20 mijë euro janë sekustruar në Rinas dhe është procedohet penalisht një 27-vjeçar që i kishte me vehte.

Gjatë kontrollit të ushtruar nga policia një shtetasi nga Durrësi iu gjeten në çantën e shpinës shuma monetare prej 20000 eurosh, që ishte e padeklaruar në doganë.

Njofitmi i plotë i policise

Rinas
Policia Kufitare e Rinasit parandalon një rast të transfertës së parave jashtë shtetit, në mënyrë të kundërligjshme.

Evidentimi, si rezultat i masave të shtuara, në zbatim të planit të masave për parandalimin dhe goditjen e paligjshmërisë.

Sekuestrohen 20000 euro, procedohet penalisht një 27-vjeçar. Shërbimet e Policisë Kufitare të Rinasit, në dalje të RSH-së, gjatë kontrolleve të ushtruara kanë përzgjedhur për kontroll në vijën e dytë, shtetasin F. K., 27 vjeç, banues në Durrës.

Gjatë kontrollit të ushtruar, shtetasit të lartpërmendur iu gjet në çantën e shpinës shuma monetare prej 20000 eurosh, që ishte e padeklaruar në doganë.

Në përfundim të veprimeve të para hetimore të kryera nga specialistët e Policisë Kufitare në Rinas, materialet në ngarkim të këtij shtetasi i kaluan prokurorisë, për veprime të mëtejshme, për veprën penale “Mosdeklarim i vlerave monetare në kufi”.

Ish-Kryeministri Sali Berisha ka postuar një foto në rrjetin social nga takimi i Presidentëve të Rusisë, Turqisë, Bullgarisë dhe Serbisë.

Berisha shkruan se, Vuçiç po flet me Putin dhe Erdogan edhe në emër të argatëve të tij në Tiranë dhe Prishtinë, Zografit Bis dhe Miladinit shqipfolës dhe vasalit të Shkupit, Zaev.

Reagimi i ish-kryeministrit vjen një ditë pas takimit të zhvilluar në Stamboll. Të mërkurën, Presidenti turk Rexhep Tajip Erdogan dhe shefi i Kremlinit, Vladimir Putin, përuruan gazsjellësin e ri me një ceremoni në Stamboll. Një pjesë e madhe e furnizimeve të gazit ka për destinacion tregun turk – një degë e tij është paraparë të furnizojë edhe vendet e BE-së me gaz natyror.

“Gazsjellësi do ta përmirësojë sigurinë energjetike në të gjthë Evropën”, tha Putin.

Postimi i ish-Kryeministrit Berisha

Fol Sandër të lumtë goja, fol e mbro të drejtat tona!

Miq, padroni Vuçiç po flet me Carin dhe Sulltanin edhe në emër të argateve të tj në Tiranë dhe Prishtinë, Zografit Bis dhe Miladinit shqipfolës dhe vasalit të Shkupit, Zaev! sb

Eurodeputetët Ramona Strugariu dhe Vlad Marius Botos i janë drejtuar me një letër Presidentit Ilir Meta, Kryeministrit Edi Rama, ministrit të Brendshëm, Sandër Lleshaj dhe kreut të Grupit Parlamentar socialist, Taulant Balla, lidhur me dëbimin drejt Turqisë të shtetasit Harun Çelik, i akuzuar nga Turqia si pjesëtar i organizatës Gylen.

“Ne kemi ndjekur me shqetësim të thellë rastin e shtetasit turk Harun Çelik, i cili u dëbua nga Shqipëria në 1 janar dhe u deportua në Turqi, ku ai përballet me kallëzime penale për dyshimin se ka mbështetur klerikun turk të mërguar Fethullah Gulen.

Ne dëshirojmë t’ju kërkojmë disa sqarime në lidhje me Çelik dhe situatën e tij juridike, veçanërisht në lidhje me parimet e së Drejtës Evropiane dhe Ndërkombëtare në lidhje me ekstradimin, kthimin e shtetasve të huaj dhe mbrojtjen e azilkërkuesve.

