Një skandal i paparë po shënohet këto ditë në jug të vendit. Drejtuesit e Organizatave Socialiste në Tepelenë dhe Memaliaj madje edhe në Gjirokastër, po shpërndajnë formularë të punësuarve në administratën publike për të garantuar numrin e votave në favor të PS.

Mësohet se edhe drejtorë të Rilindjes kryesisht në Tepelenë dhe Gjirokastër, po shpërndajnë formularë të tillë që nuk janë asgjë tjetër veçse, detyrim të dhunshëm për diktimin e votës në favor të PS. Në formularë shënohet njësia vendore, data, numri i personave, emri i tyre dhe të dhëna personale për babanë, të ëmën, motrën, vëllain e deri tek daja e xhaxhai që të votojnë detyrimisht PS.

Kjo është eksperienca e parë në 28 vite pluralizëm politik që një parti siç është PS, ndërmerr një hap të tillë të paprecedentë që stimulon votën me dhunë pasi në të kundërt, personi që plotëson këtë formular dhe nuk qëllon të konkretizohet me votë, atëherë penalizohet me shkarkim nga puna të tij dhe të gjithë familjarëve të tij që janë pjesë e administratës shtetërore.

Pra më thjeshtë. Nëse një punonjës i administratës nuk siguron votën e familjarëve të tij në favor të PS në këtë “kontratë” paraprake, i kushton vendin e punës atij po e po, por edhe I familjarëve të tij që gëzojnë një vend pune në shtet.

Me këtë rast Prokuroria e Gjirokastrës duhet të fillojë menjëherë procedurat në ngarkim të shpërndarësve të këtyre formularëve dhe orientuesve të tyre pasi është tërësisht shkelje ligjore intimidimi dhe presioni për votën.

Provat i administron Jugunews.net

Kryeministri Edi Rama nuk do e kishte imagjinuar kurrë që edhe në zonën e Taulant Ballës do të pritej me protesta nën thirrjet Rama ik, me të shara dhe kapsolla.

Dhe veç kësaj, duket se Rama ka shtuar masat e sigurisë, pasi përveç eskortës që e shoqëron kudo, janë shtuar edhe disa mjete të policisë.

Ish-Kryeministri Berisha ka publikuar videon ku Rama pritet me protestë dhe në një postim në Facebook shkruan; shikoni si përzënë varrmihsin e pluralizmit!

Postimi i ish-Kryeministrit Berisha

Librazhdi i thyen turite Edvin Kristaq Krimit!
Miq, Librazhdi ja bene fora. Shikoni si perzene varrmihsin e pluralizmit! Ju lumte kryengritesve guximtare te Librazhdit!Rama Ik! Fitore!! sb

Eskorta e kryeministrit Edi Rama raportohet se ka aksidentuar një punonjës policie, ndërsa e ka hedhur në kanal.

Aktivisti i shoqërisë civile shkruan në rrjetet sociale se disa banorë të zonave periferike të Librazhdit janë organizuar në një protestë kundër Edi Ramës, duke kapur në befasi grupin e tij të shoqërimit.

Postimi i Aulon Kalaja

Me njoftojne tani nga Librazhdi se Kryeministri Rama i ka rene nga mali, pasi nje mase protestuesish qe kerkonin ikjen e tij, i kane bllokuar rrugen.

Nga disa banore te zonave periferike te Librazhdit mesohet se eskorta e Rames, e gjendur ne befasi, ka perplasur dhe ka hedhur ne kanal nje polic, nga shpejtesia me te cilen ka levizur.
I bej thirrje Policise se Shtetit, qe te zbardhe ngjarjen dhe te beje publik emrin e policit.

Një rast i paprecedentë i ka ndodhur një drejtuesi mjeti i cili është gjobitur nga Policia Rrugore në mungesë pasi sipas tyre kishte vënë syze optike gjatë drejtimit të automjetit.

Sigurisht që ky është një rast absurd pasi personi i quajtur, Kledis Duro me banim në Këlcyrë jo vetëm nuk mban syze optike, por gjoba i është vënë në mungesë, siç shkruhet në fletën e gjobës.

Në fakt kjo gjobë duket se më shumë është një hakmarrje politike, pasi Duro ka qenë pjesëmarrës në protestën e fundit të zhvilluar nga Opozita në Bulevardin Dëshmorët e Kombit.

Në profilin e tij në Facebook, Duro shkruan: “Kshu eshte kur del ne proteste dhe kush me njeh nuk mbaj syze optike! Dhe jo prezent ne mjet???? Per te trembur po ke gjeten???? Rama ik?”.

Në vazhdën e takimeve që ka zhvilluar sot Presidenti i Vendit ishte dhe takimi me Kryetarin e PDIU-së, Shpëtim Idrizi. Në përfundim të takimit Shpëtim Idrizi deklaroi:

“Është koha  dhe momenti që ata që e kanë në dorë t’i thërrasin arsyes. Momenti i rëndësishëm për demokracinë.

Kauza e opozitës janë zgjedhjet të lira dhe të ndershme

Kemi parë gjithë këto ditë çudira  të mëdha.

E kanë bërë KQZ si gjykatë.

Akti i Presidentit ka natyrë individuale, por e drejta e dekretimit të zgjedhjeve është e presidentit. Pluralizmi politik,  është ajo që shqipëria të bëjë zgjedhje të lira dhe të barabarta.

Është koha e përgjegjësisë politike, që forcat politike të bëjnë një pakt të madh.

Edi Rama duhet t’i thërrasë arsyes”.

Idrizi iu përgjigj edhe pyetjes së gazetarëve se, nëse ishte i gatshëm të ulej në një tryezë me Edi Ramën. “Kur bëhet fjalë për tryezë, çdo njeri që është kryetar partie duhet të jetë aty”, tha Idrizi.