13.5 C
Tirana
E shtunë, 26 Prill, 2025
type here...

Ngjarja e papritur e Leçes, ndihmon Gjimshitin, mbrojtësi ka edhe dy ditë kohë më shumë

Berat Gjimshiti ishte në luftë me kohën për të qenë i gatshëm për skuadrën e Atalantës për ndeshjen ndaj Leçes këtë të premte. Por ngjarja e rëndë që ndodhi në klubin e Ramadanit dhe Beirshës, i ka dhënë në njëfarë mënyre një ndihmë mbrojtësit kuqezi.

Gjimshiti do të vlerësohej nga stafi mjekësor i Atalantës gjatë mëngjesit të sotëm para se të vendosej nëse do të ishte i gatshëm apo jo për ndeshjen ndaj Leçes.

Por pas vdekjes së papritur të fizioterapistit të kësaj skuadre dhe shtyrjes së ndeshjes për të dielën, mbrojtësi kuqezi do të ketë më shumë mundësi riaftësimi.

Ai shihet si një nga elementët më të rëndësishëm të prapavijës së skuadrës, pasi di mirë çfarë kërkon trajneri Gasperini. Ndaj rikuperimi i tij në ndeshjet e fundit të Serisë A, kur vendoset lufta për Ligën e Kampioneve, ishte kthyer në një objektiv të rëndësishëm për stafin mjekësor të klubit.

Përmirësojnë shëndetin e syve, ja 10 ushqimet që duhet patjetër t’i shtoni në vaktet tuaja të përditshme

Sytë janë dritarja jonë drejt botës, e megjithatë, ne shpesh i marrim si të mirëqenë, veçanërisht nëse jemi ndër ata me fat me “sy të fortë”. Megjithatë, si çdo organ tjetër, sytë janë të prekshëm ndaj dëmtimit, veçanërisht në epokën e sotme të ekraneve.

Nga telefonat celularë te laptopët, jeta e përditshme nuk është tamam “miqësore” për sytë tanë. Për fat të mirë, një dietë e strukturuar siç duhet mund të mbrojë shikimin dhe të vonojë përkeqësimin e lidhur me moshën.

Dhe jo, nuk është vetëm karota ajo që është protagoniste. Ka shumë ushqime të pasura me lëndë ushqyese që i duan sytë, si beta-karoten, acide yndyrore omega-3, vitamina C, A dhe E, si dhe minerale si zinku.

E gjithë kjo ndihmon në parandalimin e kushteve të tilla si katarakti, degjenerimi makular, glaukoma dhe sindroma e syrit të thatë.

Shikoni më poshtë 10 ushqimet më të mira për t’u futur në listën e blerjeve në supermarket këtë javë:

1. Patate të ëmbla

Karotat mund të kenë “markën” e shikimit, por patatet e ëmbla mund të jenë edhe më të forta. Të pasura me beta-karoten, e cila shndërrohet në vitaminë A, ato ndihmojnë në ruajtjen e shëndetit të kornesë.

Një patate e ëmbël mesatare mbulon mbi 150% të dozës së rekomanduar ditore të vitaminës A. Skuqini me vaj ulliri dhe rozmarinë ose bëni një supë prej kadifeje me karota, xhenxhefil dhe shafran të Indisë.

2. Perime me gjethe jeshile

Spinaqi, lakra jeshile, marule, chard zvicerian dhe zarzavate janë plot me luteinë dhe zeaxanthin – antioksidantë që filtrojnë dritën blu, mbrojnë qelizat e syve dhe ngadalësojnë sëmundjet si katarakti dhe degjenerimi makular.

Hajini të papërpunuara në sallata, skuqini lehtë ose ziejini me avull për të ruajtur lëndët ushqyese.

3. Vezë

E verdha e vezës është një burim i shkëlqyer i luteinës dhe zeaksantinës, si dhe yndyrave omega-3. Vezët ndihmojnë në parandalimin e degjenerimit makular, një sëmundje degjenerative e retinës.

Hulumtimet në Australi treguan se ata që hanë 2-4 vezë në javë kanë 49% më pak gjasa për ta zhvilluar atë. Provoni scrambles për mëngjes ose shakshuka për darkë.

4. Salmoni

I pasur me omega-3, salmoni është një aleat kryesor për shëndetin e syve. Nëse nuk dëshironi ta hani çdo ditë, provoni të paktën dy herë në javë.

Gjithashtu burime të mira janë sardelet, skumbri, trofta dhe toni. Hani të pjekur në skarë, të skuqur në tigan ose të papërpunuar në sashimi me gjethe wasabi dhe shiso.