Ju lutemi ndani me ne rrethanat e sakta dhe bazën ligjore me të cilën është kryer ky operacion, veçanërisht pasi autoritetet shqiptare këmbëngulin se gjithçka është bërë në përputhje me procedurat normale për dëbimin e një shtetasi të huaj”, thuhet në letrën e eurodeputetëve.

Në vijim, ata kërkojnë sqarime të mëtejshme në lidhje me procedurën e azilit që kishte filluar Harun Çelik, nëse kërkesa e tij ishte përpunuar nga autoritetet shqiptare në kohën e dëbimit të tij dhe hapat e ndjekur në këtë procedurë.

“Legjislacioni shqiptar për azilin dhe të huajt, përkatësisht Ligjin Nr. 121/2014 dhe Ligji Nr. 108/2013 njohin të drejtën e azilit ndaj një të huaji që është jashtë vendit të tij për shkak të një frike të themeluar të përndjekjes për arsye të mendimit politik, si dhe parimit të mos-refuzimit, dhe ofron mundësinë për të apeluar çdo vendim të dëbimit, urdhrave të heqjes apo ekstradimit, në përputhje me angazhimet evropiane dhe ndërkombëtare të marra nga Republika e Shqipërisë.

Për më tepër, legjislacioni shqiptar ndalon dëbimin e azilkërkuesve përpara vlerësimit të kërkesave të tyre. Në këto rrethana, ne do të dëshironim të dinim nëse këto procedura janë përmbushur dhe nëse Çelik iu dha mundësia të shfrytëzonte të drejtën e tij për të apeluar çdo vendim dëbimi kundër tij.

Së dyti, ne do të dëshironim të pyetnim nëse autoritetet turke kishin filluar zyrtaritetin për një procedurë ekstradimi, nëse një Gjykatë Shqiptare kishte vlerësuar këtë kërkesë dhe për përfshirjen e përgjithshme të autoriteteve turke në procesin e riatdhesimit të Çelik.

Do të donim të rikujtonim që Shqipëria ka nënshkruar dhe ratifikuar Konventën e Këshillit të Evropës për Ekstradimin, e cila sipas nenit 3, ndalon çdo formë të ekstradimit me bazë politike.

Më në fund, Shqipërisë iu dha statusi i vendit kandidat për në BE në vitin 2014. Gjatë viteve të kaluara, Shqipëria ka filluar dhe ka kryer reforma ambicioze në fushat e gjyqësorit, administratës dhe ekonomisë së saj, në përpjekjet e vendit për të përparuar drejt anëtarësimit në Union, dhe Parlamenti Evropian ka qenë një mbështetës i fortë i perspektivës evropiane të Shqipërisë.

Neni 19 paragrafi 2 i Kartës Evropiane për të Drejtat Themelore përcakton me vendosmëri që “askush nuk mund të hiqet, dëbohet ose ekstradohet në një shtet ku ekziston rreziku serioz që ai ose ajo do t’i nënshtrohet dënimit me vdekje, torturës ose trajtimit ose dënimit tjetër çnjerëzor ose poshtërues”.

Respektimi i të drejtave themelore të përcaktuara në Kartën dhe Traktatet, si dhe respektimi i normave të së drejtës evropiane dhe ndërkombëtare janë kushte të domosdoshme për të vazhduar në rrugën drejt anëtarësimit në BE.

Nëse kjo është mënyra se si Shqipëria e kupton respektimin e të drejtave themelore të njeriut, kjo mund të ndikojë në perspektivën e saj evropiane.

Ne mezi presim përgjigjen tuaj dhe dëshirojmë të theksojmë se zhvillime të tilla do të diskutohen në kuadrin e Delegacionit të PE në Komitetin Parlamentar të Stabilizim-Asociimit BE-Shqipëri dhe përpara Samitit të Zagrebit 2020. Realiteti i respektimit të të drejtave themelore është një parakusht i çdo bisedimi të ardhshëm”, thuhet në letrën që i është drejtur autoriteteve shtetërore nga dy eurodeputetët.

