Nga Boldnews.al

Sali Skura, shefi i Komisariatit 5 në kohën e përgjimeve të dosjes “184” të vjedhjes së votave në Dibër e në vijim, rezulton se ka bërë përpjekje policore për bllokimin e qytetarëve që jetonin përkohësisht në Kamëz për të votuar në zgjedhjet e pjesshme lokale të vitit 2016.

Në përgjimet e publikuara nga gazeta gjermane “Bild”, Sali Skura është përgjuar duke i raportuar një zyrtari të lartë të Ministrisë së Brendshme, Arben Keshi, i cili, siç duket, ishte “koordinator” i Partisë Socialiste për vjedhjen/tjetërsimin e votave në Dibër.

Nga disa verifikime të kryera nga “Boldnews.al” rezulton se Sali Skura është kunati (burri i motrës) së një prej prokurorëve të dosjes hetimore “184” (dhe asaj me nr. 339), Vladimir Mara.

Pikërisht, ky detaj shpjegon shumë gjëra se përse dosja “184” qëndron prej më shumë se një viti në dorën e Vladimir Marës dhe kolegut të tij, Dritan Prenci, të cilët, me urdhër të shefes së tyre, Donika Prela, kanë bllokuar hetimet më të rëndësishme të viteve të fundit.

Pak ditë më parë, prokurorët e dosjes “339” dhe “184”, ndër të cilët edhe Vladimir Mara, nxorën urdhërin për mos-publikimin e akteve hetimore, pas daljes së përgjimeve në gazetën “Bild” e më tej në median shqiptare.

Në atë urdhër, prokurorët e treguan veten të shqetësuar për ‘sekretin hetimor. Por, duket se e vërteta ka qenë larg asaj që u paraqit si “ligjore dhe etike”.

Prokurori Vladimir Mara, në urdhërin për mos-publikim, mesa duket ka pasur shqetësim që të mos dalin në publik edhe përgjimet e kunatit të tij, Sali Skura.

Përgjimet e fundit duket se e kanë kompromentuar së tepërmi rolin e prokurorit Mara në hetimin e dosjes “184”, por edhe “339”, të cilat kanë në fokus të dyja vjedhjet që zyrtarë të lartë të Partisë Socialiste u kanë bërë zgjedhjeve lokale në Dibër, në vitin 2016, si edhe në zgjedhjet e përgjithshme të vitit 2017 në Durrës e qytete të Shqipërisë.

Përgjimet e publikuara nga “Bild” po shumëfishojnë skandalet me vjedhjet e votave nga “Rilindja”, si edhe (mos)hetimin e tyre nga prokuroria e drejtuar nga Kryeprokurorja e Përkohshme, Arta Marku.

Donika Prela, mikesha e Arta Markut, e vendosur në krye të Krimeve të Rënda në kundërshtim flagrant me ligjin, është impenjuar në bllokimin e hetimeve për dosjen “339” dhe “184”.

Tashmë zbulohet edhe detaji që caktimi i prokurorit Vladimir Mara në këtë dosje nuk ka qenë rastësore. Ai, njëlloj si shefet e tij, Marku e Prela, ka interesa të drejtëpërdrejta për bllokimin e hetimeve për dosjet më të nxehta të momentit.

Nëse hetimet për dosjen 184 do të avanconin siç duhet, atëherë prokurori Mara do të ishte i detyruar të firmoste urdhër-arrestin për burrin e motrës së tij, zyrtarin e lartë të policisë, Sali Skura.

Rasti i prokurorit Mara është i dyti i zbuluar gjatë orëve të fundit nga “Boldnews.al”, ku zyrtarë të rëndësishëm të Prokurorisë kanë lidhje me personat e përgjuar në kuadër të dosjes “184”.

Më parë, “BN” raportoi se drejtuesja e Prokurorisë së Dibrës, Esmeralda Cami (Keshi) ka lidhje të afërta me Arben Keshin, zyrtarin e lartë të Ministrisë së Brendshme, i cili del në përgjimet e dosjes “184” duke folur me Edi Ramën e zyrtarë të tjerë të lartë të Partisë Socialiste.

