Zbulimet e javëve të fundit të gazetës gjermane BILD kanë nxjerrë në pah një realitet të errët kriminal të konspiracionit midis botës së krimit dhe Partisë Socialiste kundër demokraicsë, lirisë dhe rendit kushtetues në Shqipëri.

Ky bashkëpunim kriminal e ka shkrirë krimin, qeverinë, administratën dhe Partinë Socialiste në një të vetme. Kjo aleancë është një rrezik i qartë jo vetëm për demokracinë, por edhe për stabilitetin dhe sigurinë punlike dhe kombëtare të vendit.

Po në vend që ky realitet të alarmonte çdo shqiptar, përtej preferencave politike dhe interesave të tjera, ka një përpjekje të koordinuar, sistematike dhe të gjithanshme për ta kaluar atë pa reaguar. Thjesht, si edhe një skandal më shumë në vazhdën e skandaleve që jemi mësuar, si një gjë që nuk kemi se cfarë t’i bëjmë, ndaj duhet ta lëmë të kalojë.

Fatkeqësisht, si shoqëri, ne riciklojmë shpesh të keqen dhe nuk arrijmë dot të bëjmë hapa të sigurtë përpara.

Kushdo ka shpjegimin e vet pse sillemi kështu, por një nga arsyet pse e keqja tek ne përsëritet është sepse ne nuk reflektojmë mbi të, nuk përpiqemi të kuptojmë së çfarë bëmë keq dhe të mësojmë nga gabimet për të mos e përsëritur më.

Mungesa e reflektimit dhe humbja e busullës morale e ka normalizuar të keqen mes nesh dhe vrarë reagimin tonë ndaj saj.

Qeverisja e Edi Ramës ka qenë një seri pa fund skandalesh dhe krimesh, por ne i kemi lënë ato të kalojnë pa reaguar.

Edhe përpjekjet e opozitës, e vetmja që nuk ka heshtur, shpesh janë përqeshur dhe janë shpërfillur. Kjo ka thelluar të keqen dhe, siç treguan skandalet e fundit, duket se kemi prekur fundin.

Nëse nuk do të reagojmë tani, e keqja do të sundojë mbi këdo, në politikë, ekonomi dhe shoqëri.

Nuk duhet dhe nuk do ta lejojmë këtë gjë. Këtë herë nuk do të kalojë si më parë. Kjo gjendje nuk duhet të kalojë pa sjellë ndryshim të thellë.

Mos dëgjoni helmin antieuropian që përhap Edi Rama duke ju thënë se Europianët janë racistë, se europianët nuk na duan.

Europa në këto tre dekada është sjellë si nënë e dashur me shqiptarët. Ajo na ka mbajtur me bukë kur na kërcënonte uria në vitet 90-të, ajo na dha asistencë dhe dije, kur sapo dilnim nga errësira e komunizmit, ajo na dhuroi miliarda, që të ndërtonim spitale, shkolla e rrugë.

Europa na hoqi vizat, që të ishim të lirë në gjirin e saj.

Europianët na hapën dyert në cdo qytet e fshat, kur migruam drej tyre.

Europianët nuk janë kundër Shqipërisë. Ata janë kundër krimit.

Europianët nuk kanë frikë nga shqiptarët. Ata kanë frikë nga droga.

Europianët nuk duan të mbajnë larg shqiptarë. Ata duan të mbajnë larg qeveritarët e korruptuar.

o Sikur Shqipëria të mos ishte kanabizuar, sikur Shqipëria të mos ishte qendër e drogës, sot do të ishim duke negociuar.

o Sikur Saimir Tahirët, Elvis Roshët, Vangjush Dakot, Damian Gjiknurët të ishin në burg dhe jo të lirë dhe në majat e politikës, ne do të ishim duke negociuar.

o Sikur drejtorët dhe burokratët t’u shërbenin njerëzve, në vend që të vidhnin vota për partinë, do të ishim duke negociuar.

o Sikur në vend të fasadave, të kishim ndërtuar porte dhe rrugë, do të ishim duke negociuar.

o Sikur në bregdet të ishin duke investuar kompanitë europiane dhe jo oligarkët grabitqarë dhe kriminelët që pastrojnë paratë e drogës, do të ishim duke negociuar.

