Tërmeti në Shqipëri, tronditi të gjithë dhe bëri që të solidarizohen shumica me viktimat dhe familjet e prekura nga kjo katastrofë natyrore që goditi shtetin shqiptar.

Federata, klube, president e sportist të ndryshëm, ftyra të njohura e shoqata e milioner të ndryshëm dhuruan dhe ndihmuan me aq sa kishin mundësi, që shumica publikuan shumat e donuara për bamirësi. Mirëpo i heshtur qëndronte filantropi dhe pronari i kompanisë “Ecolog” që sponsorizon klubin e futbollit Shkëndija, Lazim Destani.

Sipas asaj që arrijmë të mësojmë, z. Lazim Destani dhe familja e tij kanë dhuruar 3 milionë euro për familjet e prekura në qytetin e Durrësit dhe të njejtën nuk e ka bërë publike, shkruan Infosport.

Lazim Destani njihet si humanist i madh e sidomos për popullin shqiptar, duke ndihmuar gjithmonë njerëzit në nevojë, ndërkohë ndihmoi edhe Shkëndijën e Tetovës që në momentet më të vështira vendosi të merr nën udhëheqje dhe në 6 vitet e fundit e bëri një nga klubet më të forta në vend po edhe përgjithësi shqiptar.

Mesazhi i Destanit
Me dhembje të thellë po e përcjell situatën e rëndë pas tërmetit që goditi sot Shqipërinë. Në këto momente të vështira, me mendje e zemër jam me ju e pranë jush. Ju shpreh ngushllime të sinqerta për humbjen e më të dashurve tuaj duke u lutur që numri i viktimave dhe dëmeve që kjo fatkeqësi natyrore la prapa të jetë sa më i ulët.

Në këto ditë të vështira për të gjithë ne, duhet të jemi bashkë dhe lutem që këtë dhembje ta kalojmë sa më lehtë.
Zoti u faltë parajsën viktimave, e u dhashtë forcë e durim familjeve që humbën më të dashurit e tyre.

Sali BERISHA

Qendrim i turpshem anti kombetar i Edvin Mafise!
Me urdher te Beogradit nuk falenderohet Kosova.

Miq, dje ne akt paturpesie Zografi Bis urdheroi zedhenesen e tij, ndrikull Xhaçka qe per hesap te Serbise, per te mos zemeruar kete te fundit, te mos permendte ne falenderimet dhe mirenjohjen e narkoqeverise kontributin thelbesor te Forcave te ushtrise dhe policise se Republikes se Kosoves.

Ky akt i shemtuar ka revoltuar thelle shqiptaret ne Shqiperi, Kosove dhe kudo qe jane. Forcat e Republikes se Kosoves, Ushtrise dhe Policise se saj ishin te parat qe erdhen vetem pak ore pas termetit dhe me eksperiencen, paisjet moderne, kamera termike qe dispononin por edhe qenin e superstervitur dhe me nuhatje molekulare te diferencuar qe mungonin ne forcat tona sepse korrupsioni u kishte prishur nuhatjen qenve tane te kerkim shpetimit. Ato punuan dite e nate krahas forcave tona dhe vendeve te tjera dhe shpetuan shume jete njerezish. Vetem qeni i tyre hero shpetoi kater persona qe luftonin me vdekjen te mbuluar nga rrenoja te ndertesave te shembura nga termeti.

Forcat e Kosoves, qe Zografi Bis urdheroi ndrikull Xhaçken te mos falenderohen se merzitej Beogradi, dhane ndihme thelbesore edhe ne ngritjen dhe organizimin e kampeve te pritjes te te demtuarve nga termeti.

Per te gjitha keto qytetaret e Shqiperise ne teresi dhe veçanerisht ata te zonave te prekura nga termeti kane vleresimin me te madh dhe mirenjohjen me te pakufishme ndaj vellezerve te tyre nga Kosova per ndihmen tejet te çmuar qe dhane, kurse Zografi Bis dhe narkoministrat e tij nxoren me kete rast edhe njehere ne drite fytyren e tyre antishqiptare!

