Deputeti i futur pas riformatimit të fundit të parlamentit, Lefter Maliqi, duket se po investohet në një luftë të hapur kundër Edi Ramës dhe Rilindjes në pushtet. Edhe ditën e sotme “deputeti i penduar”, që e ndihmoi fort PS-në në zgjedhjet e vitit 2017 pavarësisht se ishte në listën e PD-së, ai nëpërmjet një “letre” dërguar Edi Ramës, pasi i numëron gjithë “të zezat” që ka bërë gjatë qeverisjes së tij, i bën thirrje që të bëhet pak burrë dhe të zbresë nga kali.

“Mbaje veten Kalorës. Hiq dorë nga fallxhoret dhe doktorët në Shqipëri, se të doli boja. Vizitohu të jesh mirë. Pasi mëkatet, gënjeshtrat, prapaskenat, shitja e bashkëpunëtorëve, futja në burg e disa prej tyre, mallkimet e nënave për prishjen e shtëpive, futja në burg për energji elektrike, për 3 gr drogë etj, varfëria, pasiguria, zhgënjimi që u bëre socialisteve duke i shërbyer vetëm një grupi oligarkësh Rilindas dhe bandash të krimit që plaçkitën pasuritë, rrëmbyen tenderat, vodhën çfarë gjetën përpara, blenë, mashtruan, joshën,kërcënuan votuesit, po të kthehen në makth.

Hiq dorë nga portokallia me Ertv e famshme, hiq dorë nga tepsia, hiq dorë nga çmenduria e përplasjes civile të 30 Qershorit, hiq dorë nga padia ndaj Gazetarit të Bildit. Mbaje fort veten se sot do të ngecin dhe negociatat dhe së shpejti kalorës do mbetesh vetëm me tao taon dhe ciu ciun.

Hidhi një sy filmit vdekja e kalit para se të çosh vendin në katastrofë në 30 Qershor. Keqardhje për ty mbete lakuriq nga mendja, trupi, karakteri e dinjiteti. Bëju pak burrë, zbriti kalit, mbaj këmbët në tokë, hiq antiplumbin dhe përballu në terren të hapur në kushte të barabarta. Pas beteje ik prapë në Francë, rriti thonjtë, ha makarona, luaj basketboll po të doli koha, pikturo Rilindjen”, shkruan në faqen e tij në FB, deputeti Maliqi.

Pas Tropojës dhe Shkodrës, tensione në Lezhë, urdhri: Lironi ambientet e KZAZ, ose do ndërhyjmë!

Kryetari i Bashkisë Lezhë, Fran Frrokaj, i ka dërguar një letër KQZ në këtë qytet që të lirohen ambientet e KZAZ para orës 16:00, në të kundërt, bashkia do të ndërhyjë për të zbatuar dekretin e presidentit Ilir Meta për anulimin e zgjedhjeve.

Në bazë të dekretit të presidentit për zhdekretimin e zgjedhjeve të 30 qershorit, që ka hyrë në fuqi pas botimit në Fletoren Zyrtare, Bashkia e Lezhës ka kërkuar që të lirohen të gjitha ambientet dhe të hiqen listat e shpallura të zgjedhësve.

Ka qenë kreu i Bashkisë së Lezhës, Fran Frrokaj ai i cili ka drejtuar një letër KQZ-së.

Bashkia Lezhë përmes një letre drejtuar KZAZ nr. 13 në këtë bashki kërkon lirimin vullnetarisht të ambienteve të shkollës ‘Besëlidhja’.

Nëse nuk do largohen deri në orën 16:00 të ditës së sotme, kryetari i bashkisë Lezhë Fran Frrokaj shkruan se do të ndërhyhet në bazë të ligjit dhe dekretit të Presidentit. Gjithashtu ai bën thirrje edhe për heqjen e afishimit të listave të zgjedhësve.

Ministrat e Jashtëm të BE pritet të nxjerrin vetëm një deklaratë për rëndësinë strategjike të Ballkanit për Evropën e nuk do të japin një datë përfundimtare për çeljen e negociatave me Shqipërinë e Maqedoninë e Veriut.

Në mbledhjen e sotme (18.06) të ministrave të vendeve anëtare të BE-së nuk duket se do të merret ndonjë vendim përfundimtar për çeljen e negociatave me Shqipërinë apo Maqedoninë e Veriut, por do të lëshohet një deklaratë apo vendim paraprak që do të tregojë rëndësinë strategjike të Ballkanit për Evropën.

Gjermania e merr vendimin në shtator apo tetor

Ministri gjerman i shtetit për Evropën Michael Roth, para takimit tha: “Para një viti u kemi dhënë detyrat e shtëpisë dy vendeve dhe ata i kanë përmbushur. Veç kësaj Maqedonia e Veriut ka arritur të zgjidhë një konflikt 30 vjeçar me Marrëveshjen e Prespës”. “Dhe kjo është e pashembullt dhe duhet shpërblyer”, ka shtuar ai. Roth shtoi se për arsye kohe Gjermania do ta marrë vendimin në shtator ose tetor.

