Në Ishëm, në një prej zonave të prekura nga tërmeti, shtëpitë janë të pabanueshme duke lënë në qiell të hapur dhjetëra banorë.

Banorët denoncojnë autoritetet se nuk janë interesuar për gjendjen e tyre, por i janë falenderues qytetarëve nga Kosova, që u kanë dhënë ndihma privatisht.

Një prej banorëve thotë se, as qeveria, as Bashkia, as kryeplaku i zonës, askush nuk është interesuar për ushqime, ngrohje, ose çadër.

“Shteti tek unë s’ka ardhur, as për ushqime dhe për asgjë. Kam tre fëmijë. Nuk e di ku do të shkoj”, tha një banor i cili është jashtë bashkë me familjen e tij me 5 anëtarë.

Një tjetër banor thotë se, ka kërkuar të kontaktojë më policinë dhe kryeplakun e fshatit, por asnjë nuk i është përgjigjur.

“Shtëpia është e shkatërruar, e kemi mbuluar me plasmas. Kemi marrë fund dhe kjo nuk ka shpjegim. Po mbajmë njëri tjetrin me ushqime të thata. Faleminderit vëllezërve kosovarë. Çadrat i kanë ndarë tinëz me miqësi dhe me parti”.

Banorët kërkojnë vetëm t’u sigurohen çadra, batanije, ushqime, kushtet minimale për mbijetesë në këto ditë shumë të vështira pasi kanë humbur gjithçka nga tërmeti i 26 nëntorit.

Në Elbasan komunitetet fetare, sipërmarrësit, njerëzit e thjeshtë ata të politikës, artit dhe sportit janë bërë bashkë për të dhuruar ndihmë financiare për riparimin e dëmeve.

Një prej të pranishmëve ishte edhe biznesmeni Gjergj Luca, i cili nuk u ndal thjesht tek donacionet, por sulmoi edhe akuzoi edhe klasën politike që nuk bën aq sa duhet për vendin, duke penguar zhvillimin.

“Të mos vijojmë me mentalitetin komunist. Të hapen kufijtë,të bashkojmë kombin tonë me Serbinë dhe Greqinë. Politikanët tanë kanë nga 3 shtëpi. Të mos flasim për të mbrojtur Kushtetutën, por të hapin dyert e tyre e shtëpive të tyre dhe të kontribuojnë për personat në nevojë”, u shpreh ai ndër të tjera në një fjalim të gjatë.

Më tej ai deklaroi se ndonëse u ishte kërkuar nga punonjësit e tij të dhuronin nga 1 rrogë, ai u shpreh se punonjësit e tij do të dhurojnë vetëm 1 ditë pune, duke u kërkuar të gjithë shqiptarëve të dhurojnë nga 1 ditë rroge nga xhepi i tyre.

Gjithashtu ai premtoi se do të jepte një pjesë të mirë të fitimeve të kompanisë për muajt e ardhshëm, si edhe 100 milionë lek.
Po 100 milionë lek premtoi edhe deputeti i PS që vjen nga radhët e biznesit, Vullnet Sinaj.

Insajderi.com

Nga Albana VOKSHI

Në kulmin e panikut, të pasigurisë, kur Shqipëria mban zi për 49 jetë të humbura, nga tërmeti, Edi Rama nuk heq dorë nga sjellja qesharake prej një diktatori të vogël, i mbetur në tentativë.

Edi Rama ka udhëruar arrestimin e studentes Xhulia Aliaj, për fajin e vetëm se ka publikuar facebook një shkrim te gazetës se Vatikanit “Avennire.it” për rrezikun e shpërthimit të depozitave në Porto Romano. Nje frikë legjitime, në një kohë kur lëkundjet e tërmeteve vazhdojnë ende pa pushim.

Të gjithë që e njohin Xhulian e dinë se ajo është një vlerë për komunitetin, është një vajzë besimtare katolike, krimi i vetëm i të cilës ishte shprehja e frikës së saj nëpërmjet gazetës së Vatikanit, një prej mediave më serioze në botë.

Edi Rama e arrestoi Xhulian si kriminele, në orën 23.00, pa u thënë asnjëherë durrsakëve a janë apo jo të sigurta depozitat në Porto Romano.

Çdo minutë që Xhulia mbahet në qeli, është një padrejtësi më shumë ndaj një studenteje të tronditur, të pasigurtë për jetën e saj. Durrësi sonte është një qytet fantazëm, edhe sepse Edi Rama krekoset në televizione, bën shoe me tragjedinë e familjeve të shuara nga tërmeti dhe nuk bën çfarë duhet për të informuar qytetarët, për t’i strehuar ata, për të evidentuar dëmet dhe objektet e pasigurta.

