Nga Luçiano BOÇI

PËRGJIGJE PËR SADRIUN E RAMËS

Është e vërtetë që zoti Abazi ishte shumë, po shumë i qeshur sot!
Ngazëllehej me fatin tragjik të njerëzve dhe nuk ndjente aspak shqetësim për gjendjen e tyre dhe prishjen e provave.

Ai ishte aty për “bahçen” e vet.

Në vend që të angazhonte njerëz e mjete për t’i ardhur në ndihmë banorëve që kanë humbur jetë, djersë e mund, kishte angazhuar gjithçka për të mbuluar gjurmët e krimit ndërtimor dhe lejes abuzive të Gjushit e për të shpëtuar milionat e veta.

Një turp i parrëfyer ky, i bërë në mes të ditës, duke i bërë karshillëk hapur njërëzve që nuk dinë ku të fusin kokën.

Ndërkohë qytetarët denoncojnë tanimë hapur, që hotelet AS dhe HORIZONT të tij janë me kate shtesë abuzive.

Normal është i përkëdheluri i Ramës si shumë SADRINJË të tjerë.

Sa për replikën, qartazi qytetarisht ia vura në dukje atë që po bënte.
Për citimin që ka sjellë ka mashtruar publikisht.

Fjala “nëmi” është e zonës së Sadriut. Janë krejt fjalët e tij.

Këtej nga ne përdoret “mallkoi” e nuk ia vlen të zgjatem këtu pasi nuk është pjesë e fjalorit tim. Unë s’jam as Rama, as Sadriu.

Por zakoni del me shpirtin dhe Sadriu, nën shembullin e Ramës, si sadrinjtë e tjerë, vetëm mashtrojnë, abuzojnë, fshehin krime e bëjnë miliona me thasë nën rrënojat e një Shqipërie që e grabisin e vjedhin dhe e rrjepin duke qeshur, tallur e bërë shoë-n e neveritshëm.
Por për sërën e llojin e Ramës, Gjushit e kompani ka një ndëshkim.

Ndëshkim që do vijë nga vota e lirë e socialistëve të nëpërkëmbur e të mashtruar, nga vota e demokratëve të përndjekur këtu e gjashtë vite, nga vota e qytetarëve të cilëve u ka ardhur Rama, Sadriu, Gjushi e banda e Rilindjes, në majë të hundës.

Ministri i Brendshëm, Sandër Lleshi ka qenë i pranishëm në Lezhë ku është përfshirë në një debat me një punonjës në Bashki Nik Leka, për një pallat i cili është dëmtuar në këtë qytet.

Sipas drejtorit të Urbanistikës ka dëmtime pallati në të katër anët e traut dhe ka kërkuar një ekspertizë më të specializuar.

Ndërsa i thoshte këto fjalë, ministri Lleshi është nxehur duke i thënë të mos përhapë panik tek banorët.

Lidhur me këtë sjellje të ministrit reagon edhe Lindita Metaliaj, ish-deputete e PD-së.

Përmes një postimi në Facebook ajo shprehet se, “në vend që t’u garantojë dhe t’u sigurojë jetën atyre që me tërmetin e frikshëm kanë humbur gjithçka kishin siguruar gjatë gjithe jetës së tyre, vazhdon të sulmojë qytetarët dhe drejtorin e urbanistikes në bashkinë e Lezhës për te fshehur dhe shtrembëruar të vërteten”.

Reagimi i plotë

Sander kimiku vazhdon te hedhe helmin tashme jo ne formen e gazit lotsjelles por ne format qe ai dhe rilindja e tij ben me se miri!

Ne vend qe te jete ne sherbim te qytetareve ne momentet me te veshtira dhe tronditese per ta,vazhdon propaganden e turpit duke fshehur te verteten!

Ne vend qe tu garantoje dhe tu siguroje jeten atyre qe me termetin e frikshem kane humbur gjithçka kishin siguruar gjate gjithe jetes se tyre ,vazhdon te sulmoje qytetaret dhe drejtorin e urbanistikes ne bashkine e Lezhes per te fshehur dhe shtremberuar te verteten !