5. Bajame

Një grusht bajame ju jep shumë vitaminë E, e cila neutralizon radikalet e lira dhe kufizon dëmtimin oksidativ të syve – diçka shumë e rëndësishme nëse jetoni në qytet ose pini duhan. Hani ato të thjeshta ose shtoni në kos, sallata, rizoto ose supave.

6. Boronica

Boronicat janë një superushqim jo vetëm për sytë por për të gjithë trupin. Ato përmbajnë antocianinë, antioksidantë që rrisin qarkullimin në sy dhe ndihmojnë në rigjenerimin e qelizave të retinës, të cilat janë përgjegjëse për shikimin e natës. I hani me kos, i vendosni në smoothie ose në puding chia.

7. Specat

Specat e kuq, të verdhë ose portokalli janë plot me vitaminë C, e cila mbështet shëndetin e syve dhe nervit optik. Ato përmbajnë gjithashtu zeaxanthin, vitamina A dhe E. Hajini të papërpunuara për vlerën maksimale ushqyese, me humus, guacamole ose baba ganoush.

8. Çokollatë e zezë

Po, edhe çokollata ka vend këtu. Çokollata e zezë me të paktën 70% kakao përmban flavonoidë që përmirësojnë qarkullimin e gjakut në sy dhe përmirësojnë shëndetin e kornesë dhe lenteve. Shijoni një copë të vogël pas një vakti ose fërkoni pak në kos.

9. Midhje

Zinku është thelbësor për shëndetin e retinës dhe duket se vonon degjenerimin makular, veçanërisht kur kombinohet me antioksidantë. Midhjet janë një nga burimet më të pasura të zinkut. Nëse nuk ju pëlqejnë, mund t’i gjeni në shpendë, mish pa dhjamë, bishtajore, arra dhe fara.

10. Majdanoz

Zakonisht e shtojmë për dekorim, por majdanozi është plot me lëndë ushqyese që mbrojnë sytë: beta-karoten, luteinë dhe zeaksantinë. E gjithë kjo rrit densitetin e makulës dhe zvogëlon rrezikun e sëmundjeve të syrit të lidhura me moshën.

Shtojeni në smoothie, mbi sallata ose gatime peshku, ose përzieni në ceviche për një prekje freskuese.

Kandidati i Euroatlantikëve, Shpëtim Agolli: Fermerët e Korçë-Maliq-Devoll janë lënë jetim!

Kandidati i Euroatlantikëve në Korçë, Shpëtim Agolli përmes një statusi në Facebook, ka shprehur një shqetësim lidhur me situatën që po përballen fermerët e Maliqit.

Dëmet natyrore kanë sjellë mjaft probleme dhe me kërkesë të anëtarëve të opozitës në Këshillin e Bashkisë kjo ishte dhe tema e rendit të ditës.

Por për qeverinë shkruan Agolli prioritet nuk janë fermerët dhe madje i është ndërprerë fjala në Këshillin Bashkiak.

Ndër të tjera ai shkruan se me programin e Demokratëve Euroatlantikë fermerët do të kenë një mbështetje të madhe me subvencione dhe grante.