Lirimi i menjëhershëm i Xhulias është më e pakta që duhet të bëjë diktatori në tentativë.

Edi Rama të mbajë larg duart nga media!

Censura dhe arrestimet janë mjet i dështuar për t’i mbyllur gojën portaleve apo qytetarëve, që të thonë të vërtetën se kjo është një krizë që po menaxhohet keq.

Xhulia Aliaj është vajza që u arrestua mëngjesin e sotëm nga forcat e policisë ndërsa arsyeja e prangosjes së saj ishte përhapja e panikut në rrjetet sociale.

Lidhur me këtë rast ka reaguar edhe dom Gjergj Meta i cili shprehet se e reja duhet të lirohet menjëherë duke e konsideruar si një veprim të nxituar gjestin e saj.

Kleriku tregon se ka qenë famullitar i saj në Durrës dhe shpreh gjithë konsideratën time për të e ia njoh cilësitë njerëzore dhe civile Xhulias e cila është një qytetare e mirë dhe e don vendin e saj

“Arrestimi i Xhulia Aliaj nga ana e policisë për një status në Facebook është një veprim i nxituar dhe i shproporcionuar.

Në një vend demokratik një gjë e tillë do të ishte absurde. U kërkoj autoriteteve dhe uroj që policia ta lërë të lirë menjëherë.

Kam qenë famullitar i saj në Durrës dhe shpreh gjithë konsideratën time për të e ia njoh cilësitë njerëzore dhe civile Xhulias e cila është një qytetare e mirë dhe e don vendin e saj”, shkruan dom Gjergj Meta.

Kujtojmë se Xhulia kishte postuar në “Facebook” një status ku kërkonte nga shteti që të vlerësojë gjedjen e depozitave me naftë dhe gaz.

“I lutemi shtetit dhe autoriteteve të portit të naftës në Porto-Romano të vlerësojnë gjendjen e depozitave me naftë dhe gaz. Kemi shumë frikë! Presim përgjigje!”, ka shkruar Aliaj.

Por kjo thirrje e Xhulias erdhi pas një shkrimi që kishte bërë organi i Selisë së Shenjtë, Vatikan, avvenire.it. Në këtë shkrim ngrihet alarmi për çarjen e depozitave të gazit në Porto Romano.

Pra, Xhulia Aliaj i është referuar këtij shkrimi për postimin e saj, i cili u bë sebep që e reja të arrestohet. Prangosja e saj erdhi pas kërcënimit të kryeministrit Edi Rama për gazetarët dhe qytetarët se do ta pësojnë nëse përhapin lajme të rreme.

Ashtu sikurse është raportuar, edhe në kryeqytet disa pallate janë bërë të pabanueshme ndërsa kamera e Fax News ka mbërritur në zonën e Kombinatit, ku ka marrë prononncime nga banorët e një pallati të cilit i është vendosur shirit i kuq pasi është konsideruar si pabanueshëm.

Banorët shprehen se për 150 persona është dhënë vetëm një çadër brenda të cilës mezi sistemojnë fëmijët ndërsa e konsiderojnë situatën si tepër emergjente.

Njëra nga banoret është shprehur se zv/kryeministri Erion Braçe është rritur në këtë pallat, ndërsa i adresohet për të gjetur një zgjidhje.

“I bëjmë thirrje Erion Braçes të vijë të na shikojë, jemi në të njëjtën lagje me të, në këtë pallat jetonte edhe ai, jemi rritur me të. Nuk kemi asnjë lloj ndihme, fëmijët i kemi mbajtur në makina, në çadra çfarë të mundemi”, tha njëra nga banoret.

“Dje erdhën vendosën shiritat dhe thanë se nuk janë të banueshme por nuk janë dukur më të na thonë se në ç’shkallë janë të dëmtuar që të gjejmë ndonjë shtëpi me qera. Vetëm një çadër është ofruar. Deri më sot edhe janë strehuar tek njerëzit e vet, ndërsa sot janë rikthyer të gjithë banorët.

Policia nuk na ka lënë të futemi as brenda të marrim gjërat më të vlefshme. Duhet të na thonë se ky pallat duhet shembur, rindërtuar apo çfarë do të bëhet me të. Nuk ka pasur asnjë reagim as nga kryebashkiaku, as nga zëvendësmkryeministri që jetonte në këtë pallat as nga deputetja e zonës”, tha një banor për gazetaren e Fax News Eksiola Shehu.