Përgjimet e publikuara nga “Bild” po krijojnë panoramën e plotë se përse, jo vetëm “Rilindja”, por edhe prokuroria nuk ka as vullnetin minimal për të zbardhur dhe vendosur para përgjegjësisë ligjore autorët politikë të masakrave zgjedhore në Dibër, Durrës e në qytete të tjera.

Opozita përgatitet të mbajë këtë të premte në orën 20.00, protestën e saj të nëntë kombëtare. Por risia në këtë protestë duket se do të jetë edhe pjesëmarrja e një deputeti të Kuvendit, i cili mori mandatin pas djegies në bllok të mandateve nga ana e opozitës.

Ai është Lefter Maliqi i cili edhe pse vijon të mbajë mandatin e deputetit, nga studion e “Top Talk” e ka cilësuar si ilegjitim Kuvendin e Shqipërisë.

“Për mua ai Parlament është ilegjitim. Unë besoja se do të plotësoheshin 140 deputetë dhe u deklarova i pari. Ai Kuvend është me 121 mandate. Jo vetëm që është me 121 mandate, por edhe votimi i fundit ku 100 deputetë votuan pro rezolutës, u tregua hapur pazari që u bë. Të gjithë deputetët e opozitës ishin në sinkron për të qenë abstenim, përveç meje dhe 6 të tjerëve që votuan kundër rezolutës”, tha Lefter Maliqi.

I pyetur se përse vijon të jetë deputet, ai tha se aty është një zë kritik i kësaj qeverie. Ai madje deklaroi se këtë të premte do t’i bashkohet opozitës në protestë.

Disa mijëra mbështetës dhe anëtarë të Partisë Demokratike janë mbledhur në selinë e kësaj partie, vetëm pak orë pas publikimit të përgjimeve nga gazeta gjermane “BILD”.

Qytetarët janë mbledhur në oborrin e selisë së PD-së, nga ku ndoshta mund të ketë një përshpejtim të vendimmarrjes përsa i takon zhvillimeve në ditët në vazhdim, deri të premten kur opozita ka paralajmëruar një protestë kombëtare.

Ndërkohë Lulzim Basha mësohet se ndodhet në selinë e PD-së, ndërsa mbështetësit e kanë pritur me ovacione.

Ky është Arben Keshi, një ndër personat kyc në skemën e blerjes së votave në Dibër. Sipas përgjimeve të publikuara sot nga ‘Bild’, me të dëgjohet të komunikojë edhe kryeministri Edi Rama. Ky i fundit e pyet Keshin nëse e ka arritur apo jo objektivimin. Sipas përgjimeve të gazetës gjermane, Arben Keshi ishte drejtor në Ministrinë e Brendshme. Ndërkohë në një reagim të mëvonshëm, kryeminsitri Edi Rama, ka mohuar që Keshi të ketë punuar në Policinë e Shtetit asokohe.

Çfarë mjerimi dhe çfarë përpjekje e dëshpëruar për manipulimin e njerëzve dhe nxirjen e Shqipërisë! Çfarë gënjeshtre: “AK s’ka punuar në polici asokohe dhe ka qenë denbabaden kandidat komune në Maqellarë. E konfirmoj këtë bisedë dhe do e bëja prapë njësoj! Kush ka veshë le të dëgjojë”, shkruan Rama.

Por ndërkohë në një kronikë të Top Channel në nëntor të vitit 2017, rezulton se Arben Keshi, ishte shef komisariati në Bulqizë. Sidoqoftë përgjimet janë realizuar në vitin 2016. Në shkurt të vitit 2016, ai është denoncuar nga Partia Demokratike si një prej njerëzve të Edi Ramës, që blinte vota në zgjedhjet për Bashkinë Dibër. Mbetet për t’u verifikuar nëse Edi Rama gënjen për Arben Keshin apo askohe ai vërtet s’ka qenë pjesë e Policisë së Shtetit. E megjithatë kjo ka pak rëndësi. Keshi del nga përgjimet si truri i skemës së ngritur në Dibër për të blerë votat dhe për t’u bërë presion njerëzve.

Arben Keshi, drejtor në Ministrinë e Brendshme, ishte denoncuar nga Partia Demokratike për pjesëmarrje në manipulim votash në Dibër që në zgjedhjet e parakohshme lokale në këtë rreth.