Turp per ty Sander helmi dhe shefin tend gastor

Çdo dite e me shume po tregoni fytyren tuaj pasi tashme maska ju ka rene!

Çmendurise dhe babezise tuaj po i vjen fundi!

Lezha dhe lezhjanet, Shqiperia dhe mbare shqiptaret nuk do t’ju falin!

Ndërtuesi Hazir Gashi ish-deputet i Partisë Socialiste, ka deklaruar se nuk ka mundësi të rregullojë pallatet që janë ndërtuar pasi kompania e tij ka falimentuar.

Artistja Keti Bashhysa ka reaguar ashpër ndaj kësaj deklarate të ish-deputetit socialist, disa prej pallateve të të cilit janë ndërtuar nga tërmeti i 26 Nëntorit, të cilët janë vlerësuar si të pabanueshëm ndërsa qindra banorë kanë mbetur në burg.

“Shit gruan, fëmijët, motrat, vëllezërit, fisin. Shit edhe dashnoren Hazir”, i shkruan e indinjuar Bashhysa ish-deputetit socialist.

Reagimi i plotë

Hazir Gashi! Dëgjova që ke thënë se: Nuk kam ç’të bëj, kompania ime ka falimentuar! Vërtetë?!!! Po kur kurseve tulla dhe beton, që të ngopje babëzinë tënde, e mendove falimentimin?!!!!! Hazir Gashi! Gjej 1 zgjidhje! Shit gruan, fëmijët, motrat, vëllezërit, fisin. Shit edhe dashnoren Hazir! Ama, ne, mijëra banorë të pallateve të tua, mos na le në rrugë, mos guxo! I kemi blerë me sakrifica ato shtëpi, me shumë sakrifica.

Banorët e një pallati në lagjen nr.18 në Durrës vazhdojnë ende të qëndrojnë jashtë. Frika nga pas lëkundjet e tërmetit ka bërë që këto banorë ta kalojnë natën në makina. Ata tregojnë për gazetarin e abcnews.al Maksi Rama se asnjë nga instancat nuk është interesuar për ti dhënë një përgjigje konrekte.

“Pallati im është i pabanueshëm, vijnë dhe i shohin nga jashtë, nuk është puna ti shikojnë nga jashtë, duhen ekspertë për të verifikuar themelet. Është gjë e mirë që nuk pati viktima, por duam siguri sepse nuk duam të rrezikohen sërish jetë njerëzish. Duam të dimë  a jetohet në këtë pallat apo jo? Kërkojmë një përgjigje nga inxhinierët”, u shprehën banorët.

Një pjesë e banorë i druhen frikës për shkak të lëkundjeve të tjera. Ata tregojnë se Bashkia i ka dhënë një opsion, atë të hoteleve, por banorët kërkojnë nga Bashkia të tregohen më të qartë në përgjigjet e tyre, nëse banorët duhet të jetojnë apo jo në atë pallat. Ndërkohë të gjendur jashtë dhe në këto kushte të vështira të motit ata kanë ndezur një zjarr për tu ngrohur, me kërkesën  e tyre që të marrin sa më shpejt një përgjigje./ abcnews.al

Kryeministri në detyrë i Kosovës, Ramush Haradinaj, në një intervistë për Abc New, ka rrëfyer se si u organizua shteti i Kosovës brenda 30 minutash për ti ardhur në ndihmë Shqipërisë së goditur nga termeti në orët e para të mëngjesit të 26 Nëntorit.

Ai tregon komunikimin me presidentin Ilir Meta dhe përmes një kërkese verbale të tij është organizuar për të sjell grupet e emergjencës në Shqipëri.

Po kështu Haradinaj ka rrëfyer se Kryeministri ynë Edi Rama nuk i është përgjigjur në telefon për ngjarjen e rëndë.

“Është bërë e pamundur për t’u lidhur me Kryeministrin. Një numër që mban Kryeministri nuk di si ta arrish në telefon. Unë e kam provuar kryeministrin dhe ka qenë vështirë, ai s’mban fare telefon dhe s’ka një person që mund të komunikosh në të tillë situatë me të”, thotë Haradinaj.