Qytetari dixhital denoncon qendrimin e pacipe dhe mosmirenjohes te ndrikull Xhaçkes.
Ketu me poshte keni mesazhin e tij. sb

Zoti Berisha jom IM nje djal nga Kosova dhe tu kisha lut nese ka mundesi me reagu pak per ate ministren olta sepse e ka ber nje gabim shum te madh duke i falenderuar te gjitha shtetet qe kan ndihmuar ne rrenoja te gjitha me fotografi dhe ne asnej foto nuk ka zen vend FSK dhe Policia Kosoves eshte turp per ate ministre dhe un si Shqipetar i Kosoves jom shum i irituar me ate gjest
Perqafime

Pas Valbona Sakos është dorëhequr nga posti edhe nënkryetarja e bashkisë së Durrësit, Etleva Kondi

Kondi u emërua në krye të detyrën rreth dy muaj më parë. Dorëheqja e të dyjave, vjen në një situatë ku qyteti i Durrësit po vuan pasojat e tërmetit të 26 nëntorit.

Ndërkohë Zhylien Varfi është vendosur kryetar Bashkie në Durrës dhe pritet të qëndrojë në këtë post deri në zgjedhjen e kryetarit të ri të bashkisë.

Varfaj mbante postin e zv/kryetarit i kësaj bashkie prej 12 vitesh, gjithashtu ai është edhe një nga njerëzit më të besuar të Vangjush Dakos.

Dorëheqja e Sakos

E emëruar në detyrë nga Edi Rama në votimet monpartiake të 30 qershorit, Valbona Sako dha dorëheqjen sot nga detyra e saj si kryebashkiake e Durrësit, qytetit që edhe u prek më shumë nga tërmeti shkatërrimtar i 26 nëntorit.

Përmes një statusi në Facebook, sot Valbona Sako u shpreh se ‘e lënduar nga reagimi i madh negativ ndaj një prononcimi që bëra, nën një stres që i kalon fuqitë e mia, jap dorëheqjen nga detyra e Kryetares së Bashkisë Durrës’.

Dorëheqja e saj erdhi pas deklaratës ku Sako u shprehe ndër të tjera se ‘për hir të së vërtetës ishte një tërmet i nivelit shkatërrimtar. Por duhet të jemi të kënaqur dhe me 50 viktima se në raste të tjera ka qenë mbi 1 mijë viktima…’

Por burime të tjera kanë bërë të ditur se, arsyeja e dorëheqjes së Sakos është një tjetër. Ajo ka qenë kundër shembjes së ndërtesave në Durrës, para se prokuroria të bëjë hetimet e plota.

Sako ka kërkuar që prokuroria me grupet e saj të bëjë hetimet e plota dhe më pas të nisnin shembjet. Ajo nuk ka pranuar që të shemben ndërtesa pa u përfunduar hetimet. Burimet thanë se, shembjet që po bëhen, do të fshijnë provat që akuzojnë Vangjush Dakon dhe vetë Edi Ramën.

Në këtë mënyrë, pas shembjes së ndërtesave prokuroria nuk do të mund të mbledhë prova për të ngritur akuza ndaj Vangjush Dakos dhe Edi Ramës.

Bujar Cuka dhe Egi Cuka, babë e bijë, humbën gjysmën e familjes së tyre, Fatmira Cuka dhe Sardi Cuka, nënë e bir vdiqën nën rrënojat e njërit prej pallateve në Thumanë.

Bujari dhe Egi fajësojnë institucionet shtetërore. Në një intervistë për Klan Kosovën, ata pohuan se pas tërmetit të 21 shtatorit 2019, përfaqësues të institucioneve shtetërore u thanë se banesa e tyre ishte e sigurt.

