Komisioni Qendror i Zgjedhjeve i ka kthyer përgjigje presidenti të Shqipërisë Ilir Meta për numrin e deputetëve që ka Kuvendi.

Në një shkresë zyrtare, KQZ i shkruan presidentit se Kuvendi ka vetëm 122 deputetë nga 140 që duhet të ketë normalisht.

KQZ-ja i ka bërë të ditur presidentit edhe deputetët që ka kuvendi sipas qarqeve. Presidenti Meta përmes një letre i kërkoi katër ditë më parë informacion KQZ lidhur me numrin e deputetëve që janë sot legjitim. Përmes letrës që i drejtonte Klement Zgurit, Meta pyet kreun e KQZ lidhur me numrin e deputetëve që ka aktualisht Kuvendi, dhe ndarjen e tyre sipas qarqeve dhe subjekteve zgjedhore.

Meta u shpreh më parë se Kuvendi që kishte votuar rezolutën kundër tij ishte ilegjitim. Meta u shpreh sot: Presidenti është zgjedhur nga një parlament plotësisht legjitim, jo nga ky i sotmi. Besoj se jam shumë i qartë. Presidenti është Republikë, dhe Republika është e qytetarëve.

”Presidenti kërkon që të izolohet çdo i çmendur që shkel ligjin. Shqipëria ka nevojë për zgjedhje të lira, dekreti është në fuqi dhe i detyrueshëm për të gjithë, ne na lind e drejta që ti ftojmë të kthehen në rrugën e ligjshmërisë. Mund ta çoni dhe në gjykatën e Skraparit po të doni, po vendimin për dekretin e presidentit e merr vetëm Gjykata Kushtetuese”, tha me tej presidenti.

Shkresa më poshtë

Një grup gazetarësh por edhe qytetarë të thjeshtë janë mbledhur para pak çastesh përpara Prokurorisë së Përgjithshme në protestë për arrestimin e paligjshëm të gazetares Suela Musta.

Ajo u arrestua disa ditë më parë gjatë një operacion të Policisë por që ditën e djeshme u lirua nga qelia duke iu dhënë masa “arrest shtëpie”.

Gazetarët kërkojnë nga Prokurorja e Përgjithshme Arta Marku që të pranojë gabimin lidhur me arrestimin e saj, duke e quajtur si një kërcënim për median dhe gazetarët.

Më poshtë janë disa nga reagimet e gazetarëve dhe aktivistëve të dhënë për mikrofonin e Fax Neës, ku dënuan sjelljen e Policisë dhe prokurorisë me gazetaren Suela Musta.

Dritan Laçi: Arrestimi saj tregon se mund të kemi me diçka që ka prapavijë politike. Gazetarët e njohin shumë mirë presionin e këtij represioni shtetëror. Suela është para drejtësisë dhe është ajo që do të jepë versionin e saj, por jemi këtu për të dënuar dhunën ndaj gazetarëve. Sa i përket medias jemi koshient se dhuna ndaj tyre sa vjen dhe po shtohet, dhe për këtë jemi koshient.

Aulon Kalaja: Dal këtu për t’u solidarizuar. Policia merret me Suelën dhe publikun që të shmanget vëmendja nga problemet e tjera. Ndoshta pronarët e telivizioneve nuk i lejojnë që të vijnë në protestë por që ka shumë gazetarë të tjerë që duan të vijnë në protestë.

Klodiana Lala: Në fakt nuk jam këtu për të thënë se Suela është e fajshme apo e pafajshme, kjo është punë e drejtësisë. Së paku duhej të ishte humane drejtësia ndaj saj. Sepse ne kemi dhënë masa më të lehta për politikanë të korruptuar, për banda kriminale. Pse duhej të jepej një masë e tillë kur mund të hetohej në gjendje të lirë. Sa herë ju prezantohet e kujtohet karta e vettingut prokurorët dhe gjyqtarët bëjnë çfarë ju thonë. Jam e interesuar që Suela të na dëshmojë se ajo është e pafajshme ashtu siç ne e njohim për profesionalizmin e saj. Drejtësia duhet të jetë më e kujdesshme ndaj gazetarëve dhe çdo lloj qytetari. Kemi dosjen 339, dosjen Tahiri etj, dhe askush nuk është prapa hekurave, por kemi Suela Mustën që nuk përbën kërcënim, tentativë për të manipuluar provat apo për të ikur nga vendi.

Ndërkohë përfaqësuesja e një organizate të të drejtave të grave tha se, rasti i Suelës është një rast i një dhune të organizuar shtetërore. Ajo tha se asgjë nuk është bërë në mënyrë rastësore pasi sipas saj, që në fillim iu bë publik emri, pozicioni i punës etj.

