Ish-kryeministri Sali Berisha ka dënuar me ashpërsi të madhe, aktin e Policisë sot, e cila ka ndaluar të riun Vilson Kulemani, që guxoi të shpalosë flamurin shqiptar mbi shtatoren e Ismailt Qemalit, në shenjë proteste ndaj takimit për Mini-Shengenin ballkanik që po mbahet në hotel Rogner në Tiranë, përballë kësaj shtatoreje.

Berisha, i cili ka publikuar pamjet,  shkroi në Facebook këto radhë: “Edvin Kristaq Zografi, Esat Toptani i ri,  i ndryrë me padronin e tij – serbomadhin Vuçiç në hotel “Rogner”, ndalon të riun trim Vilson Kulemani, sepse vendosi flamurin kombëtar te shtatorja e babait të Pavarësisë, Ismail Qemalit. Turp!”

Vizita e presidentit të Serbisë, Vuçiç në Tiranë, pak ditë pasi mohoi masakrën ne Reçakut, ka prekur dhe ka lënduar zemrat e shqiptarëve të Kosovës, për të cilët ngjarjet e luftës janë ende të freskëta.

Së fundi ka qenë reperi i njohur Gold Ag, i cili përmes vargjeve ka reaguar ashpër ndaj Ramës, teksa thotë se i ka vënë thikën pas shpine Kosovës.

Postimi i plotë i Gold Ag

Edi Ramë o Edi Ramë e prite shkaun në Tiranë,

A harrove që Kosova atë Shqipni e thërret nanë.

Edi Ramë i vure pikë e prite shkaun me muzikë,

Në këtë natë krejt Kosovës mbrapa shpinës i vure thikë.

Edi Ramë o Edi Ramë athu kush xhepat ti mbushi,

Mos mendo se biri shkinës t’do më shumë sesa Ramushi.

Edi Ramë o Edi Ramë mjer Shqipnia e mjerë shteti,

Je bo si ai personazhi “Me vlla n’gjyq me baxhanak n’deti”

Edi Ramë mendo pak se ai fëmijët na i vrau n’prag,

Shiko kur i flet për dore mos po ta bënë dorën me gjak.

Edi Ramë mjerë për ty Edi Ramë mjerë për ne,

Thuj shkavellit kur t’nis himni mos t’çohet n’kam por le t’hin n’dhe.

Edi Ramë o mjekërr bardhë n’pikë t’mëngjesit t’kemi ardhë,

Por si duket puna jote po na del bisht me dardhë.

Edi Ramë o Edi Ramë bëj çka dush kur nuk ke marre,

POR DIJE QË S’TA BËN HALLALL GJAKU I FMIVE NËPËR VARRE”.

Gazetarja nga Prishtina, Kimete Berisha, ka reaguar ashpër në rrjetet sociale, pas vizitës që bëri presidenti i Serbisë Aleksandër Vuçiç nëpër gërmadhat e pas tërmetit në Shqipëri.

Berisha si një nga viktimat e mbijetuara të genocidit serb në Kosovë në kohën kur Vuçiç ishte edhe atëherë në pushtet, i kujton Edi Ramës që “të takohet sa herë të dojë zyrtarisht me njeriun që mohon masakrën e Reçakut e gjithë krimet në Kosovë, por të mos krijojë skena melodramatike mbi rrënojat e tërmetit, sepse i bën për të vjellë.”

Në fund të shkrimit shpërthyes, Kimeta Berisha, pasi paralajmëron Edi Ramën, `që t`ja kthejë mbrapsht dashninë Vuçiqit, sa s’kemi nis me të urrejtë si çeta e ‘viktimave të luftës’ e mos me të lënë me shti hundën në Kosovë sa të jesh gjallë, e mallkon në emër të viktimave shqiptare nga serbët`.

Shkrimi i plotë: Vuçiçi ‘t’shtiftë’ n’dhé! 

Pash Zotin këqyrne Vuçiqin në Durrës qysh i këqyr ‘me dhimbje’ ndërtesat me kry përpjetë.

Edi Rama kujton se serbi ndjen dhimbje, kur i shikon me kry n’hava ndërtesat e dëmtume prej tërmeti, po Vuçiqi e ka dertin e vet, këqyr mos po e heton naj snajperist se shumë ndërtesa, edhe rojet e tij i kanë thënë për çdo rast ‘këqyr’ edhe ti ‘oko sokolovo’.

Zaevi po sillet normal me kry në hi.

Vuçiqi që e ka mohuar masakrën e Reçakut, i ka mohuar fëmijët e vrarë shqiptarë; ka shkel në gjak deri në gju; nuk ka kërku falje për krimet e Serbisë ndaj shqiptarëve të Kosovës, sepse ka marrë pjesë edhe vetë në ato krime, e mohon lirinë dhe ekzistencën tonë, por ama ndjen dhimbje për Edi Ramën.

