Një ditë më parë Policia e Shtetit njoftoi se janë proceduar Erland Dalliun dhe Gentian Çengelin, administratorë të faqes Jeta Osht Qef pasi ka lejuar përhapjen e panikut me lajme destabilizuese, pas tërmetit që goditi vendin më 26 nëntor.

Por Gentian Çengeli, pronari i JOQ nuk ka hezituar të reagojë në rrjetet sociale për të këtë veprim të shtetit ndaj tyre. Në një postim në Intastory ai shprehet: “E kam pasur ëndërr që në klasë të dytë të shpallesha ‘armik i partisë”.

Ky veprim i Policisë erdhi pas thirrjes së njëpasnjëshme që kryeministri Edi Rama iu bënte dje medieve dhe portaleve që do të mbylleshin, nëse shpërndanin lajme që përhapin panik.

Moderatori i emisionit “Zonë e Lirë”, Arian Çani, ka komentuar edhe menaxhimin e ndihmave pas tërmetit. Çani tha se i dukej një tmerr që Rama nxjerr disa imam në TV, por i futi edhe një kunjë ish ministrit të Financave, Arben Ahmetaj, duke thënë me ironi se me Arbenin, ndihmat janë shumë të sigurta.

“E bukura ishte kur Rama tha që ndihmat do t’i menaxhojë Arben Ahmetaj… I keni super të sigurta, po, po…”
Arben Ahmetaj ishte një nga ministrat më të afërt me Edi Ramën, i cili drejtoi një “mega” ministri, por me ndryshimin e kabinetit në dhjetor 2018, kur Rama vendosi të vendosë në qeveri njerëz të papërfolur dhe të panjohur, Ahmetaj u largua.

Tashmë, veç detyrës si kryetar i Komisionit të Ekonomisë, në këtë kohë tragjedie, Ahmetaj do të menaxhojë edhe ndihmat që sjellin shqiptarët dhe ndërkombëtarët.

Diena Karanxha dhe vajza e saj 8-vjeçare, Eisela u përcollën për në banesën e fundit me fustane të bardhë, lajm të cilin e bëri të ditur dy ditë më parë Amarda Toska. Live për emisionin “Rudina”, Ami tregoi ditën e sotme se këtë kërkesë e bëri i ati i Dienës.

E përlotur Ami tregoi se ishte një moment shokues për të pasi nuk e dinte që në dyqan kishin ardhur familjarët e Dienës.

“Jeta na vë para sfidave. Ditën e mërkurë pas asaj traume mësova kërkesën për të blerë fustanet e bardhë. Ngela për një moment. Thashë kush është ai që kërkon fustan për dasmë në një situatë të trishtë.

Më thanë që nuk janë klient të zakonshëm, bëhej fjalë për Dienën dhe vajzën e saj. Në dyqan kishte ardhur i ati i Dienës. Porosia e të atit shkoi në vend.

Donte të varroste tre breza bashkë. Ishte shokuese! Sot mora lajmin qe të tre brezat janë çuar në banesën e fundit”, u shpreh Ami.

Prej 3 ditësh Shqipëria gjendet në një situatë të vështirë për shkak të tërmeteve që kanë përfshirë vendin tonë duke shkaktuar dëme të mëdha njerëzore e materiale.

Si kurrë më parë, shqiptarët u bashkuan njëzëri për të ndihmuar të prekurit nga tërmeti i pamëshirshëm që mori 50 jetë të pafajshme.

Të bashkuar me një qëllim, shqiptarët arritën të mbledhin miliona euro, tonë ushqime e ndihma si veshmbathje, çadra apo ilaçe. Dhe në këto momente kur solidariteti i shqiptarëve është shumë i lartë, nuk mund të mungojnë edhe rastet e abuzimit.

Pas denoncimit të vjedhjes së ndihmave, një tjetër denoncim i rëndë ka ardhur në redaksinë e albeu.com.

Mbrëmjen e kaluar, ERTV trasmetoi bashkëbisedimin e kryeministrit Rama me një të moshuar të prekur nga tërmeti.

Ai deklaroi me lot në sy se tërmeti i ka shkatërruar banesën dhe nuk ka ku të fusë kokën, ndërkohë kryeministri Edi Rama e përqafoi për t’i dhënë kurajo.

Por kush është në të vërtetë i moshuari i “pastrehë”?

Albeu.com mëson ekskluzivisht se i moshuari në fjalë është shtetasi, Malë Kasa dhe nuk është aspak i pastrehë.

Mësohet se të moshuarit vërtet i është dëmtuar një banesë në Durrës por ai është pronar i të pakten një banese tjeter në Strugë, siç mund të shihni edhe ne fotot në galerinë e bashkëngjitur lajmit.

Por jo vetëm kaq, Malë Kasa me origjine nga Kercova, ka edhe një burim të mirë të ardhurash pasi sipas informacioneve ai merr pension në shtetit zvicerjan.

Dëmet e tërmetit të 26 nëntorit në Shqipëri kanë shkatërruar mijëra banesa në Durrës, Tiranë, Lezhë e Laç, dhe familje që jetonin në gjendje të vështirë tashmë janë në qiell të hapur, pa asnjë të ardhur shtesë e as një shtepi te dyte si zotëria në fjalë. /albeu.com/

Në Ishëm, në një prej zonave të prekura nga tërmeti, shtëpitë janë të pabanueshme duke lënë në qiell të hapur dhjetëra banorë.

Banorët denoncojnë autoritetet se nuk janë interesuar për gjendjen e tyre, por i janë falenderues qytetarëve nga Kosova, që u kanë dhënë ndihma privatisht.

Një prej banorëve thotë se, as qeveria, as Bashkia, as kryeplaku i zonës, askush nuk është interesuar për ushqime, ngrohje, ose çadër.

“Shteti tek unë s’ka ardhur, as për ushqime dhe për asgjë. Kam tre fëmijë. Nuk e di ku do të shkoj”, tha një banor i cili është jashtë bashkë me familjen e tij me 5 anëtarë.

Një tjetër banor thotë se, ka kërkuar të kontaktojë më policinë dhe kryeplakun e fshatit, por asnjë nuk i është përgjigjur.

“Shtëpia është e shkatërruar, e kemi mbuluar me plasmas. Kemi marrë fund dhe kjo nuk ka shpjegim. Po mbajmë njëri tjetrin me ushqime të thata. Faleminderit vëllezërve kosovarë. Çadrat i kanë ndarë tinëz me miqësi dhe me parti”.

Banorët kërkojnë vetëm t’u sigurohen çadra, batanije, ushqime, kushtet minimale për mbijetesë në këto ditë shumë të vështira pasi kanë humbur gjithçka nga tërmeti i 26 nëntorit.