Partia Demokratike ka paditur anëtarët e Komisionit të Zgjedhjeve, komisionerët dhe numëruesit e Partisë Socialiste në zgjedhjet e 30 qershorit në bashkinë e Roskovecit.

Me një dokument që mban datën 18 korrik, PD i ka kallëzuar penalisht ata në Prokuroinë e rrethit gjyqësor Fier për shpërdorim detyre, falsifikim të dokumenteve dhe rezultatit në zgjedhje, dëmtim të materialit zgjedhor, shkelje të fshehtësisë së votimit, kanosjes së zgjedhësit, dhe votim më shumë se një herë ose pa u identifikuar.

Deklaratë për mediat

Partia Demokratike Roskovec me autoritetin që të jep ligji, ka dorezuar pranë Prokurorisë së Rrethit Gjyqësor Fier, kallëzim penal për të gjithë antarët e komisioneve në qendrat e votimit të ZAZ nr.60.

Partia Demokratike Roskovec disponon të gjitha provat se procesi i votimit të zgjedhjeve monopartiake të Bashkinë Roskovec rezulton me parregullësi.

Sipas monitorimeve në terren gjatës ditës së votimit në 30 Qershor, me argumeta të plotë dhe fakte të grumbulluara, në kutitë e votimit janë hedhur më shumë fletë votimi sesa votues që kanë hyrë fizikisht në qendrat e votimit.

Majlinda Bufi edhe pse e vetme në votimet monopartiake, ka shtuar me dorën e kamikazëve të saj në komisione, vota në mënyrë fiktive. Sipas të dhënave të Partisë Demokratike Roskovec, kamikazët dhe puntorët e bashkisë së Majlindës janë hedhur në kutitë e votmit më shumë se 1200 vota në të gjitha qendrat e marra sëbashku.

Procesi i organizimit dhe administrimit të votimit të datës 30 qershor, në kundërshtim me Dekretin e Presidentit te Republikes nr.11199, date 10.6.2019 “Për shfuqizimin e Dekretit të Presidentit nr.10928, datë 5.11.2018, “Për caktimin e dates se zgjedhjeve per organet e qeverisjes vendore, perben shkelje te rende te rendit kushtetues.

Partia Demokratike Roskovec ndaj subjekteve të mësiperme ka paraqitur nje sërë faktesh të grumbulluara, për kallzimin e bërë per vepren penale të “Falsifikimit të materialeve dhe rezultateve zgjedhore”.

Partia Demokratike Roskovec shpreh besimin e plotë për veprimin në kohë dhe me profesionalizëm të Prokurorisë së rrethit gjyqësor Fier, me paanshmeri dhe korrektësi në hetimin e plotë të kësaj çështjeje për zbardhjen e të gjitha veprimeve dhe mosveprimeve, te cilat kanë sjellë si rezultat mbajtjen e një procesi votimesh monopartiake me qëllimin e vetëm të dokumentit të një rezultati “Farsë”

Prandaj duke deklaruar se në kutitë e votimit ka më shumë fletë votimi se votues, i gjithë procesi është i manipuluar dhe për rrjedhojë rezultati në Bashkinë Roskovec mbetet “Nul”.

Ish-deputeti i PD, Klevis Balliu në një shënim në profilin e tij në facebook duke komentuar vendimin e sotëm të socialistëve që kërkojnë të ashpërsojnë sanksionet penale ndaj personave që protestojnë, shkruan  se këta nuk ashpërsojnë Kodin Penal ndaj Taulantit që vjedh buxhetin e shtetit, apo kundër hajdutëve të votave dhe kundër narkotrafikantëve, kjo sepse këta vrasësit, narkotrafikantët dhe hajdutët i kanë partnerë.

“Ashpërsojnë Kodin Penal kundër atyre që protestojnë sepse atë hall kanë.

Nuk ashpërsojnë Kodin Penal kundër vrasësve, kundër hajdutëve që vjedhin miliarda nga buxheti shtetit si Taulanti për shembull, kundër hajdutëve të votave apo dhe kundër narkotrafikantëve.

Sepse këta vrasësit, narkotrafikantët dhe hajdutët i kanë partnerë.

Bashkëqeverinë e kanë për këtë kategori kurse qytetari i thjeshtë dhe i ndershëm është armiku dhe duhet burgosur.

MJERË JU O TË SHKRETË RILINDAS ÇFARË FUNDI I ZI JU PRET’.

Kryetari i Forumit Rinor të Partisë Demokratike, Belind Këlliçi i ka bërë thirrje Ramës të heqë dorë menjëherë nga shembja e Teatrit Kombëtar, pas urdhërit të sotëm të Ministrisë së Kulturës për heqjen e materialeve nga ky institucion.

Këlliçi shkruan se, Teatri do të mbrohet me çdo kusht, edhe me gjak po të mundet,pa asnjë kompromis.

‘Mëngjesin e sotëm Ministria e Kulturës ka urdhëruar zbrazjen e godinës së Teatrit Kombëtar. Në mënyrë të pabesë, pushteti jo-legjitim, i një minorance politike aspak përfaqësuese, hodhi sot hapin e parë për zbrazjen fizike të Teatrit Kombëtar.

