Diena Karanxha dhe vajza e saj 8-vjeçare, Eisela u përcollën për në banesën e fundit me fustane të bardhë, lajm të cilin e bëri të ditur dy ditë më parë Amarda Toska. Live për emisionin “Rudina”, Ami tregoi ditën e sotme se këtë kërkesë e bëri i ati i Dienës.

E përlotur Ami tregoi se ishte një moment shokues për të pasi nuk e dinte që në dyqan kishin ardhur familjarët e Dienës.

“Jeta na vë para sfidave. Ditën e mërkurë pas asaj traume mësova kërkesën për të blerë fustanet e bardhë. Ngela për një moment. Thashë kush është ai që kërkon fustan për dasmë në një situatë të trishtë.

Më thanë që nuk janë klient të zakonshëm, bëhej fjalë për Dienën dhe vajzën e saj. Në dyqan kishte ardhur i ati i Dienës. Porosia e të atit shkoi në vend.

Donte të varroste tre breza bashkë. Ishte shokuese! Sot mora lajmin qe të tre brezat janë çuar në banesën e fundit”, u shpreh Ami.

Prej 3 ditësh Shqipëria gjendet në një situatë të vështirë për shkak të tërmeteve që kanë përfshirë vendin tonë duke shkaktuar dëme të mëdha njerëzore e materiale.

Si kurrë më parë, shqiptarët u bashkuan njëzëri për të ndihmuar të prekurit nga tërmeti i pamëshirshëm që mori 50 jetë të pafajshme.

Të bashkuar me një qëllim, shqiptarët arritën të mbledhin miliona euro, tonë ushqime e ndihma si veshmbathje, çadra apo ilaçe. Dhe në këto momente kur solidariteti i shqiptarëve është shumë i lartë, nuk mund të mungojnë edhe rastet e abuzimit.

Pas denoncimit të vjedhjes së ndihmave, një tjetër denoncim i rëndë ka ardhur në redaksinë e albeu.com.

Mbrëmjen e kaluar, ERTV trasmetoi bashkëbisedimin e kryeministrit Rama me një të moshuar të prekur nga tërmeti.

Ai deklaroi me lot në sy se tërmeti i ka shkatërruar banesën dhe nuk ka ku të fusë kokën, ndërkohë kryeministri Edi Rama e përqafoi për t’i dhënë kurajo.

Por kush është në të vërtetë i moshuari i “pastrehë”?

Albeu.com mëson ekskluzivisht se i moshuari në fjalë është shtetasi, Malë Kasa dhe nuk është aspak i pastrehë.

Mësohet se të moshuarit vërtet i është dëmtuar një banesë në Durrës por ai është pronar i të pakten një banese tjeter në Strugë, siç mund të shihni edhe ne fotot në galerinë e bashkëngjitur lajmit.

Por jo vetëm kaq, Malë Kasa me origjine nga Kercova, ka edhe një burim të mirë të ardhurash pasi sipas informacioneve ai merr pension në shtetit zvicerjan.

Dëmet e tërmetit të 26 nëntorit në Shqipëri kanë shkatërruar mijëra banesa në Durrës, Tiranë, Lezhë e Laç, dhe familje që jetonin në gjendje të vështirë tashmë janë në qiell të hapur, pa asnjë të ardhur shtesë e as një shtepi te dyte si zotëria në fjalë. /albeu.com/

Në Ishëm, në një prej zonave të prekura nga tërmeti, shtëpitë janë të pabanueshme duke lënë në qiell të hapur dhjetëra banorë.

Banorët denoncojnë autoritetet se nuk janë interesuar për gjendjen e tyre, por i janë falenderues qytetarëve nga Kosova, që u kanë dhënë ndihma privatisht.

Një prej banorëve thotë se, as qeveria, as Bashkia, as kryeplaku i zonës, askush nuk është interesuar për ushqime, ngrohje, ose çadër.

“Shteti tek unë s’ka ardhur, as për ushqime dhe për asgjë. Kam tre fëmijë. Nuk e di ku do të shkoj”, tha një banor i cili është jashtë bashkë me familjen e tij me 5 anëtarë.

Një tjetër banor thotë se, ka kërkuar të kontaktojë më policinë dhe kryeplakun e fshatit, por asnjë nuk i është përgjigjur.

“Shtëpia është e shkatërruar, e kemi mbuluar me plasmas. Kemi marrë fund dhe kjo nuk ka shpjegim. Po mbajmë njëri tjetrin me ushqime të thata. Faleminderit vëllezërve kosovarë. Çadrat i kanë ndarë tinëz me miqësi dhe me parti”.

Banorët kërkojnë vetëm t’u sigurohen çadra, batanije, ushqime, kushtet minimale për mbijetesë në këto ditë shumë të vështira pasi kanë humbur gjithçka nga tërmeti i 26 nëntorit.

Në Elbasan komunitetet fetare, sipërmarrësit, njerëzit e thjeshtë ata të politikës, artit dhe sportit janë bërë bashkë për të dhuruar ndihmë financiare për riparimin e dëmeve.

Një prej të pranishmëve ishte edhe biznesmeni Gjergj Luca, i cili nuk u ndal thjesht tek donacionet, por sulmoi edhe akuzoi edhe klasën politike që nuk bën aq sa duhet për vendin, duke penguar zhvillimin.

