Myrteza Çaushi ose i njohur ndryshe si Zani i Vlorës është një emër i njohur për Shqipërinë,  pas rrëmujave që përjetoi vendi në konfliktin civil në vitin famëkeq 1997.

Emri i tij jehon në opinionin publik edhe sot, sidomos për faktin që tashmë nipi i tij kandidon për këshilltar bashkie në Vlorë.

Dje në Vlorë që është zona elektorale e Kryeministrit, janë prezantuar edhe kandidatët për Këshillin Bashkiak, ku shkëlqeu nipi i Zani Çaushajt.

Ervis Çaushaj, u bëri thirrje të gjithëve të votojnë për Edi Ramën.

Sigurisht që ai nuk mban përgjegjësi për xhaxhain dhe nuk do të binte në sy nëse nuk do të kishte një karrierë të shpejtë në administratë, menjëherë sa PS erdhi në pushtet. Në përshkrimin që ka çuar në Komisionin Qëndror të Zgjedhjeve, e thekson me krenari që ka hyrë në PS që kur ishte minoren, ne 2003, vetëm 14 vjeç.

Në 2011 ka mbaruar shkollën për Shkenca Politike, por u punësua vetëm 2 vjet më vonë. Në 2013, sapo PS erdhi në pushtet, filloi punë si specialist në Institutin e Sigurimeve Shoqërore, megjithëse diploma nuk përkonte më këtë funksion.

Aq shumë shkëlqeu në 2 vjet aty, nipi i Zani Çaushit, sa u emërua në 2015 shef i terminalit të Portit të Vlorës, një funksion i lakmuar nga të gjithë. Pasi u emërua në një punë që nuk ka lidhje me profesionin e tij, sigurisht me konkurs, tani ka vendosur të ndjekë profesionin për të cilin është diplomuar.

E fillon politikën nga Këshilli Bashkiak. Kështu një ditë, nipi i Zani Çaushit, mund të bëhet edhe kryetar i Bashkisë Vlorë, deputet, pse jo edhe Kryeministër. Brenda PS tani ka shumë njerëz që mund të votojnë për të, mjafton që xhaxhai të lobojë pak në qelitë përreth. /Fastnews.al

Situata e tensionuar dhe përplasjet e ashpra vazhdojnë. Gazetari Aulon Kalaja në një postim në rrjetet sociale njofton se vëllai i kreut të Partisë Demokartike Mat, Alfred Lika është goditur me shkop gome në kokë nga policia e rendit dhe ndodhet në gjendje të rëndë.

Postimi i Aulon Kalajsë
URGJENTE
Sapo me njoftojne qe eshte goditur me shkop gome pas koke nga policia, Alfred Lika, vellai i kreut te PD Mat. Eshte nisur nje helikopter per t’a transportuar nga Burreli drejt Spitalit te Traumes ne Tirane.

Reagimi i PD

Nje person eshte plagosur ne Burrel, kur qytetaret ishin duke zbatuar dekretin e Presidentit, ne mbrojtje te kushtetutes. Ai quhet Alfred Lika, i cili eshte goditur nga Forcat Speciale, te cilat, ne paligjshmeri te plote me veprimet e tyre, i kane shkaktuar fraktura te renda ne koke. Alfred Lika, vellai i Kryetarit te PD, Burrel, eshte nisur me helikopter drejt Tiranes.

Nuk kanë të ndalur tensionet në vend pas dekretit të presidentit për shtyrjen e zgjedhjeve të 30 Qersjorit, ku pas pas djegies së materialeve zgjedhore në qytetin e Burrelit, largimit të tyre vullnetarisht nga Policia edhe në qytetin e Kukësit, edhe në Klos është bërë diçka e tillë,.

Nga informacionet paraprake mësohet se protestuesit dhe simpatizantët të opozitës kanë hyrë brenda qendrës së KZAZ-së nr 17 të këtij qyteti nga ku i kanë larguar nga ambientet ku ruheshin këto material dhe më pas iu kanë vënë flakën.

Policia ka tërhequr vetë materialet zgjedhore në Kukës duke u dorëzuar para protestës së fuqishme të qytetarëve. Sipas burimeve, materialet zgjedhore që ndodheshin në shkollën “Havzi Nela” janë hequr nga vetë policia.

Protestuesit në Kukës ishin nga më të vendosurit për largimin e materialeve zgjedhore nga KZAZ-ja në zbatim sipas tyre, të dekretit të Presidentit për ç’dekretimin e datës 30 Qershor.

Mbështetës të Partisë Demokratike dhe opozitës së bashkuar si dhe shumë qytetarë të tjerë, i kanë vënë kavën derës së KZAZ-së pavarësisht rezistencës së Policisë.

Ndërkohë ka pasur edhe djegie të gomave të makinave nga ana e protestuesve, por nga ana tjetër, një punonjës i Policisë është parë në tarracën e një pallati duke hedhur gaz-lotsjellës ndaj këtyre të fundit.