Postimi i plotë 

Sot mora pjesë në mbledhjen jashtë radhe të Këshillit Bashkiak të Bashkisë Maliq.
Rendi i ditës i kërkuar nga anëtarët e opozitës kishte në fokus kryesor kompesimin e dëmit natyror i shkaktuar tek një pjese së pemëtarisë në bujqësi prej dëborës dhe ngricës të para dy javëve që përfshiu fermat e kësaj bashkie.
Fusha e Korçës, Devollit dhe e Maliqit kap një sipërfaqe të madhe të kultivuar me pemtari.
Kjo qeveri e papërgjegjshme qoftë qendrore apo lokale fermerët i ka lënë në mëshirë të fatit.
Fermerët jo vetëm që nuk subvencionohen për prodhimet e tyre, por edhe kur ndodh një fatkeqësi natyrore, përsëri qeveria hesht duke u fshehur pas procedurave ligjore, derisa çështja të harrohet.
Në fjalën time unë vendosa të sillja shqetësimin e fermerëve të cilët i kam takuar rast pas rasti gjatë fushatës time elektorale.
Kryetari I bashkisë z. Gëzim Topçiu më ndërpreu fjalën me pretendimin se unë isha kandidat për deputet dhe aty unë po bëja propagandë sipas tij.
Në fakt ishte krejt e kundërta.
Ngrita zërin për një të drejtë legjitime e cila ju takon fermerve për rastin konkret.
Prandaj ne ju bëjmë thirrje fermerëve që të mbështetin me votë programin tonë ekonomik ku një rëndësi të veçantë ze bujqësia dhe blegtoria.
Ne parashtrojmë për fermerët një plan serioz ku ndër angazhimet tona më të rëndësishmet janë:
100 milion euro subvencione dhe 50 milion euro grante për çdo vit për të gjitha fermat e vendit.
Procedura të thjeshtuara dhe pa barriera për përfitim
Mbi 150 mijë fermerë do të përfitojnë çdo vit mbështetje për imputet bujqësore si dhe mbarështrimin e kafshëve të racës, e cila do të ulë me 30–40% kostot e prodhimit.
Fokus tek sektorët kyç:
Mbështetje për agroturizmin dhe promovimin e produkteve lokale;
Lehtësime kredidhënie pqër fermerët dhe përpunuesit bujqësorë dhe blegtoralë për investime në teknologji moderne
Pagesa deri në 50% e sigurimeve për mbrojtje nga fatkeqësitë natyrore.
Objektiva të qarta për 4 vitet e para:
Rritje trefish e eksporteve bujqësore, duke tejkaluar importet;
Ndërtimin e tregjeve moderne në çdo bashki, sipas standardeve europiane
Rehabilitimin e infrastrukturës rurale, të rrugëve, procesit të vaditjes, kullumit si dhe masa kundër përmbytjeve.
Me një buxhet të dyfishtë më të madh se sa aktuali, do të ndërtojmë një bujqësi të fortë dhe konkurruese në tregun vendas dhe rajonal por edhe më gjerë.
Qëllimi ynë është për të ndërtuar një ekonomi kompetitive e të qëndrueshme me rritje 5–8% në vit, falë një sektori bujqësor e blegtoral të modernizuar dhe të mbështetur në konkurueshmëri.
Financimi do të shkojë drejtpërdrejt atje ku punohet e prodhohet, sipas avantazheve të zonave dhe nevojave konkrete.
Në të njëjtën kohë, do të përputhim politikat tona me standardet e BE-së, përmes një programi të veçantë për Bujqësinë dhe Zhvillimin Rural.
#FermerëtMeritojnëMëShumë
Voto Koalicioni Euroatlantik
Voto Shpëtim Agolli

“Jo vetëm një votë, por një besim”/ Pëllumb Seferi takon qytetarët në Njësinë 8 në Tiranë

Pëllumb Seferi, kandidati i djathtë në Njësinë 8, po zhvillon një fushatë të afërt me qytetarët, duke trokitur derë më derë në çdo rrugicë të lagjes, në dyqane dhe në shtëpi, për të kërkuar mbështetjen e tyre.

“Nuk po kërkoj thjesht një votë, por një besim për të qenë zëri juaj, kudo ku duhet të dëgjohet. E dua këtë përgjegjësi dhe e marr me përulësi,” – tha Seferi gjatë takimeve me banorët.

Duke e konsideruar këtë garë si një rrugëtim të përbashkët, ai premton të jetë zë i qytetarëve jo vetëm gjatë fushatës, por në çdo forum ku merren vendime që prekin jetën e përditshme.

Dorjan Ziflai ngre alarmin për korrupsionin: “Mjaft u mashtruat – ju meritoni më shumë!”

Në prag të zgjedhjeve parlamentare, Dorjan Ziflai, kandidat për deputet i Koalicionit Euroatlantik në qarkun e Gjirokastrës, ka zgjedhur të flasë me tone të drejtpërdrejta për qytetarët, duke denoncuar hapur korrupsionin e përhapur në të gjitha nivelet e qeverisjes vendore. Në një deklaratë publike, ai i bën thirrje votuesve të mos bien më pre e mashtrimeve dhe të mos japin votën për ata që, sipas tij, janë bërë simbol i keqqeverisjes.

Ziflai ngre shqetësimin se e njëjta skemë abuzimesh që është zbuluar në Bashkinë e Tiranës, po aplikohet tashmë në gjithë territorin, përfshirë edhe qytetet më të varfra dhe më të shpopulluara. Ai nënvizon se qindra milionë euro po përvetësohen përmes tenderave fiktivë dhe mashtrimeve të tjera financiare.

“Edhe fondet IPARD që BE i dedikon fermerëve, në vend që të shkojnë për zhvillimin e fermave tuaja, përfundojnë në xhepat e familjarëve të tyre,” shkruan Ziflai. Ai e cilëson të papranueshme që qytetarët të detyrohen të emigrojnë, ndërkohë që “ata që i kanë zhytur në varfëri, pa turp kërkojnë sot votat tuaja.”