Mbi të gjitha,

o Sikur të kishim zgjedhje të lira, sot do ishim duke negociuar.

Liria e popullit për të zgjedhur qeverinë që do, është burimi i lirive politike

dhe demokracisë europiane. Fatkeqwsisht, Shqipëria sot është shumë larg këtij standarti themelor europian.

Myqerem TAFAJ

Megjithë “dashurinë” e madhe të Komisionit Europian me qeverinë tonë të “sukseseve” të mëdha në rrugën e instalimit të një tipi të ri të demokracisë njëngjyrëshe, alla bjelloruse, Bundestagu gjerman, Parlamenti i Hollandës dhe Franca, i thanë: Ndal asgjësimit të Pluralizmit, Lirisë dhe Demokracisë në Shqipëri!

Ky është Ultimatum i Këshillit të Ministrave të Europës, të cilin me vështirësi të madhe e artikuloi Komisioneri Hahn: Kthehuni në rrugën e demokracisë deri në tetor, pastaj shohim e bëjmë!

A do ta shfrytëzoj këtë shans qeveria që të dorëhiqet dhe të cliroj shqiptarët nga ankthi dhe frika e rrëshqitjes së vendit në një krizë që do të na kthej 30 vite prapa?
A do ta shfrytëzoj politika shqiptare që të krijoj kuadër institucional dhe kushte për zgjedhje reale të lira dhe të ndershme, në mënyrë që qytetarët të votojnë të lirë?

A do ta shfrytëzoj politika shqiptare këtë shans për të modernizuar partitë politike, që të jenë vërtetë të mbështetura në parimet e lirisë dhe demokracisë moderne, përfaqësuese të denja të qytetarëve të të gjitha shtresave, të grupuar sipas vizionit dhe alternativave politike të zhvillimit dhe prosperitetit të vendit tonë drejt një vendi europian të zhvilluar demokratik?

A do ta shfrytëzoj këtë shans komuniteti ndërkombëtar për të unifikuar qëndrimin e tij në mbrojtje të standardeve demokratike dhe të ndal rënien e Pluralizmit, Lirisë dhe Demokracisë në Shqipëri?

Qeveria e ka futur Shqipërinë në një krizë të thellë, jo vetem politike dhe kushtetuese, por edhe krizë të gjithanshme, e cila, në thelb, buron nga degradimi deri në asgjësim i zgjedhjeve të lira dhe votës së lirë dhe të ndershme. Tani blerja e votés, përfshirja e botës së krimit në zgjedhje dhe bashkëpunimi i segmenteve të pushtetit me elementë të bandave për blerjen e votave dhe intimidimin e votuesve është bërë i njohur ndërkombëtarisht përmes VoA, Bildt dhe media të tjera.

Prova e parë e daljes nga kjo krizë e thellë, ku gjendet vendi ynë, janë Zgjedhjet e lira dhe të ndershme, ku qytetarët mund të vendosin me VOTË TË LIRË dhe të NDERSHME! Këtë e garanton vetëm një Qeveri tranzitore!

Zgjedhjet e pushtetit vendor në Shqipëri nuk janë thjesht zgjedhje administrative si në Finlandë apo Danimarkë! Ato janë më shumë se politike, aq më shumë që ndarja e re territoriale është thjesht kalkul matematike për ti garantuar fitoren PS. Madje, votat blihen dhe shiten më shumë në këto zgjedhje. Pushteti i vërtetë për qytetarin është ai vendor, që duhet tí afroj qytetarit pjesën më të madhe të shërbimeve dhe ku qytetarët pérfaqësohen më shumë në vetqeverisjen vendore.