Egi kërkon ndëshkimin e funksionarëve që e shpallën pallatin e banueshëm:

“Unë këtë gjë dua ta çoj deri në fund. Këtë padrejtësi unë dua ta çoj deri në fund që ato persona që kanë qenë aty dhe kanë thënë që pallati ka qenë i banueshëm duhet të ndëshkohen.”

Revoltën ata e nxjerrin tek zyrtarët qeveritarë që i kontaktuan ata pas tërmetit për t’u afruar ndihmë. Është reagim i ashpër ndaj punonjësve që mund të mos kenë asnjë lidhje dhe përgjegjësi me tragjedinë e tyre, por është reagim njerëzor.

Ndërsa vajza refuzon të takojë punonjësin, babai i saj e akuzon:

“Pse duhet të vish ti këtu. Ti e di që shtëpia ime ka qenë e pabanueshme që në atë kohë. Pse më vjen këtu ti mua.”

Incidenti kaloi pasi inati i momentit ja la vendin arsyes, por kërkesa e tyre për drejtësi nuk do largohet.

Pasi Shqipëria varrosi viktimat e tërmetit të 26 nëntorit, sfida bëhet serioze sa i përket ndihmës së menjëhershme për familjet e dëmtuara si dhe për financimin e rindërtimit të banesave të humbura. Këto janë disa mjete që Shqipëria ka në dispozicion për të financuar rindërtimin.

Shqipëria varrosi të dielën një pjesë të 50 viktimave të tërmetit të 26 nëntorit dhe i dha fund zyrtarisht operacionit për kërkimin e të mbijetuarve nën rrënoja. Në këtë pikë, sfidat kryesore janë ndihma e menjëhershme për familjet e pastreha dhe hartimi i planeve pak më afatgjata për rindërtim.

Shqipëria, njësoj si çdo vend sovran, ka një numër opsionesh në dispozicion mbi mënyrën se si mund të përballojë kostot e menjëhershme për ndihmën e familjeve të pastreha si dhe koston më afatgjatë për rindërtimin e pallateve dhe banesave të shembura. Deri më tani, qeveria shqiptare nuk ka bërë të ditur se çfarë ka në mendje të bëjë, me përjashtim të hapjes së llogarive bankare për pranimin e donacioneve. Këto donacione, ndonëse janë të domosdoshme për të ndihmuar familjet në nevojë në fazën e parë të emergjencës, pra furnizimin e familjeve me veshje, ushqime, çadra e batanije; ndihmat vështirë se janë të mjaftueshme dhe në një farë mase, nuk janë as shumë të nevojshme, për fazën e gjatë të rindërtimit.

Kostoja e përgjithshme e rindërtimit është e vështirë të vlerësohet në kushtet aktuale, kur nuk është e qartë se sa është numri i pallateve të pabanueshme. Megjithatë, dëme në rendin e qindramilionë eurove nuk janë të papërballueshme për gjendjen ekonomike të sotme të Shqipërisë, në rast se tërmeti nuk shoqërohet edhe me keqqeverisje dhe abuzim me fondet e me prokurimet e rindërtimit.

Qeveria mund të përdorë: 1) rritje të borxhit publik; 2) rritje të përkohshme të taksave;  3) t’i kërkojë Bankës së Shqipërisë të bëjë emision monetar; 4) të përdorë një pjesë të rezervës valutore të vendit; 5) një kombinim të këtyre masave më sipër.

Le ta nisim nga e përgjithshmja: Shqipëria ka një prodhim të brendshëm bruto prej rreth 11 miliardë eurosh në vit. Nga kjo shumë dalin të gjitha paratë tona, pagat, fitimet e kompanive, taksat që mbledh buxheti i shtetit për shërbime publike. E thënë ndryshe, puna jonë dhe puna e emigrantëve që sillet në Shqipëri në formë remitancash krijon vlerë të shtuar 11 miliardë euro në vit. Pikërisht nga kjo shumë përgjatë dy apo tre viteve të ardhshme do të duhet të dalin paratë për të paguar dëmet e shkaktuara nga tërmeti.