Mesazhi i tij është i qartë: votuesit të mos mbështesin më individë që janë nën hetim apo objekt i SPAK-ut për abuzime me fondet publike. Në vend të kësaj, ai u bën thirrje të zgjedhin ndryshimin, dinjitetin dhe përfaqësimin e ndershëm.

“Koha e mashtrimeve ka mbaruar. Qytetarët e Gjirokastrës dhe gjithë Shqipërisë meritojnë më shumë se skema korrupsioni dhe fjalë boshe,” përfundon Ziflai.

Deklarata e plotë e Dorjan Ziflait në rrjetet sociale:

Boll u mashtruan, ju meritoni më shumë.

Çdo ditë shikojmë që e njëjta skemë korrupsioni, si ajo e ndërtuar në Bashkinë Tiranë, funksionon në të gjitha bashkitë, duke mos kursyer as qytet më të varfëra dhe më të shpopulluara të vendit.

Çdo ditë po zbulohen afera qindra milionë euro të dhuruara familjarëve të tyre me tendera fiktiv dhe makinacione të ndryshme, duke mos kursyer as fondet e IPARD për fermerët, që në vend që të vinin tek ju për të rritur fermën tuaj, i kanë çuar në xhepat e familjarëve të tyre.

Ndërkohë që familjarët tuaj largohen për një jetë më të mirë, ata pa pikë turpi sot kërkojnë votat tuaja, jo për t’ju shërbyer juve, por për të vazhduar skemën që kanë ngritur për të vjedhur jo vetëm fondet e shtetit shqiptar por edhe ato të BE-së, që supozohet t’i vijnë në ndihmë fermerit, bujkut, biznesit dhe qytetarëve shqiptarë.

Mos ua jepni votën atyre që janë objekt i SPAK-ut, sepse kanë vjedhur lekët tuaja, djersën tuaj, mundin e fëmijëve tuaj që enden rrugëve të botës, për shkak se ky vend po vidhet çdo ditë duke përdorur skema nga më të ndryshmet.

Mjaft u mashtruat, ju meritoni më shumë.

#Voto4
#Votonipërfamiljentuaj
#Votopërdinjitet

“Lavdrimi, shembulli si një i ri kufizoi ëndrrën për universitet për të ndihmuar familjen”, Basha: Misioni i shenjtë i Koalicionit Euroatlantik është që rinia të marrë në dorë fatin e saj dhe të Shqipërisë

Drejtuesi Politik i Koalicionit Euroatlantik, Lulzim Basha, gjatë një takimi me të rinjtë në Tiranë, theksoi angazhimin e koalicionit për mbështetje të fortë për të rinjtë dhe arsimin, duke e konsideruar këtë si një nga prioritetet kryesore të programit. Ai e ilustroi këtë angazhim me historinë e një prej të rinjve prezent në takim, një djalë 23-vjeçar që ka dëshirë për shkuar në universitet, por gjendja ekonomike e familjes dhe mungesa totale e politikave mbështetëse nga qeveria ia ka pamundësuar ëndrrën e tij.

Basha theksoi se me programin e Koalicionit Euroatlantik do të mbështetet çdo i ri dhe çdo të re, duke u ofruar mundësi studimi dhe zhvillimi, pavarësisht mundësisë ekonomike të familjeve të tyre. Ai nënvizoi se është e shenjtë për këtë koalicion që t’i realizojë ëndrrat e rinisë shqiptare dhe t’u mundësojë atyre një të ardhme më të mirë.

“Le të qëndrojmë të bashkuar, dorë për dorë, më 11 maj dhe pas 11 majit, sepse misioni më i shenjtë për mua është që të rinjtë, si Lavdrimi dhe shokët e tij, të marrin në dorë fatin e Shqipërisë,” u shpreh Basha.

Pjesë nga fjala e Bashës:

Kjo është dora e Lavdrim Jupës dhe e qindra të rinjve si ai. Dora e një njeriu që ka që 10 vjite që punon, 23 vjeç sot. Dhe dëshira e tij është të studiojë ekonomi, gjë që nuk ia mundëson as gjendja ekonomike e familjes dhe mungesa totale e politikave mbështetëse nga kjo qeveri e korruptuar. Siç ia mbaj dorën sot kështu, kështu do t’ia mbajmë dorën çdo të riu dhe çdo të reje me programin tonë për arsimin, universitet pavarësisht prej pamundësive, të familjeve të tyre që t’i bëjmë realitet ëndrrat e tyre. Nuk ka gjë më të shenjtë për ne se kjo, nuk ka gjë më të shenjtë për Koalicionin Euroatlantik se kjo. Le të qëndrojmë kështu të bashkuar dorë më dorë më 11 maj dhepas 11 majit. Sepse për ne dhe për mu personalisht nuk ka mision mëtë shenjtë në jetën time sesa që këto duar të Lavdrimit e të shokëve të tyre së shpejti të marrin në dorë fatin e Shqipërisë.