Një burrë 72 vjeç ka vdekur dje në Gjilan në dhomën e motelit. Policia Rajonale e Gjilanit njoftoi se iI moshuari kishte shkuar në motel me një grua. Por ajo ka ikur nga vendi i ngjarjes. Policia po e kërkon atë.

E i moshuari në orët e para të mesditës së djeshme kishte shkuar në motel me këtë grua. Ajo është kapur nga kamerat e motelit teksa ka dalë e vetme nga aty. Pas disa minutave personeli i motelit në fjalë kishin shkuar për të parë se çfarë kishte ndodhur me të dhe ka lajmëruar policinë dhe ekipet tjera të cilët e kanë konstatuar vdekjen e viktimës.

Detaje për rastin ka dhënë zëdhënësi i policisë rajonale në Gjilan, Ismet Hashani. “Është raportuar se është gjetur pa shenja jete një 72-vjeçar në një motel. Njësitë relevante kanë dalë në vendin e ngjarjes ku ekipi mjekësor e ka konstatuar vdekjen e viktimës.

Me vendim të prokurorit trupi i pajetë është dërguar në IML për obduksion”, ka deklaruar Ismet Hashani, zëdhënës i Policisë rajonale të Gjilanit për Periskopin.

Shqipëria renditet e 130-a në botë për humbjet e jetëve njerëzore për shkak të ngjarjeve ekstreme të motit midis 1999 dhe 2018; një nivel më i lartë se vlerësimi i indeksit të një viti më parë. (shifrat përllogariten deri në 2018, duke mos marrë në konsideratë ngjarjen e tërmetit të nëntorit 2019).16

Në të njëjtën periudhë, Shqipëria renditet e 137 në botë për rrezikun global nga ngjarjet klimatike, më e rrezikuara në rajon. Ndërsa, humbjet monetare për këtë periudhë përllogariten rreth 114 mld dollarë, thuajse me dyfishim krahasuar me periudhën 1998-2017.

Këto të dhëna, të publikuara në raportin më të fundit global për Riskun e Klimës 2020, studim i përvitshëm i Global Watch. Rreziku global i klimës, hulumtim i përvitshëm nga Global Watch, është një analizë e bazuar që vendos në dispozicion të dhëna të besueshme për ndikimet e motit ekstrem dhe të dhëna socio-ekonomike të lidhura me to.

Krahasuar me rajonin, Shqipëria është më tepër e rrezikuar; Serbia, Mali i Zi dhe Kosova përllogariten në një nivel më të mirë si në humbje njerëzore, si në humbje monetare.

Indeksi Global i Riskut të Klimës 2020 analizon se në çfarë mase vendet dhe rajonet janë prekur nga ndikimet e ngjarjeve të humbjes në lidhje me motin (stuhitë, përmbytjet, valët e nxehtësisë etj.). Të dhënat më të fundit në dispozicion – për vitin 2018 dhe nga 1999 në 2018 – janë marrë në konsideratë.

Vendet dhe territoret e prekur më së shumti në 2018 ishin Japonia, Filipinet si dhe Gjermania. Për periudhën nga 1999 deri në 2018 Puerto Riko, Myanmar dhe Haiti renditen më të lartat.

Edicioni i 15-të i këtij viti i analizës rikonfirmon rezultatet e mëparshme të Indeksit të Riskut të Klimës: Vendet më pak të zhvilluara janë përgjithësisht më të prekur se vendet e industrializuara.

Sa i përket ndryshimit të klimës në të ardhmen, Indeksi i Riskut të Klimës mund të shërbejë si një ‘flamur i kuq’ për prekshmërinë tashmë ekzistuese që mund të rritet më tej në rajone ku ngjarjet ekstreme do të bëhen më të shpeshta ose më të rënda për shkak të ndryshimit të klimës.

Por valët e nxehtësisë dhe thatësirat e vitit 2018 vërtetuan gjithashtu: vendet me të ardhura të larta ndjejnë ndikime klimatike më shumë se kurrë më parë..39