Nga raportimet paraprake mësohet se ka humbur ndjenjat gjatë konfrontimeve edhe një punonjës i Policisë Bashkiake të Kukësit.

Situatë e tensionit vazhdon në të gjithë Shqipërinë. Edhe në Berat rrethuar KZAZ nr 64 dhe ka përplasja mes mbështetësve të opozitës dhe policisë së shtetit. Turma kërkon të hyjë në KZAZ dhe të nxjerrë jashtë materialet e KZAZ

Bashkia e Beratit kerkon te zbatoje dekretin e presidentit Ilir Meta i cili anuloi 30 qershorin si daten e zgjedhjeve vendore.

Momente të forta tensioni sot në shumë qytete të Shqipërisë ku opozita ka kontrollin e bashkive. Mbështetës të saj, janë grumbulluar pranë mjedisve ku janë vendosur Komisionet zonale të administrimit të zgjedhjeve (KZAZ), duke kërkuar ndërprejen e procesit.

Situata ka kaluar në përballje me policinë në Kamëz dhe në Burrel, ku është tentuar hyrje në mjediset e KZAZ-ve. Mësohet se policia ka përdorur gazin lotsjellës për të shpërndarë mbështetësit e opozitës, të cilët megjithatë kanë mundur që më vonë të hyjnë brenda Pallatit të Sportit duke nxjerrë prej andej dhe shkatërruar materialet zgjedhore, të cilave ju vu flaka.

Drejtuesit e djathtë të Bashkive prej ditësh po këmbëngulin në lirimin e mjediseve të cilat janë vënë në dispozicion të Komisionit Qëndror të Zgjedhjeve (KQZ) për procesin e zgjedhjeve lokale të 30 Qershorit. Sipas të djathtëve, dekreti i Presidentit Ilir Meta për anullimin e 30 Qershorit duhet respektuar, e për pasojë nuk mund të ketë asnjë proces zgjedhor. Ndërkohë që KQZ e ka konsideruar të pavlefshëm vendimin e kreut të Shtetit dhe ka vijuar me përgatitjet e zgjedhjeve.

Tension të forta u rregjistruan dje dhe në Tropojë, ku mbështetësit e opozitës hynë brenda KZAZ-ës në qendër të qytetit. Ndërsa në Shkodër përplasjet me policinë përfunduan mbrëmjen e së martës me thyerjen e xhamave në një shkollë të qytetit dhe vënien zjarr në mjediset ku ndodheshin materialet zgjedhore të një prej KZAZ-ve të Shkodrës. Policia njoftoi sot se të paktën 13 persona janë arrestuar për ngjarjet e dhunshme dje në Tropojë dhe Shkodër.

Mbështetës të opozitës, së bashku me punonjës të Bashkisë së Shkodrës dhe ish deputetë të PD-së, u mblodhën të martën mbrëma në oborrin e Shkollës se Mesme “Shejnaze Juka” të Shkodrës dhe, pas disa minuta konfrontimi me forcat e policisë, i vunë flakën njërës prej klasave të katit të parë të shkollës, ku ishte vendosur Komisioni Zonal i Administrimit të Zgjedhjeve të 30 qershorit, sipas dëshmitarëve dhe pamjeve nga vendi i ngjarjes.

E gjithë baza materiale e sjellë nga Komisioni Qendror i Zgjedhjeve për përgatitjen e ditës së votimit u dogj.
Ish deputeti i PD, Bardh Spahija, i cili ishte mes protestuesve, tha se “Ishte vetëm fillimi i revoltës popullore, ndaj atyre që po u imponojnë shqiptarëve votime pa zgjedhje. Ishte një reagim i shpejtë i qytetarëve shkodranë. Kjo nuk është dhunë. Dhunë ishte tentativa e policisë së shtetit për të uzurpuar institucionet dhe duke iu imponuar qytetarëve të Shkodrës”.

Ndërsa Kryetarja e Bashkisë së Shkodrës, Voltana Ademi, e cila drejton edhe shoqatën e kryetarëve të bashkive të djathta, tha në mbrëmje se “Janë djegur vetëm kartonat e vendvotimeve. Materialet zgjedhore janë në mënyrë të paligjshme në mjediset e shkollës që administrohen nga Bashkia e Shkodrës. Bashkia ka kërkuar zyrtarisht prej tre ditësh që godinat ku janë vendosur KZAZ-të dhe janë në pronësi të saj, të lirohen”.

Ish deputetja e Shkodrës Jozefina Topalli u distancua nga kjo ngjarje.
“Djegia e shkollës nuk është historia e Shkodrës. E kundërta është historia e këtij qyteti. Kjo nuk ka ndodhur kurrë në tri dekada. Një demokrat nuk djeg as mandate as shkolla. Një demokrat i vërtetë nuk hedh as molotov, as ka frikë nga zgjedhjet. Demokratët nuk kanë pasur frikë në ‘97 kur gjysma e territorit kontrollohej nga bandat. Nuk largohet Rama duke refuzuar parimet e vlerat e demokracisë. Partia Demokratike lindi si ëndërr e lirisë dhe e të drejtës me votu”, shkruan mes të tjerash zonja Topalli në facebook.