Duke qenë se ne nuk e dimë se sa janë kostot e tërmetit, po shqyrtojmë tre mundësi. E para, që kostot janë relativisht të ulëta në rendin e 200 milionë eurove; e dyta, që kostot janë relativisht të larta, në rendin e 1 miliardë eurove dhe; e treta, që kostot janë në rendin e shifrës marramendëse prej 2 miliardë eurosh.

Në raport me prodhimin e brendshëm bruto, kjo do të thotë kosto nga 1.8 deri në 18% e Prodhimit të Brendshëm Bruto.

Opsioni i parë, zhvendosje fondesh nga koncesionet kontroverse te rindërtimi

Në rast se kostot janë 200 milionë euro, qeverisë i mjafton të pezullojë apo të shtyjë për më vonë disa projekte koncesionare shumë të debatueshme dhe thellësisht të paarsyeshme edhe në kohë pa tërmet, për të drejtuar fondet te rindërtimi i zonave të prekura nga tërmeti.

Ligji për Buxhetin e Shtetit ka një listë të këtyre projekteve nga të cilat është shumë e lehtë të zgjedhësh se çfarë mund të shtysh për më vonë: Milot – Balldre është një projekt autostrade me kosto të planifikuar 32 miliardë lekë ose 270 milionë euro dhe që synon ndërtimin e një rruge prej vetëm 17 kilometrash të gjatë. Kjo është një nga shumë projektet e infrastrukturës, të cilat që para tërmetit ishin kontroverse dhe të paarsyeshme.

Anulimi i kësaj kontrate tashmë që ajo nuk ka nisur ende është një hap shumë i logjikshëm për të siguruar fonde për rindërtimin. Por Milot – Balldre është larg të qenit e vetmja. Nëse kostot e rindërtimit nga tërmeti janë më shumë se sa kaq, kemi projekte të tjera që mund të anulohen: 1. Rruga Orikum Dukat, kostoja 83 milionë euro. 2. Incineratori i Tiranës, kostoja e paidentifikuar. 3. Incineratori i Fierit, kostoja e paidentifikuar. 4. Unaza lindore e Tiranës, kostoja 38 milionë euro. Në veçanti, anulimi i dy koncesioneve të rrugëve është veprim i logjikshëm për shkak se këto projekte nuk kanë nisur të zbatohen.

Opsioni i dytë, shtimi i borxhit publik/rritje taksash

Në rast se zhvendosja e fondeve nga koncesionet te rindërtimi nuk mjafton, qeveria ka mundësi të rrisë borxhin publik. Aktualisht ky borxh është në nivelin rreth 65% e PBB-së, shifër sakaq e lartë. Por për fat, interesat e këtij borxhi aktualisht janë të ulëta, pranë minimumit historik, kështu që rritja e këtij borxhi me, fjala vjen, nga 65 në 70%, mund të sjellë 550 milionë euro para të thata për të financuar rindërtimin. Natyrisht që nëse borxhi rritet, taksat mbi shqiptarët duhet të rriten gjithashtu për të shlyer këtë borxh.

Një veprim i arsyeshëm është rritja e përkohshme e Tatimit mbi Vlerën e Shtuar për së paku 2 apo tre vjet. Shqiptarët paguajnë përmes TVSH-së afro 1.3 miliardë euro në vit ndërsa rritja e TVSH-së nga niveli aktual 20% në, fjala vjen, 22%, mund të sjellë afro 130 milionë euro të ardhura shtesë në vit. Nëse dëmet nga tërmeti janë 200 milionë euro, atëhere mjafton që TVSH të rritet në 22% për rreth një vit e gjysmë që shqiptarët të paguajnë koston e rindërtimit.

