Ditën e djeshme u njoftua në media se një grup prej 20 deputetësh kishin marrë nismë për shkarkimin e Arben Malajt nga posti në Bordin e Bankës së Shqipërisë.

Ditën e sotme ka reaguar vetë Malaj duke konfirmuar lajmin dhe ka pranuar se kjo nismë vjen pasi edhe më parë janë bërë përpjekje për mos zgjedhjen e tij dhe për këtë ai thekson ka qenë Taulant Balla që ka dërguar kërcënime drejt tij për mos pranim të ndërhyrjeve në procesin e përzgjedhjes në Bordin e Bankës së Shqipërisë.

“Kërcënimet paralajmëruese m’i ka dërguar Taulant Balla pas mos pranimt të ndërhyrjes së tij edhe me SMS me rekomandime partiake në proceset e përzgjedhjes në Bordin e Bankës së Shqipërisë. Shqetësimi është i protokolluar në mbledhjen e Bordit të BSh”-shkruan Malaj.

Më tej ai shton se “veprimi i tyre është i pastër politik, sepse shkeljet etike materializohet me cenim të reputacionit apo eficencës së Bankës së Shqipërisë gjë që sipas vlerësimeve edhe të institucioneve ndërkombëtare por edhe në mbledhje e Bordit pas mandatin të ri,( mandati i pare ishte zëvendësues rreth dy vite) nuk ka asnjë shqetësim të shprehur ndaj meje për shkelje etike. Mbledhje e fundit ishte ne 3 Korrik 2019”.

Postimi i plotë:
Nje sqarim per koleget dhe dashamiresit lidhur me kete njoftimin ne Ballkan Ëeb.
E para dhe thelbesorja – vendit tim I kam sherbyer ne cdo kohe me integritet te larte, profesionalzem te thelle dhe dashuri te madhe.

2. Te treja keto vertetetohen gjate pervojes 32 vjecare ne cdo angazhim, akademik, shoqerore dhe politik.
3. Ju ka kam paralajmeruan qe u bene perpjekje maksimalen per te mos me rizgjedhur.
Per interesat dhe emrat konkrete do te flas fillimisht ne procesin e ballafaqimit parlamentar.
4. Ne respekt te institucionit te Bankes se Shqiperise nuk do te bej asnje deklarate specifike perpara nisjes se ballafaqimit institucionale.

5. Gjithe shqetesimet e mia per sfidat e Bankes se Shqiperise qe nga vetingu per babkiret miliardere te i cuan kredite jo performuese te vendit deri ne 50% te totalit, me larte se ne cdo vend tjetet dhe debatet per kete ne Bord jane te gjithe te dokumentuara ne proces verbalet e mbledhjeve te Bordit.

6. Kercenimet paralajmeruese mi ka derguar Taulant Balla pas mos pranimt te nderhyrje se tij edhe me SMS me rekomandime partiake ne proceset perzgjedhjes ne Bordin e Bankes se Shqiperise. Shqetesim eshte I protokolluar ne mbledhjen e Bordit te BSh.

7. Fakti qe pas shkarkimit nga Erdogan te Guvernatorit te Bankes se Turqise, ky mund te rast I dyte qe maxhorancat e gjithe pushteteshme shkarkojne nje anetar Bordi te Bankes Qendrore,
Vetem profesionalisht me trishton.

8. Veprimi i tyre eshte i paster politike, sepse shkeljet etike materializohet me cenim te reputacionit apo eficences se Bankes se Shqiperise gje qe sipas vleresimeve edhe te institucioneve nderkombetare por edhe ne mbledhje e Bordit pas mandatin te ri,( mandarin I pare ishte zvendesues rreth dy vite) nuk ka asnje shqetesim te shprehur ndaj meje per shkelje etike. Mbledhje e fundit ishte ne 3 Korrik 2019.

9. Sfiden e integriteti dhe profesionalizmit e kam perhere te fituar edhe gjyqin partizan e kam te fituar moralisht, do ta fitoj edhe ne rruge gjyqesore po pagat dhe penalitete 7 vjecare kush do ti paguaj 28 deputetet apo taksapaguesit shqiptare?
Ky eshte thelbi I shqetesimit profesional.

Padua do te jete individuals per cdo abuzues me statusin e deputetit, I keshilloj te kerkojne assistance juridike perpara se te shpifjen.

E fundit por me rendesishme koleget ne PS e dine shume mire qe midis lirise dhe karrikeve kam zgjefhur dhe do te zgjedh lirine, sepse pa te nuk I sherbej dot vendit tim.
Dite te mbare, Arbeni

Lideri i opozitës, Lulzim Basha në një prononcim për mediat në selinë e PD u shpreh se, takimi me Kreun e Shtetit, Ilir Meta, kishte të bënte pikërisht me 13 tetorin.