Pse veç Edi Ramën e bën kabull për njeri.
Raport pervers i këtyre të dyve.
(Fshehne pak se marre, po të shohin nanat e Izbicës).

Nuk ka shans me zbulu ku e shohin serbët dallimin midis shqiptarëve të Shqipërisë dhe neve të Kosovës.

Pse ata u duken ‘të pranueshëm’ e ne ‘të paparanueshëm’.

Neve na nënçmojnë shqiptarët e sigurisht u thonë serbëve gjithçka keq për ne, para tyre distancohen prej nesh.

Zoti e dittë.

Mos i ndihmoni më qeverisë së Edi Ramës. Asnjë centë.
Le ti jep pare Vuçiqi.
As mos ndjeni dhimbje për ta.
Vuçiqi le të mërzitet për ta.

Nuk e meritojnë dashurinë tonë, vuajtjen tonë, budallë kemi qenë që jemi kalbur burgjeve e kemi vdekë për këto fundrrina.

Hashim Thaçi s’ka të drejtë ta gjykoj Edi Ramën për afërsinë me Vuçiqin, por ne kemi të drejtë.

Hashimin nuk merret më me politikë, veç do miliona (pa tender) po mundohet m’i ‘vjedh’ e me ja dhënë njërit për ndërtesën e ish Komitetit (për presidencë).

Koha e tij ka mbaruar.
Por e jona ende Jo.

Prandaj, takohu me Vuçiqin zyrtarisht e mos krijo skena melodramatike mbi rrënojat e tërmetit me të. Gjithë kjo afërsi mes jush po na bën me vjell.
Kishe shumë po duheni.

Ktheja mbrapshtë ‘dashninë’ Vuçiqit, sa s’kemi nis me të urrejtë si çeta e ‘viktimave të luftës’ e mos me të lënë me shti hundën në Kosovë sa të jesh gjallë.

P.S. Jam me tre veta, të tretë e kanë përjetuar dhunën dhe tmerrin e Vuçiqit.

Një protestë u zhvillua paraditen e sotme në Tiranë kundër takimit të Minishengenit mes Edi Ramës dhe Aleksandër Vuçiç.

Pjesë e kësaj proteste ka qenë dhe sekretari për çështjet ligjore në Partinë Demokratike, Çlirim Gjata, i cili u shpreh se, Rama është shndërruar në shërbëtorin e Serbisë.

Gjata tha se, vizita e Vuçiç në zonat e prekura nga tërmeti në Durrës është një hipokrizi, sa kohë që mohoi një nga masakrat më të ashpra në drejtim të shqiptarëve tëKosovës, atë të Reçakut.

“Dil para popullit tënd dhe thuaj që më kanë marrë peng. Edi Rama duhet ti përgjigjet një pyetje, nëse Kosova nuk e pranon këtë, a do ta vazhdojë ai Mini Shengenin, në Kushtetutë ka dhe një pikë që parashikon tradhtinë kombëtare.

Vizita e Vuçiçit në zonat e prekura nga tërmeti është një hipokrizi, ti që mohon një nga msasakrat më të përgjakshme, siç ishte ajo e Reçakut, nuk mund të shkosh dhe të derdhësh lot krokodili. Serbia duhet të kërkojë falje, vetëm atëherë mund të nisë bashkëpunimi, duhet të njohë Kosovën.

Shengen do të ketë vetëm në kuadër të Bashkimit Europian. Këto janë protesta simbolike, nesër nuk do të jenë më simbolike, shërbërtori i vetëm i Beogradit ka mbetur Edi Rama, pasi dhe politikanët në Kosovë tani janë distancuar’, u shpreh Gjata në Fax News.

Persona të maskuar hyjnë në shtëpitë e dy të moshuarave në fshatin Terihat të Dropullit duke marrë një sasi parash nën kërcënimin e armës.

Gazetari Orges Sako raporton për abcnews.al se të moshuarat u mbyllën në një dhomë teksa grabitësit kërkonin nëpër shtëpi për para duke i thënë “na jepni leftat”.

“I mbyllën gojën, i vunë pistoletën në kokë dhe i hodhën në krevat. Pastaj mbyllën dritaren dhe dhomën duke i lënë brenda. Grabitësit flisnin shqip dhe greqisht. Leftatë, ku i ke leftatë, i thonin nënës”, shprehet vajza e njërës prej të moshuarave.

“Na mori komshija që ishte mbyllur brenda në telefon dhe ne njoftuam të afërmit këtu”, rrëfen ajo për abcneës.al.

Policia bën me dije se ngjarja ka ndodhur rreth orës 03:30 të mëngjesit dhe se është duke kërkuar për autorët. /abcnews.al