Kush i konsideron zgjedhjet e pushtetit vendor thjesht si zgjedhje administrative tallet me shqiptarët! Të pretendosh që qeveria ka të drejtë të zhvilloj zgjedhje më 30 qershor, kur Presidenti e ka shfuqizuar dekretin për këtë datë, do të thotë të emërosh kandidatët e PS në krye të bashkive, të mohosh të drejtën kushtetuese themelore të të gjithë qytetarëve të bashkisë për vetqeverisje, përmes përfaqësuesve të tyre direkt të zgjedhur me votë të lirë, të asgjësosh de facto pluralizmin në qeverisjen vendore, si prelud i asgjësimit të pluralizmit në pushtetin legjislativ dhe institucionet që rrjedhin prej tij, si pararendës i asgjësimit të lirisë dhe demokracisë sonë.

Prandaj, zgjedhjet vendore me një qeveri tranzitore dhe pasi të jenë krijuar të gjitha kushtet për zgjedhje të lira dhe të ndershme, janë prova e parë për daljen nga kjo krizë e rrezikshme për vendin, dhe pjesë integrale e zgjidhjes tërësore të kësaj krize.

Në një lidhje direkte në emisionin Open të Eni Vasilit, zonja Ademi tha se nuk është djegur shkolla, sicc ëhstë raportuar nga disa media. Janë djegur vetëm kartonat e vendvotimeve- tha kryetarja e bashkisë së Shkodrës.

Materialet zgjedhore janë në mënyrë të paligjshme në mjediset e shkollës, që administrohen nga Bashkia e Shkodrës. Bashkia ka kërkuar zyrtarisht prej tre ditësh që godinat ku janë vendosur KZAZ-të dhe janë në pronësi të saj, duhet të lirohen.

Voltana Ademi tha se kjo është një kërkesë kushtetuese, në mbrojtje të Kushtetutës dhe në zbatim të dekretit të Presidentit, që ka shfuqizuar datën 30 qershor.

I ftuar në studion e TV Ora në një bisedë me gazetaren Beti Njuma, Kreu i Zgjidhja Koço Kokëdhima ka hedhur një lumë  akuzash ndaj kryeministrit të vendit Edi Rama.

Sipas Kokëdhimës, me Edi Ramën në krye Shqipëria nuk do të ket kurrë mundësinë të jetë pjesë e familjes Evropiane.

Më të ashpra ishin akuzat e tij kundër Ramës kur bëhet fjalë për zgjedhjet e 30 qershorit.

I pyetur nga gazetarja nëse do të ketë apo jo zgjedhje në 30 qershor kokëdhima u përgjigj:

“Nuk ka zgjedhje në Shqipëri, nuk mund të ketë zgjedhje. Edi Rama është i Çmendur, i dal mendsh nuk ka asnjë gen shtetari. Në 30 qershor jam i sigurt që të gjitha qendrat e votimit do jenë të pushtuara. Asnjë dëshmor nuk bie për Edi Ramën sepse ai çdo gjë që bënë nuk e bënë për shtetin e tij. Asnjë polic nuk bie dëshmor për të.

Ai e  kishte për idhull eskobarin dhe ia kaloi eskobarit. As eskobari  nuk do e bënte këtë që Rama i ka bërë vendit të tij”.

Një tjetër incident është shënuar mbrëmjen e sotme në një nga KZAZ-të në Shkodër. Raportohet se forcat e policisë janë përplasur me qytetarët.

Përplasja vjen në vrazhdën e moszbatimit të dekretit të Presidentit Ilir Meta për shtyrjen e zgjedhjeve nga Policia dhe KQZ. Ndërkohë, kryebashkjaka e Shkodrës Volta Ademi, ka kërkuar zyrtarisht nga KZQ dhe Policia zbatimin e dekretit të Presidentit Meta për zgjedhjet.