“Kur Rama me 7×7=313 të vjedh për 12 vite dhe ti i jep votën, je çyryk”, Basha: Koalicioni Euroatlantik është çelësi për të hapur portën e të ardhmes dhe shkëputja nga makthi i korrupsionit

Gjatë takimit me të rinjtë në Tiranë, drejtuesi politik i Koalicoonit Euroatlantik, Lulzim Basha, tha se 11 maji është çelësi për të hapur portën për të ardhmen e gjithësecilit prej të rinjve dhe është ilaçi për t’u shëruar e për t’u shkëputur një herë e mirë nga ky makthi i korrupsionit.

Ai tha se një prind nuk mund të pranojë që pasi ka 12 vite që e vjedhin, e gënjejnë, e mashtrojnë, i mohojnë mundësinë për të investuar për fëmijët e vet, pastaj i thonë hajde prap hidhe votën këtu. Basha u shpreh se kush ia jep votën Edi Ramës, është çyryk.

Sipas tij, për t’u shëruar prej saj më 1 maj vota duihet të shkojë tek Koalicionin Euroatlantik numrin 4, si e vetmja alternativë e cila u jep zgjidhje reale problemeve të shqiptarëve.

Pjesë nga fjala e Bashës:

Si mendoni ju, e ka gabim apo e ka të drejtë që u thotë çyryk njerëzve? Për herë të parë edhe unë duhet ta pranoj që Edi Rama ka pjesërisht të drejtë: të gjithë ata që votojnë Ramën, janë çyryk. Çyryk të mendjes, çyryk të shpirtit. Se si mund t’i thuash ndryshe një prindi që pasi ka 12 vite që e vjedhin, e gënjejnë, e mashtrojnë, i mohojnë mundësinë për të investuar për fëmijët e vet, dhe pastaj i thonë hajde prap hidhe votën këtu. Si i shikon ky prindër fëmijët në sy? Me çfarë guxcimi, me çfarë morali?! Padiskutim ky është çyrykllëk politik, por nuk është sëmundje e pashërueshme. Nuk është sëmundje e pashërueshme, shërohet në momentin që e kupton që ke një vartësi, një sindromë e Stokhomi – i thonë kësaj, të kanë marrë peng trurin. Çliroje trurin, hidhe votën për numrin 4, dhe më datë 12 maj i çliruar do t’i shohësh fëmijët e tu. Objektivi jonë është të shërojmë sa më shumë shqiptarë dhe shqiptare. Kështu që kjo është një punë e madhe edhe për ju të rinjtë, sepse për ju është shumë më e lehtë ta shikoni dritën e të vërtetës, ta shikoni të bardhën për të bardhë dhe të zezën për të zezë, e jo t’i ngatërroni. Ta bëni këtë edhe me shoqërinë tuaj dhe bashkëmoshatarët tuaj, por ta bëni po kështu edhe me prindërit e t’i thoni më 11 maj vota është çelësi për të hapur portën për të ardhmen time, për të ardhmen e gjithësecilit prej të rinjve, e shokëve, miqve që keni, në shkollë në universitet e kudo ku jeni, më 11 maj është ilaçi për t’u shëruar e për t’u shkëputur një herë e mirë nga ky makth 12 vjeçar, për të refuzuar edhe 4 vite të tjera katastrofë për ekonominë shqiptare, për rininë shqiptare, për emigracionin dhe për të përqafuar të vetmen alternativë e vcila ju jep zgjidhje reale të problemeve tuaja, Koalicionin Euroatlantik numrin 4.

“Edi Rama është pronari dhe autori i kënetës”, Basha me të rinjtë: Porta për të ardhmen hapet me votën për të ndëshkuar të korruptuarit

Drejtuesi Politik i Koalicionit Euroatlantik, Lulzim Basha, i shoqëruar nga kandidati për deputetë Abaz Tafa, zhvilluan një takim me të rinj në Tiranë, ku foli për pjesën e programit NEXTGEN. Gjatë fjalës së tij, Basha tha se të rinjtë kanë mundësinë që të hapin portën drejt një të ardhme që e kanë ëndërruar, që deri më sot është penguar nga kryeministri dhe shokët e tij tek 7×7=313.