Ministri i Brendshëm Sander Lleshaj tha se kjo është një “përpjekje e turpshme e përfaqësuesve të PD-së për të djegur një shkollë në Shkodër”. Ministri ftoi qytetarët e Shkodrës që të distancohen nga ky “turp i pamasë dhe të izolojnë bijtë e dhunës”.
“Asnjë drejtues bashkie, – shtoi ai, – nuk mund të mbajë me dhunë dhe me zjarr mandatin që tashmë po mbaron. Nuk ka asnjë mundësi që dhunuesit t’i shpëtojnë ligjit. Pushteti mund të mbahet vetëm me votën e qytetarëve”.

Incidenti në KZAZ e Bashkisë së Shkodrës u parapri nga një tjetër ngjarje në Bashkinë e Tropojës, ku një grup mbështetësish të opozitës bashkë me zyrtarë vendorë dhe deputetetin e zonës u futën me forcë në mjediset ku është vendosur Komisioni Zonal i Admistrimit të Zgjedhjeve Vendore të 30 qershorit, siç tregojnë videot e filmuara në vendin e ngjarjes.

Megjithë ndërhyrjen e forcave vendore të policisë, mbështetësit e opozitës, me thirrje kundër Kryeministrit Rama, hodhën në rrugë bazën materiale të votimit, të dërguar nga Komisioni Qendror i Zgjedhjeve.

Incidentet në Tropojë dhe në Shkodër pasojnë kërkesën e kryetarëve të disa bashkive të djathta për lirimin e mjediseve të KZAZ-ve dhe qendrave të votimit. Përmes kësaj kërkese, bashkitë e djathta dhe mbështetesit e opozitës po synojnë pengimin e përgatitjeve për zhvillimin e zgjedhjeve vendore të 30 qershorit, ndërkohe që të majtët vazhdojnë të vendosur fushatën elektorale.

Ndërkohë, Komisioni Qendror i Zgjedhjeve, përmes një deklarate për mediat u shpreh pas incidentit të Tropojës se kërkesa e disa kryetarëve të bashkive për lirimin e menjëhershëm të ambienteve ku janë vendosur Vendet e Numërimit të Votave dhe ndërprerjen e veprimeve për afishimin e listave të zgjedhësve në mjediset në administrim dhe pronësi nga këto bashki, është në tejkalim të kompetencave dhe detyrave të njohura nga Ligji “Për vetëqeverisjen vendore”.

Komisioni Qendror i Zgjedhjeve, tha se po vazhdon punën për përgatitjen e zgjedhjeve vendore të 30 qershorit dhe paralajmëroi se çdo cenim i këtij procesi përbën vepër penale të ndëshkueshme.

Deputeti i futur në Kuvend nga Rama, Lefter Maliqi u ka bërë thirrje policëve në të gjithë vendin të mos u binden urdhrave të Edi Ramës.

Ai shkruan në Facebook se policia duhet ti bashkohen popullit pasi detyra e tyre është shërbimi ndaj tij dhe ruajtja e sigurisë dhe rendit në vend.

Postimi i plotë i deputetit Lefter Maliqi

Thirrje drejtuar ish kolegëve të mi të Policisë së Shtetit ,si prinder si qytetar mos u bindni Kaloresit deshtak te Rilindjes pasi po ju perdor kundra popullit qe kerkon liri,demokraci,zgjedhje te lira gjithëperfshirëse dhe te ndershme.Detyra e policise eshte rendi ,siguria dhe goditja ndaj krimit e bandave ,jo perplasja me popullin.

Ju jeni ne sherbim te popullit,disnancohuni sa me shpejt.Kaloresin deshtak po e marrin më qaf keshilltaret e tij mjeranë te paafte e servila dhe bandat qe e kane narr peng.Kaloresi po perdor ish këshilltaret e tij besnik e te paafte, eprorin tuaj Lleshaj i cili ngaterron ushtrin dhe policinë,ushtria eshte per lufte e mbrojtje,policia i sherben popullit dhe lufton vetem krimin,bandat,kriminelet dhe jo popullin qe do liri demokraci,zgjedhje te lira dhe te ardhme Europiane.

Kalorësi i futi policet ne veting i futi në strese po i perdor politikisht kundra popullit per te ruajtur pushtetin e vet te kapur nga mafie e bandat te cilat se lënë të dorëhiqet.Fati i tij dihet po shkon drejt humneres dhe po con vendin ne katastrof.Une jam me ju si ju ish koleget e mi te policise dhe me popullin qe sdo diktaturen dhe te komandohet nga ky Kalores i mbajtur peng nga krimi e bandat.