Kërkoj nga mediat që të kërkojnë dënimin e këtij akti ndaj kësaj zonje. Dëmi që i shkaktohet deri në momentin që nuk është caktuar fajësia është shumë i madh moral dhe shoqëror.

“Zonja Marku, prano se arrestimi i Suelës ishte i paligjshëm ose prano provat e mjaftueshme se je e paaftë”, ishin fjalët e shkruara në një nga pankartat që u vednosën në hyrje të godinës së Prokurorisë së Përgjithshme.

Partia Demokratike akuzon se ‘me urdhër direkt të Edi Ramës, drejtuesja e Prokurorisë së Tiranës Elisabeta Imeraj në dhunim flagrant të ligjit po ushtron presion të paligjshëm ndaj prokurorëve të çështjes për shoqërimin me forcë dhe arrestimin e kryetarit të opozitës, ndonëse kryetari i opozitës ka konfirmuar vullnetin për tu paraqitur në prokurori sapo kjo e fundit të zbatojë ligjin për thirrjen e tij’.

‘Ky presion kriminal përmes urdhrave të paligjshëm të prokurores së kapur Elisabeta Imeraj po ushtrohet me urdhër direkt të Edi Ramës me qëllim për të larguar vëmendjen nga përgjimet e reja që ka paralajmëruar se do të publikojë sot gazeta gjermane BILD.

Partia Demokratike paralajmëron prokuroren Imeraj dhe shefin e saj Edi Rama se ky skenar kriminal do të dështojë dhe ata do të jenë përgjegjës direkt për këtë veprim kriminal të paprecedentë të shkeljes së ligjit dhe provokimit ndaj opozitës.

Kamikazaja Imeraj nuk do ta shpëtojë dot Edi Ramën. Asgjë nuk e shpëton dot Edi Ramën. As drejtësia e kapur prej tij’, thuhet në deklaratën e PD-së.

Dita e sotme ka nisur me protestë studentore në Shkodër. Kanë qenë sërish studentët e Fakultetit të Drejtësisë, të cilët kanë reaguar për godinën e re e cila vijon të qëndrojë e kyçur ndonëse sipas tyre, ajo është gati për të nisur procesin mësimor.

Ato thonë se as premtimi i kryeministrit Edi Rama për çeljen e saj brenda 45 ditëve nuk u përmbush. Pas proteste ka reaguar rektori i universitetit “Luigj Gurakuqi” sipas të cilit sapo të përcaktohen oraret mësimore nga dekanët e Juridikut dhe Ekonomikut do nisë mësimi aty.

Policia ka tentuar që në mënyrë të dhunshme dhe të paligishme të hyje në KZAZ nr.2 në Shkodër në shkelje të dekretit të Presidentit për anulimin e zgjedhjeve më 30 qershor.

Ish-deputeti i PD, Bardh Spahia ndodhej pranë banorëve të Shkodrës të cilët kundeërshtojnë procesin fals zgjedhor, duke e vlerësuar këtë akt të dhunshëm të Policisë si urdhër politik të Edi Ramës.

Presidenti Ilir Meta ka zhvilluar një takim me ambasadorët e Bashkimit Europian, në Pallatin e Brigadave.

Burimet bëjnë me dije se takimi është zhvilluar për të diskutuar në lidhje me krizën që ka përfshirë, prej muajsh, gjithë politikën shqiptare dhe rrezikun e konfliktit civil ku po e çon vendin kryeministri Rama.

Mësohet nga burime nga pallati i brigadave se Presidenti do t’i sqarojë ambasadorët e BE për dekretin, për zgjidhjen e situatës si dhe do iu sqarojë se përse duhet shtyrja e zgjedhjeve, sipas dekretit.

Siç dihet tashmë kryeministri Rama nuk pranon asgjë. Nuk respekton as dekretin kushtetues të Presidentit të Republikës, i cili ka fuqi ligjore pasi është botuar edhe në Fletoren Zyrtare.

Në mbështetje të ligjit “Për qeverisjen vendore”, bashkia Shkodrës ka kërkuar nga Drejtoria e Policisë së Qarkut Shkodër, përmes një shkrese me firmë të kryetares Voltana Ademi, që të jetë prezente në momentin kur do të largohen materialet zgjedhore të vendosura nëpër KZAZ-të ku ishte parashikuar që do të votohej për zgjedhjet e 30 Qershorit.

Sipas kësaj kërkese, kjo pocedurë do tqë ndiqet në zbatim të dekretit të Presidentit lëshuar me datë 10 Qershor me të cilin ç’dekreton datën 30 Qershor si dastë zgjedhjesh, dhe që sipas saj, është botuar në fletorën e zytare.

Bashkia e shkodrës kërkon nga Policia që të jetë prezente dhe në mbështetje për lirimin e ambjenteve të caktuara për KZAZ por që janë në pronësi të bashkisë.