“Kam zhvilluar një takim me presidentin për krizën politike dhe datën e dekretuar të zgjedhjeve të 13 tetorit, për propozimin e tij për zgjedhje lokale, parlamentare dhe presidenciale që nënkupton ndryshimin e Kushtetutës”, tha Basha.

Basha theksoi se, opozita është e gatshme për të ndërmarrë çdo hap për zgjidhje që i shërbejnë shqiptarëve dhe jo bablokut të madh, lidhjeve të tij me krimin dhe oligarkët.

“Zgjedhjet duhet të jenë për njerëzit dhe jo për Ymer Lalën, bablokun e madh dhe oligarkët”, theksoi Basha.

Basha tha se, opozita është e gatshme për t’i dhënë qytetarëve zgjedhje të lira dhe të ndershme.

Gjithashtu kreu demokrat ka zbardhur edhe takimin që ka zhvilluar në selinë e PD-së me drejtues të partive aleate.

Basha tha se kishte diskutuar mbi strategjinë që do të ndjekë opozita, por edhe mbi programin ekonomik, që do të nxjerrë shqiptarët nga varfëria ku i ka zhytur Edi Rama.

Në këtë kuadër, Basha tha se 30 qershori konfirmoi mazhorancën e re qeverisëse në vend, që sipas tij është opozita dhe qytetarët në krah të saj.

KOMUNIKIM I KRYETARIT TË PD LULZIM BASHA PAS TAKIMIT ME OPOZITËN E BASHKUAR DHE TAKIMIT ME PRESIDENTIN E REPUBLIKËS

• Opozita është e gatshme të ndërmarrë çdo hap për t’u garantuar shqiptarëve të drejtën e votës dhe, përmes zgjedhjeve të lira e të ndershme, për të garantuar një qeveri që buron nga njerëzit dhe u shërben njerëzve.

Pyetje: Zoti Basha, takimi juaj me presidentin a kishte lidhje me 13 tetorin?

Lulzim Basha: Padyshim lidhet me 13 tetorin. Kreu i shtetit mendon se 13 tetori është një mundësi për daljen nga kriza politike, përmes zgjedhjeve të parakohshme parlamentare, zgjedhjeve lokale dhe ,siç është shprehur politikisht, edhe përmes zgjedhjeve të reja presidenciale, që nënkupton ndryshime kushtetuese. Duke vlerësuar maksimalisht qendrimin e presidentit dhe shqetësimin e tij, i kam bërë të qartë se Partia Demokratike dhe Opozita e Bashkuar janë në këtë betejë për interesin e njerëzve, që zgjedhjet e ardhshme, ndryshe nga farsa e 30 qershorit, siç e deklaroi dhe OSBE/ODIHR-i, duhet të jenë për njerëzit, dhe jo për ymerlalët dhe shokun e tyre, “Bablokun” e madh dhe oligarkët.

Në këtë funksion, opozita ëshë e gatshme të ndërmarrë çdo hap për t’u garantuar shqiptarëve të drejtën e votës, që është dhunuar dhe tjetërsuar, përtej çdo përfytyrimi, çfarë e pa edhe me 30 qershor, ku Edi Rama nuk i rezistoi dot tundimit për të vjedhur edhe një proces ku kandidonte vetë, votonte vetë, numëronte vetë, tabulonte vetë dhe, për të garantuar, përmes zgjedhjeve të lira dhe të ndershme, një qeveri që buron nga njerëzit dhe u shërben njerëzve.

Sot, në takimin me opozitën e bashkuar, kemi diskutuar për hapat e mëtejshëm që do të hidhen në aksionin tonë politik në të gjitha rrafshet, në raport me njerëzit, me qytetarët, në raport me faktorin ndërkombëtar dhe në raport me zgjidhjet që presin dhe që do t’u ofrojmë shqiptarëve.

Në këtë kuadër, kemi diskutuar për emergjencën ekonomike, ku ndodhet vendi, sepse një nga mëkatet më të mëdha, një nga fajet më të mëdha të kësaj bande që na qeveris është që, duke tërhequr opozitën në betejën parimore për vlerat themelore të lirisë e të demokracisë, të luftës kundër krimit dhe drogës, ia ka dalë t’I vërsulet Shqipërisë, buxhetit të saj, pasurive të saj, ta vjedhë dhe ta grabisë qytetarin e thjeshtë, pasurinë e këtij vendi dhe ta zhysë ekonominë në ditën e saj më të zezë, në të paktën 2 dekada.

Ndaj, bashkarisht kemi diskutuar për platformën tonë ekonomike, për zgjidhjet ekonomike që shqiptarët meritojnë dhe do të kenë, me fitoren e Opozitës së Bashkuar, e cila tashmë, jo vetëm thjesht përmes studimeve të opinionit publik, por edhe përmes referendumit të 30 qershorit, është konfirmuar si maxhoranca e re politike.

Ju faleminderit