Jo rastësisht Edi Rama dhe Erion Veliaj përzgjodhën muajin korrik, në prag pushimesh, me shpresën se ky gjest nuk do të vihet re nga qytetarët dhe do të kalojë ashtu siç kanë kaluar shpesh me trishtim, masakra të tjera të përditshme që po i bëhen trashëgimisë historike të kryeqytetit.

Pasi tentuan ta zhvishnin Teatrin fillimisht nga funksioni duke i hequr vjedhurazi shkronjat natën, po tinëzisht deshën ta zbrazin për t’jua bërë fakt të kryer qytetarëve shembjen e tij dhe vjedhjen e truallit publik, si celebrimi final dhe më i paturp i një pushteti arrogant dhe jolegjitim, që s’ka si të sillet ndryshe veçse si pushtues barbar me qytetarët dhe historinë.

Si pjesë e atyre qytetarëve që “pushtimin” nuk e pranojnë, ju garantoj se Teatri Kombëtar do të mbrohet me çdo kusht! Ne jemi shumë, por do të kemi nevojë në luftën tonë për të tërë ju që dini të vini interesin publik dhe qytetar, para pazarave private dhe grabitjes së truallit publik për ndërtimin e 6 kullave të Erion Veliajt.

Hiqni dorë nga kjo marrëzi, përpara se te jetë tepër vonë për ju! Teatri Kombëtar do të mbrohet me çdo kusht, me çdo sakrificë dhe pa asnjë kompromis!

Publikohen dokumente të reja mbi dosjen “Tahiri” ku ish-ministri i Brendshëm Saimir Tahiri akuzohet për grup të strukturuar kriminal dhe korrupsion pasiv i zyrtarëve të lartë.

Nis seanca për gjykimin e ish ministrit të brendshëm Sajmir Tahiri duke lënë shtigje të dukshme të hallit të dosjes. Kërkesa për gjykim nuk u lexua sepse palët ranë dakord se e dinë çfarë ka brenda. Të tjerë dokumenta në të cilat ish-ministri pretendon se janë bazë e akuzave të ngritura në ngarkim te tij, mungonin dhe Prokuroria duhet të kërkojë njëherë rrotull vetes për t’i gjetur. Drejtorët e bashkëakuzuar me shefin e tyre Jaeld Çela, Gjergj Kohila e Sokol Bode, vazhdojnë të jenë në kërkim.

Pasi u lexuan akuzat, gjykatës, avokatë e prokurorë, ranë dakord të mos lexoheshin as provat, meqë njihen të gjithë me to. Anëtarët e organizatës kriminale drejtuar nga vëllezërit Habilaj u arrestuan në tetor 2017 në Itali dhe në qershor në 2019 janë dënuar . Kërkesa e djeshme e prej 20 faqesh ka një sasi të konsiderueshme përgjimesh. Çfarë nuk u lexua dje në gjykatë, është kjo kërkesë e prokurorëve. Ndërkohë me 22 korrik prokurorët duhet të sjellin dhe shkresat e “humbura”.

/Shijaktv.al

Partia Demokratike Dega Lezhë ka paraqitur në Prokurorisë së Rrethit Gjyqësor Lezhë, kallëzimin për veprën penale të “Shpërdorimit të detyrës” neni 248 i Kodit penal, kryer në bashkëpunim, në ngarkim të anëtarëve të Komisionit Qëndror të Zgjedhjeve, Komisioneve Zonale të Administrimit Zgjedhor Nr.12 dhe 13, të anëtarëve të Komisioneve të Qendrave të Votimit dhe Grupeve të Numërimit të Zonave Zgjedhore 12 dhe 13 Lezhë.

Organizimi dhe administrimi prej tyre i proçesit të votimit të datës 30 qershor, në kundërshtim me Dekretin e Presidentit Nr.11199 datë 11.6.2019 “Për shfuqizimin e Dekretit Nr.10928, datë 5.11.2018 të Presidentit të Republikës “Për caktimin e datës së zgjedhjeve për organet e qeverisjes vendore”, përbën shkelje të rëndë të rendit kushtetutes dhe ka si qëllim cënimin e funksionimit ligjor të institucioneve.

Gjithashtu, Partia Demokratike Dega Lezhë, ndaj subjekteve të mësipërme, ka paraqitur ndër të tjera kallëzim për veprën penale të “Falsifikimit të dokumenteve dhe rezultateve të zgjedhjeve”, neni 326 i Kodit Penal, pasi ka dyshime të arsyeshme bazuar në monitorimin e bërë nga strukturat e PD-së, referimit nga qytetarët si dhe të dhënave të publikuara zyrtarisht, se në disa Qendra Votimi në ZAZ 12 dhe 13 në Lezhë, ndër të tjera, janë kryer veprime me qëllim manipulimin e rezultatit të votimeve duke falsifikuar nënshkrimet në listat e zgjedhësve, duke cënuar fshehtësinë e votimit, apo lejuar votimin pa qenë prezent qytetarët.

“Ne besojmë se Prokuroria e Rrethit Gjyqësor Lezhë do të dëshmojë profesionalizëm, paanësi dhe korrektësi në hetimin e plotë dhe të gjithanshëm të kësaj çështje, për zbardhjen e të gjitha veprimeve apo mosveprimeve të cilat kanë sjellë si rezultat mbajtjen e një proçesi votimi të kundraligjshëm si dhe falsifikimin e materialeve zgjedhore me qëllim dokumentimin e një rezultati të manipuluar dhe të pavërtetë”, thuhet në këtë deklaratë.