Ai më tej tha se këdo të pyesësh për shokët, të përgjigjet, vetëm Rama nuk thotë se ku i ka shokët. Basha më tej ironizoi duke thënë se nuk ka shokë tek 313, sepse nuk pranon alibinë që shokët hanë pas shpine. Sipas tij, ai që vjedh fondet publike nuk është shok, por hajdutë, siç janë shokët e kryeministrit i cili nuk përgjigjet pasi e di që e pret pyetja tjetër se ose është i paaftë, ose është kreu i kënetës së korrupsionit.

Pjesë nga fjala e Bashës:

Pjesën që keni në dorë është ai i cili u mundëson të hapni portën drejt një të ardhme që e keni ëndërruar por që nuk ka ardhur dot jo për fajin tuaj, por për shkak të këtij kryeministri dhe shokëve të tij tek 7×7=313, i cili nuk ka përgjigje. Nuk ka përgjigje se pse ika shokët aty. Fred, po të të pyes unë ty ku i ke shokët, i ke këtu, shumë i ke në emigracion. Po ti më përgjigjesh mua ku i ke shokët. Gjithësecilin prej jush po t’u pyes ku i keni shokët, do më thoni, një pjesë i keni këtu, një pjesë i keni në emigracion, por një pjesë tjetër mund të jenë më sytë e shpresës nga këtu, apo jo?
Po të më pyesësh mua ku i kam shokët, ja ku i kam. I kam kandidatët e Koalicionit Euroatlantik, Abaz Tafajn në zonën tuaj. Aty ku jeta më ka çuar që i ri, në moshën tuaj kam akoma shoqërinë time, kam akoma shokët e studimeve, ca janë në Holandë, ca janë në vendet e tjera të Europës, ca janë në Amerikë. Kam shokët e kohës që kam punuar në Kosovë. Vetëm në një vend nuk kam shokë, tek 7×7-313, nuk kam shokë aty.
A e dini pse nuk kam shokë tek 313-ta? –sepse unë nuk mund të pranojë alibinë që shokët hanë prapa shpine. Ai që han prapa shpine të mirat publike nuk është shokë, është hajdut. Dhe një hajdut që vjedh paratë e taksave të shqiptarëve, që vjedh paratë që duhej të ishin investuar për rininë e shqiptarëve s’mund të jetë shoku im. Kështu që edhe Edi Rama nuk përgjigjet se ku i ka shokët, sepse po ta pranojë siç e di e gjithë Shqipëria, siç e di e gjithë Europa, siç e di dhe Amerika që shokët i ka tek 7×7=313, pyetja tjetër është pak e vështirë për t’iu përgjigj. Pyetja tjetër është me të njëjtat fjalë që përdor ai gjoja në këtë fushatë. Se fushatë nuk e ka, e ka alibi për të mos dhënë përgjigje për pyetjen. Po mirë mo Rame, i paske shokët tek 7×7=313, po ndaje mendjen na e thuaj pse i ke tek 7×7=313? Pse e ke Lali Erin në burg? Pse Saje Qori që ishte më i miri i ministrave të Brendshëm, apo Ilir Beqën shokun tënd, apo Ter Kokën, apo Vangjush Dakon, apo Arben Ahmetajn që përkohësisht i ka shpëtuar burgut me procedura azili, pse i ke? Ndaje mendjen dhe na trego, ose ti qenke më buf se bufi, se paskan ngrënë gjithë këto shokë, ka 12 vite që vjedhin shqiptarët prapa shpine, ose ti je kënetë e shkuar kënetës, je pronari dhe autori i kënetës.

Gjykata: Plani urban i Tiranës u manipulua për të favorizuar pronën e familjes Xoxa

Vendimi i arsyetuar i Gjykatës Administrative të Apelit, i datës 27 mars 2025, tregon se Bashkia e Tiranës ka kryer një manipulim të qëllimshëm të Planit të Detajuar Vendor (PDV), duke zhvendosur një rrugë për të favorizuar ndërtimin e një objekti privat në pronësi të familjes së bashkëshortes së kryebashkiakut Erion Veliaj.