Opsioni i tretë, emisioni monetar

Shqipëria, si çdo vend sovran, ka një monedhë e cila prodhohet nga banka qendrore. Në raste ekstreme, qeveria mund t’i kërkojë Bankës së Shqipërisë të rrisë sasinë e lekut në qarkullim për të financuar rindërtimin. Kjo masë natyrisht që sjell zhvlerësim të monedhës kombëtare dhe inflacion. Dhe kjo masë përbën njëkohësisht një formë taksimi. Milton Friedman ka thënë në një rast se inflacioni është ajo formë taksimi për të cilën qeveritë nuk marrin miratim në parlament. Mund të duket një problem i vogël, por në krahasim me taksat e zakonshme, inflacioni është i tillë që i takson njerëzit ndërkohë që këta të fundit as që janë në gjendje të dallojnë se po taksohen.

Gjithsesi, emisioni monetar është një lloj arme veprimi në masë që i prek të gjithë, pavarësisht nëse janë të pasur apo të varfër. Në kushtet e sotme, kur leku është forcuar falë parave të bollshme të pista deri në 122 lekë për euro nga 140 që ka qenë tre vjet më parë, një emision monetar, që në gjuhën moderne njihet me termin lehtësim sasior, mund të jetë pozitiv edhe për pjesën tjetër të ekonomisë.

Opsioni i katërt, përdorimi i rezervës valutore

Si çdo vend tjetër modern, Shqipëria ka një instrument të quajtur: Rezerva valutore ndërkombëtare. Kjo është një shumë parash që menaxhohet nga Banka e Shqipërisë dhe që është akumuluar përgjatë njëzet viteve të fundit. Kjo është shuma që BSH përdor në rast krizash dhe niveli i saj llogaritet në muaj importe, d.m.th., vendi duhet të ketë aq para të kursyera sa të mund t’i lejojë vetes të paguajë katër muaj importe pa pasur asnjë burim tjetër në rast katastrofash. Në rast se dëmet nga tërmeti janë shumë të larta, atëhere qeveria mund të përdorë një pjesë të kësaj rezerve valutore. Rezerva valutore në fund të vitit 2018 ishte në masën 3.4 miliardë euro. [Shiko më shumë f. 94 të raportit vjetor të BSH]

Në rast se qeverisë i nevojiten, fjala vjen, 1 miliardë euro për rindërtimin, atëherë asaj i mjafton të përdorë më pak se një të tretën e rezervës valutore. Kjo nuk do të thotë se taksat nuk do të duhet të rriten dhe se vendi mund ta përballojë tragjedinë vetëm duke përdorur paratë e kursyera. Në rast se rezerva valutore preket për rindërtim, ajo do të duhet të plotësohet sa më parë që të jetë e mundur. Dhe e vetmja mënyrë për ta plotësuar është që të rrisësh taksat.

Ana pozitive e katastrofave natyrore është që, ndonëse burimet ekonomike duhet të zhvendosen, fjala vjen, nga koncesionet e rrugëve te rindërtimi i shtëpive, pasojat e këtij veprimi në ekonominë kombëtare janë neutrale, e ndoshta më pozitive. D.m.th., nëse betoni bëhet ndërtesa dhe jo rrugë, vlera e shtuar finale në ekonomi është njësoj. Por në rastin e ndërtesave, përfituesit janë shqiptarët e zakonshëm, gjë që nuk mund të thuhet si e vërtetë absolute në rastin e koncesioneve.

Nga një këndvështrim i përciptë, dëmet janë tërësisht të përballueshme për gjendjen aktuale të ekonomisë shqiptare sot. Ndihmat, qofshin këto edhe prej miliona eurosh nga biznesmenë shqiptarë apo nga qytetarë të zakonshëm, janë veç një qindarkë e asaj që nevojitet dhe asgjë në krahasim me kontributin që do të duhet të japim të gjithë ne për rindërtimin e vendit. E vetmja gjë e papërballueshme është keqqeverisja. Nëse tenderët vijojnë të manipulohen trashë, apo kompani fantazmë fitojnë tenderë shumëmilionësh dhe prokuroria nuk është në gjendje të identifikojë se kush është përgjegjësi, asnjë lloj skeme financiare nuk është e mjaftueshme për rindërtimin e vendit.

/Reporter.al