Edhe pse e di që Kodi Zgjedhor është i qartë për dënimin që marrin pjesë në intimidimin e votuesve, Keshi ka vazhduar normalisht i mbrojtur edhe nga Rama në misionin e tij për të manipuluar votat në Dibër. Sipas të dhënave, Këshi që i zotohet Ramës se do të kapë rezultatin maksimal në Dibër, ishte drejtor i Qendrës së Mbyllur për të Huajt e Parregullt në Republikën e Shqipërisë.

3 vite më parë Partia Demokratike dorëzoi në Prokurorinë për Krime të Rënda një kallëzim penal, ku shkruante se në Dibër po vepronte një grup i strukturuar kriminal, që po blente votat dhe kërcënonte votuesit dibranë për llogari të kandidatit të mazhorancës, Muharem Rama.

Në listën me emrat që Partia Demokratike ka dorëzuar asokohe në Prokurori dhe që sipas saj, ishin pjesë e grupit kriminal që po blente votat dhe kanoste votuesit dibranë ishte dhe emri i Arben Keshit, i cili kryente veprimtarinë kriminale të shpërndarjes së parave në këmbim të votës në zonën e Maqellarës.

Por asnjë nga emrat që dërgoi Partia Demokratike nuk u hetuan nga Prokuroria e Përgjithshme.

Dokumenti i mëposhtëm, tregon se Keshi është pjesë e policisë, me gradën e komisarit dhe me rrogë 80 mijë lekë.

Dokumenti qartëson se ai është me profesionin “officer policie” me kohë të plotë.

Referuar këtij dokumenti, Keshi ka gradën komisar, ndoshta për shkak të arritjeve që pati me zgjedhjet në Dibër.

Biseda e Keshit me Ramën

Arben Keshi: Hë shefi!

Edi Rama: Hë mo si duket?

Arben Keshi: Po mirë tek pritshmëritë jemi.

Edi Rama: E ke realizuar objektivin thua?

Arben Keshi: Them se po, bazuar në ato që po na thonë komisionerët.

Edi Rama: Ashtu është?

Arben Keshi: Po them që po.

Edi Rama: Po ata maskarenjtë, kishin bërë presione mbrëmë e?

Arben Keshi: Po deshën të më kapnin mua, punë dy minutash sa u futa tek shtabi sepse ishin duke më pritur tek hoteli ku fleja.

Edi Rama: Çfarë do të bënin ty ata?

Arben Keshi: Ishin 50 veta. Asgjë besoj, këtë pjesën e presionit mendoj, jo kështu jo ashtu. Ai është legen ai, Flamur Noka.

Edi Rama: Po ku ta del dot ty Flamur Noka mo!

Arben Keshi: Edhe djali sa doli më la mua, ata kujtuan se isha edhe unë në makinë. Rreth 50 veta. Jo se i bënë ndonjë gjë, sa e goditën. Ai iku dhe ata nuk e kapën dot.

Edi Rama: Më mirë mo, hajt se ç’i do sherret. Dëgjo, po ti mendon se e kemi realizuar objektivin?

Arben Keshi: Po këtu tek unë po. Mund të lëvizë me më pak më shumë. Nga ato që na kanë thënë komisionerët kemi pritshmëri të mëdha.

Edi Rama: Komisionerët i ke pasur top e?

Arben Keshi: Po po në rregull.

Edi Rama: Okay, mirë vllai, hajt ciao.

Arben Keshi: Ishalla, faleminderit.

Kryeministri Rama dhe Partia Socialiste janë kapur fort pas faktit sipas tyre që Partia Demokratike nuk ka bërë asnjë denoncim në KQZ për manipulimin e zgjedhjeve, por në fakt e vërteta rezulton e kundërta.

Partia Demokratike kishte denoncuar kasaphanën që po bëhej me zgjedhjet e parakohshme lokale në Dibër që në 1 shtator 2016, ku me emra denonconte të gjithë drejtuesit e PS në këtë qark nga drejtor tatimesh deri në ato të arsimit që ishin bashkë për të manipuluar votat, tashmë e zbuluar me urdhër të kryeministrit Rama.