Gjykata vlerëson se përfshirja e rrugës “Hajdar Kërçiku” në PDV është bërë pa asnjë bazë planifikuese dhe urbanistike, vetëm për të shtuar vlerën e pronës private dhe për të krijuar akses në truallin ku do të ndërtohej një pallat i projektuar nga një mik personal i Ajola Xoxës. Sipas vendimit, aktet administrative të miratuara për këtë plan janë nxjerrë në tejkalim të kompetencave ligjore dhe bien ndesh me strategjinë zyrtare të zhvillimit urban. Gjykata i ka shpallur ato të pavlefshme, duke i konsideruar si një rast flagrant të përdorimit të pushtetit vendor për interesa klienteliste.

Rruga e Ajolës

Nën drejtimin e kryetarit Erion Veliaj Bashkia e Tiranës ka manipuluar Planin e Detajuar Vendor (PDV) që përfshin zhvendosjen e një rruge.

Sipas vendimit të 27 marsit 2025, Gjykata Administrative e Apelit, PDV është bërë në mënyrë të paarsyetuar dhe në shkelje të rregullave ligjore për të favorizuar ndërtimin e një objekti privat në pronësi të familjes së bashkëshortes së kryebashkiakut, Ajola Xoxa.

Shteg.org më 8 prill 2025 zbuloi se, përmes një vendimi të Bashkisë Tiranë, rruga e re “Hajdar Kërçiku” u përfshi në planin vendor të zonës, duke rritur vlerën e pronës disafish të familjes Xoxa.

Ajola Xoxa Spak
Credits: LSA – Ajola Xoxa Spak

Rruga nuk ishte e përfshirë në versionet fillestare të planit urban dhe u “shpik” për të krijuar akses të drejtpërdrejtë në truallin ku do të ndërtohej një pallat i projektuar nga Alban Eftimiu, mik personal i Ajola Xoxës.

Gjykata Administrative e Apelit ka rrëzuar ndryshimet e bëra nga Bashkia e Tiranës në Planin e Përgjithshëm Vendor, duke e konsideruar ndërhyrjen një akt manipulimi urbanistik në funksion të interesave private.

“Ndryshimi në planifikim nuk ka ndodhur si rezultat i një procesi ligjor apo urbanistik të mirëfilltë, por është diktuar nga interesi për të lehtësuar zhvillimin e një prone private” – thuhet në vendimin e gjykatës, i cili ka shpallur të pavlefshëm Planin e Detajuar Vendor (PDV).

Gjykata thekson se Planet e Detajuara Vendore janë dokumente që duhet të hartohen në përputhje të plotë me vizionin dhe rregullat e përcaktuara në Planin e Përgjithshëm Vendor, i cili është dokumenti bazë për zhvillimin urban të një bashkie.

“Një plan i detajuar nuk mund të ndryshojë apo të kundërshtojë orientimet kryesore të PPV-së, dhe nëse kjo ndodh, ai është i pavlefshëm në mënyrë absolute” – arsyeton Gjykata sipas së cilës planet e Bashkisë kanë cenuar rëndë të drejtën e pronës qytetarëve të thjeshtë.

“Përfshirja në planin e detajuar e një rruge që nuk është parashikuar në PPV, veçanërisht në pronë private dhe pa respektimin e procedurave të shpronësimit apo pa pëlqimin e pronarëve, cenon rëndë të drejtën e pronës dhe sigurinë juridike të qytetarëve” – thuhet në vendim i cili e vlerëson se miratimi i aktive nga Bashkia ishte në tejkalim të kompetencave ligjore.

Hetimi gjyqsor zbuluoi se rruga që ekzistonte në planin e mëparshëm është zhvendosur në mënyrë “artificiale”, duke i hequr pronës publike rolin funksional, për të mundësuar ndërtimin e një objekti shumëkatësh që nuk do të mund të realizohej me planin ekzistues.

Gjykata thekson se nuk janë respektuar procedurat ligjore për ndryshimet në planin vendor, përfshirë detyrimin për konsultim publik.

“Rezulton se dokumentacioni që justifikon ndryshimin ose është jo i plotë, ose është krijuar në mënyrë të pasaktë dhe në kundërshtim me të dhënat zyrtare të mëparshme”- vijon arsyetimi i  trupit gjykues sipas të cilit , Bashkia e Tiranës ka përdorur planifikimin urban si mjet për të maskuar një marrëveshje klienteliste.

“Rruga e planifikuar më parë ishte projektuar për të siguruar lidhje dhe qasje për të gjithë banorët e zonës, ndërsa zhvendosja e saj e bën funksionalisht të pavlefshme për publikun. Ky ndryshim ilegal, cënon parimet themelore të zhvillimit të qëndrueshëm urban dhe përbën një akt të paprecedent përpjekjeje për të shfrytëzuar mekanizmat shtetërorë në funksion të interesit privat” – argumenton gjykata e cila ka ngritur dyshime për manipulim dhe falsifikim dokumentesh.