Haradinaj tregon se pas marrjes së lajmit, ka komunikuar me Presidentin Meta, ndërsa me Ramën e ka patur të pamundur,  sepse ndonjëherë për të komunikuar me kryeministrin duhet të kalohet nëpër stafe.

“Komunikimi me kryeministrin Rama është bërë e pamundur, kam një periudhë të gjatë kohorë ka qenë e vështirë për të komunikuar, ndërsa me presidentin Meta kemi komunikim direkt”, tha ai.

“Komandanti i ushtrisë tonë ka komunikuar me komandantin e ushtrisë shqiptare. Ka qenë një bashkëpunim i shkëlqyeshëm mes ushtrisë shqiptare dhe asaj të Kosovës. I kam komunikuar që në orën 8 të mëngjesit, kemi kryer të gjitha protokollet për tu organizuar për ti ardhur në ndihmë Shqipërisë. Për të mos humbur kohë i kemi realizuar të gjitha protokollet sepse e dinim se koha për ato banorë ishte shumë e çmueshme dhe e gjithë procedura është kryer në kohë rekord”.

“Nuk kam hezituar të bashkëpunoj me Hashim Thaçin, kam qenë i bindur që ai do të ishte dakord me të gjitha përgatitjet”, shtoi ai.

Sa i përket mekanizmave të Kosovës, Haradinaj thotë se shteti i ri në disa raste ka përparësi. “Ne kemi përfituar shumë nga bashkëpunimi me NATO-n. Ka një nivel të mirë të vendimmarrjes në Kosovë apo të reagimit, por edhe ne i kemi disa mungesa, kemi marrë shumë mësim nga tërmeti. Ushtria, policia, zjarrfikëset në Kosovë funksionojnë plotësisht”.

“30 minuta na janë dashur për tu përgatitur, së pari  kam marrë në telefon Komandantin e Ushtrisë, Policisë, ende pa u marrë ftesa nga Shqipëria ne të jemi gati, dhe kur të merret ftesa të jemi gati për tu nisur. Në rastin tonë kemi shkuar si njësi jo si individ”.

Mendohet një numër i madh i shqiptarëve të strehuar në Kosovë, disa prej të cilave janë strehuar në shtëpi të qytetarëve.

“Në kampin në Prizren jemi duke bërë identifikimin e pajisjen kartave që menaxhohet nga zyra e Kryeministrit, po bëhen shërbime sa i përket kontrolleve shëndetësore. Nuk janë kushte ideale dhe ndaj ne po përpiqemi të tregohemi të kujdesshëm”, tha Haradinaj.

Ai u shpreh se gjatë identifikimit do të bëhet një sqarim se si është gjendja nëse ka apo jo qytetarë të cilat nuk janë të prekur nga tërmeti, kjo mbetet për tu verifikuar dhe nëse nuk vijnë nga zonat e prekura ne do ti kthejmë edhe pse disa prej të cilëve janë kthyer me dëshirë. “Duhet të tregohemi solidarë, por jo ti mashtrojmë njerëzit. Nuk len Kosova asnjë shqiptar të Shqipërisë jashtë, por nuk duhet të bëjmë gabime duke i mashtruar njerëzit. “Nuk kemi pasur incidente deri më tani, qarkullojnë informata se ka persona me precedentë penal por ende nuk kemi diçka të konfirmuar”, u shpreh ai.

Haradinaj: Me Ramën nuk pajtohem vetëm për kufijtë

“Mospajtim me kryeministrin e Shqipërisë kam vetëm me një temë, ajo është ndarja e Kosovës, nuk është personale, mbroj interesin e vendit tim”, tha Haradinaj. Kjo nuk më pengon të bashkëpunoj me kryeministrin Rama, kam bërë përpjekje për të komunikuar me Ramën, por nuk kam pasur asnjë komunikim.

Sa i përket ndryshimit të kufijve apo marrëveshjes së saj ai thotë se nuk kam parë një marrëveshje, por kam parë qëndrime që e bëjnë një marrëveshje. “Jam kundër të shkëmbimit të territoreve, Pavarësia e Kosovës është në territorin e tanishëm të kufijve dhe nuk të pranoj ndryshim të kufijve.

