdukur vatrën e krizës.

Mazhoritari është më burrëror më i ndershëm, del para popullit të peshon populli. Si mund të dalin deputetë që janë idiotë, e di çdo me thënë idiotë? Që s’dinë të lidhin dy fjalë në parlament dy vjet.

Blendi Fevziu: Të lutem mos fyej idiotët.

Paskal Milo: Ai idioti mua më mund me dollarë.

Padia për shpifje e Kryeministrit Rama ndaj Kryeministrit në detyrë Ramush Haradinaj mund të mbes 3 vite pa u shqyrtuar nëse trajtohet sikur lëndët e tjera. Kështu besojnë analistët e çështjeve juridike të cilët vlerësojnë se Rama po e përdorë padinë për përmirësim të imazhit të tij në Kosovë.

Padia për shpifje e Kryeministrit të Shqipërisë, Edi Rama ndaj Kryeministrit të Kosovës Ramush Haaradinaj e dorëzuar të mërkurën në Gjykatën Themelore të Prishtinës mund të mbes pa u shqyrtuar deri në 2023.

Kështu pohon Ehat Miftaraj nga Instituti i Kosovës për Drejtësi.
“Nëse zbatohet praktika e deritanishme dhe nuk privilegjohet lënda e kryeministrit të Shqipërisë Edi Rama, atëherë beteja ligjore mes dy kryeministrave do të trajtohet në vitin 2023”, deklaroi për RTV Dukagjinin, Ehat Miftaraj.

Miftaraj i cili ka parë edhe padinë 30 faqëshe tha se përkundër fakteve të prezantuara deklarimet të cilave ju referohet Rama duhen parë si deklarime politike e jo private.

“Këto deklarime politike Haradinaj nuk i ka bërë në cilësinë e personit privat, por i ka bërë si person zyrtar, pra si kryeministër i Kosovës”, shtoi më tej Miftaraj, përcjell Telegrafi.

Ndërkaq Arton Demhasaj nga “Çohu” vlerësoi se është për keqardhje që ekziston një padi e tillë mes dy kryeministrave shqiptarë.

Shtoi se një padi e tillë nga Rama mund të ketë qëllim përmirësimin e imazhit të tij në Kosovë.
“Kjo padi i jep kohë Edi Ramës të përmirësoj imazhin ose është një tendencë për të përmirësuar imazhin e tij dhe njëkohësisht politikisht për të qenë më korrekt pasi që mund të thotë “Unë kam dorëzuar padinë për ato që thënë Haradinaj dhe nuk deklarohem për këtë çështje por pres vendimin e gjykatës”, deklaroi Arton Demhasaj.

Dëshmitë e paraqitura nga Rama në padinë për shpifje lidhen me deklarimet e 3 muajve të fundit të kryemninistrit në Detyrë për idenë e shkëmbimit të territoreve.

Prej ditësh, në rrjetet sociale, njerëzit po postojnë të dhënat e aplikacioneve që tregojnë se ndotja në Tiranë është në nivele të pashëndetshme. Një mesazh të tillë e ka postuar edhe ish-kryeministri Sali Berisha. Sipas tij, Tirana është kthyer ndër qytetet më të ndotura në planet.

“Tiranën Lal plehu e shndërroi në qytetin ndër më të ndoturit e planetit! Shikoni foton dhe lexoni mesazhin e qytetarit dixhital.

Mirëmbrëma doktor!

Tirana po ia kalon edhe Indisë për nga ndotja e ajrit. Betonizimi në bashkinë e Tiranës dhe fabrikat po kontribuojnë tepër në këtë ndotje”, shkruan Berisha.

Tirana renditej një prej qyteteve më të ndotura në botë, në Indeksin e Ndotjes 2019. Hartuar nga Numbeo, Indeksi i Ndotjes rendit qytete nga e gjithë bota, bazuar në perceptimin e ndotjes që kanë qytetarët për to. Rolin më të madh në përllogaritjen e ndotjes së një qyteti e zë ndotja e ajrit dhe e ujit.

Mes 294 qyteteve, ku i pari renditet qyteti më i ndotur dhe i fundit qyteti më i pastër, Tirana renditet në vend të 38-të. Ndërsa në Evropë, vetëm një qytet është më i ndotur se Tirana, Tetova e Maqedonisë, e cila renditet e dyta në gjithë botën, pas qytetit Akra në Gana.

Krahasuar me një vit më parë, Tiranë u ngjit në renditje me 16 vende, ç’ka do të thotë se ndotja në qytet është përkeqësuar.