“Ka prova që sugjerojnë se dokumentet që mbështesin ndryshimin janë krijuar “post-faktum”, vetëm për të mbuluar ndërtimin që tashmë kishte nisur” – thuhet në vendim i cili ka shpallaur të pavlefshëm Planin e Detajuar Vendor (PDV) i miratuar nga Bashkia Tiranë.

Gjatë gjykimit, avokatët Dorian Matlija dhe Irena Dule, përfaqësonin Qendrën Res Publica, Shoqatën Autoktonase Tironse dhe dy prej familjeve që u prekën nga planet vendore të Bashkisë, provoi se Kryetari i Bashkisë Erion Veliaj ka tejkaluar kompetencat e tij, pasi miratimi i ndërtimit të rrugëve të reja bie nën juridiksionin e Këshillit Kombëtar të Territorit dhe jo të Bashkisë.

Ndërkohë, Prokuroria e Posaçme ka ngritur akuza ndaj Erion Veliajt për korrupsion në 9 raste dhe pastrim parash.

Ajola Xoxa është gjithashtu nën hetim për korrupsion, fshehje pasurie dhe pastrim parash. Prokuroria pretendon se përmes një rrjeti prej tetë OJF-sh dhe bizneseve, të lidhura me Xoxën dhe mikun e saj Elman Abule, janë gjeneruar mbi 1.1 milion euro./shteg.org

Egert Haxhiu reagon për neglizhencën ndaj Kryeziut të Poshtëm: “Banorët janë lënë në harresë, Petrela meriton më shumë”

Egert Haxhiu, kandidat për deputet i Koalicionit Euroatlantik në Tiranë, ka reaguar përmes një postimi në rrjetet sociale, ku ka hedhur dritë mbi gjendjen shqetësuese në të cilën ndodhet zona e Kryezit të Poshtëm në Njësinë Administrative Petrelë.

Në mesazhin e tij, Haxhiu ka denoncuar neglizhencën e vazhdueshme nga autoritetet lokale, duke e përshkruar realitetin si të papranueshëm për banorët e zonës. Ai thekson se rruga kryesore është shtruar për herë të fundit me bitum që në vitet 2000 dhe prej asaj kohe nuk ka pasur asnjë ndërhyrje apo mirëmbajtje.

Situata përkeqësohet edhe më shumë kur bëhet fjalë për transportin publik. “Prej më shumë se 10 vitesh, autobusi nuk është gjendur kurkund,” shkruan Haxhiu, duke theksuar se fëmijët detyrohen të ecin çdo ditë rreth 3 kilometra në këmbë për të shkuar në shkollë, si në mëngjes, ashtu edhe në mbrëmje.

Një tjetër problem i theksuar është ai i kanalit vaditës, i cili është jashtë funksionit prej vitesh, ndërkohë që projektet për ndërtimin e hidrocentraleve kanë përparuar pa transparencë. “Nuk e di me çfarë përgjegjësie është miratuar ndërtimi i hidrocentralit në emër të banorëve,” shton ai.

Me një ton të qartë kritik dhe thirrje për ndërgjegjësim, Haxhiu përfundon me mesazhin se “Kryeziu meriton më shumë”, duke e shoqëruar me moton e tij për zgjedhjet parlamentare: “Tirana meriton më shumë.”

Postimi i plotë i Egert Haxhiut në Facebook:

Kryezi i Poshtëm
Njësia Administrative Petrelë.

Banorët e zonës janë lënë në harresë prej shumë vitesh…
Rruga është shtruar me bitum që prej viteve 2000…

Autobuzi; transporti publik 10 vitet e fundit nuk është gjendur kurkund, banorët e zonës detyrohen dërgojnë fëmijët e tyre në Shkollë rreth 3 km në këmbë përditë mjes dhe mbrëmje…

Kanali vaditës është jashtë funksioni prej vitesh dhe nuk ka shpresë të bëhet më, por për Hidrocentral janë të gatshëm të gjithë, këta që kanë firmosur në emër të banorëve nuk e di me sa përgjegjësi e kanë miratuar.

Gjendja flet vet…

Kryeziu meriton më shumë☘️
Tir❤️na meriton më shumë.

Koalicioni Euroatlantik KEA.

1...345...8 252Faqja 4 nga 8 252

Kryesore

Continue to the category
Më shumë
© 2024 Rilindja Demokratike Euroatlantike