Ndërsa ministri austriak për Evropën, Alexander Schalenberg tha, se “do të ishte një sinjal shumë i keq, nëse do t’u kthenim shpinën këtyre dy vendeve. Nuk ka rëndësi data e çeljes së negociatave, rëndësi ka që të ndodhë sa më shpejt dhe sot të arrijmë një vendim paraprak”.

Komentet e ministrit austriak i ka mbështetur edhe deklarata e ministrit të Jashtëm të Italisë, Enzo Moavera, i cili tha se do të merret një vendim paraprak mbi bazën e asaj që është arritur deri tani dhe do të pritet vendimi i Buddestagut pas përfundimit të verës.

George Ciamba, ministri rumun për Evropën, të cilët janë edhe organizatorë të takimit pasi Rumania mban presidencën e radhës në BE sqaroi, se deklarata rreth raporteve të progresit do të jetë: “E angazhuar, konstruktive dhe do të përmbajë balancën dhe rëndësinë strategjike të Ballkanit Perëndimor për Evropën”.

Marrë nga DW

Situatë e tensionuar në qytetin e Tropojës. Qytetarë të revoltuar kanë thyer drtitaret dhe dyert e KZAZ nr 9, gjithathtu kanë hequr dhe materialet zgjedhore. Gjatë incidentit këta persona janë përplasur me policinë.

Ky veprim vjen pas një komunikimi me letra, teksa Bashkia e Bajram Currit i kërkonte drejtuesve të KZAZ nr., 9 të dorëzonin deri sot në orën 10:00 të gjitha materialet zgjedhore në Bashki, duke vënë në zbatim dekretin e Presidentit Meta për mos mbajtjen e zgjedhjeve më 30 Qershor.

Sipas burimeve, brenda qendrës së votimit kanë hyrë pas këtij momenti simpatizantë të opozitës që brohorasin.

Pak ditë më parë Bashkia e Bajram Currit i kërkoi KQZ-së me anë të një shkrese zbatimin e vendimit të Presidentit Meta për shfuqizimin e 30 qershorit si datë zgjedhjeje për qeverisjen vendore si dhe lirimin e mjediseve të vëna në dispozicion nga ky institucion për procesin zgjedhor. Afatai i lënë për spastrimin e ketyre mjediseve ishte ora 10:00 e paradites së sotme, çfarë ka çuar dhe në ndërhyrjen me forcë të përfaqesuesve dhe mbështetësve të bashkisë Bajram Curri.

Përplasjet mes bashkive që administrohen nga përfaqësues të opozitës vijojnë prej ditësh, sidomos në bashkinë e Shkodrës, më e madhja në qarkun e Veriut.

Kryetarja e Bashkisë së Shkodrës, Voltana Ademi ka reaguar pas përpjekjeve të policisë së Shtetit për të shpërthey dyert e një prone të bashkisë ku ishte programuar të bëhej KZAZ.

Ademi ka dalë në një konferencë për shtyp në Bashkinë e Shkodrës. Ajo ka denncuar skenarët e policisë për të pushtuar pronat e bashkisë Shkodër.

Disa persona kanë tentuar të shpërthejnë derën e Pallatit të Sportit. Edi Rama nuk do t’ja dalë të nënshtrojë Shkodrën dhe shkodranët për të zhvilluar zgjedhje të lira dhe të ndershme.

Pyetje: Çfarë ndodh në KZAZ e tjera në Shkodër?

Dje në mëngjes kemi dërguar letër policisë së Shtetit, ku kërkojmë mbështetje për lirimin e ish-KZAZ, kudo ku ato janë. Kemi informuar që do e kërkojmë mbështetjen në momentin e duhur. Dua të them, se e kemi vënë në dijeni policinë në mbështetje të ligjit. I kam dërguar tjetër letër prefektit të qytetit dhe policisë, duke  kërkuar lirimin e KZAZ. S’mund të jenë në funksion të dhunës. Shkodra dhe Shqipëria duhet të jenë të lira. Larg dhunës dhe larg cënimit të institucioneve të shtetit. Unë po kërkoj të ruhet qetësia.

Ndërkohë, përplasjet kanë vazhduar edhe ditën e sotme në qytetin e Shkodrës. Njësoj si dje, simpatizantët e Partisë Demokratike nuk kanë lejuar hapjen e derës së KZAZ nr. 2 në kryeqendrën e veriut.

Sipas informacioneve nga vendngjarja, në momentin që anëtarët e KZAZ-së kanë shkuar për të hapur derën e bllokuar janë ndaluar nga policia bashkiake dhe simpatizantë të PD-së.

Ne këtë moment ka ndërhyrë policia e rendit, teksa nuk kanë munguar debatet, tensionet dhe shtyrjet mes efektivëve.

Incidentet kanë ndodhur pasi kryebashkiakja, Voltana Ademi vendosi të zbatojë dekretin e presidentit Ilir Meta.