Midis emrave që denoncoi PD, tre vite më parë, janë edhe ato të kapur në pergjimet e BILD sot, si Arben Keshi që flet me Ramën dhe Drini Gjeci që kërcënon një drejtor shkolle.

Deklarata e plotë e Partisë Demokratike

‘Ishte data 1 shtator 2016, kur Partia Demokratike thotë se prej 10 ditësh në Dibër po vepron një grup i strukturuar kriminal, që po blen votat dhe kërcënon votuesit dibranë për llogari të kandidatit të maxhorancës, Muharrem Rama.

Lidhur me këtë, opozita ka dorëzuar në Prokurorinë për Krime të Rënda një kallëzim penal.

‘Me emra të përveçëm, Partia Demokratike ka renditur faktet se si prej mbi 10 ditësh ky grup po ushtron presion tek votuesit në Dibër duke aplikuar skemën kriminale të blerjes së votës, por edhe të kanosjes direkte të qytetarëve dibranë’, thuhet në një deklaratë të PD.

Sipas opozitës, ky grup kriminal është i përbërë nga drejtues të administratës publike, të tatimeve, shefi i policisë e deri tek mjeku i KEMP-it, të cilët sipas saj, janë vënë në shërbim të blerjes së zgjedhjeve në Dibër.

‘Partia Demokratike i kërkon Prokurorisë të nisë menjeherë hetimet për të vënë përpara përgjegjësisë këta kriminelë të votës së lirë, të veshur me pushtet nga Edi Rama dhe lidhjet e tij kriminale’, mbyllet deklarata e PD.

Partia Demokratike ka dorëzuar listën me emrat, që sipas saj, janë pjesë e grupit kriminal që po blen votat dhe kanos votuesit dibranë.

1. a)            Afrim Mikli, Kryetar i PS Dibër, bashkëpunëtor i ngushtë i shtetasit Ymer Lala, person i njohur për precedent të mëparshëm penal, sëbashku dhe vec e vec, kryejnë veprimtarinë kriminale të shpërndarjes së parave në këmbim të votës në zonën e Muhrrit dhe Selishtit;
2. b)            Arben Keshi, drejtor i Qendrës së Mbyllur për të Huajt e parregullt në Republikën e Shqipërisë, kryen veprimtarinë kriminale të shpërndarjes së parave në këmbim të votës në zonën e Maqellarës;
3. c)            Agron Malaj, Drejtor Rajonal i OSHEE per Veriun , kryen veprimtarinë kriminale të shpërndarjes së parave në këmbim të votës në zonën e Peshkopisë;
4. d)            Ylli Mikli, Administrator i njësisë administrative Muhurrit, kryen veprimtarinë kriminale të shpërndarjes së parave në këmbim të votës në zonën e Muhurrit;
5. e)            Spartak Koltraka, kryen veprimtarinë kriminale të shpërndarjes së parave në këmbim të votës në zonën e Kastriotit;
6. f)             Nuri Meta, kryen veprimtarinë kriminale të shpërndarjes së parave në këmbim të votës në zona të caktuara të Bashkisë Dibër;
7. g)            Qamil Leta, person me precedent penal, eksponent i Partisë për Drejtësi, Integrim dhe Unitet (PDIU), kryen veprimtarinë kriminale të shpërndarjes së parave në këmbim të votës në zonën e Kalasë së Dodës.

Nga ana tjetër, pjesë e këtij grupi të strukturuar kriminal, janë edhe 3 persona që mbajnë funksione publike dhe të angazhuar në veprimtarinë kriminale të kanosjes së zgjedhësve, kryesisht punonjësve të administratës publike, ku përfshihen, por pa u kufizuar, punonjësit e arsimit dhe ato të shëndetësisë. Konkretisht, ushtrimi i presionit ndaj zgjedhëve, në formën e kanosjes, kryehet nga:

1. a)            Jetmir Leshi, mjek, me detyrë anëtar i Komisionit Mjekësor të përcaktimit të Aftësisë së Kufizuar (KEMP);
2. b)            Drini Gjeci, me detyrë Drejtor i Drejtorisë Rajonale Arsimore në Bashkinë Dibër;
3. c)            Sonila Braha, me detyrë Drejtore e Shërbimit Social;
4. d)            Robert Aga, Shef i Komisariatit të Policisë Peshkopi.