Ne jemi opozitë nuk i bëjmë opozitë vendit tonë, nuk do të bëjmë politikë vetëm për të kundërshtuar. Kemi mjaft integritet politik”, tha Haradinaj.

Gjyqi në Hagë është politik

Sa i përket thirrjes në Gjykatën e Hagës, Haradinaj tha se i ka kryer detyrat e tij. “Nëse ka tendenca i sfidoj sërish, janë hetime krejtësisht politike. Kam qeverisur si kryeministër i një vendi sovran, shqiptari nuk ka luajtur nga e drejta vet”, u shpreh kryeministri në detyrë i Kosovës.

Së fundmi Haradinaj i është drejtuar me një mesazh shqiptarëve. “Njeriu për njeriun është çdo gjë, duhet ti qëndrojmë afër secilit prej tyre që kanë humbur të afërmit. Nuk duhet të lëmë askënd pa përkujdesje, kudo që janë njerëzit të mos kursehen u shpreh Haradinaj. /abcnews.al

Ish-deputeti i PD, Florion Mima i ftuar në rubrikën “Opinion” në “News 24” tha se Edi Rama duhet që të anulonte të gjitha koncesionet korruptive dhe këto para t’i dërgonte për personat që janë prekur nga tërmeti.

“Ajo që po shohim këto ditë është e tmerrshme. Njerëzit që janë përgjegjës për këtë katrahurë japin leksione si do të ndërtojnë lagje të reja. Rama duhet të anulonte menjëherë të gjitha koncesionet. Basha ia ka bërë këtë ftesë, por Rama nuk e ka bërë. Ne si PD e kemi akuzuar Ramën si grabitqar të votës të lirë, si grabitqar të gjithçkaje në vend. Në vend se të flasin oligarkët, foli Rama, që tha kë të anuloj këtë koncesion, atë koncesion. Këto nuk janë paratë as të Ramës dhe as të Bashës. Nuk ke pse të marrësh borxh, anulo kontrata dhe kaq do të ishte”, tha Mima.

Florion Mima u shpreh se z.Basha kishte një plan tepër të mirë me 3 pika, por se Edi Rama me paturpësi e injoroi.

“Basha nuk ka vetëm tre pika, por shumë pika. Janë shumë profesionistë të fushës. Ata nuk kanë lidhje me PD, mund të kenë punuar me administratën, njerëz profesionist. Dakord merri edhe profesionistët nga jashtë, por merr edhe ekspertët shqiptarë e do të japin këshilla. Sigurisht që përgjigja ishte jo, refuzuese, tallëse.

Në takimin që bëri Basha me akademikë dhe me njerëz profesionistë, Investimi i fundit nga IGJEUM ka qenë 600 mijë euro. Vetëm 600 mijë euro për pajisje e ky financim është i turpshëm. Nuk e dimë se ku shkojnë paratë që paguajnë studentët. Berisha nuk e ka rritur tarifën e studimit. Ky tërmet duhet të na japë më shumë mësime. Nga sot e tutje duhet të mendojmë në mënyrë miqësore për natyrën, për këtë territor që do të mbajë breza të tërë. Rrëshqitjet dhe digat janë kërcënim. Shikoni si e ka ndërtuar Rama “Komunën e Parisit” në Tiranë, ku nuk hyn dot ambulanca. Rama duhet të ndërhynte tek PPP”, deklaroi Mima.

Po ashtu, Florion Mima theksoi se të gjithë duan largimin e Edi Ramës, edhe stadiumi shpërtheu në kor kundër tij, pasi kjo situatë ka nevojë për liderë që janë me popullin dhe jo që bëjnë vepra kundër popullit.

“Ky popull ka humbur optimizmin me Ramën në krye. Ju e dëgjuat stadiumin që thërriste në korr Rama ik. Edi Rama ka dështuar totalisht. Rama ka bërë shpenzime pa fund në rrugë dhe në koncesione në shëndetësi. Efektinga tërmeti do jetë i gjatë. Me lumenj, të jesh i bindur se nuk do të vazhdohet më kështu. Nuk vazhdohet më të masakrohet territori, siç është bërë në këto vite”, u shpreh ish-deputeti Mima.