Tirana konsiderohet më e ndotur se qytete të mëdha e të mbipopulluar si Bangalore në Indi, Shangai në Kinë, Aleksandria në Egjipt.

Xhavit Shala, sot Drejtor i Kërkimit Shkencor në Akademinë e Sigurisë, ka qenë oficer i përkushtuar operativ i ish Sigurimit të shtetit. Denoncimin e ka bërë ish-kreu i Institutit të të Përndjekurve Komunistë, Agron Tufa.

Denoncimi i Agron Tufës

Xhavit Shala, sot Drejtor i Kërkimit Shkencor në Akademinë e Sigurisë, ka qenë oficer i përkushtuar operativ i ish Sigurimit të shtetit. Shumë i partishëm. I ashpër me “armikun e klasës” edhe pas viteve ’90. Edhe sot Xhaviti udhëhiqet me po ato metoda: riaktivizon bp-të e tij të dikurshëm për të realizuar njëlloj “kombinime”, apo “vijë sjelljeje” kundër armiqve të pushtetit të Ramës. Pra, i ndërsen qentë e tij edhe sot. Kur ISKK dërgoi kërkesën institucionale për t’u informuar në bazë të ligjit mbi praninë e ish oficerëve të Sigurimit në institucione, Policia e Shtetit dhe Akademia e Sigurisë nuk pranuan ta dorëzonin shokun Xhavit.

Ja një skicë e shpejtë e këtij profili ish-sigurimsi me post të lartë:

E nisi në shkollën e mesme bujqësore me emrin domethënës “Ylli i kuq” Golem. Për një vit, kreu stazhin (periudha para se të shkoje në shkollën e lartë) në kooperativën bujqësore Synej Kavajë. Në vitet 1981-1984 ndjek Shkollën e Lartë të Ministrisë së Punëve të Brendshme, profili Sigurimi. Në vitet 1984-1988 ishte punëtor operativ i Sigurimit në disa lagje të Elbasanit.

Në Degën e Punëve të Brendshme Elbasan, Xhaviti u pranua kandidat partie. Për t’u thelluar e për t’u bërë një çekist i mirë, iu dha për konspekt libri “Enveri ynë” i shokut Ramis. Në vitet 1988-1990 vijoi detyrën si operativ në zonën e Dumresë, pikërisht aty ku aktiviteti i “armikut” (të internuar) ishte i mprehtë. Në fund të vitit 1990 u transferua në degën e të huajve në DPB Elbasan, dhe në fillim të vitit 1991 u emërua oficer drejtimi në Drejtorinë e Parë të Sigurimit të Shtetit në Tiranë.

Sipas nenit 38 të ligjit 12/2018 datë 5.3.2018 “Për vlerësimin kalimtar dhe periodik të punonjësve të Policisë së Shtetit, Gardës së Republikës dhe Shërbimit për Çështjet e Brendshme dhe Ankesat në Ministrinë e Brendshme, bashkëpunëtorët e Sigurimit dhe punëtorët e tij (oficerët) duhet të largohen nga Policia. Po bëhen disa kohë dhe Xhavitt Shala drejtor në Policinë e Shtetit nuk është larguar.

Për të manovruar, Xhavit Shala ka hapur gjyq për “verifikim fakti” për një vendimmarrje të komisionit të mëparshëm “Mezini” (i cili nuk ekziston dhe as ngjall apo vdes një fakt të njohur), çështja 10237/2019 në Gjykatën e Rrethit Gjyqësor Tiranë. Në gjyq, Xhaviti ka hedhur Autoritetin për Informim mbi Dokumentet e Sigurimit të Shtetit, ku ka sistemuar me punë bashkëshorten që të ruajë dosjet që ka bërë vetë (!!!). pavarësisht kjo përbën konflikt të fortë interesi, në Shqipëri nuk i ndjek njeri këto gjëra, mjafton të jesh shërbëtor i pushtetit.

Fakti i qenies apo jo të Xhavit oficer është i njohur, nuk ke çfarë t’i vërtetosh. Xhaviti kërkon nga gjykata që të shprehet ajo në vend të komisionit “Bezhani”, duke thënë që Xhaviti nuk ka qenë oficer Sigurimi, në mënyrë që ky të dalë në pension rehat dhe ligji mos zbatohet.

Paradokset dhe oksymoronet e Rilindjes vazhdojnë, duke përfituar nga miopia dhe mefshtësia edhe e pushtetit të demokratëve para Rilindjes!