“Të mos vijojmë me mentalitetin komunist. Të hapen kufijtë,të bashkojmë kombin tonë me Serbinë dhe Greqinë. Politikanët tanë kanë nga 3 shtëpi. Të mos flasim për të mbrojtur Kushtetutën, por të hapin dyert e tyre e shtëpive të tyre dhe të kontribuojnë për personat në nevojë”, u shpreh ai ndër të tjera në një fjalim të gjatë.

Më tej ai deklaroi se ndonëse u ishte kërkuar nga punonjësit e tij të dhuronin nga 1 rrogë, ai u shpreh se punonjësit e tij do të dhurojnë vetëm 1 ditë pune, duke u kërkuar të gjithë shqiptarëve të dhurojnë nga 1 ditë rroge nga xhepi i tyre.

Gjithashtu ai premtoi se do të jepte një pjesë të mirë të fitimeve të kompanisë për muajt e ardhshëm, si edhe 100 milionë lek.
Po 100 milionë lek premtoi edhe deputeti i PS që vjen nga radhët e biznesit, Vullnet Sinaj.

Insajderi.com

Nga Albana VOKSHI

Në kulmin e panikut, të pasigurisë, kur Shqipëria mban zi për 49 jetë të humbura, nga tërmeti, Edi Rama nuk heq dorë nga sjellja qesharake prej një diktatori të vogël, i mbetur në tentativë.

Edi Rama ka udhëruar arrestimin e studentes Xhulia Aliaj, për fajin e vetëm se ka publikuar facebook një shkrim te gazetës se Vatikanit “Avennire.it” për rrezikun e shpërthimit të depozitave në Porto Romano. Nje frikë legjitime, në një kohë kur lëkundjet e tërmeteve vazhdojnë ende pa pushim.

Të gjithë që e njohin Xhulian e dinë se ajo është një vlerë për komunitetin, është një vajzë besimtare katolike, krimi i vetëm i të cilës ishte shprehja e frikës së saj nëpërmjet gazetës së Vatikanit, një prej mediave më serioze në botë.

Edi Rama e arrestoi Xhulian si kriminele, në orën 23.00, pa u thënë asnjëherë durrsakëve a janë apo jo të sigurta depozitat në Porto Romano.

Çdo minutë që Xhulia mbahet në qeli, është një padrejtësi më shumë ndaj një studenteje të tronditur, të pasigurtë për jetën e saj. Durrësi sonte është një qytet fantazëm, edhe sepse Edi Rama krekoset në televizione, bën shoe me tragjedinë e familjeve të shuara nga tërmeti dhe nuk bën çfarë duhet për të informuar qytetarët, për t’i strehuar ata, për të evidentuar dëmet dhe objektet e pasigurta.

Lirimi i menjëhershëm i Xhulias është më e pakta që duhet të bëjë diktatori në tentativë.

Edi Rama të mbajë larg duart nga media!

Censura dhe arrestimet janë mjet i dështuar për t’i mbyllur gojën portaleve apo qytetarëve, që të thonë të vërtetën se kjo është një krizë që po menaxhohet keq.

Xhulia Aliaj është vajza që u arrestua mëngjesin e sotëm nga forcat e policisë ndërsa arsyeja e prangosjes së saj ishte përhapja e panikut në rrjetet sociale.

Lidhur me këtë rast ka reaguar edhe dom Gjergj Meta i cili shprehet se e reja duhet të lirohet menjëherë duke e konsideruar si një veprim të nxituar gjestin e saj.

Kleriku tregon se ka qenë famullitar i saj në Durrës dhe shpreh gjithë konsideratën time për të e ia njoh cilësitë njerëzore dhe civile Xhulias e cila është një qytetare e mirë dhe e don vendin e saj

“Arrestimi i Xhulia Aliaj nga ana e policisë për një status në Facebook është një veprim i nxituar dhe i shproporcionuar.

Në një vend demokratik një gjë e tillë do të ishte absurde. U kërkoj autoriteteve dhe uroj që policia ta lërë të lirë menjëherë.

Kam qenë famullitar i saj në Durrës dhe shpreh gjithë konsideratën time për të e ia njoh cilësitë njerëzore dhe civile Xhulias e cila është një qytetare e mirë dhe e don vendin e saj”, shkruan dom Gjergj Meta.

Kujtojmë se Xhulia kishte postuar në “Facebook” një status ku kërkonte nga shteti që të vlerësojë gjedjen e depozitave me naftë dhe gaz.

“I lutemi shtetit dhe autoriteteve të portit të naftës në Porto-Romano të vlerësojnë gjendjen e depozitave me naftë dhe gaz. Kemi shumë frikë! Presim përgjigje!”, ka shkruar Aliaj.

Por kjo thirrje e Xhulias erdhi pas një shkrimi që kishte bërë organi i Selisë së Shenjtë, Vatikan, avvenire.it. Në këtë shkrim ngrihet alarmi për çarjen e depozitave të gazit në Porto Romano.

Pra, Xhulia Aliaj i është referuar këtij shkrimi për postimin e saj, i cili u bë sebep që e reja të arrestohet. Prangosja e saj erdhi pas kërcënimit të kryeministrit Edi Rama për gazetarët dhe qytetarët se do ta pësojnë nëse përhapin lajme të rreme.