“Muret ndarës kanë rënë, tullat janë çarë, edhe një tërmet tjetër dhe rrezikojmë jetën. Kemi fjetur në makinë e nëpër çadra, edhe tek të afërmit por nuk mund të qëndrojmë aty gjithmonë. Nuk jemi të pasur por çdo njeri i ka brenda 5 milionë lekë plaçka na shkojnë dëm nëse shembet pallati.

S’ka ardhur askush të na thotë diçka, të marrë drejtim të paktën si çështje. Nuk mund të rrimë jashtë se është dimër. Kam gocën me kollë 3 vjeçe sapo e kam nxjerr nga spitali, po shkojmë në azil në Gjermani e po jepen zgjidhje jo më për 100 banorë që jemi këtu. Kushte ekstreme, jemi lagur mbrëmë në shi, u thamë me tharëse flokësh. Rreth 150 banorë janë jashtë të gjithë”, tha një tjetër banor.

Gazeta më e madhe zvicerane, Blick shkruan se fajin për kaq shumë viktima në tërmetin që ndodhi në Shqipëri e kanë ndërtimet.

Blick ka intervistuar një zviceran që jeton në Durrës me të shoqen, i cili shpërthen me zemërim. Rolf Alther, 77 vjeç, jeton me gruan kosovare në Durrës prej pesë vitesh.

“Kjo nuk duhej të ndodhte. Ky tërmet nuk është kaq i madh sa të shkaktonte dëme kaq të mëdha”, thotë ai.

Problemi është se askush nuk guxon këtu të thotë se pse ka dëme të tilla. “Shkaku i shembjeve janë ndërtimet e këqija shkel e shko”.

I zemëruar, ai i ka dërguar foto gazetës se si është dëmtuar banesa e tij dhe godina të tjera. Zvicerani, që dikur ka qenë përfaqësues politik në një parlament kantonal, thotë se këto janë ndërtime kriminale.

“Në Zvicër, fitimi i një ndërmarrje ndërtimi për një projekt është gjashtë deri në shtatë përqind, këtu është 70 përqind! Sipërmarrësit këtu fitojnë një qerre me para në kurriz të sigurisë”.

Alther nuk e ndal shpërthimin kur thotë se druhet se kriminelët do të përfitojnë edhe nga tërmeti.

“Shumë shtete dhe individë po dërgojnë donacione për rindërtim, që do të përfundojnë në xhepat e këtyre mashtruesve”, thotë ai.

Teorinë e tij për ndërtimet e dobëta e mbështet edhe profesori i ETH Zyrih, Bozidar Stojadinovic. Ai thotë se pasi sheh me kujdes fotot, e kupton se bëhet fjalë për ndërtime të dobëta. Sipas tij, ato duhen shembur.

“Ata fokusohen tek fitimi afatshkurtër, në vend që të mendojnë për të nesërmen dhe të investojnë në siguri. Ndërtesat moderne duhet të jenë në gjendje t’i rezistojnë një tërmeti si ai i të martës në Shqipëri”, thotë profesori.

Kryetari i Partisë Demokratikë ka qenë gjatë ditës së sotme në Kavajë ku ka takuar qytetarët e prekur nga termeti. Basha ka inspektuar nga afër banesa dhe pallate, të cilat kanë pësuar dëmtime si pasojë e tërmetit të 26 nëntorit.

Banorët iu ankuam Bashës së prej ditësh janë të detyruar të flenë nëpër makinë, ndërsa shtuan faktin se janë në pritje të ekspertëve për të përcaktuar nëse banesat e tyre  përmbushin kushtet për banim apo jo. Lideri i opozitës porositi banorët të jenë të kujdesshëm dhe të mos futen në banesa e pallate, që kanë pësuar çarje në structure.

Pjesë nga biseda e kryetarit Basha me banorët

Qytetari: Po flemë nëpër makina. Na vjen keq për vëllezërit dhe motrat, Shyqyr zotit kemi shpëtua gjallë, Kemi marrë njëri-tjetrin dhe e kemi nxjerrë jashtë. Rrimë nëpër lokale. presim ekspertët të na thonë çfarë të bëjmë”, tha qytetari.

Basha: Erdha nga Elbasani, miqtë tanë atje kanë hapur vende nëse keni nevojë. Jeta është mbi të gjitha. Askush të mos hyjë në pallatet e dëmtuara.